أم بمستشفى الرس تربط مولودها بالحديد خوفا من فقدانه الرس


فوجئ زوار قسم الولادة بمستشفى الرس العام أول من أمس بوجود سلسلة حديدية بمعصم أحد المواليد موصولة بيد والدته. وعند سؤال والدة الطفل والتي سمحت لأحد الصحف بالتقاط الصورة، بينت أن "هذا الطفل أتى بعد طول انتظار ونظراً لكثرة ما نسمع ونقرأ من قصص اختطاف وفقدان مواليد داخل المستشفيات وآخرها حادثة المولودة عواطف التي اختفت من داخل مستشفى الرس في ظل ظروف غامضة أصبحت أخاف على طفلي الذي طال انتظاره فلم أجد وسيلة سوى ربط معصم يديه بسلسلة تنتهي بمعصم يدي وذلك حفاظاً على فلذة كبدي حتى خروجنا من المستشفى".


مع تحيات:!!هلالي الرس!!

الله يلوم اللي يلومه....

الي سمعنا عنه شي يشيب الراس عن اختطاف المواليد..

وللأسف... صار الموضوع عادي اننا نقرأ في الصحف عن اختطاف مولود او مولودين كل اسبوع

الله يلووم اللي يلومها المفروض تحطه بقفص وتقفل عليه عشان تستأمن عليه اكثر

الأم تتعب وتوولد وبالأخير يجون ناس عديمي احساس يختطفون الطفل

وبإحساسهم كأنهم سارقين لعبه مو طفل

وامن المستشفيات ماعندك احد وإلا ماحد تجرأ واختطف طفل

والله يحفظ جميع اطفال المسلمين وياحلالاة من يقضبني حدا هالسلاتيح عديمي الأحساس


مشكووور أخوي هلالي الرس .

امسك مجنونك لايجيك اجن منه)
ماتلام والله الاجودية
وقمر مشاء الله عليها ربي يحفضها ان شاء الله

الله يخليه لها ..

ماتنالم .. هذا ولدها .. حملته تسع شهور .. !! مهيب شويه .

أتمنا أن الولد أذا كبر يشوف الصوره .. ويعرف كيف أمه خايفه عليه ..

والمفروض نقيس هذا الشي على أمهاتنا ..


مشكور أخوي على الموضوع ..

الله يلوم اللي يلومها .. أنعدم عندنا الأمن في المستشفيات وصاروا الخاطفين يدخلون كأنهم داخلين سوق ياخذون اللي يبون
وما استبعد ان الخاطفين من نفس المستشفى

يامسؤووووووووووول

افتح عيونك وشوف وين وصلتنا !!!

حسبي الله على اللي كان السبب ..

الله يلوم اللي يلومها .
الله يلوم اللي يلومها .

والله ماتنلام هذي الأم نظرا لكثرة مانسمع من خطف المواليد بالمستشفيات..

اللهم أنعم علينا بالأمن والآمان..

ماتنلام والله بعد اللي صاير الحين بالمستشفيات







شكرا لك على الموضوع

والله ماتنلام يمكن تلتفت تاخذ من الطاوله شيء وترجع وجهها ماتلقها

مافيه شيء مستبعد

..

لا يـــــــوجـــــــد أمــــــــــــان



وقل الدين

الله يلوم اللي يلومها
هذا ظناها ما تأمن عليه
مشكوووور أخوي

الله يحفظه لها ويبارك لها فيه .........

والله كل شي صاير يخوف اعوذ بالله بس

مانقول إلا حسبي الله على كل من تساهل.......

والله ماتنلام والمفروض هالحركه الامهات يسوونها لمواليدهم

بدال ماينخطف هالمولود بكل بساطه وينحرق قلب الام عليه طول عمرها

مااقول الا حسبي الله عليهم اللي وصلونا لكذا بإهمالهم واستهتارهم