#1  
قديم 09/04/2008, 11:34 PM
الصورة الرمزية الخاصة بـ الهلالي 11
زعيــم مميــز
تاريخ التسجيل: 01/01/2002
المكان: Awaaaaaaay
مشاركات: 5,124
@@ إلـى كـل من تحدى ظروفه .. & .. الـبـرد والـمـطـر .. سـجـل دخـولـك ووقـع @@

السلام عليكم ورحمة الله وبركاته جميعا

الحمد لله جت على التعادل ... وحظوظنا ما زالت قائمة

ما فيه داعي تهاوشون ... الحين المطلوب بس الدعم ليوم الاحد
لان الاحد بتشوفون الهلال البطل وهو يحرج الاتحاد ...
الاتحاد خسر اليوم ... ودايما الهلال عقجته يضيع قدامه

بصراحة على وضع الجو اليوم الحمد لله ما صارت اخطاء ومشاكل

الاعبين كنهم متفقين على النتيجة ...

الهلال وده يطلع باقل مجهود ...

لانه سواء فاز او تعادل لازم يفوز على الاتحاد

نجوم اللقاء من وجهة نظري (( 5 )) :

1/ الأسد محمد الدعيع
2/ عبدالله الزوري
3/ ابراهيم حقوي

الرابع والخامس شخص واحد ...

العملاق تفاريس ... هو نفسه بس مرتين

مرة على مستواه ...
ومرة على الروح اللي يملكها ...

والله الاعب الوحيد اللي كان يهاوش ومرتفع ضغطه من المستوى الهزيل

فعلا والله انه وحش

حتى بين الشوطين يوم صفر الحكم فصخ فنيلته وبدا يهاوش بعض الاعببين ...

اخر شي قبعت معاه ورماها من القهر ... ورجع اخذها وطلع من الملعب


كل الاعبين اليوم باردين

حتى طارق بس استانست انه بارد عشان ما ياخذ كرت

لكن صدقوني من الجو كانو خايفين من اصابة ... ومسألة ان التعادل يكفيهم لعبت دور !!

ما رح اتكلم واجد عن المباراة ... اكيد كلكم في قصص طويلة بقلوبكم

لكن الحمد لله الامل بالدوري ما زال موجود وهو المطلوب


المهم بالموضوع ...

ابغى كل واحد من الاوفياء اللي حضرو للملعب اليوم ...

رغم كل الظروف ابتداء من الجو ... وانتهاء بتزامن اللقاء مع التشامبيونز ليق

يدخل هنا ويكتب اسمه ويوقع

فعلا اللي حضرو اليوم ما قصرو بس الاعبين خذلونا

لكن مشكلتهم تشجيعهم قبل المباراة حماس واقوى من وقت المباراة

كنت متوقع الحضور اقل من كذا لكن الحمد لله على كل حال ...

بس كل واحد يقول انه حضر ... يجيب لنا موقف صار ما نقلته شاشات التلفاز عشان نصدقه


انا ببدا واقول كم موقف وان شاء الله تعجبكم


1/ قبل المباراة فيه هندي كان شايل ورع صغير وكرشه برا الملعب

الظاهر انه كان بيقتحم الملعب والامن زلبوه وخلو الهندي يتصرف معه

طبعا هذا التحليل من عندي ... انا اللي شفته ان الهندي شايل الولد وطالع فيه برا


2/ بالتمارين قبل المباراة ... كانو الاعبين كل اثنين يدقدقون بالكوره ...

المهم كان الفريدي يمشي قدام التايب ..

وطارق يدف الكورة بين رجلين الفريدي وعطاه كبري بغى يطيحه

بعدين سلمو على بعض وهم يضحكون


3/ اثناء التدريب قبل المباراة ويوم جو الاعبين يدخلون للاستعداد للمباراة ...

تفاريس اخذ كورة وقبع امها بالباب ...

والكورة تجي ماشية مليون وتصقع بمدرب الحراس

المدرب سوى نفسه ان الكورة جت بمنطقة حساسة

بعدين ضحك وبدى يمشي عادي وراح


4/ من تتوقعون اكثر واحد الجمهور تحمس معه يوم مر !!


!! الــــبــــلــــطــــان !!

يوم مر من عند الجمهور بين الشوطين ...

انواع الصياح والتصفير ... انا لو مكانه اقدم استقالتي

وواحد من الشباب اللي جنبي يقول هذا العميل الكلب

حسيت اني بحرب

كان ودي ينزل ليلو بدري شوي والله سرعته تفيد !!
لكن ..!! حصل خير


ما ودي اطول عليكم ... انتظر ردودكم ومواقفكم اللي الكاميرا ما صادتها

تحياتي للجميع
اضافة رد مع اقتباس
  #2  
قديم 09/04/2008, 11:57 PM
زعيــم نشيــط
تاريخ التسجيل: 21/10/2005
مشاركات: 513
ترى اللي نزل السعود مهوب ليلو





وبعدين والله شكل المباراة خرااااااااافي والمطر نازل ونشوفهم مرشوشين وحنا مايجينا شي خخخخخخ
اضافة رد مع اقتباس
  #3  
قديم 10/04/2008, 12:04 AM
الصورة الرمزية الخاصة بـ الهلالي 11
زعيــم مميــز
تاريخ التسجيل: 01/01/2002
المكان: Awaaaaaaay
مشاركات: 5,124
مشكور على مرورك اخوي ...

انا ماقصدي انه هو اللي نزل اخر شي ...

انا قصدي كان المفروض على اوضاع مباراة اليوم ...

انه ينزل ليلو من اول ربع ساعة الشوط الثاني ...

موب قصدي انه هو اللي نزل اخر شي

وفعلا منظر المطر يوم ينزل بقوة والله خياااااااااااااااااااااااااال

تحياتي لك ... ولمرورك العطر
اضافة رد مع اقتباس
  #4  
قديم 10/04/2008, 12:20 AM
زعيــم مميــز
تاريخ التسجيل: 06/05/2005
المكان: الريـــــــاض
مشاركات: 5,459
هلا يالهلالي ..

أنا حظرت اليوم رغم البرد والمطر و الربو بعد

حضرت مباراة الشباب الماضية يوم لعج وبعدها جاني ربو أسبوع ..
لكني اليوم طلعت بعد للملعب ..

بس الجو الشوط الثاني خيالي ..
مع المطر اللي جا في الشوط الثاني خصوصا صرت أحس إني برى الرياض
اضافة رد مع اقتباس
  #5  
قديم 10/04/2008, 12:28 AM
زعيــم مميــز
تاريخ التسجيل: 01/05/2005
المكان: الرياض
مشاركات: 2,274
أنا حاضر المباراة و ضاق صدري عالفريدي المسكين .. و هو طالع .. لاعب صغير جدا و الجمهور ما يقدر ظروف المباراة .. أمطار و ضغط نفسي .. و الجمهور مع كل غلط يسب و يلعن ..
و ضاق صدري ان فيه من الجماهير من ما يدري وين ربي حاطه ..
الكورة مع الدعيع الدقيقة 44 الشوط الثاني يضيع وقت و هم يسبونه يقولون لا تضيع وقت .. يحسبون التعادل يخرج الهلال !!!!! والله غريب جدا .. عالعموم ما قصروا الشباب .. أولهم الزوري

الموقف اللي من جد مضحك علبة الموية .. اللي جت في البلطان !!!!! هههههه ما جت في اللي جمبه جت فيه هو رشته رش و هو مسوي رافع ثوبه عن المطر .. والله ضحكت من قلب .. و اللي رماها قناص ههههه دقيق في التصويب ما شاء الله ..
اضافة رد مع اقتباس
  #6  
قديم 10/04/2008, 12:37 AM
زعيــم متألــق
تاريخ التسجيل: 06/02/2007
مشاركات: 1,492


شباب من شاف الالعاب الناريه يوم بغت تصقع في مذيع الآرتي ..

أول ماجوا حياهم جمهور الهلال شوي ويرسلون عليهم ذيك الخضراء والله مدري وش اسمها ..

المهم انها طراطيع ..!!
اضافة رد مع اقتباس
  #7  
قديم 10/04/2008, 12:45 AM
زعيــم متواصــل
تاريخ التسجيل: 18/09/2007
مشاركات: 62
شي واحد ماعجبني بالهلال الجمهور يوم يصايحون على الفريدي وقت مامر من جهة الجمهور ليش تحبطون لاعب صغير بالعمر والمشكله اغلب الجمهور اللي حاضر صغار بالعمر ويصايحون عليه وهو اللي اليوم ماقصر وياسر ماسوى اي شي بالمباره يمر من عند الجمهور ويصفقون له طبعا كل هالكلام بعد التبديل اتمنى من الفريدي مايهتم للاطفال والناس اللي ماتدري وش الكوره وتصايح عليه
اضافة رد مع اقتباس
  #8  
قديم 10/04/2008, 12:54 AM
الصورة الرمزية الخاصة بـ abod_2100
زعيــم نشيــط
تاريخ التسجيل: 08/09/2006
المكان: الرباض
مشاركات: 561
يا الهي والله الجوو روووعه بس برررررررررررررررررررررررررررررررررررررررررررررد

اللله يعين بسسسسسسسسسس..
اضافة رد مع اقتباس
  #9  
قديم 10/04/2008, 12:55 AM
موقوف
تاريخ التسجيل: 06/10/2006
المكان: الريـ قصيميه ـاض
مشاركات: 5,823
إقتباس


3/ اثناء التدريب قبل المباراة ويوم جو الاعبين يدخلون للاستعداد للمباراة ...


تفاريس اخذ كورة وقبع امها بالباب ...


والكورة تجي ماشية مليون وتصقع بمدرب الحراس


المدرب سوى نفسه ان الكورة جت بمنطقة حساسة


بعدين ضحك وبدى يمشي عادي وراح

ترا فيه بنات في المنتدى هع خخخخـ

والمهم انا بسجل حضوري اني شفتها في البيت الله يخلف بسس

واما ياسر والتايب اليوم ما عجبووووني مادري شفيهم الصراحه ..! مو هاذا مستواهم ابددددن
اضافة رد مع اقتباس
  #10  
قديم 10/04/2008, 12:56 AM
زعيــم نشيــط
تاريخ التسجيل: 02/03/2007
مشاركات: 899
إقتباس
الرسالة الأصلية كتبت بواسطة TakeOff
شي واحد ماعجبني بالهلال الجمهور يوم يصايحون على الفريدي وقت مامر من جهة الجمهور ليش تحبطون لاعب صغير بالعمر والمشكله اغلب الجمهور اللي حاضر صغار بالعمر ويصايحون عليه وهو اللي اليوم ماقصر وياسر ماسوى اي شي بالمباره يمر من عند الجمهور ويصفقون له طبعا كل هالكلام بعد التبديل اتمنى من الفريدي مايهتم للاطفال والناس اللي ماتدري وش الكوره وتصايح عليه


اخوي والله ماصيحوا ولا شي ........بالعكس صفقوا له الجمهور بعدها الفريدي مسك يده وحطها على راسه تقديرا لهم.......
اضافة رد مع اقتباس
  #11  
قديم 10/04/2008, 01:09 AM
زعيــم متواصــل
تاريخ التسجيل: 18/09/2007
مشاركات: 62
إقتباس
الرسالة الأصلية كتبت بواسطة pr_fahad
اخوي والله ماصيحوا ولا شي ........بالعكس صفقوا له الجمهور بعدها الفريدي مسك يده وحطها على راسه تقديرا لهم.......


اقول كيف الحال وش اللي ماصيحوا اقول يمكن شايفني انا اللي كنت اصفق له خاف ربك وش االلي صفقوا له كانوا يصيحون عليه وهو يمشي وكانت هجمه للتمياط ووقف الفريدي واعطى الجمهور ظهره وتابع هجمة التمياط والجمهور يصايح على الفريدي حس انهم مافي امل يسكتون وكمل مشيه لاتألف كلام من عندك ووالله العظيم هذا اللي صار بالملعب
اضافة رد مع اقتباس
  #12  
قديم 10/04/2008, 01:09 AM
زعيــم متألــق
تاريخ التسجيل: 27/09/2007
المكان: الرياض ياملا الحر^_^,والغبار
مشاركات: 1,108





















أنـا تحطمـت بصراحـة نسبة 60% جاني أحباط من مستوى الهلال الليلة



يعني ضامنين الفوز ع الأتحــاد يوم انه يتعـادل؟؟؟؟؟؟



ما قول الا الله يصبرنا الى يوم الأحـد ويعينـا على هالأتحاااديين لا وعلى ارضهم بـ جدة



والله مايندري شباب جـدة ومــكة والطائــف بيحضروون ولا بيسحبووون




تكفووووووووووووووون ياشباب جدة ومكة والطايف همتـكم ووقفوا مع زعيمنـا





ترااااااااااااااااااااااااااااااااااااااااني مقههههههههههههههههههههور من هالأتحـاد








وعلى البررررركة المستوى المتدني للأتحــاد والهزيمـة أمام اسبهان الايراني



راح يدخل المباراة فكررة مشتت ومتحطم بإذن الله







تحياتي
اضافة رد مع اقتباس
  #13  
قديم 10/04/2008, 01:12 AM
زعيــم مميــز
تاريخ التسجيل: 28/08/2006
المكان: سديـر ديرهٌ آلخيـر ~~
مشاركات: 7,391
والله ياخوك فيه شيء عجبني اليوم وفيه شيء قهرني

الي عجبني البلطان يوم مر اوف اوف الله لايوريكم انواع صافرات الاستهجان

والتصفير وجت علبه مويه ماشيه مليون بغت تصقع رجله كان بينها وبين رجله اقل من متر ههههه

والي قهرني بصراحه الفريدي يوم جا بيطلع الجمهور قام يصفر ويسبه


ياناس الاعب صغير توه ببدايه مشواره ليش نحطمه

حسبي عليكم يالي قمتو تتكلمون وتسبون فيه

حسيت انه طاح وجهه خصوصا يوم جا بيدخل بعد التبديل

.........................................................

على فكره فيه واحد بجيح المصور حاط الكاميرا على الجمهور وهو حاط الليزر بنص الكاميرا هههههههههههههه

سلملم وبالتوفيق للهلال يوم الاحد
اضافة رد مع اقتباس
  #14  
قديم 10/04/2008, 01:15 AM
زعيــم نشيــط
تاريخ التسجيل: 17/07/2007
المكان: في قلب زيدان
مشاركات: 606
انا حضرت والاجواء الشوط الثاني حلووووووووه الله يخلي المظله
فيه لاعب من لاعبين الشباب في الشوط الثاني ورى المرمى ساحب على ام التمرين وقاعد يلعب مع واحد من اللي يلحقون كور
اضافة رد مع اقتباس
  #15  
قديم 10/04/2008, 01:22 AM
زعيــم نشيــط
تاريخ التسجيل: 02/03/2007
مشاركات: 899
يمكن الجهة اللي عندكم ماصفقوا........

بس الجهة اللي عندنا اخلاقيوم صفقنا حط يده على راسه........صحيح لعبه الايام الاخيرة يرفع الضغط بس ولو لابد نشجعه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:35 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube