26/03/2002, 09:37 AM
|
| زعيــم متواصــل | | تاريخ التسجيل: 02/10/2001 المكان: الرياض
مشاركات: 178
| |
|
هاذا مادار بيني وبين الكابتن
هذا مادار بيني وبين الكابتن
الموعد الاثنين
الوقت: 9:30
جرس الباب
صالح: السلام عليكم ورحمة الله وبركاته
انا: هلا والله ببوفهد زارتنا البركه وين مضيع
صالح: وش دعوه مريت من عند البيت وشفت سيارتك قلت خلني اسلم
انا: هلا والله تفضل تفضل كيفك وش اخبارك وكيف امورك
صالح: والله الامور ابشرك باحسن حال ولله الحمد
انا: وش ذاالهلال يابو فهد الوضع شكله دماااار الظاهر لااسيا ولا دوري
صالح: وش ذا التشاؤم خل املك بالله ثم برجال الزعيم لعيبت المنتخب موجودين
ابشر بالخير وانشاء الله بيبيضون الوجه وراح تقول صالح قالي
انا: الا على فكره ياصالح وش هالتصريح الى في الجزيره
صالح: ليه خير وش فيه عسى ماشطيت والا قلت كلام يضيق الصدر
انا: انت لك في الانتر نت
صالح: لا والله للأسف ماعندي جهاز كمبيوتر واصلاً ماني فاضي خلقه للكمبيوتر
انا: طيب وش رايك نفتح الانترنت وندخل على سايت الزعيم وتشوف العجب
صالح: الله يرحم ابوك تكفى خلني اشوف هالجمهور وش يقول
انا: اوكي بس تراك بتتفاجأ
صالح: مقبول ماجى من جمهوري العزيز
انا: شكلك يابو فهد بتغير رايك فيهم ؟
صالح: لاتكثر هرج وتوكل على الله
انا: هاه وشرايك يابوفهد هاذا السايت وهؤلاء هم الاعضاء المسجلين في المنتدى
هناك كتاب من افضل الكتاب في هذا المنتدي
صالح: قلي من هم الافضل وهل لهم مقالات متميزه
انا: والله يابوفهد هم كثيرين ومنهم فلان وفلان وفلان وفلان
صالح: لحظه لحظه هاذا تصريحي في المنتدي ادخل عليه خلني اشوف الردود
انا: توكلنا على الله لحظة ترقب ابوفهد يقرأ الردود انا متنرفز وهو بارد جداً
هاه وش رايك بالردود شكلها ضيقت صدرك
صالح: لا يحبيبي بالعكس الغالبيه مؤيده بعدين هؤلاء هم جمهور الزعيم الجمهور
الى وقف معي واشهرني وحبني ايام ماكنت لاعب ياما زعلنا سوى وفرحنا سوى
تبيني اتظايق منهم بعد كل هالعمر الظاهر انك ماتعرف جمهور الزعيم هاذا الجمهور
مايرضى الابالانتصارات بالبطولات بالذهب وصدقني يحقلهم يقولون الى يبون لاتلومهم
فريقنا ذا اليومين ماش ماادري وش صايبهم شكلها عين ماصلت على النبي.
انا: كل هذا وتدافع عنهم
صالح: ايه ادافع عنهم لولا هؤلاء لما صار لصالح النعيمه اسم وصدقني لو مايحبوني
ماشفت كل هالردود وكل هالقراء انا اكن لهم كل تقدير واحترام وانشاء الله ابارك لهم
يوم الخميس بالتأهل للمباراة النهائيه ومن ثم ابارك لهم بالكأس انشاء الله
قل امين
انا: انشاء الله بس شكلهم معصبين عليك يقولون ليش تتكلم في الهلا والمصيبيح
صالح: اسمعني زين الهلال ليس حكراً لاحد ومتى ماشفنا الزعيم في وضع يحسد عليه
سنقف معه وسنواجه وندافع اجل تبينا نترك فريقنا يسرح ويمرح فيه من يريد
لا ياحبيبي نحن نعشق الزعيم تبيني اعرفك من هو الزعيم
انا: لايبو فهد مايحتاج تعريف الزعيم يسير في دمائنا وسنظل نعشق الزعيم
ماحيينا بس وش رايك في المصيبيح.
صالح : تدري وش المشكله فيه المشكله هي عدم فهم القارءى لمايكتب احياناً
انا: كيف
صالح: يااخي انا لم اتطرق لاقالة المصيبيح انا قلت كثر الكلام على فهد وكثر
منتقدينه قلت ان لم تأتي بأدله تثبت براءتك مما قيل فأعلن استقالتك
حفاظاً على تاريخك المرصع بحب الناس لاغير. اووووه شكلي تأخرت يالله تصبح على خير
انا: وين تونا فيه اشياء كثيره ودي انك تطلع عليها
صالح: وين الوقت تأخر خلها وقت ثاني اوعدك اني اطلع على كل ماكتب عن الزعيم
وعني بس في وقت غير هالوقت الله يخليك
انا: توعدني
صالح: اوعدك يالله تصبح على خير
انا: وانت من اهله.
وماذا بعد عشاق الزعيم ؟؟؟؟
لنا لقاء قريب انشاء الله |
الوضع العادي
