إقتباس الرسالة الأصلية كتبت بواسطة ناصر بن نايف دائما مبدع ولك نكهتك الخاصه في طرحك أخ ( مغــاط ) . . . بالفعل في هذه المرحله نحتاج لإعداد اللاعبين نفسيا فليس بيننا وبين الذهب سوا ( شباب ) و ( اتحاد )

تحياتي لك ولمرورك أخوي ناصر ..
والله النكهة في ذائقتك .. وفي طريقة قرائتك للموضوع ..
وأؤيد كلامك لأن المستوى الفني في هالفترة .. يأتي كمرحلة ثانية بعد "التجهيز النفسي"
لأن الحسم !! هو " روح " فقط !!
جرأة !! وقتالية !! وتوكل !!
الله يعدي (هالشباب)و(الاتحاد) على خير !!
المبااراة ليست بالسهولة المتوقعة !! لكن "زعمائنا قدها وقدود" !!

إقتباس يقول "فرويد" : الفصام ضعف الذات !! و "مغاط" يشبـّه : (المصابين بالقزمنة النفسية ) إنهم مثل (أبو جعل ) !! عرفتوه ؟! لأن (الجعل أو أبو جعل ) يطير بشكل (غبي) وبدون (هدف) !! قد شفتوه ( موقـّع صح ؟!) من عرفنا (الجعل) وهو يدربي (.......) و إذا طار .. اتجه لم أقرب جدار .. وصدمه وطاح على الأرض مرة ثانية !!

هههههههههههههه
والله جبتها ياسلام عليك اخوي مغاط
كلام في الصميم
واتمنى من الادارة ان تطبق هذا الشي
خصوصا في الفتره الحالية
تترك كل شي خلفها وتركز في المباريتين الجاية
وربي ينصر الزعيم
وتسلم يديك يامبدع بكل حالاتك

إقتباس الرسالة الأصلية كتبت بواسطة سم سم هلالي أهلا مغاط .. لكن ياليت تكتب بلغة مفهومة للجمييييييع .. لان الاغلبية لا يفهم بعض كلامك مثل الجعل وتسان وووو ياليت الكاتب اللي بيكتب يدري انه بيكتب لشريحة عريضة من الناس .. حتى وان ما ردوا فيه كثير يقرون ويمشون .. لكن المهم ان نكتب مادة دسمة ومتميزة ومفهووووووووووووومة للجميع .. بين قوسين (فكونا من لهجات المناطق) يعطيك العافية اخوي مغاط ولك كل التحية ,,

ههههههه هلابك أخوي
يا أخي عندك في الشبكة أكثر من 319 ألف عضو !!
منتب مجبور علي وأنا أخوك ..
ابعطيك أمثلة.. وأنت وضميرك :

الحين وراك تنبسط إذا سمعت لبنانية تقول : ( تؤبرني) !!
وراك تحس إنك قوي إذا قالت لك سورية : ( يبعت لك حمّى ما أزرفك ) !!
ورانا أربع وعشرين ساعة متجمعين حول المسلسلات المصرية و يقولون : ( أوعى !! يعني " وخّر مناك " + "عفارم عليك" يعني "تعجبني ")
و دايم متربعين ونحتري التمثلية البدوية تجي وهم نص كلامهم: (شوهاض) و(هيتش لعاد) !!

يعني كل هذولي عادي !! وكلمة ( جعل ) مضيقة صدرك !!

و(جعل) شفني شارحها لك في ردي على القحماني !!
و كلمة ( تسان ) أمممم أسمع .. أجيبها لك من الاخر والله مالك ومال مواضيعي تسانك ما تدري وش معنى (تسان)
وعلى العموم : ( تسان ) هي أنثى الضفدع !!
تحياتي لك ويشرفني مرورك يا حبيبّي ..

من كثر ماشدني الموضوع قريته كاملا


ياخي كلام واقعي من انسان فاهم الله يعطيك العافية


وهذا اللي مطلوووب من الادارة الهلالية الحين

إقتباس الرسالة الأصلية كتبت بواسطة theblues والله هذا ابلغ وصف نوصفهم به والعلاج ممتاز في طريقه التعامل معاهم.. ويستاهلون ماجاهم بس انشاء الله يتعلمون ..

هلابك يا بعدي ..
فعلا المفروض ما نوصفهم إلا بما "يليق بـ مخرجاتهم التي نراها" !!
وصدقني عندنا من الكلام الرفيع !! والوصف "الراقي" الشيء الكثير !!
لكن والله العظيم " حرام " !! لأنهم ما يستاهلونه أبد !!
لكن فيه فئة منهم " وذكرتها بآخر الموضوع" تقل درجة هالمرض عندها !!
لذلك "إمكانية علاجهم غير ميؤوس منها " !! بعكس النوع الأول !!
تحياتي لك ..ومشكور على هالمرور ..

هههههههههههههههههههههههههه
حلوة الاقزام
ان شاء الله الجاي احلى
على الطاري مبروووووووووووووووك وسام افضل عضو في مارس 00

احسنت واجدت في توضيح الأعراض ومسببات هذا المرض اللعين (( القزمنة النفسية)) ونوعية هؤلاء المتقزمنين وعلى من يتقزمنون ... واحسنت في وصف العلاج المباشر والذي يعتبر هو ( الكورتيزون) لمن هو متقزمن

ولعلي هنا أشير انه لابد من وجود اخصائي نفسي مرافق للفريق .. كون الزعيم بلغ ما بلغ من البطولات ( اللهم لا حسد) وكون وجود هذا الأخصائي مفيد من ناحية تهيئة الفريق للعديد من المقابلات...

إقتباس الرسالة الأصلية كتبت بواسطة العاقل المفتون لانه الهلال مكانه في السماء فقط فمن يريد رؤيته رفع رأسه..فكيف بمن يريد محاربته..!! " كل ناجح محارب" وماوفقنا الا بتوفيق الله ثم بنتائج كيدهم... كلما حاولوا اسقاط الزعيم ازداد هيبة ورفعة ليلقنهم درسا وليعلمهم معنى الزعامة.. مغاط شكرا من القلب على طرحك الرائع وايضاح الحقائق باسلوب فكاهي ممتع..

إضافة " مسكـّتة" !! واستشهادات في محلها !!
عمرك شفت أحد يحاول " يقضّ" جبل ؟!
الهلال يجتمع حوله مخلصين والله لو يدفعون ملايين " ما قدروا يجمّعون مثلهم"!!
ويالله لك الحمد والشكر !!
وهذا سر تميّز الزعيم !!
وهو زعيهم موب عشان بطولاته بس !!
لا !!
بطريقة تعامله !! بدعمه للوطن !! بمبادراته !! بذكاء اللي حوله !! بإخلاصهم !! بإلتفافهم !!
بتميزه في كل شيء !!
وهالشيء يضايقهم كثير !! فردة الفعل اللي تشوفها " محاولة تشويش" تفس محاولات"طيران الجعل " اللي أنا قلت لك !! لأنه بيدي إنه ما انخلق للطيران !! ويرجع للقيام بوظيفته الطبيعية !!
تحياتي لك أخوي العاقل المفتون على هالمرور المشرّف ..

مشكووووووووووووووووووووووووووووووووووووووووووووووووووووووووووور

إقتباس الرسالة الأصلية كتبت بواسطة القناصــ 20 هع هع هع هع هع هع والله صدقت والله يعطيك العافيه على الموضوع

&

إقتباس الرسالة الأصلية كتبت بواسطة GENTLMAN-ALZAEM ابدااااااااااااااااااااااااااع في ابداااااااااااااااااااااااااااااااااع مشكووووووووووووور اخوي مغاااااااااااااااااااااااااااااط

هلا بجنتل مان .. وهلا بالقناص ..
منورّين .. والابداع بحضوركم وتواجدكم ..
وليه الشكر؟؟
واجب أي واحد يقدر يدافع عن الزعيم
سواءا : بفكره <-- جمع فكر .. موب جمع أفكار !!
أو بقلمه !!
أو باستحضار التاريخ !!
أو نقض تحريفاتهم !!
أو الدعاء لهم !!
أو إيقاف بعض المتطاولين عند حدّهم !!
أنا أشوفه " دور من أدوار أي منتمي لهالكيان العظيم " !!
وراح نعاملهم معاملة " جمركية عالمية " !!
فهناك اتفاقيات بين " جمارك العالم .. " بأن تكون (المعاملة بالمثل) !!
و أنا بدوري ( أوقّع معهم لأن بعض كلامهم وتصرفاتهم .. " اعتبرها بضائع" فاسدة ) !!
فلن أسمح بمروره للأراضي الهلالية !!
ألف شكر لكما ..

إقتباس الرسالة الأصلية كتبت بواسطة محمد بن فـ@ـد آسأل الله العزيز القدير أن يشفي هؤلاء مرضى مرض المزمنة النفسيه يجب على الكيان الهلالي من آداريين ومدربين ولاعبيين من آكبر مسؤؤل الى أصغر مشجع هلالي أن نركز حاليـاً على المنعطف الخطير والآخير في الدوري والتركيز على مباراة الشباب وكيف نحصل على نقاط المباراة وبعدها نركز على لقاء الحسم في جده مع الاتحاد ويجب علينا أن لا ننظر في الأسفل لمرضى هذا المرض الخبيث وفي الأخير آقول اذا آحد ركلك من الخلف فـ أعلم أنك في المقدمه شكراً عزيزي مغاط ..

أوافقك الرأي .. وفعلا " التركيز " ( من الإدارة ) أهم من الرّد على هالـ"مرضى" !!

والجمهور عارف دوره صح !!

وبكرة ( راح تشوف تواجدهم المشّرف) بحيل الله وقوته !!

وفعلا لأن هالمرض " معدي" !! ويسبّب "ضيقة صدر" وحومة تسبد !! خصوصا للي يسمعون " من هالأقزام دايم " .. لذلك يجب الابتعاد عنهم قدر المستطاع !!

تحياتي لك ( ولردّك الرائع ) أخوي محمد !!

إقتباس الرسالة الأصلية كتبت بواسطة AL_FAISA ALHILALY يازينــك وزين طلتــك يامغــــــــاط.. لنا أهدافنا الواضحة والمحددة : - تهيئة اللاعبين نفسيا ً بإخراجهم من "جو" التوتر السائد .. في الوسط الرياضي هذه الفترة !! ومحاولة " امتصاص الشحن النفسي" المتراكم من "ضغط المباريات " وصعوبة اللقاءات القادمة !! - تقديم مستوى متميّز في لقاء الشباب القادم .. بعيد كل البعد عن " الشد العصبي " .. وعدم التركيز !! نريد " نفسيات هادئة متوازنة كالماء" بعيدة عن التشويش !! وملاحقة ما يكتب وما يثار وما يقال !! لنذهب لجدة بـ " عزم وظروف مختلفة تماما" وبروح متجددة .. تجلب لنا الذهب بحول الله وقوته !! ------------------- هذا المهـــــم في الوقــــــت الحالـــــــــي.. نحط جل تركيزنا بالفريق ونحاول تهيئتم نفسياً بالشكل المطلوب.. لأن أمامنا مواجهة قوووووووووووووية ..ويليها النهائي بإذن الله.. وبعدها نعرف كيف نرد عليهم بالذهـــــــــــــــــب.. اعتذر بقوة عن الإطالة ..<<-- يقولها وهو مستحي :$ ياخي بصراحة من دون مجاملة.. طرح من أطروحاتك يامغـــــــاط..يكفيني طول اليوم.. لاتحرمنا من ابداعــــــــــك يالغــــــــلا وبالتووووووووووووفيق للزعيـــــم

الله يسّلمك أخوي فيصل على هالمشاركة " المتميزة" !!
أنا أشوف التهيئة النفسية - بمفهومي المتواضع -
هي عملية يبي لها ( فن ) !!
فليس بالضرورة أن تكون ( مادية بحته ) !!
لأن بعض اللعيبة " ليس محفّز أول بالنسبة له " !!
اشعاره ( بأهميته ) وتجديد الثقة فيه ( هو أولى المحفزات) !!
وتختلف المحفزات من لاعب لآخر ( لكن الذهب ) و ( الإنجاز ) محفّز (مشترك) !!
ونقطة ( ستجلب معها جميع المحفزات الأخرى) !!

ويبقى في هذه المرحلة ( تغيير الأجواء المتوترة ) !! وإخراجهم من (الجو المضطرب) !! والمنافسات !! والتصادمات !! ( وامتصاص حدة التوتر ) !!
وتهئتهم لتقبل ( قرارات الحكم ) !!
لأن هناك مجموعة كبيرة لو تم منحها البطاقة الصفراء سنخسرهم في "مباراة الاتحاد " !!

وتهيئتهم لتقبل ( نرفزات الخصم ) !!
ولتقبل ( الانتقادات فيما بينهم ) !!
ولتقبل ( توجيهات المدرب) !!

وبإذن الله الإدارة على ( اطلاّع) بهذا الشأن !!

لانملك إلا ( الدعوات ) لزعمائنا !!

إقتباس الرسالة الأصلية كتبت بواسطة جـــــدل موضوع رائع وساخر حد الفانتازيا .. بصراحه اتمنى أن نجد مواضيع بهذا الأسلوب لأنه الأسرع وصولاً وانتشارا لمن يهمه أمرنا بعكس بعض مواضيع أشهر الاعضاء هنا كلها مواضيع تكتب بصيغه أدبية يصعب على المتلقي فهمها ولا تصل بالسرعه المطلوبه .. أخي مغاط أبدعت وهنيئاً لنا بأمثالك .. لك تحياتي أبو طيف

هلا بأهل سكاكا كلهم ..
تحياتي لك ولتعقيبك .. ولاستمتاعك بهالنوعية من الطرح ..
حاولت قدر المستطاع إنيّ (أفصّل لهم بجامة) على " قدّهم" !!
وبنفس الوقت " أخاطب إدارتنا ولعيبتنا" اللي يعنون لنا كل شيء !!
لأن الموازنة مطلوبة !!
وتضافر الجهود (فرض عين) !!
هالفترة تعني لنا ( أشياء كثيرة ) !!
والأدوار يجب إنها ما "تتشربك" !!
فهم في " تركيزهم مع اللعيبة" كيفية إنها الـ 90 دقيقة كشوط أول !!
ولتكملة المشوار ولعب الشوط الثاني .. بنشوة أكبر !!
وحنا علينا هـ(الخمام) .. !!
تحياتي لك من هنا إلى ( قاره) ؟ أو منت بقاره ..
منورني يا بعدي ..

الأخ الفاضل ’’مغاط’’ انت رائع وتناولك للموضوع اروع ..

وانا بعد ابتكرت هالمثل للإستعمال الهلالي فقط :

(كل ناجح عليه من الحساد نابح)