07/04/2008, 03:56 AM
|
| الكاتب الساخر | | تاريخ التسجيل: 19/06/2006 المكان: Najd
مشاركات: 1,022
| |
كما اقترح على الإدارة .. يفحزّون منتدى "الاستفسارات" شوي !! ويوخرّون منتدى " المميزة" على جنب !! ويصفونا على شكل " طوابير" .. ويجون يقرون (القـَسم الهلالي) !! وحنا ما فيه إلا قوة " ترديد" !! أقسم بالله العظيم .. على كتابه الكريم .. أن أكون مخلصا للزعيم ................ <<-- يا شين اللي ما يعرف يقترح !!
-------- موضوعك في " الصميم " وحلو هالوعي اللي أشوفه بـ "قلمك" .. تحياتي لك بقوة !! المشكلة وأنا أخوك .. القضاء على هالنوعية .. يبي له متابعة !! وجهد .. ولا راح تطلع بنتيجة !! والشيء اللي أنادي به دائما !! أن الواحد " تكون له وجهة نظر خاصة فيه " !! يا أخي "بعض النظر أنت تقـّدر الكاتب الفلاني !! وإلا مالك خلقه !! .. " قل رأيك بكل حيادية !! وخل اللي (يبربر) يبربر !! واللي (يخربط) يخربط !! ما عليك من أحد !! لكن ما يحوّم تسبدي كثر قولة : ( أي والله إنك صادز يا أبو فلان ) !! - أوكي ما عليش بعض الردود تجربنا نتوافق معها - لكن " فيه عينة من الأعضاء " ماله رأي أبد !! يخاف إذا قال رأيه " ينطون في حلزده الأعضاء " !! فهالعضو .. سهل يمررّون (المندسين) أفكارهم عليه !! لأنهم يبي يلقون عضو ( ما غير يهز ّ رأسه ) !! يعني ماله أي دور .. هالعضو يذكرني بـ (الشطرطونات اللي على شكل حرف X ) اللي كنا نحطهن على الدرايش !! يوم حرب الكويت .. بزعمنا إذا أرسل "صدام كيماوي" أن هالشطرطونات راح تمنعه !! فـ بما أن هالشطرطونات مالها أي سنع !! إذن هالعضو برضو ماله أي سنع !! لأن وجوده مثل عدمه !! فاللي وده (يصير شطرطون درايش  ) بكيفه !! واللي وده يصير ( آدمي ) و (زعيم ) !! يشارك بفكره !! و وجهة نظره !! ويخالف !! ويجددّ !! وينتقد !! ويبتعد عن " تمجيد الأشخاص" !! وموب معنى " فلان كتب " خلاص !! هو اللي " ما بعده ولا قبله " !! يا كثر الأعضاء المميزين !! اللي يحوقون أبوها بزعمهم " فاهمين " !! وحنا خذ تصفيق !! وخذ ترييش !! و عظمة على عظمة يا ست !! ومشكلة الأعضاء يا حبيبّي ما تقدر " تسيطر عليهم " .. لأكثر من سبب !! والعقليات تختلف والتوجهات تختلف !! وبالأخير : لا يصح إلا الصحيح !! والصوت اللي " يتوافق مع العقل " .. هو اللي راح " يكون الأعلى في هالمنتدى " !! و نبي ندس في إثم المندسين تراب ..<<-- يا شينه إذا تحمّس !! |
الوضع العادي
