[c]
حنا ياالسعوديين.........

للاسف هذا هو واقعنا

حنا السعوديين أكثر شعب في العالم يمتلك بترول

وحنا اللي تبرعنا لأغلب دول العالم

وحنا اللي إكتفينا من القمح وصدرناه للعالم

وحنا اللي أخذنا كأس أسيا ثلاث مرات

ووصلنا لكاس العالم ثلاث مرات

وحنا اللي هزمنا العراق في حرب الخليج

وحنا اللي فجرنا مركز التجارة والبنتاجون

حنا السعوديين أول من طلع الفضاء من العرب

وحنا أكثر شعب في الشرق ا لأوسط عنده ستالايت

وحنا اللي نمتلك قناة mbc وقناة art...

وحنا أكثر من يتصل علىالقنوات الفضائية ونلعب مع المذيعات الحلوات ونمزح معاهم

حنا اللي أرسلنا أكثر المجاهدين لأفغانستان والبوسنة والشيشان

وحنا أكثر شعب يصيف في المغرب ولبنان ولندن

وحنا اللي ماأحد يغار على الدين مثلنا ، رغم إن أغلبنا مايصلي كل الفروض

وحنا اللي مافي شعب يضايق الكفار مثلنا ، والتكفير عندنا مثل شرب الماء وألذ من العسل .

حنا السعوديين مافي أطيب وأكرم مننا

حنا اللي نرمي نصف أكلنا في الزبالة من زود الكرم

وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة

وحنا اللي عندنا مدينة جدة رابع أكبر مدينة تلوث في العالم

وحنا اللي قضينا على الحياة البرية في السعودية من كثرالصيد والقنص، ثم رحنا على مصر والسودان نقضي على الباقي .

حنا أكثر من يطارد بنات العالم في الخارج

وحنا أكثر ناس في العالم ننفق على السياحة

وحنا اللي تبكي وتتحسف علينا بانكوك وبتايا وكازا من بعدها عنا

حنا أكثر شعب في العالم عنده عمالة أجنبية ، وأكثر الأشياء اللي نستخدمها من صنع غيرنا

ومانرضى نشتغل في المطاعم والمطابخ والمخابز والمغاسل ، لأننا نشوفها أقل من مستوانا

حنا اللي نحافظ على تقاليدنا حتى لو كانت غلط

وحنا اللي مانشوف أحسن من قبايلنا ، ونشوف الأجانب أقل مننا

حنا اللي نشوف البنت مخلوق ناقص ومالها رأي ، ماهي مسؤولة عن نفسها ، لكن مسؤولة عن أفعالها ، ماتأكل في العزايم إلا من بقايا أكلنا ، محجوزة عندنا في البيت مثل الغنم ، ماتطلع إلا لزيارة الجارة أو للعمل ، حتى زاد عليها الهم والغم ، وحتى صارت في الوزن مثل الجمل ، وبعد هذا نمنعها من ممارسة الرياضة لأن الرياضة بس للولد ..!!

حنا اللي البنت عندنا ماتكشف حجابها لنا وتكشفه للأجنبي

وحنا اللي نمنع البنت في المدينة من السواقه لأنها فتنة حتى لو كانت قبيحة وغير مغرية ، ونتركها تركب السيارة لوحدها مع السواق الأجنبي ، رغم إن بنات البدو يسوقون السيارة في الصحراء من زمن ، من دون خوف ولا وجل ، ومن دون إعتراض الأهل

حنا أول من إبتكر مطاردة البنات في الشوارع بالسيارات، وإذا شفنا بنت راكبة السيارة مع سواقها تجمعنا بسياراتنا حولها مثل الغنم ، نبغى منها كلمة حتى لو تتفل في وجيهنا أو ترمينا بحجر

حنا اللي عندنا أغلى المهور في العالم ، ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .

مع كل هذا الي عندنا، حنا أكثر شعب ينتقد

رغم الحقيقة والألم ..

حنا السعوديين من أحسن المسلمين والعرب..

ورغم كل الحاسدين.. حنا السعوديين مافي مثلنا .. ولنا الفخر ..

*موضوع منقول بتصرف*
[/c]:sad: حنا ياالسعوديين.........

مكرر.