#1  
قديم 05/04/2008, 12:15 AM
زعيــم فعــال
تاريخ التسجيل: 26/12/2007
مشاركات: 322
Lightbulb @@بهدوء وصراحة.. واقع الهلال الآن..تفاصيل كل لاعب.. نحقق الدوري فقط إذا..@@

السلام عليكم

كيفكم يازعماء .... أنا أبغى أتكلم بصراااااااااااحة عن حبيبي الزعيم

الحمد لله إنها انتهت بالتعادل..... المباراة شهدت دقائق شمينا فيها ريحة الشوط الثاني من نهائي العام الماضي ... الدفاع يتصادمون ... الوسط يتفرج ... إلا عزيز حبيب قلبي... الهجوم ما يوصله كور...
فريق بلا هويه ...
راح أوجه كلمات أعتبرها نقد وليس تجريح للاعبي الزعيم :

أي خط في الفريق يحتاج لاعب أو اثنين يشيلونه .. ثقه ومهارة وخبرة.. الدفاع اليوم لم يحدث فيه هذا الشيء..وصارت المشكلة
وخلونا نبدأ بالأسوا حسب الترتيب

1.العنقري.. بكل صراحة قمة الأخلاق .. لكن فيه عيب واحد أنه لا يجيد لعب كرة القدم.. ولا أبي أزود على أنه( ثقة معدومة+سوء تمرير+أشهر ممر ريوس+بطء+خوف+ضعف تغطية+لا يعرف معني الأوفر+لا يجيد قطع الكرة = وش بقى)
2.الهليل مجتهد لكنه بطيء جيدا وثقته ضعيفه ومايعرف يقطع الكورة صح..
3.المرشدي أفضل سناترة الهلال السعوديين لكنه يحتاج تركيز لكنه يحتاج أحد معاه أفضل منه لكي يوجهه وينبهه وتراه منقطع بعد تقريبا 10 مباريات متتالية وهذا يبأثر عليه..
4.الزوري مبدع ويكفي أنها أول مباراة بعد العودة...

ملخص الدفاع (اثنين ضعاف جدا = دفاع مفتوح أو شوارع بالعامية)

نروح خط الوسط وراح أبدأ بالأسوأ:

1. الشلهوب: تصدقون أنه ماقطع كورة طوال لعبه اليوم وكثر من التفرج.. لا أحد يقول ظروف .. اللاعب وافق يرجع ولذا يتحمل موافقته.. بعدين ترى هذي وظيفته.. يعني تخيل أنا اليوم ضايق صدري أدق على الدوام أقول ما أبغى أداوم عندي ظروف نفسية... وهذي حال الدنيا .. لازم صبر.. وليته تعلم من النعيمة توفى والده ولعب بعدها بوقت قصير... وقال هذا واجبي وهذي سنة الحياة...
مستوى الشلهوب في قمة التدهور ولا تعليق.. إذا كان ما يبي يلعب ترى فيه أفضل منه ... يرتاح ويريح.. ترى فيه لاعبين يحترقون على الدكة.. يبي يلعبون.. الكلثم ، الدوسري، مؤشر وغيرهم .
2. عمر الغامدي واللي مشكلته باختصار أنه حسب المزاج ... وإلا إذا حضر بمستواه فلا كلام عليه..
3.فهد المبارك ... لاعب أثبت أن قدرته لا تتجاوز آخر الشوط ينزل .. دايم يطالع تحت ولا يجيد التمريرات الطويله .. ويتفلسف كثير...
4. طارق التايب.. لا كلام عليه سوى ترك العصبية والاستعراض الزائد.. ويحتاج الجماعية والجدية أكبر حتى الكورنر مباشرة للمرمى.. أبو نادين ترى فيه غيرك ... وعشمنا فيك كثير...
5. خالد عزيز.. أنت مبدع .. واصل الله يقويك..

خط الهجوم:
سلطان السعود: كثر خيرك وأنت لاعب قبل أمس.. لكن كثر من التدريبات وحاول تركز...ولا تستعجل

البدلاء:
الفريدي: أعطي أكبر من حجمه ولا أقول أنه وصل الغرور ولا اتمنى ذلك لكنه بدأ يطرق بابه بالثقة التي تكون فوق ما يملك ...تراك في الزعيم ... اليوم نجم ... وبكرا إلى الطائي أو الحزم...(تذكر مازن الفرج اللي قالوا عنه عبادي الهذلول) أمس يرحبون فيك الجمهور واليوم ضدك...خل عنك التصاريح ترى الثنيان اعتزل ما سمعنا له حس .. مو يومين وصورتك ولقاءاتك بكل الجرايد لا والمجلات بعد..يحتاج إلى الجدية وإعطاء الكرة ما تستحق والحماس وبهذي دع تفاريس يعلمك... وما أبغى أقسى أكثر ... لكن زي ما تمدح تنقد..
الخثران: لا تلومونه يلعب بكل فريق أولمبي وأول وبكل خانة وبأي وقت .. كثر خيرك .. وركز أكثر ولا تلف رقبتك كثير..
العنبر: تكفى بلغ الفريدي عن قصتك قبل سنتين يوم كنت يقال عنك أفضل من رونالدينهو.... من عقبها عرف رونالدينهو بالموضوع وانصدم ونزل مستواه .. الله يسامحك... طبعا مو أنت السبب.. الإدارة والمدرب تحول لاعب كان في قمة الحضور والاهتمام الى التهميش.. تشوفه اليوم ما تصدق... تكفى عد لمستواك وإذا ما قدرت عد لبيتك أريح لنا وعشان نحتفظ بشيء عنك حلو....
بالنسبة للدعيع فيعجز الكلام عن شكره وياسر وتيفا الغائبين نقول لهم فقط ترى أملنا بعد الله بكم ... وما تحتاجون توصية..
باختصار الفريق يحتاج تركيز أكثر وأكثر وبإمكاننا الفوز بالدوري لأن الإتحاد أضعف بكثير من الشباب وراح يتأثر بالتوقف .. دايم هذا عيب الإتحاد..

الإدارة : مانبي تصاريح ، والبلطان صادق مالكم شغل إلا بفريقكم... هذا قدر الزعيم "الفوز عليه بطولة.. نعم بطولة,,, راح يصبح الفوز عليه حديث الإعلام وشاغل الناس يعني بطولة بدون كأس..."
انتبهوا للفريق وأبعدوا الضغوط عنهم فقط....

المدرب: رائع والله يفكك من عبدالهادي اللي يقال إنه يبحث عن بيته وطريقها يبيوصي رجال المرور يحجزونه وإلايورطونه بمخالفة... عشان يتنرفز ... انتبه ياكوزمين.. ترى قانون العمل في كرتنا "لا أسمع لا أرى لا أتكلم إذا كان الموضوع يخص اتحاد الكرة ولجنة سكرتير اتحاد جدة البلوي ..عفوا اتحا الكرة السعودية(لكن اسمه الفعلي اتحاد اللجان ضد الهلال: هذا معناها بأجندتهم)..

وللجماهير أقول : فيه أمل بالبطولة ولكن نحتاج وقفة كل الهلاليين مع زعيمهم زي ما هي وقفة كل الفرق السعودية وجماهيرها ضد الهلال...


وفي النهاية كلامي ونقدي للاعبي الهلال نابع والله من حب الزعيم وليس كلام عاطفي ...وأنا ضاق صدري اليوم لأنه ذكرني بنهائي العام ..وأتمنى الفائدة منه فقط..

أتمنى تفاعل إيجابي..

الله يوفق الزعيم ويوفق جماهيره دنيا وآخره..

اخر تعديل كان بواسطة » Hilali Anonymous في يوم » 05/04/2008 عند الساعة » 08:55 AM
اضافة رد مع اقتباس
  #2  
قديم 05/04/2008, 08:58 AM
زعيــم فعــال
تاريخ التسجيل: 26/12/2007
مشاركات: 322
ابشركم لقيت الموضوع ... كتبته بعد المباراة وبحثت عنه حتى جاني النوم واليوم لقيته في آخر شيء

سؤال هل الإدارة تحول المواضيع اللي فيها نقد إلى صفحات بعيدة بعد المباراة وفقا لطريقتهم الجديدة في كتابة المواضيع .. لأني كتبت وبعد ذلك جلست أبحث عنه وحدثت الصفحة الأولى والثانية ساعتين بعد الموضوع وما لقيته...

أتمنى أن الإجابة لا...
اضافة رد مع اقتباس
  #3  
قديم 05/04/2008, 12:19 PM
زعيــم متواصــل
تاريخ التسجيل: 13/04/2006
المكان: البيت الهلالي
مشاركات: 108
كلام جميل واكثر من رائع ومشكور واتمنى التوفيق للهلال ان شاء الله بتحقيق لقب الدوري
اضافة رد مع اقتباس
  #4  
قديم 05/04/2008, 12:37 PM
زعيــم مميــز
تاريخ التسجيل: 12/12/2006
المكان: " نجـــد " ياعزوتي لها
مشاركات: 1,905
صح لسانك

و اوافقك على انتقاداتك ,,,

خصوصا العنقري و الفريدي ,,,
اضافة رد مع اقتباس
  #5  
قديم 05/04/2008, 12:43 PM
زعيــم متواصــل
تاريخ التسجيل: 28/08/2007
المكان: وين ما يروح الزعيم
مشاركات: 59
كلامـــــــك عين العقل ياخـــوي
ان شاء الله ان شاء الله
البطوله للزعيـــــــــــم
لأنه يستحقها
و مشكـور على الموضوع
اضافة رد مع اقتباس
  #6  
قديم 05/04/2008, 12:44 PM
زعيــم فعــال
تاريخ التسجيل: 05/11/2006
مشاركات: 241
كلامك منطقى جدا اخى الكريم ومافيه زيادة او نقصان ومشكووووووووور اخى على التحليل
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:05 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube