#1  
قديم 03/04/2008, 08:38 PM
زعيــم متألــق
تاريخ التسجيل: 04/04/2003
المكان: قلبها
مشاركات: 1,368
صغارنا قتلونا والمثالية الخداعة وراء انتكاستنا!!

مثاليات الرئيس على حساب سمعة وجماهيرية الزعيم !

وش ترجي من رئيس يقول امام الملأ اننا كنا نرشي الحكام!

وش ترجي من رئيس يقف صامت ومكتوف الايدي ولاعيبة فريقة يوقفون بدون اي حق يمنة ويسرة!

وش ترجي من رئيس نادي في مباراة نهائية يتفرج على المدرب وهو يلعب انصاف لعيبه في مباراة نهائية امام المنافس التقليدي!

وش ترجي 0000 الخ من هفوات هذا الرئيس ( البهلواني)!

رجاء لايجيني احد ويقولك انت مندس او انت هوينا او انت معصب ياناس يابشر عندك مباراة نهائية فز وخذ بطولة يعني لاتنتظر حسابات مخلي التايب وياسر برى التشكيلة عنبو بليسك مافوزك طول هالدوري باكثر واغلب المباريات الا هالاثنين من بيفوزك اجل الخثران النكبه ولا الفريدي البارد ماناقصه الا ثلج يبيعه !

مكانة الهلال ضاعت للاسف في ظل تواجد هذا الرئيس الشاب والف خط تحت كلمة الشاب !!!!

مريح القحطاني والتايب لمباراة الشباب تقل المباراة بجده ولا بالشرقيه هالتنكه ياعمي مانبي الدوري لو تجيبونه مانبيه صوروا معه النصر صايم سنين وافطر علينا للاسف !!

لاتقولون حظ وادينا اللي علينا ياعمي هالكلام شبعنا منه!

مشترين القحطاني بـملايين وتاليتها اوقات الحسم مريحينه ضامنين الدوري الاخوان!!

ماباقي في الموسم الا ثلاث او اربع مباريات ومريحينهم ياعمي وش هالبشر لكن مااقول لو فيه رئيس زي الناس كان مسك المدرب على جنب وقاله سلامات كيف الحال اسمع هذي مباراة نهائية مهمه لنا وتعني لنا الكثير اهم من الدوري القحطاني والتايب اذا جاهزين مافيهم اصابه لازم يلعبون لو تدقهم بابره لاعبين لاعبين !!

لو اجيب راعي غنم من الشارع واحطه رئيس للهلال عرف هالشيء !!

ماذبحنا الا هالمثالية ياعمي الكورة لازم فيها مكر ولعانة كروية وين عايش الأخ!

حتى مكانتنا صار يلعب فيها فيصل عبدالهادي واشكاله بسبة سلبيتنا وتفاهة مسؤلينا بس شاطرين نستنكر ونستنكر متأثرين بالامم المتحده ودول عدم الانحياز!!

المهم لايجيني احد ويقول انت متحامل او ارتق باسلوبك انا ماسبيت احد انا قلت الصحيح واللي ملايين من الهلايين حاسين فيه 0

لنا لقاء 0
اضافة رد مع اقتباس
  #2  
قديم 03/04/2008, 08:45 PM
ابوفجر
تاريخ التسجيل: 30/11/2007
المكان: البدائع بلاد الروائع
مشاركات: 5,411
هلا حبيبي

والله انا حاس بنفس احساسك بالضبط ومن البارح وانا نكد في نكد000الله يجازي اللي كان السبب
بس وسع صدرك بطولة وطارت ولو دامت لغيرك ماوصلت لك00 يعني خيرها بغيرها 0الشكوى لله
اضافة رد مع اقتباس
  #3  
قديم 03/04/2008, 08:46 PM
زعيــم مميــز
تاريخ التسجيل: 16/02/2005
مشاركات: 7,078
لا يا حبيبي أعتذر منك , موضوعك تجاوز الكثير من الحدود

لا ننكر أن الموسم الماضي الرئيس لم يكن في حالته الطبيعية , وكان هو سبب رئيسي في إخفاق الهلال بكثرة تغيير المدربين وعدم تواجده مع الفريق الهلالي

لكن هذا الموسم الوضع اختلف , الرئيس يدافع عن الفريق كثيرًا وثبت على مدرب وقاتل على كل الجبهات , وإلى الآن هو ناجح بإحرازه بطولة هامة ومنافسته على ثلاث أخرى.

لكن ما يحصل في أروقة الاتحاد السعودي سبب رئيسي في انحدار مستوى الزعيم ونتائجه.

مع احترامي لك , لو فاز الهلال أين ستكون ؟

سنجدك مهللاً ومباركًا بالرئيس

أرجو التحدث بموضوعية , إذا فزنا طبلنا , وإذا خسرنا لعنَّا وشتمنا !!!!

أضيف نقطة بالنسبة للقحطاني اللي مشترينه بملايين

لو فاز الهلال بالكأس وما لعب ياسر في مباراة الشباب وخسر الدوري , صدقني أنت أول واحد بيقول الشرهة على المدرب والرئيس اللي ما خلوا القحطاني يلعب

يا الغالي مستحيل لاعب راجع من إصابة ويلعب مباراتين في ثلاث أيام
اضافة رد مع اقتباس
  #4  
قديم 03/04/2008, 09:01 PM
زعيــم متألــق
تاريخ التسجيل: 04/04/2003
المكان: قلبها
مشاركات: 1,368
اقول والله ياذيب ماشفنا شيء من اللي تقوله ان الرئيس دافع عن الهلال بس كلام في الهوى نبي في ارض الواقع مثل البلوي يوم يوقف سنة من السنين محمد نور وش سوى عشان يشيلون الايقاف عنه كلكم تذكرون وش سوى !

لكن رئسنا للاسف ماله دور اطلاقا في اي تصرف يضر بالهلال الا الحكي بس والتصريحات !

وانا لي حق لما ازعل شلون لو النصر عندهم القحطاني والتايب بيخلونهم برى التشكيلة !!!!! هاع هااع هاااع أيا مخلينهم !!

ياعمي حدث الناس بما يعقلون لاتضحكون علينا انتهينا من هالسوالف الكورة واضحه والفوز دربه معروف ليش هاللف والدوران وهالهستره هستروا فينا كوزمين والرئيس >>>>>>>>قالبه نفسيته!!

يالطيب مباراة امس كنا اسبوعين نصيح على ادارة الهلال ونحذرهم من مغبة الثقه قلنا لهم التايب والقحطاني لازم يلعبون يعني هم مايخشون ويشوفون كلام جمهورهم مايطلعون على اراء جمهورهم وش هالهسترة هذي ليش ماتلعبهم مو مسألة مافيه الا هم لكن مسالة هالاعبين هالاثنين مؤثرين بشكل تام امام النصر !!

اقول الشكوى لله بس حنا اللي ننضغط واللي غيرنا لاضاق خلقه سافر برى للندن ولاباريس وتسدح على الشانزليزيه!
اضافة رد مع اقتباس
  #5  
قديم 03/04/2008, 09:12 PM
زعيــم مميــز
تاريخ التسجيل: 16/02/2005
مشاركات: 7,078
^^^^

صراحة أعجبني غرورك على ناديك

لكن يا الغالي دوام الحال من المحال

لكن لو تشوف أنت مباراة أمس بصراحة الهلال قدم مستوى كبير وسيطر على المباراة

وشف كم كورة ضاعت

أحيانًا التوفيق ما يحالفك ومو بكيفك

يا الغالي لو تذكر مباراة الهلال ونجران في بداية الموسم , الهلال سيطر على المباراة وصنع حول 15 هجمة في المباراة

لكن الحظ والتوفيق ما حالف الفريق إلا في هجمة واحدة بس

بينما نجران ما جته إلا هجمتين وجابهم أهداف

أمس نفس الحال

النصر ما جاته إلا هالهجميتن ومنهم بلنتي !!

لكن حنا نقول ضاعت بطولة عادي مب آخر الناس

ولو تطالع في مصيبة غيرك تهون مصيبتك

احمد ربك إنك هلالي

وفي النهاية .. الاختلاف في الرأي لا يفسد للود قضية

تقبل مروري .. أخوك / أبو حميد
اضافة رد مع اقتباس
  #6  
قديم 03/04/2008, 09:22 PM
الصورة الرمزية الخاصة بـ معالي الزعيم_20
زعيــم نشيــط
تاريخ التسجيل: 15/08/2007
مشاركات: 970
ياأخي لو تجيب مارادونا البارح مافاز الهلال
كلنا شاهدنا اللخبطه التحكيم من هنا واللجنه من هنا والتوقيت من هنا والايقافات من هنا ووو.........
اضافة رد مع اقتباس
  #7  
قديم 03/04/2008, 09:55 PM
زعيــم فعــال
تاريخ التسجيل: 11/08/2007
المكان: في قلب من يحبني
مشاركات: 321
انتوا وبعدين معاكم
اقول لاتتفلسف كثير وبكرة اشوفك في المعلب اوكي

<<<<<<<<<<<< تمزح

اقولك اخوي ليش معصب عادي هي كلها بطولة اولمبية يعني مو مهمة مرة
وبعدين انا من وجهة نظري قرار كوزمين نقول عنه صائب ولا لا
من مباراة بكرة والدوري وبعدين نحكم
وبالنسبة للرئيس بالعكس احسه مع الفريق قلبا وقالبا
بس ناقصه يبعد شوي عن المثالية
واخيرا مشكور اخي على الموضوع
والله يعينك لان موضوعك راح يحذفونه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:10 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube