ولكني استمتعت حقاً وضحكت طويلاً على جماهيرهم الواعده التي لم اسمع منها اهازيج غير ( نيفيا).. اقسم بالله ان طول المباراة ماسمعت من جمهورهم الي عندي الا هالعباره يحسبون انهم يقهرونا به لكن والله ماتحرك منا شعره وحده .. ولكن للأمانه فقد سمعت اهزوجة اخرى رددوها اخر المباراة وهي ناقتي ياناقتي ( آبوكم لا آبو الاهازيج الي تعرفونه ) مدري حاضرين بدرة الملاعب ولا بشاطئ الراحة... صديقي الي معي مرجوج شوي عقب ماسجل الدوسري الهدف قام يصفق ويقول بأعلى صوته حـــــــــلــــــــو.. فجأه وقف عن التصفيق والتفت يمين ويسار ويشوف الجماهير الي حوله مفنجلين عيونهم عليه طبعاً وجه اعتذاره اليهم بقوله معليـــــــــــــش.. وانسحبنا من مدرجات الي تحت ورحنا فوق بعد ان نزل سيل علينا من فوق ( مويه)... نصراوي بجانبي ظمني عقب المباراة ويقول مبروك كسبنا الهلال وكسبنا البطولة .. والله اني حنيت له احس انه من زمان ما ذاق طعم الفوز عالهلال ... للمعلومية .. هذا اول حضور لي في الملعب لأن عندي ضعف نظر وحرمت بعده ان احضر للملعب مع هذا الصديق لأني ماتوقعت اني بطلع بسلام من الملعب ولكن الحمدلله على كل حال والله يوفق الزعيم لباقي البطولات