#61  
قديم 03/04/2008, 01:27 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
إقتباس
الرسالة الأصلية كتبت بواسطة ســــــــــامي
بالله عليك عاد مين رئيس الاتحاد السعودي الفاشل ( سلطان)

أي فاشل الله يهديك !!
هو خطأ صغير مرة "أد كدا" ارتكبه ( سمو الأمير ) ..

وهو إنه " وافق على قرار طرد كوزمين " بدون المسائلة !!
وتبيين الحقيقة !!

وهو إنه " كررّ " وجلب الحكم للمرة الثالثة أمام الهلال !!

وهو إنه " وافق بتوقيع رسمي" أن تكون الجدولة بهالشكل !!

وهو إنه أوكل لجنة الاحتراف من 15 سنة لأناس .. ولم يطالبهم بالنتائج !! وقاصمة الظهر أننا إلى الان لم نصل (لمستوى الاحترافية ولا يحق لنا المشاركة في دوري المحترفين المعترف به من الفيفا) !!


وهو أنه أسند (الأمانة ) لـ ( فصولي) !! الذي ساهم وبشكل كبير وبفطنته ودهائه "أنت يا فصولي" .. بوأد ما تبقى من "تنافس شريف" !!
وفلة حجاج في " مقلطات رؤساء الأندية"
وتكية .. في مجالسهم !! وملاحقهم !!
وشف رياضتنا !! والخلل وين واصل !!


وما سوى شي (سلطان بن فهد ) .. إلا إنه أسند بعض اللجان .. لأناس " يعتقد أنهم قد الثقة " وهم من جنبها !! لو طالبهم بـ (تقارير ونتائج ) ترضيه وترضينا !! صفقنا لهم !!
لكن " هفوة صغيرة " !! من سلطان !!


وبعدين ليه متحاملين على سلطان بن فهد :

- آآآخ منكم يالجمهور يالدلوعين أنتم !! كش عليكم بس <<-- طبعا " حسيت ان فصولي اللي قايلها" -

يقول لكم ( سلطان بن فهد خطط علمية مدروسة ) !!

يعني أنتم على موعد مع :

تخطيط !! ولجان أجنبية تمسك لكم ( جدولة الدوري ) !!
أنتم على وعد مع ( افتتاح اكاديميات رياضية ) !!
أنتم على موعد مع تأهيل ( صح للحكام ) .. !! وفصلهم وتبنيهم صح !!
وزيادة في مكافآتهم !! والدفاع عنهم !!
و إن شاء الله سلطان بن فهد .. يبي يسهل عملية الاحتراف في الخارج !!
ويبدأ بافتتاح مشاريع .. تثقيفية للاعبينا !! وضخ الأموال في مكانها الصح !!
لتثقيف المحترفين !! و تنظيم زيارات بين السعودية ودول أخرى !!
وجلب من لهم باع في المجال (الفكري الرياضي) !!

ههههههههههههههه أحم .. اسف لأني ( أفهم كلمة خطط علمية مدروسة بهالشكل) !!
لكن الواقع اللي نعيشه ..
جب الجمهور لا أبوهم لا ابو ابوهم !! وكبهم في الملعب !! و بلا ترقيم بلا هم !!
واللي يبي يتحرك من كرسيه ( خل العسكر ) يعفطون وجهه !! الين يأذن !!
وش خططه وش خراطه !!
حنا ناقصين ( مناقشة وجع راس وتفكير ) !!
اضافة رد مع اقتباس
  #62  
قديم 03/04/2008, 01:30 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
إقتباس
الرسالة الأصلية كتبت بواسطة lلغشيان
Hi ,

anyone can translate this...

when Prince Sultan asked for a pen to sign the ball, the referee gave him the yellow & red cards as gifts.


Can anyone Explain WHY WHY WHY the referee did that !!!!!!!!!!!!!!!!!!!!!!!!!!.

يقول لكم حبيبي ( الغشيان ) :

يوم (سلطان بن فهد ) طلب قلم من الحكم .. عشان يوقع على الكورة !!
قام الحكم .. ( وأهدى ) الكرت الاصفر والأحمر لـ "سلطان" !!


هل فيه أحد ( يفسّر) ليه الحكم ( سوّى ) هالحركة ؟!
اضافة رد مع اقتباس
  #63  
قديم 03/04/2008, 01:38 PM
زعيــم جديــد
تاريخ التسجيل: 28/11/2007
مشاركات: 46
إقتباس
الرسالة الأصلية كتبت بواسطة مغـاط






( خسرنا مباراة وكسبنا نجوووووووووووووم ) !!
(خسرنا المباراة .. وكسبنا فريق راح يرفعنا راسنا لسنوات قدام !!)
(رااااااااااضين بالقضاء والقدر .. وكككككككككل شيء سويناه !! روح !! مساندة !! قتالية ) !!
لكن الحمد لله الذي لا يحمد على مكروه سواه !!

هنيااااااااالكم ( يالزعماء بهالفريق ) !!



تحياتي لك كلامك عين العقل والصواب

فكر رائع وكلام رائع من هلالي رائع
اضافة رد مع اقتباس
  #64  
قديم 03/04/2008, 04:13 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
إقتباس
الرسالة الأصلية كتبت بواسطة سعد الصباح
إذا تدخلت السياسة في الرياضة
فالله يستر على البلد بكبره
اللهم لا تؤاخذنا بما فعل السفهاء منا

بس عاد أنت تصدق هالكلام ؟!
لا يا رجال !!

وترا كل هالاجراءات (والبرابيس) اللي صارت قبل المباراة !!
(صارت من نفسها ) !!
ما أحد ( تدّخل فيها ) !!

فاللي حرّف القانون .. عشان " يغيّب كوزمين" !! هو " القضاء والقدر" !!
واللي جلب الحكم .. (لأكثر من مرة ) .. هو " عامل الصدفة" !!
والخربطة اللي صارت !! ومصادرة (الحقوق الهلالية) !!
هههههه هي مزحة مع الهلال .. وكلنا (ربع) وأخوان !!
وش فيها إذا كسرنا (قلوب) صغاركم !! ولا عطيناهم البطولة !!
يكبرون وياخذون غيرها !!

وترا من اليوم ورايح اللي يدقق !! ويناقش !! يا ويله !!
نبغى ( تبعية ) عمياء !!
اضافة رد مع اقتباس
  #65  
قديم 03/04/2008, 05:20 PM
زعيــم متواصــل
تاريخ التسجيل: 14/02/2007
مشاركات: 174
اخواني بلاش تجريح بأبطالنا الشباب قدموا اللي يقدرون و ما قصروا و اثبتوا ان الزعامة لنا للسنوات البعيدة القادمة كالعادة اما الخونة الوضعاء الواطين موعدهم قريبا و غدا سيرون فريقا لا يحتاج لصافرة بوساكا و لا لفزعة عبدالدينار و لا اي شخص.

زعماء موعدنا غدا بدرة الملاعب فكونوا في الموعد
اضافة رد مع اقتباس
  #66  
قديم 03/04/2008, 05:29 PM
الصورة الرمزية الخاصة بـ algohmani
زعيــم مميــز
تاريخ التسجيل: 01/05/2006
المكان: خيمه ناطحة سحاب
مشاركات: 13,320
هلا مغاط المبدع والمتألق دوما ودائما ...


ج1- ( قانون الفصل يؤخذ به في كل الحالات ماعدا الحالات التي تضر الهلال ففي هذه الحاله يتم الغاء الفصل )

إنتهى نص القانون .....

راجع حساباتك اخوي مغاط وانتبه تتهم احد ترا مايحبون يجاملون احد القانون واضح وصريح وتراهم طبقوا القانون بحذافيره وماسووو شيء ابد ...


ج- 2 طبعا والله اعلم انا ماحب اتهم احد واخذها بذمتي لكن اذا لقيو على حكم فرصة يعني بيسلك معاهم فأكيد اكيد راح يجيبوه مره ثانيه وثالثه

ج 3- اخطاء الحكم اضافة الى ماقلت تكمن في الاتي ( حسب اللي اذكره وإلا في بلاوي وبلاوي )

إعطاء كرت اصفر لنواف التمياط غير مستحق

عدم اعطاء ايلتون كرت اصفر نتيجة اعاقته للفريدي

عدم اعطاء لاعب المصارعه مدري وش اسمه اللي اعطى الفريدي كوع على خط ال 18 بطاقة حمراء

التساهل بكرت اصفر للمدافع النصراوي ( الاسمراني ) لو اخذه كان سيؤدي به الى الطرد حسب الحالة التي تليها والتي حصل عليها كرت اصفر ...

ج 4 لاتطمن مادامك هلالي ماحد بيفكك لازم تذوق انواع الظلم والحقد والحسد يعني اصبر وربك كريم

ج5 - وياليت تحطني معاك بهايلوكس ويعلقوني بنفس الوقت معاك وانت يدوربك على الدائري وانا يلفوني المملكة كلها إن تطورت رياضتنا وفيصل عبدالهادي وبقية الحاقدون على الهلال في راس قائمة هرم الإتحاد السعودي



مغاط عوافي على هالموضوع وصدقني انا سعيد سعيد جدا بالوجيه اللي شفتها والتي بصراحه كسبها اهم من كسب البطولة ... الهلال غني ببطولاته وهالبطوله لاتعني شيء بقدر ماتعني لي انني كسبت نجوما سيرفعون اسم بلدي أولا
واسم الهلال ثانيا ...



أخوك : أبو عبدالله

برايفت مغاط

اعذرني على القصور كتبت رد طويل وراح بسبب ان رجلي بالغلط دفت السلك وفصل الكمبيوتر كله وعشان كذا انسدت نفسي عن الكتابة ...
اضافة رد مع اقتباس
  #67  
قديم 03/04/2008, 05:35 PM
زعيــم فعــال
تاريخ التسجيل: 06/04/2007
مشاركات: 353
ارفع لك القبعه احتراما لك

يالله نسيت ارفع عقالي لك

وارفع كل شئ يعز الرجل احتراما واجلالا لك

شكرا
اضافة رد مع اقتباس
  #68  
قديم 03/04/2008, 07:41 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
إقتباس
الرسالة الأصلية كتبت بواسطة ماجد المحمد
أنا سمعت أن الحكم علىه ديه في ديرته وجايبينه كود يجمع قيمتها
بس تبي الصدق أنا فيه أمرين محيريني
1- الحين حنا مجمعين كل هالبطولات والأتحاد السعودي ولجانه ضدنا ، أجل لو هم معانا وش بيصير كان علوم
2- سؤال موجه لدارسي الدكتوراه في الفيزياء
تفاريس حصل على ثلاثة كروت في الدوري وتم إيقافه مبارة ولعب في نهائي بطولة فيصل بن فهد حيث أن البطولتين منفصلتين
كوزمين حصل على كرت أحمر في الدوري وتم إيقافه مبارتين ولم يكن في دكة الأحتياط مع فريقه في نادي الهلال <------ نادي صدقي في السعودية، حيث أنه طرد في الدوري
الله يرحم والديكم جاوبوني

تكفى إذا لقيت هالدكتور .. قل له يقول مغاط أبيك !!
وصلت بي المرحلة ما عاد أبي دكاترة أسألهم !!
صرت أثق بالبنغالية !!
أثر البنغالية موب بس في تمرير المكالمات !!
أستفحلوا .. وصاروا ( يمررّون بطولات ) !!

والبنغالية يسرقون ( أسلاك نحاس) !!
و ذولا ( كيسان ذهب ) !!

والبنغالية " يعثون في الارض فسادا بـ ستر !!
وذولا عينك عينك !! وما فيه إلا قوة بجاحة !!

وأنت ولدن لأبوك تنفس !! وإلا قل ( أبستفسر ) !!
وما بقى إلا بعد .. تجون ( تستفسرون ) وتناقشون !!

يالله مع الباب بس !! هذا اللي ناقص !! جمهور يستفسر !! فعلا " لا حيا ولا مستحى " !!
قسمن عظمن لو ألقى واحد "جمهوري " يطالب بحقه !! وإلا يتفلسف !!
لا أوقف يوزره في بطولتين مالهن دخل في بعض !!
وأجي وأربطه في عارضة ملعب !! وأدق على "الجمعان" .. وأخليه يمزعّه تمزيع !!
المرة الأولى يمزعه بكورة !! الثانية " بدون كور " !!
اضافة رد مع اقتباس
  #69  
قديم 03/04/2008, 07:53 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
إقتباس
الرسالة الأصلية كتبت بواسطة الرقم الصعب1
معليش كل شي واضح كوضوح الابتسامات في منصة التتويج
الى الحكم ونظرات اليه بعدها الهروب عن الكاميرات
والرجوع عند تسليم الكاس وتملك النفس وتصور مع الكاس
هذا اتحاد السعودي مجاملة واخيرآ اشرقت الشمس على اكتاف الزعيم
والله ظلم واهم شي ارتاحو وحققو مرادهم تستهلون جمهور النصر
بس ماذا يفيد الكاس بعد اصابتكم بالسكر والضغط بعد 10مواسم جفاف
مشكور اخوي

منول .. اللي يبني فريق !! يدعم منتخب !! ويحارب للوصول للذهب !! هو اللي يتكرم !!

أما الحين .. أكلف ما عليك .. تدوّر لك زاوية في الملعب .. وتربط راسك بأوصخ "خرقة" وتبدأ تصيح !! وعلى قد ما تأثر باللي حولك " على قد ما توصل أكثر للذهب " !!
وأي واحد .. ينشق وهو يصيح !! يعتبر البطولة بمخباته !! لأنه ضبط الدور !!

وأقترح على إدارة الهلال .. بدل هالمصاريف ومركز إعلامي في النادي .. نستاجر لنا كذا حبّة .. لا وأعرف لكم ( ثلاثة من الدخل ) كانوا محيين سوق الحمام !! لكن تعرفون ( انفلونزا وغثا ) وصكوا السوق !! فهم لا شغل ولا مشغلة !!
ومعهم واحدن ينقال له .. أبو "صهيتو" !!

لو يتعّبر بس !! بدون صياح !! أضمن لكم "المشاركة ببطولة آسيا" !!
ونجيبهم .. وكل ما شفنا لقاء صحفي طببنا ( أبو صهيتو) وأخوياه .. !!
عاد عليه أخويا .. واحدن منهم (خدود ) وضروسه القدامية كلها رايحة في عين أمها !!
فحلو إننا نجيبهم .. دام ( ربعنا وإتحادنا السعودي ) .. مهتم في هالجانب !!

وبلا مستقبل فريق !! بلا روح !! بلا (عدل) !! بلا لوائح !!
يا تصيح يا تقضب الباب !!

أقول فكروا بـ ( أبو صهيتو ) .. وإذا قررتوا .. ردوّا لي !!
اضافة رد مع اقتباس
  #70  
قديم 03/04/2008, 08:05 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
إقتباس
الرسالة الأصلية كتبت بواسطة R.A.U.L
قسم بالله تعبت من الاتحاد الفاشل .. ياشيخ شكلي بترك الهلال بسببت المبزره هذي ..
اقول سلمني على عبدالهادي استانس ياعبدالهادي .. افرح فالنصر فاز .. لاابوكم للابو اللي وردكم استغفر الله بس

هذا اللي يبغونه !! يبون " يفرقون الوحدة الهلالية " !!
وصدقني " يبطون " !!
نسوا إننا تربينا بمدرسة ( عبدالله بن سعد ) !!
كل صبح .. أرفع "راسي" أناظر العلم الهلالي !!
وأردد "أهازيجي الزرقاء" !!
وأعشق " تاريخ هلالي " !!
وحافظ كل "مواقع" انتصاراته !!
وأحسب "واطرح واجمع" كل احتمالات .. ربحه وخسارته !!
وأقصد "لعيون الزعيم " !!
"تركيبتي النفسية والجسدية .. والفكرية .. هلالية "
كل شيء ممكن يسرقونه !! ويسلبونه !!
إلا (فكري .. وتركيبتي ) !!
وروح الزعامة اللي بدمّي !!
وجالسين لهم !! يرفدنا " تاريخنا " !! وأصوات جمهور تهز النفوس هز !!
وراجع لهم الهلال !! ويبي يعلمهم وش هي " خططهم العلمية المدروسة " !!
اضافة رد مع اقتباس
  #71  
قديم 03/04/2008, 08:08 PM
الصورة الرمزية الخاصة بـ عاشق الموهوب 10
زعيــم مميــز
تاريخ التسجيل: 08/05/2005
مشاركات: 4,913
يعطيك العافيه ..
قدمنا مستوى جيد ..
وكسبنا ابطال شباب ان شاء الله مستقبلاً سيحصدون البطولات تلو البطولات ..

وان شاء الله نفووز في الثلاث مباريات اللي جايه ويكووون الكااس من نصيبنا ..
اضافة رد مع اقتباس
  #72  
قديم 03/04/2008, 09:38 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
إقتباس
الرسالة الأصلية كتبت بواسطة saud.m
عوافي عليك

يروق لي هذا الكلام ويروق لي فكرك الجميل

جمال الكلمات مستنسخه من قلب الحقيقه التى يريدون وضعها على كفن الظلم فليعش الظالم وليكن هناك مظلوم هكذا عنوانهم اخي مغاط

امين عام موضف في جمارك الشرقيه واراد سلب وضع الزعيم على طريقته في الجمركه

فشل ذريع لقوة الزعيم التى لن يوقفوها الا بالطرق الغبيه الطرق الغداره الطرق الظالمه

ولكن لكل ظالم يوم واذا شافوا انفسهم اقويا في سلب الزعيم

فهناك القادر على كل ظالم .

...

عافاك ربي اخوي الغالي مغاط فقد ابدعت والابداع عنوانك

الى الامام


.
.
اخوك ابو يزيد

هلا بـ أبو يزيد ..
هلا بصاحب القفلات الشعرية المميزة !!

الجمارك السعودية تملك ثاني أكبر مركز معلومات تقريبا بالشرق الأوسط !!
ومتقدمة تكنولوجيا .. وفكريا !!
ولو به خير " ما عافوه الجمارك " !!

يا أخي أنا أقول قد شفته !! لا تقول لي تكفى إنه مع ذولا اللي يقولون لك " يالله افتح الشنطه" !!
وإلا هو " دوامه مكتب " .. مدري ليه طلعت لي صورة " فهد الحيــّان وطفاقته !! يوم يقلبونه "الجمارك" !! ذكرت الحلقة ؟؟

وهنا المهنية اللي كنت أتكلم عنها !! وغيابها في وسطنا الرياضي !! (فصولّي) فقير فنيا وفكريا .. وإداريا !!
فصّولي ما يدير " ملاهي" والله ما أمسكه " فرقة كشفية " !!
وشلون أبخليه " أمين على رياضة الوطن " !!
وشف وشلون واقع رياضتنا " لا يسّر لا عدو ولا صديق " !!
تحيااتي لك حبيبي سعود .. ولتواجدك المستمر .. ولحضورك المشرّف والرائع
اضافة رد مع اقتباس
  #73  
قديم 03/04/2008, 09:47 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
إقتباس
الرسالة الأصلية كتبت بواسطة algohmani
هلا مغاط المبدع والمتألق دوما ودائما ...


ج1- ( قانون الفصل يؤخذ به في كل الحالات ماعدا الحالات التي تضر الهلال ففي هذه الحاله يتم الغاء الفصل )

إنتهى نص القانون .....

راجع حساباتك اخوي مغاط وانتبه تتهم احد ترا مايحبون يجاملون احد القانون واضح وصريح وتراهم طبقوا القانون بحذافيره وماسووو شيء ابد ...


ج- 2 طبعا والله اعلم انا ماحب اتهم احد واخذها بذمتي لكن اذا لقيو على حكم فرصة يعني بيسلك معاهم فأكيد اكيد راح يجيبوه مره ثانيه وثالثه

ج 3- اخطاء الحكم اضافة الى ماقلت تكمن في الاتي ( حسب اللي اذكره وإلا في بلاوي وبلاوي )

إعطاء كرت اصفر لنواف التمياط غير مستحق

عدم اعطاء ايلتون كرت اصفر نتيجة اعاقته للفريدي

عدم اعطاء لاعب المصارعه مدري وش اسمه اللي اعطى الفريدي كوع على خط ال 18 بطاقة حمراء

التساهل بكرت اصفر للمدافع النصراوي ( الاسمراني ) لو اخذه كان سيؤدي به الى الطرد حسب الحالة التي تليها والتي حصل عليها كرت اصفر ...

ج 4 لاتطمن مادامك هلالي ماحد بيفكك لازم تذوق انواع الظلم والحقد والحسد يعني اصبر وربك كريم

ج5 - وياليت تحطني معاك بهايلوكس ويعلقوني بنفس الوقت معاك وانت يدوربك على الدائري وانا يلفوني المملكة كلها إن تطورت رياضتنا وفيصل عبدالهادي وبقية الحاقدون على الهلال في راس قائمة هرم الإتحاد السعودي



مغاط عوافي على هالموضوع وصدقني انا سعيد سعيد جدا بالوجيه اللي شفتها والتي بصراحه كسبها اهم من كسب البطولة ... الهلال غني ببطولاته وهالبطوله لاتعني شيء بقدر ماتعني لي انني كسبت نجوما سيرفعون اسم بلدي أولا
واسم الهلال ثانيا ...



أخوك : أبو عبدالله

برايفت مغاط

اعذرني على القصور كتبت رد طويل وراح بسبب ان رجلي بالغلط دفت السلك وفصل الكمبيوتر كله وعشان كذا انسدت نفسي عن الكتابة ...

.
هههههههههههههه الله يعينك يا رجال يا ما حصلت لي ..منول عندي جهاز .. من كثر الفايروسات اللي فيه .. تسمع فيه صوت خترشة فيران .. ولو أكح طفى !! أحس إنه يبي علي أي شي عشان يطفي ..
.

هلا ومرحبا أبو عبدالله .. ما شاء الله تبارك الله عليك !!
أنت تنام ؟ <<-- شكله يبي ينضلك ؟!
حضورك .. وتعقيباتك .. وتواجدك المستمرّ !!
يذهل الواحد !!
فعلا " الشخص المناسب " في " المكان المناسب" !!
الله لا يضرك ..
مالي تعقيب على كلامك .. وتقدر تراجع ردي في موضوعك " الثري" ..
لأنها حامت تسبدي من كثرت ما " قمت ألزّخ فيهم اليوم " ..
وأقدر الحين أحط راسي على " وسادتي" وأنا "مرتاح الضمير" !!
التلاعب اللي صار أمس .. والأيام اللي سبقته .. لايمكن السكوت عنه .. !!
تعقيبك يا القحماني المبدع ..
إضافة للموضوع ككل ..
ألف شكر ..
وتحية عطرة .. بقدر " معزتك" عندي
اضافة رد مع اقتباس
  #74  
قديم 03/04/2008, 09:48 PM
في انتظار تفعيل البريد من قبل العضو
تاريخ التسجيل: 17/02/2007
المكان: الرياض
مشاركات: 456
افضل ما يقال

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
اضافة رد مع اقتباس
  #75  
قديم 03/04/2008, 10:20 PM
زعيــم فعــال
تاريخ التسجيل: 11/03/2007
مشاركات: 370
حسبي الله عليهم
ويبون يوصلون للعالمية<<<افلقني
وحنا هلاليين روسنا مرفوعة فوق من اول مانولدنا
مشكور يامغاط
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:09 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube