@حبيب قلبي الحريف

إقتباس اول شئ ياخوي وينك من يوم ضفيتني (( وليس اضفتني )) بالماسنجر وانت هاجر الماسنجر وش دعوه

تدري ليه هجرت الماسنجر ؟؟

لاني مرة دخلت الماسنجر لقيت واحد حاط النك حقه (تفاحة خربانة );)
وجلست اكلمه وهو رادن بي .;) ;)

والمرة الثانية دخلت لقيته مغير النك حقه وحاطه ( فول مع تميز );)
جيت ابكلمه انقطع الاتصال ..
رجعت ودخلت ثانية مالقيته ..

وعقبها قررت اني اهجر الماسنجر...

بس علشانك ابرجع ..;) ;)

تهقا القى خويي هذا مرة ثانية ( تفاحة خربانة وفول مع تميز )؟؟;) ;)


انت تملك اسلوب راقي وفريد وخبيث في نفس الوقت

وراء (( قصيميه )) ماتستفيد منه في نقد وضع الهلال الحالي

ووضع الإتحاد السعودي النصراوي

عارف ان اخوي العزيز محترف توقعات سبقن ((قصيميه )) بهالسؤال

لكن هو سؤال عميق ومهم


أول شيء أحب أن اشكرك على اطرائك ومديحك لي وتراي ما استحق كل هذا .

بالنسبة لسؤالك اخوي الحريف باشا ..

أنا سبق وأن قلت أن نقطة ضعفي هي الهلال ..

فإذا حاولت أن اكتب موضوع فيه نقد عن اوضاع الهلال أخشى أن يصل النقد لحد التجريح
وإن شاء الله اوعدك اني ساحاول بكتابة مواضيع تنقد الوضع الهلالي بدون تجريح ان شاء الله .

بس الآن مو وقته ...الهلال بطل آسيا ...خلنا ننبسط الحين ..


كل شيء بوقته حلو ياحلو ..اصبر الين يجيب الهلال العيد.... الله لايقوله ..

وعلى فكرة حلقات عدنان ولينا كان هدفها الرئيس نقد بعض اوضاع لاعبي الهلال الزلايب .

عساك قريتها بس ؟؟؟ ;) ;)

الله يعطيك العافية صديقي الحريف وياهلا بك

الغالي abu3ziz



* ماهو تعليقك على المباراه اللي انتهت بين الاتحاد والرياض 10-3 ..........؟؟؟؟؟

أنا سمعت ان عقب هالمباراة طردوا مدير الملعب تدري ليه ؟

لأنه هو اللي مشتري ساعة الملعب ..
اتضح ان ساعة الملعب اللي مشتريها مافيها خانة للعشرات مافيها الا خانة للآحاد يعني من 1 الى 9
يعني الساعة كتبت النتيجة 9- 3 ماقدرت تكتب 10

وبعد هالمباراة انفضح المسيكين وراح فيها وطيروه من منصبه .;) ;)

وهالحين مدراء الملاعب الثانية قاعدين على اعصابهم ..

وعلى فكرة أنا شفت اهداف المباراة بالاخبار وكنت توي جاي عند الحلاق
خلص الحلاق من حلاقتي والاهداف ماخلصن ..

* هل تعلم ان هناك مباراه في الدوري السعودي كان عدد حضورها 6 مشجعين فقط ماتعليقك على هالكلام ؟؟؟؟

كلهم راعين عليشة الظاهر ...;) ;) ;) ;)

* سمعنا عن اشاعات تقول ان المدارس راح تكون السبت والاحد دراسه والاثنين اجازه وبعدين الثلاثاء والاربعاء والخميس دراسه والجمعه اجازه ...وش رايك بالموضوع؟؟؟؟

رأيي ان السبت والاحد والاثنين والثلاثاء والاربعاء والخميس والجمعة دراسة وباقي الأيام إجازة
أنا اقترح كذا ..وش رايك ؟؟

عناوين وقلي وش تعني بالنسبه لك ....

طريق الملك فهد اخر العصر اول المغرب ؟

قصدك مسيان الضعيف ..
زحمة يادنيا زحمة .........آآآآآآآآآآآآآآآآآآآآه بس من الزحمة
الله يحلها عن قريب قل آمين .

والمشكلة إذا شفت العالم مدرعمة بالسيارات تحلف انهم يبي يروحون يحررون حي القدس .;) ;)


شارع النكاس بعد هطول الامطار ؟

يتحول بقدرة قادر من شارع انكاس الى شعيب انكاس .

اشاره مخرج 10 في الليل بين الساعه 8 الى 11 ؟

انواع السواقين يودون البزارين بهالفانات وتلقى كل مشاويرهم :

بابا ابغى عسكريم باسكن روبنز .....................خلاص رح مع السواق .
بابا ابغى همبرجر تشكن تشيز بدون جبن ..........خلاص رح مع السواق .
بابا ابغى مقلمة الابلة تقول جيبوا مقلمة فسفورية ..خلاص روحي مع السواق .
بابا ابغى زلاجات زي ولد خالتي ......................خلاص رح مع السواق .
بابا ابغى فلم جوليا روبرتز الجديد ..................خلاص رح مع السواق .

وهذي طلبات هالجيل الفاشل ....

والله ياهو يبي يصير جيل كمخ من جد .







لحظة كل اسئلتك عن السيارات والشوارع شكلك سواق خط البلدة ؟؟

للبيع لعدم التفرغ ؟

واحد حظه مقرود مسوي نفسه يبي يصير تاجر توهق وفتح محل لقى ان البيع والشراء يبي لها
واحد حظيظ تجميع حضرمي .



ماقصرت اخوي ابوعزيز على مداخلتك الرائعة

تحياتي

هلا وغلا بكوكو الهلال

1)ماهي اجمل مدينه زرتها بعد ام الجماجم طبعا


مدينة ابو الجماجم ..
.تبي الصراحة المدينة المنورة .

2)ماهي الشخصيه اللى ودك تموت ولاتشوفه


ومن غيرها هاله سرحان بنت شحيبر

3) ماهي الشحصيه اللي اذا شفته كنك شايف نفسك

يوسف بن ناصر الثنيان حفظه الله ورعاه .

4) وش تعني لك كل من:

توفيق المقرن


حراثة صعيدي بالغيط .

احمد الصغير

ملعب انجيله وكنادر كاوتش ...وعندي واجب قراءة وهجاء

قناه زين

مجموعة دوافير موسوسين ..يجبون لك الامراض النفسية

كلمه ...يازين النشاط


محمد نور أخو مريم نور

اغنيه سوياسو حبيبي حبسوا

كلمات قراشيع .
الحان : لحوج
غناء : مدمن هيروين يالله لك الحمد .

شريط اشر البندق اه لب البندق لا وحصوصا اغنيه الكحه

عليك بالأكتفيد والا النوفلجين ;) ;)

الحصن تعرفها طبعا البرنامج الياباني


كد سوينا زيهم حنا بالسعودية
تذكر محمد الرشيد وبرنامج العاب منفوحة ...
أحسن مافي البرنامج أنهم ضفوا كل براميل الرياض.
واللي يفوز دايم واحد هو كعكي .

الحياه لو فيها عدد اثنين حبه من تركي القحطاني

يبي يصير انتحار جماعي بالكرة الارضية .

5)ماهي الاغنيه التي تجعك كانك تسبح في بركه بالدغمانيات

أول شيء وش عرفك بالدغمنيات ؟؟

شكلك تقرب لي!!!
...كانك تقرب لي أجل وشلون امك وابوك سلم لي عليهم .;) ;)

6) ماهو الرابط بين هذي الاشاء :

المظاهرات بالارجنتين وهل لها علاقه بتاهل الرائد اللممتاز

طبعا باتستوتا مالعب مع الارجنين المباراة الأخيرة مع الكاميرون والسبب انه
حضر مباراة الرائد وأحد بالمدينة وعلشان يحتفل بالتأهل ..

لذلك احتجوا الارجنتينين .

تدري ان باتستوتا مولود ببريده و ابوه اصله لبناني وكان يشتعل بمطعم البستان ببريدة
همن انتقل لمطعم النادي وباتستوتا عقبها مايسمع بالرائد ..شكلك صدقت

انخفاض الفيننشل تايم وهل له علاقه باعتزال نوير سوق الحمام

طبعا .....جداااااااا

نوير تملك 60% من محاكر الحمام الموجودة بمبنى الفاينانشل .

والفايننشل تايم كانت توجد بمبنى التجارة...يوم انهدم تشرد الحمام وأصيبت السيدة نوير بأنهيار عصبي مما اضطررها لإعتزال سوق الحمام ..

وستقتصر تجارتها على الشروخ ..

وقال مراسلنا في المقيبره أنه شاهد اسراب من حمام الفاينانشل تايم يدخل المحكمة الكبرى بدخنة لإقامة دعوى قضائية ضد نوير لأنها لم تدفع اقساط التأمين على المحاكر المنهارة ..

وسنوافيكم بالتفاصيل في نشرة اذاعة مواقف شلقا في تمام الساعة بين عشوين .



وشكرا كوكو باشا لاتصير من ضمن الحمام المشرد بس ...

المهم لاتنسى تسلم لي على البابا والماما ....شكلك تقرب لي أكيد والا وش عرفك بالدغمانيات ؟؟

@الغالي دمي_ازرق

هلا ومرحبا ...

هل تؤيد الزواج المسيار ... والزواج من النصراويات؟؟؟؟

زواج المسيار رخيص وكويس
بس الحين مكروه لما فيه من الشبهه وقد افتى فيه الشيخ محمد بن اعثيمين رحمة الله عليه بجوازه ثم تراجع عن الفتوى بسبب ماحصل من اعلانات للزواج المشبوهه..

أما الزواج من النصراويات ..

لا أقبله شكلا ومضمونا تدري ليه ؟

أخاف بليلة الدخلة تطالب زوجتي ببلنتي ما حسبه الحكم مع ان الموضوع زواج بس ولو تحطها بالحكم ....ياحول ياللي ماله هلال ..

شكرا اخوي

ــــــــــــــــــــــــــــــــــــــــــــــــــــ

@الأخت الغالية المملكة الشاملة على ماقال المتقدمون والمتأخرون

وش رايـك ............................................ فيني ؟؟؟؟؟؟؟؟ "

من هو فيني ؟؟؟

ما اعرفه ..




قصدك انتي ...

والله ونعم الدولة الصالحة الناصحة المملكة فيها من الطيبة كما في شعبها الساكن في داخلها من طيبة وكرم وشهامة ..

وقد توحدت في عام 1351 هـ
وأكيد هالتاريخ يعني لك الشيء الكثير ;)

الله يرزقك على قد نيتك اختي
ويوفقك في دينك ودنياك وعاقبة امرك والمسلمين اجمعين ..

أعجز عن التعبير برأيي تجاهك فأنتي شاعرة شاملة محبوبة من الجميع ..

تحياتي لك اختي ..

هلا بجمجوم ترى ما عندي اسئلة هالمرة

إقتباس الرجال اللي انا عنده طردني من بيتهم

الله يجزاه خير والله ما قصر إذا شفته سلم لي عليه


ما دامي جيت قلت منيب جاي ويدي فاضية لازم كم سؤال على الماشي

س1) لو شفت هالخسيس اللي راسم هالكاريكاتير وش تبي تسوي له؟



س2)هل تعرفت على احد من خلال النت وخصوصاً من منتدى الزعيم


خلاص لاعاد تبلشنا خلصت اسئلتي

تعاااااااال انت وش ترتيبك بين اخوانك تعال لا تقولي العااااااااشر وتسكت

اعرفك تسويها ,,,,,,,,, كم عددكم !

و ووووووش مستواكم التعليمي


وابراج شاااااااارع انكاس لو تكون

كلها اشجااااااااااااار كيف راح تكون نفسيتك


نبي نعرف بالتفصيل الممل وش اللي عطل جهازك ؟


وابي اعرف انا متى اي بمعني السااااااااااعه كم

تكون على طريق الامير خريص

علشان اصدمك من ورى

وتنكسر جمجمتك

اهلا وسهلا ياجمجمة الهلال

انت الجمجمة فمن هو الهيكل الهلالي

وانت اخذت اقوى شيء

والله يعطيك العافيه في كل ماتطرح من مواضيع جميله

هلا جمجوم بيك

بصراحه يمكن انك تنتظر اسئلتي من زمان

لان مثل منت عارف مايحلا اي موضوع الا وانا فيه

<<== يخرب بيت الثقة ياشيخ

حبيت اسلم عليك واخذ رايك بالاكلات هذي

1 - بيض مع فستق بعصير برتقال

2- سندويش بقل مع تمن

2- تبولة مع عصير خوخ وشوي هيل مدقوق

وش رايك بالقصص حقتي هذي انا مألفها

1- سنغالي في ضروب الزمان <<== منهو بطل القصة اتحداك

2- الثنيان سر حبي لك كأس

3- كل ماوعدتيني بليل.. صحى ابوي

4- ياليل ياجامع على الدلاخه دلخين

طيب
هل انت ضد او مع

1- حشرة عرفات بهالمكيتب

2- عيون شارون هاللي تقل كشافات تريلا

جاوب على قد السؤال

1- غريبووف قم بس قم ولا غانم طش ام طش

2- ايهم احلا اعصار واقف على نخلة ولا كوكتيل يطرد ورا ضب

بعدين وش رايك باللي يكتب اسئلة ويدق جواله

ويقول لك يكمل بعدين جزء ثاني

@النشبة عاصوف

إقتباس الله يجزاه خير والله ما قصر إذا شفته سلم لي عليه

ليه انبسطت ؟؟...لاتكون انت من مدمنين الشوارع وتبي لك خوي يسعسق معك؟؟ ;)


س1) لو شفت هالخسيس اللي راسم هالكاريكاتير وش تبي تسوي له؟





أعزمه على العشاء .. وازبط له براد شاهي منعنش اعبيه هالول..تعرف الهالول ؟؟يعني ملين للبطن

وعقب مايشرب الشاهي ..

اقوله وش رايك نروح للبر نشم هواء ..

واطلع به للبر بحته مقطوعة من شجرة واقوله انزل شف اصطبات الفرامل يشتغلن ..

واذا نزل الماريه الغفلة ...خله يبربس بروحه ابن الريح ;) ;)



س2)هل تعرفت على احد من خلال النت وخصوصاً من منتدى الزعيم
ايه ...تعرفت على واجد اولهم انت .

شكرا عاصوف افندي على اسئلتك ولا عاد تعودها ..

ــــــــــــــــــــــــــــــــــــــــــــــــــ
@ هلا بالدويج سهل ابو ثمانيات

تعاااااااال انت وش ترتيبك بين اخوانك تعال لا تقولي العااااااااشر وتسكت

اعرفك تسويها ,,,,,,,,, كم عددكم !

و ووووووش مستواكم التعليمي

ترتيبي القعده ..يعني آخر العنقود ..وعلى قولة المثل (القعده حبه رعده)
عددنا ماشاء الله 8 بس
مهوب مثلك انت واخوانك عددكم 888 نسمة ..أنا ماجبت شيء من عندي انت تقوله من اسمك

مستوانا التعليمي كويس الحمدلله نقدر نقرأ جريدة الجزيرة ..بس جريدة الرياض تونا يبي لنا شوي

وكلنا مسجلين بالمركز الصيفي حق وكالة الفضاء ناسا ..
وبكرا عندنا كشتة للطوقي اللي بتكساس .

وابراج شاااااااارع انكاس لو تكون

كلها اشجااااااااااااار كيف راح تكون نفسيتك

نفسيتي راح تكون زي نفسية اي عضو يثبتون موضوعه


نبي نعرف بالتفصيل الممل وش اللي عطل جهازك ؟

كان يامكان في قديم الزمان وفي سالف العصر والآوان

كان هناك كمبيوتر من نوع اتش بي لاب توب بالآف الدراهم يقبع في أحد محلات الكمبيوتر
وكان هذا الكمبيوتر يعيش حياة هانئه بين اخوته واخواته الطابعات والسكانر .

وفي يوم من الايام السوداء دخل محل الكمبيوتر شخص ترتسم على خشته البسمة بل هو متشقق من البسمة لأنه سيقتني لاب توب .

يدعى هذا الشخص الجمجمة

أخذ الجمجمة لفة في المحل وسأل البائع : هل لديك اجهزة لاب توب

البائع : نعم عندنا انت ووجهك ماتشوف اللي بالفترينه .

وعندما سمع جهاز اللاب توب انه هو المقصود ارتعب وبدأ يصرخ وينادي اخوته
ويقول انقذوني سوف يبيعونني انقذوني ..وانخرط في البكاء .

توكل على الله الجمجمة ودفع الدراهم للبائع وأخذ اللاب توب ..

حزنت الهاردوير المتواجدة بالمحل على فراق اللاب توب حزنا شديدا .

وبدأت الطابعات تطبع الدموع بدقة 600×800 بسكل .
وبدأت الكمبيوترات الأخرى تعمل shut downاحتجاجا على فراق اللاب توب .

عاش اللاب توب بين يدين الجمجمة فترة من الزمن وحيدا .

بعد فترة من الزمن تعود على حياته الجديدة عند صديقة الجمجمة وبدأ يحبه .

وفي يوم من الأيام بدأ يبكي الاب توب وتذكر اخوته ومن شدة البكاء تأثر البروكسي في الاكسبلورر

واصيب بسكتة بالمومري توقف الاكسبلورر عن العمل وهنق الجهاز وحصلت معمعة بملفات النظام
لقي على اثرها أكثر من 50 فايل مصرعه من نوع dll و sys مما اضطر الجمجمة لارجاع اللاب توب الى اهله لرؤيتهم وعمل فورمات وغسيل دماغي لينساهم ابد الدهر ..

وفعلا نجحت الخطة ولكن دفع الجمجمة ثمن العطل بتوقفه عن زيارة النت وخاصة شبكة الزعيم .

وبهذا نأخذ درس من هذه القصة وهي أن لاتأخذ لاب توب الا بعد عمل غسيل دماغي له حتى لايحزن
ويفجر نفسه .



وابي اعرف انا متى اي بمعني السااااااااااعه كم

تكون على طريق الامير خريص

علشان اصدمك من ورى

انت ماتدري وش سيارتي ؟؟

ترى معي دركتر كشف ...

يالله وريني شطارتك واصدمني ونشوف من اللي تنكسر جمجمته ياسواق السطحة ..

الا وش اخبار محطة الوسيع الجديدة ;)


هلا وغلا بسهولي المرجوجي ..ياذو الخصرالممشوقي ...أجل الله يقلعني

@الأخ الغالي smn2002

انت الجمجمة فمن هو الهيكل الهلالي

وانت اخذت اقوى شيء

الهيكل الهلالي برضه أنا ..ياحبي لي ياحليلي

تخيل جمجمة من دون هيكل ....وتخيل هيكل من دون جمجمة ;) ;)

يعني الهيكل جزءً لايتجزء من الجمجمة وعلى الجماجم الأخرى مراعاة فارق التوقيت .

الله يعافيك حبيبي وياهلا فيك

ــــــــــــــــــــــــــــــــــــــــــــــــــــــــ
@ الغالي دختوري والمفلشاتي عاشق الثنيان خمسطعش ;)

إقتباس بصراحه يمكن انك تنتظر اسئلتي من زمان لان مثل منت عارف مايحلا اي موضوع الا وانا فيه <<== يخرب بيت الثقة ياشيخ

لا والله ماجبت خبرك


لالا أمزح معك يابعد تسبدي وبعد عظيمات جمجمتي
الا مجوووووودي عاد ..الغالي مشرف المنتدى الغالي

ياااااااااخي وينك..تصدق قاعدن عند باب المنتدى أحتريك تجي وكل ماشفت بيجو بوكس جايه قلت بس هذا هو ;)

وبعدين الاحظ فيك ثقة زايدة ولا ثقة ابو نزهان

أكيد مايحلى الموضوع الا بطلتك البهية

ايوه وش اسئلتك ؟؟

كأني اشم رائحة دجة في اسئلتك

حبيت اسلم عليك واخذ رايك بالاكلات هذي

1 - بيض مع فستق بعصير برتقال



هذي الأكلة تصلح للحرمة اللي توها طالعة من الماجب ==> اتحداك تدري وشو الماجب

2- سندويش بقل مع تمن

شكلك عراقي على هالتمن ..والا بدوي والأقرب أنك الراعي الرسمي لمشتقات البقل

وهالأكلة إذا بغيت تعذب جواد العلي خله ياكلها ..تبي تطيح رموشه ويحت شعره .

2- تبولة مع عصير خوخ وشوي هيل مدقوق

هذي أكلة المتصعودين ..أنت تعرف راعين الوايتات ؟؟
اللي يلبسون بناطيل وشمغ اللي يقولون : طرى إنك رشال صنافي
اللي شاعرهم يقول :
البارحة ونيت واليوم حاون .................أقازب الونات من كل حته
وش عاد وان راحن وش عاد وان قن ..... وتنين في تلاته يساوي سته

صح بيدنك

وش رايك بالقصص حقتي هذي انا مألفها

1- سنغالي في ضروب الزمان <<== منهو بطل القصة اتحداك

اوووووووووووه هالقصة حلوة وتحوم التسبد

واتوقع بطلها محمد ابن نور

2- الثنيان سر حبي لك كأس

اكيد هذي أحلى قصة فيهم ..مادام فيها النمر وطرياه

3- كل ماوعدتيني بليل.. صحى ابوي

قصة رومانسية تذكرني بقصة مخمخ ومشمش ثنائي مدهش

وبعدين ليش ماتدور لأبوك تصريفه بالليل
اقترح عليه يشتغل بالمرصد الفلكي ترى دوامهم بالليل بس

4- ياليل ياجامع على الدلاخه دلخين

أنت وش فيها قصصك كلهن بالليل لاتكون تشتغل سيكورتي وحنا ماندري ؟؟

هالقصة فيها من العبرة والعظة الشيء الكثير حتى وأنت تقراها تحس انك مستدلخ .

طيب
هل انت ضد او مع

1- حشرة عرفات بهالمكيتب

يارجااااااال كل الدعوى تسذب بتسذب

عرفات متقاط هو وشارون بفلسطين ..وهم يبون يسون كل هالرجة علشان تنهال على عرفات
التبرعات ويعطي نصها للخنزير شارون ..والضحية الشعب الفلسطيني المسكين ..

وشارون ابن الكلب ماسوى هالمذابح الا بعد ما تأكد من دباشة العرب والذل اللي عايشين فيه ..

راحوا الرجال يامجودي ...وين عمر بن الخطاب ..

ترى البيزنطين ايام جبروتهم وفتكهم بالشعوب

سلموا القدس لعمر بن الخطاب رضي الله عنه مقابل انه مايقاتلهم ..من الخوف

لا عزة لنا الا بالأسلام ..

وإذا كان خرفات بكل تصريح له يقدم المسيحيين على المسلمين ودائما يقول سنحرر القدس بقوة
شعبنا المسيحي والمسلم وستدق النواقيس في الكنائس ويرفع الآذان في المساجد .

وش رايك فيه مايستاهل ينحشر حشرة قطو اسود في بيت طين بحي العود؟؟


عيون شارون هاللي تقل كشافات تريلا

تكرم التريلا عن هالتسلب ..

ياناس حنا ذليلين الآن تدري ليه بسبب ذنوبنا اسمع قول الشاعر :

رأيت الذنوب تميت القلوب .....ويورث الذل إدمانها

فعلا ادمنا الذنوب ..استغفر الله ..

الحين العلمانين يحاولون بشتى الوسائل تغيير شرعنا في بلادنا بحجة التطور ومواكبة النهضة

وما يدرون بفعلهم هذا يظلموننا ويظلمون انفسهم ..

وإذا حاولت تناقش أي واحد منهم ..قالك : يابن الحلال الزمن تغيير ولازم حنا نتغير ..

كذبتم ايها العلمانين الزمن لم يتغير اليوم 24 ساعة والساعة 60 دقيقة اللي تغير هو نفوسنا وحبها للمعاصي ..
وصدق الله في محكم تنزيله حين قال : ( قل هل ننبئكم بالأخسرين اعمالا الذين ضل سعيهم في الحياة الدنيا وهم يحسبون انهم يحسنون صنعا )

هذولا هم العلمانين ومن على شاكلتهم معليش مجووودي تشعبت بسؤالك بس حاجة في نفسي .

ولا فيه حل لأنتصارنا على اليهود الا بالرجوع الى الله وطلب المغفرة منه
( وإن تنصروا الله ينصركم )


جاوب على قد السؤال

1- غريبووف قم بس قم ولا غانم طش ام طش

لا غانيبموف قم بس طش

2- ايهم احلا اعصار واقف على نخلة ولا كوكتيل يطرد ورا ضب

الاحلى اعصار يقول لكوكتيل وقف يوزر الضب لانه تشعمط بالنخلة

بعدين وش رايك باللي يكتب اسئلة ويدق جواله

ويقول لك يكمل بعدين جزء ثاني
الى الحين جوالك جوال طالب ؟؟؟

متى نفرح بك وتطلع عائلي

واقول للي يكتب اسئلة ويدق جواله المفروض انه يحطه على الهزاز علشان مايزعج اللي بالمنتدى

واقوله انا بإنظار اسئلتك ياباتكس

تحياتي مجودي يااكسلانس

اشكر العضو النادر (( جمجمة الهلال ))

على هذا اتاحتة هذة الفرصة للاخوة المشاركين

هلا والله بابو الجماجم...

معليش اسألتني شوي متأخرة...

بس اتمنى انها تكون خفيفة...

**كلمة اولى قبل ان يدركك الضجر مني؟

**( يقولون ولايفعلون) كم مرة قلت ولم تفعل ولماذا لم تفعل ؟

**لو وهبتك عين زرقاء اليمامة لمدة 3 دقائق...فالى اين ستحول نظرك؟

**اغلى هديه تلقيتها؟واقوى "بقس" (لكمه) تلقيته؟

**بيت شعر لا يفارق خيالك؟؟؟

**مارأيك في روعة؟؟

**كلمه اخيره بعد ان أدركك الضجر مني ؟

وتقبل تحياتي القلبيه الحاره لك ياعزيزي على رحابة صدرك ...
ويسلمووووووووووو اناملك مقدماً..

اختك:
جورية الهلال...

@ الأخ الغالي المخترق

شكرا الله يسلمك على شعورك الطيب

والشكر موصول لإدارة الموقع هي التي اتاحت لي الفرصة لإلتقاء بكم

تحياتي

ـــــــــــــــــــــــــــــــــ

@هلا وغلا بالأخت جورية الهلال

**كلمة اولى قبل ان يدركك الضجر مني؟

هلا ومسهلا
**( يقولون ولايفعلون) كم مرة قلت ولم تفعل ولماذا لم تفعل ؟

قليل ولله الحمد قلت ولم أفعل ...

والسبب مشيئة الله سبحانه وتعالى التي جعلتني لم أفعل ..

وعسى أن تحبوا شيء وهو شر لكم ...والخيره فيما اختاره الله جل وعلا .

**لو وهبتك عين زرقاء اليمامة لمدة 3 دقائق...فالى اين ستحول نظرك؟

الى المسجد الأقصى .
عسى الله أن يجعلنا نراه من قريب عاجلا غير آجل .. ويرزقنا الصلاة فيه قبل الممات .
ونرى الأمة الاسلامية ترفل بثوب العزة والنصر بتحرير الاقصى من الطغاة اليهود وعملائهم .

**اغلى هديه تلقيتها؟واقوى "بقس" (لكمه) تلقيته؟

اغلى هدية تلقيتها كانت من اخي وهي سيارة .

أقوى لكمة ..لم يتجرأ أحد بتوجيه لكمة للجمجمة الا الوالد الله يحفظه

**بيت شعر لا يفارق خيالك؟؟؟

رأيت الذنــوب تميــت القلــــــوب ***** ويــــورث الــــذل إدمـــانهــــا

**مارأيك في روعة؟؟

من الاسم أكيد روعــــــــــــة .

وروعة تأتي بمعنى رائع

والمعنى الآخر من ارتاع يعني خاف

ايهم تقصدين ؟؟؟

**كلمه اخيره بعد ان أدركك الضجر مني ؟

تشكرات افندم على اسئلتك الرائعة

شرفتينا وآنستينا

تحياتي

السلام عليكم ورحمة الله وبركاته

اخوي الجمجمه فرصه طيبه ان نتواصل معك والشكر للقائمين على هذه المنتديات الرائعه ( الزعيم) ولك مني كل تحيه ومحبه فكثير ماأضحكتني ومثلي كثير واسلوبك جميل وخفة دمك
واضحه كوضوح الشمس ونقدك لاذع وطرحك رائع والجديه تظهر في
بعض مواضيعك حتى لو قلت غير ذلك , اسئلتي كمايلي

اسئله جاده:

1 - كم تحفظ من القرآن وأحاديث الرسول عليه الصلاة والسلام؟
2 - هل واجهت موقف فيه حسم قرار احلاهما مر وماهو؟
3 - ماهي اجمل مدينه زرتهاوكم مره ؟
4 - لكل منا احلام ماهي احلامك وماذا تتمنى ان تكون مستقبلا؟
5 - لو كنت رئيسا للزعيم (افتراض) ماهي اول الخطوات التصحيحيه التي تقوم بها؟

6 - يقول عمر بن الخطاب رضي الله عنه اذكروا- الموت في عز افراحكم- هل تذكر الموت وماهي الميته التي تتمناهالك؟


_____________________



اسئله باسمه

1 - انت اضحكتنا بقفشاتك وردودك كثير منهو الممثل اللي
يضحك ؟
2 - تلبس نظاره طبيه ولا شمسيه؟
3 - كم وزنك وطولك <<< والله النشبه
4 - وش رايك بالحارثي كلاعب وهل سيأتي يوم نراه يلعب في الدوري الاوربي:P؟
5 - اذا اكلت كبسه تختمها بلبن وتنام ولا تشرب بيبسي وتنام برضه؟
6 - ماهو لونك المفضل غير الازرق طبعا؟
7 - لو كنت لاعب بالهلال وسجلت هدف مهم في بطوله مهمه ( ايه هين) وش ردة فعلك؟
8 - تفضل المطازيز ولا المرقوق ولا الجريش ولا كلهم ؟
9 - انت اشول ولا ايمن؟
10- وش تسمع من الاغاني؟
11- وش رايك تغدا ولا تعشا عندي لك يوم؟

انا داري : هلكتك بالاسئله بس فرصه ماتتكرر وننتظر مواضيعك الرائعه

وعلى الحب نلتقي انشالله,,,,,
اخوك راشد

هلا وغلا جمجوم(دلع ولا)
سؤال حبيبي
وش علاقة ارتفاع اسعار النفط مع ارتفاع اسعار الجح
او العكس