بسم الله الرحمن الرحيم
كيفكون شباب وصبايا >>>>>>>>> مثأثر بستار اكاديمي الله يلعن الي جابه
لا تصدقون ترى ما اطيقة من يوم طلع
المهم
والله مدري كيف طنت براسي اكتب عندكم هنا بالمجلس العام لانه انا من الناس الي مايحب يكتب مواضيع
بس اليوم وانا جالس بالاستراحة مع الشباب نتابع المباراة ويوم حقدنا على النتيجة ( طبعا كلنا هلاليين ) بس واحد يشجع اي شي ضد الهلال
المهم يوم انتهت كل واحد جلس يذب على الثاني
وقالي واحد من الشباب :
تذكر يوم المدرس يجلدك جلدا ً مبرحا في المدرسة
وتضرب عندي الامبيرات من الحقد والمهم الشباب انواع الذب علي
عاد انا حاقد على النتيجة وحاقد على صالح بشير وزاد حقدي على الشباب >>>>> ابي اخذ قطتي واطلع
المهم قررت انتقم من المدرسين بهالموضوع واليكم هذا الموقف الي ذكروه الشباب اليوم
ايام الثانوية وبالتحديد ثاني ثانوي / ادبي >>>>>>>>>>> صح ياشاطر
المهم كان فيه مدرس ووووووووووووووووووحش >>>> اقل مايقال عنه
اذا دخل فصل او اي مكان الكل يسكت وكان معاه عصى للجلد >>>>> اكيد للجلد اجل جايبها عشان يدغدغ الطلاب
المهم قال في يوم من الايام هذا التمرين واااااااااااااااااااااااجب >>>>> على فكرة مدرس لغة عربية
المهم >>>>>>>>> ماتلاحظ انك طولت من المهم
المهم اخوكم في الله >>>>>>>> هذا انا
جاء للفصل الا واشوف طلاب الفصل حاااااااااااااااااااااااااااالة طوارئ كل واحد ينقل من الثاني الواجب
انا بيني وبينكم ذاك اليوم كنت مرووووووووووووووق على اخر شي ولا فكرت اني اخرب الروقان بقصة اني احل الواجب
كان صديقي الي جنبي يقولي راكان حليت والواجب
رديت عليه وقلت : لا >>>>>>>>>> ياقوي يا أنا
قالي خذ دفتري انقل مني >>>>>>>>>> ياحريص اقول انقلع بس
قلت لا والله مافي بالي اليوم اكتب حرف
قالي ياولد والله يجلدك جلدا مبرحا ً >>>>>>>>> عادي الحصة لغة عربية
رديت علية وقلت : ثكلتك امك وام المدرس >>>>> لا احد يقولي الكلمة مو زينه الي اعرفة انه ثكلتك معناها فقدتك اذا لها معنى ثاني ما ادري
قالي : ياولد والله يجلدك بأم الخير >>>>>>>>>>>>> العصى اسمها ام الخير سبب التسمية قصة طويلة عريضة بعدين
المهم رديت وقلت : ام الخير ام الشر انا اليوم عناااااااااااااد ماراح احل
قالي طيب وش تبي تقول للمدرس
قلت اذا جاء يحلها الف حلال
المهم دخل المدرس يتمخطر
والطلاب كلهم حاطين الدفاتر على الطاولة >>>>>>>>> ياسلام مجتهدين قبل شوي كل واحد ينسخ من الثاني العن ام النفاق
المهم انا الوحيد الي ماحليت الواجب >>>>>>>>> جالس اتلفت لحالي
المهم قلت خلني احرج المدرس والعب علية >>>>>>>>> طبعا ً ماسكه ذاك اليوم خفة دم
قلت يا استاذ ممكن سؤال ؟
قال اتفضل !!
قلت الحين الطالب اذا ما سوى شي تجلده ؟
قال وهو مبتسم : اكيد لا ليش ؟
قلت : لا بس حبيت اسئل بس اكيد ما تسوي شي لطالب ما سوى شي ؟
قال : لا
قلت له : انا ماسويت الواجب >>>>>>>>>> ياذكي يا أنا
المدرس بيني وبينكم ضحك ضحكه اول مرة اشوفه يضحكها >>>>>>>> والله استانست قلت خلاص بيسامحني
قالي : تصدق انه دمك خفييييييييييييييييف والله بجد بجد ضحكتني
قلت انا : يعني خلاص ماتجلدني
قال : حبيبي انا عادي بس ام الخير ماتحب احد يستخف دمه
الله لا يوريكم انجلدت جلد اقسم بالله احس انه ما عندي ايدين تخدرت من الضرب
وجلدني بعد الصلاة جلد ما اقول الا الله يسامحك بس
و اسبووووووووووع كامل مادخلت الفصل
فصلي حاولوا يتوسطون لي بس ام الخير رفضت >>>>>>>>> تبا ً لك يا ام الخير
ولما رجعت للفصل >>>>>> احس اني بزواج حفل على كيف كيفك من اخويياي بالفصل يا عمري يا خويياي الله على ذيك الايام احلى ايام الدراسة ايام الثانوية
وابشركم مادة القواعد والادب سقطني فيها بس بالدور الثاني احس انه رحمني ونجحني على فكرة
انا سمعت نكته قبل الموقف هذا بيوم نفس الموقف الي صار بيني وبين المدرس وحبيت اطبقة على المدرس بس العواقب جت وخيمة الله لا يسامحك يالي قلت النكته لي
المهم هذا موقف من مواقف كثيرة بالمدرسة وعلى جميع المستويات
والان في ختام هذه الحلقة نترككم مع هذه اللقطات الرائعة لطلاب المدارس في المملكة العربية السعودية
هذا المدرس وفي روايه اخرى الاستاذ يشرح للطلاب بس طلاب من نوع اخر اضغط هنا لمشاهدة اللقطة
فيه طلاب مجتهدين وما يحبون شي يفوتهم في هذه اللقطة المدرس والله اعلم ماشرح كويس للطلاب اضغظ هنا هذا طالب يمثل على احد المدرسين على انه يحلم ...... اترككم مع اللقطة اضغط هنا لكل فعل ردة فعل
مدرس يرفض دخول طالبين بحجة التأخير لكن الطالبين يستنكرون هذا الموقف تابع مابي احرق الفلم عليك
اضغط هنا
في اعلان حاطينه المرور للتحذير من الحوادث الاعلان يقول ( احذر مفاجااااات الطريق )
انا اقول احذر مفاجااااات النايمين تابع ..... اضغط هنا هذا طالب حكمته بالحياة ( من طلب العلا .......سهر الليالي )
بس الظاهر والله اعلم انه سهر الليالي بس نسى يطلب العلا اضغط هنا انا احب هالنوعية من الطلاب يحبون ينتقمون بسرعة >>>>>>>> احبكم اضغط هنا لكل طالب هواية وفيه طلاب هواياتهم التزلج على الجليد والتزلج فيه من الحوادث مالله به عليم بس المشكلة مافيه ولا في حياتنا شفنا جليد بالرياض تابع المقطع هذا واضحك على سرعة البديهه لهذا الطالب اضغط هنا اخر مقطع خارج الموضوع يقولون الطفولة عالم من البراءة طيب والي يقول الطفولة عالم من ...... تابع وتعرف وش اقصد اضغط هنا وفي الختام احب اقول شي
لا ننسى فضل المدرسين او بالاحرى بعض المدرسين فلذلك لا تنسوهم من الدعاء والموضوع هذا فقط للفرفشة فقط
واتمنى من كل واحد يذكر موقف طريف او محرج حصل له في المدرسة بس بحدود الادب
وعندي سؤال بما اننا نتكلم عن وضع التعليم والمدرسين والطلاب
الحقيقة ما في حياتي قريت كاتب او رواية او اي شي
وطاحت ماوستي >>>> يعني فارتي
طاحت على احد المواضيع تتكلم عن الروايات فتحمست وودي اقرى الروايات هذي >>>> بجد اكلمكم
الموضوع على هذا الرابط
ابغز بــ ماوستك هنا
السؤال
الروايات هذي
1- شيفرة دافنشي
2-ملائكة وشياطين
3-حقيقة الخديعة
4-الحصن الرقمي
ابي كم قيمتها لانه متعاجز اروح اسئل وارجع وبعد عشان ما اروح اشوف شكل الكتاب بالمكتبة وما ارجع اشتريها
ابي اروح مرة وحده واطقهن وانا مغمض
بس اهم شي لا احد يجمع قيمت الكتب كلها والله العظيم اعرف اجمع انا
ابي كل كتاب على حده
8
8
8
8
8
8
8
8
حده على الرصيف ولا على الجدار >>>>> ياشيخ افلقني اذا قريت الروايات
واسف على الاطالة وثقل الدم والاخطاء الاملائية ان وجدت
وتقبلوا تحياتي