[c]



كفااك يا قلبي حزنا ..

كفاك على فراق حبيبك ألما..

ارجوووك ... ارجوك يا قلبي ...

توقف عن الذكريات التي تزيدك عذابا وجراحا ...
توقف عن الاماني التي تزيدك احباطا ومللا ..

ارجوك يا قلبي ..

يكفيك نزيفا .. فدمك قد تقطر دون ان يشعر بك احدا ...
دعك من الذكرى ... فالذكرى لا تعود لك ابدا ..


يكفيك نظرا الى غيرك ... فغيرك يتطور دوما ..
دع امرك الى خالقك .. وعن البطولات صوما ..

انسى او تناسى ما حدث يوما ..
فالمصيبة اعظم من ان تجد لها حلا ..

المصيبة .. اننا لا نريد ان نعترف بوجودها ...
المصيبة .. اننا نكابر ونتكابر بورودها ..

ويا قلب لا تحزن ...


[/c]


هذي خاطرة جتني اليوم بعد الفشيلة اللي تفشلتها بقوة بين اخوياي في منتخب الجامعه ...

نصف منتخب الجامعه هلالي .. والنصف الثاني لا هلالي ( نصراوي .. اتحادي .. اهلاوي .. الخ )

وكنت اقدر ارد وادافع عن هلالي الغالي .. او بالاصح كانت انجازات زعيمي اقوى من اني حتى ارد ... كانت هي كفيله بالرد ...


واليوم ... لم اجد افضل من الصمت امام سيل الشماته ... وفيضان الاصرار على الاعتراف ...


تدرون الاعتراف بإيش ؟؟؟

الاعتراف بان الهلال للاسف ...


الهلال .... انهار ...
الزعيم .. تدمر وتشتت ...


يمكن ما يعجبكم كلامي ..

لكن .. لا تناقضوا الحقيقه والواقع ..

صحيح ان اللي صار .. مجرد هزيمة ... لكن اسمها هزيمة .. في ظل تدني المستوى ..

هزيمة جت من اجل ان تثبت الانهيار ..


فرحانين انها اول هزيمة في الدوري ...
فرحانين بالتعادلات اللي تجي بالموت و(طقها والحقها ) ؟؟
فرحانين بالفوز اللي يجي بسبب ( ضعف الفريق المقابل ..) ؟


ما ابي احط اللوم على احد ... يمكن انا الغلطان ...


ويا قلب لا تحزن ..

وارجع اقول ... والقادم مذهل اكثر ...

الله يصبر اخوي الموهوب

will hold the cupيوسف الثنيان enshalla we will be back and

لا ان شاء الله بيرجع الزعيم زي ما كان وبيطير النوم من عيونهم
تحياتي لك ولكل الزعماء
سلام

عجزت ابي اصحى من كابوسي لكن ما فيه فايده ...

بديت اصدق ان الكابوس هذا واقع ... للاسف

ياإخوان لا تخافون على الزعيم

إن شاء الله راح يرجع مثل أول وأحسن بعد ...

لكن الصبر ثم الصبر ثم الصبر

حبيبي موهوب... كلـنا مصعوقين... وأنا معك في كـل شيء إلا في مسألة أن الهـلال انهار... يا حبيبي... تشجيع الهـلال له لـذة... شـف شلون قامت الدنيا وقعدت يوم خسر بفرق هدف واحد...لا و شف شلون أفضل لاعب آسيوي، أفضل لاعب عربي، أفضل ناشء عربي وأفضل حارس آسيوي (نواف وسامي والشلهوب والدعيع)... هذه الأسماء قد تفعل شيء في المربع.. أو ربما في آسيا... لـن نحكم بانهيار الهـلال ابدا... ولا يساوم جماهير الهـلال على حب الهلال... لأن هذه المساومة، خاسرة دائما!

Resurrection
كلامك عين العقل ..

لكن ما ابي اتعب قلبي بذكر الاطلال .. والتامل والتوقع للافضل ... حتى نشوف التغيير فعلا ..


ولازم يكون هناك تغيير .؟..


انا عارف انهم ما يبون يغيرون الحين في الوقت هذا بالذات عشان ما يشمت هذا الفريق ويقول بعد ما هزمناهم غيروا ..

وهذي هي المشكله ..


والله يعين

الغالي / الموهوب.

‌‌‌@@@... الحياة من دون آلم لا لذة لها .

@@@... والهلال سيعيد البسمة والفرحة كما كان وسيكون بإذن الله تعالى..


@@@...الموهوب لك تحياتي.

الحمدلله .. بديت الحين مثل ما بدا لاكثير يحس بان ما فيه شيء ضاع على الهلال .. سوى مسألة انه خسر خسارة واحده بس في الدوري ..

وما زال يحتفظ باقوى دفاع في الدوري .. الحمدلله على كل حال ..


وتصدقون بديت احس ان الخسارة اللي خسرها الهلال راح تكون سبب في تقديم الهلال لصورته الحقيقيه ..

بالتوفيق للزعيم في البطولتين ..