بسم الله الرحمن الرحيم

معليش طولت عليكم بالحلقة الأخيرة ....

بس كله علشان عيون اعضاء منتدى سامي

لأني كنت انزل الحلقات هناك ولا حبيت اعرض الحلقة الأخيرة هنا وهناك الا بوقت واحد

الحلقـــة الاولـــى ارعص هنــــــا


الحلقة الثانية ارعص هنا



الحلقة الثالثة هنـــا



الحلقة الرابعة هنا


الحلقة الخامسة هنا


الحلقة السادسة

الحلقة السابعة +تقرير سري


الحلقة الثامنة
ــــــــــــــــــــــــــــــــــــــــــــــــــــ


الحلقة التاسعة و الأخيرة









وصلنا في الحلقة الماضية أن راعي الددسن ما انتبه للطريق بسبة
عبسي اللي طب في حجره عقب بوكس تركي القحطاني

كان راعي الددسن متجه للصبات دعس فرامل بقوووووووووة اععععععععع ...........دووووووووووووف

لاحول ولاقوة الابالله صدم راعي الددسن

ومن قوة الصدمة كانت لينا ماتمسكت زين هي وأميرة وعدنان المسدوح بالصندوق .

طارت لينا من صندوق الددسن وطرررراخ على الزفلت .

وتشققت يدينها ورجلينها

وأميرة بعد طارت وانكسرت ايدها

وعدنان المسيكين لصق بآخر الصندوق وانشق راسه زودا على مافيه
وعبسي أنكسر خشمه من البوكس غير أن وجهه صقع بقير الددسن وتكسرت ضروسه .

أما الشباب { المسعري , النزهان , تركي القحطاني } كلهم ماجاهم ولا شي ء

الا صعارير بسيطة .

وراعي الددسن هو اللي راح فيها مسكين انخفس صدره من الدركسون .


المهم بعد الحادث تجمعت الناس وتجمهرت على السيارة

وكل العالم تاركين اللي بالسيارة ورايحين يتفرجون على لينا وأميره
ولا أحد حاول يساعد ولا شي .

وإلى هذاك الشقردي اللي وقف سيارته ونزل وبدا يزاعق على العالم
ياناس خافو ربكم أسعفوهم شيلوا معي يالله

وشالوا لينا وأميرة أول شي ماصدقوا على الله هالمشافيح يشوفون بنات

الشباب ابو مسعري والنزهان والقحطاني هجوا من السيارة ..

والى هالحين ماندري وينهم ؟؟

وناس شالو عدنان وعبسي وراعي الددسن وودوهم للمستشفى
ومن حسن الحظ كان المستشفى قريب .

ويوم وصلوا للأسعاف أخترش المستشفى وأخذوا عدنان أول شيء
هو وراعي الددسن لأن حالتهم صعبة

أما لينا وأميرة وعبسي حطو عليهم مغذي ولزقو جروحهم
وصحوهم وخلوهم يوم تحت الملاحظة .

ومن بكرا طلعوا من المستشفى الا عدنان وكانت حالة عدنان تمام
وطلعو الرصاصة من كتفة وعالجوا باقي جروحه وهو طيب ابشركم

اما راعي الددسن فالظاهر انه يبي يطول لانه جايب العيد


وقعد عدنان بالمستشفى وكل يوم يزورونه لينا وعبسي وأميرة وسميرة وزوجها أبو طلال {نامق}

حتى نمرو غدا رجال وعقل وخلى عنه النذالة عقب ماشاف دبجة عبسي لعلام بعمود الخيمة ..

وعلى فكرة علام حتى الآن مامات بس من قوة ضربة عبسي فقد الذاكرة

وصارت فيه رجة بمخه وصار مهبول وبدأ يحوس بجزيرة الأمل لا ولد ولا تلد

أحسن يستاهل وكلن يرحمه ويتصدق عليه .

بعد أسبوع بالمستشفى سمح الدختور لعدنان بالطلعة

بس الغريب أنه بوقت طلعة عدنان من المستشفى ماجاء أحد ياخذه .

أستغرب عدنان وبدأ يفكر وخاف على لينا .

المهم طلع عدنان من المستشفى وركب ليموزين علشان يرجعه لجزيرة الأمل

يوم وصل لبيت عمة لينا مالقى أحد لا حس وكل أهل الجزيرة مهوب موجودين

خاف عدنان وقال وش السالفة وين راحو ؟؟؟؟؟!!!!!!!


وبدأ ينادي : لينا .....لينا ==>قلبه على لينا حبيبته ..ياقليبي

عبسي وينكم ...؟؟؟؟

وفجأة طلعن طقاقات من ورا الشجر وهن يطقن ويقولن :

مباركن عرس الاثنين ليلة ربيع وقمرا....

وبعد شوي طلع باقي أهل الجزيرة

كلهم مشخصين وطاقين البشوت ,

أنهبل عدنان وطارت عيونه وش السالفة ؟؟؟

بعد شوي جاء نامق أبوطلال وعبسي يركضون لعدنان وصارو يجغفونه

ويقولون له مبررررررررررروك ياعدنان

عدنان : مبروك على ايش ؟

قالوا له : أصبر الحين تفهم

ويوم طلعت لينا من بيت عمتها وهي طاقتن التشريعه والثوب الابيض الطويل

طارت عيون عدنان وفهم وقال : لالالالا مو معقول لاتقول وافقت لينا على انها تتزوجني .

طار عدنان الى لينا و.............. ===> قطعوه الرقابه


ومسك عدنان يد لينا وقالها : وافقتي أخيرا ياعمري
قالت لينا بصوت واطي : ايه ياحياتي

قال عدنان : ترى مانيب لابس ثوب أنا قايل لك .

قالت لينا وهي مستحية : مايخالف يابعدي

وفجأة زعق عبسي وقال : ياهووووووووووووووو سكوووووووووووووت

ومير سكتوا كل العالم

قال عدنان لعبسي : وش فيك ياعبسي سلامات ؟؟

قال عبسي : اسمع ياعدنان أنا لازم أقولك سر عن لينا انت ماتعرفه ؟

بدت لينا تغمز بعيونها لعبسي وكنها تقوله أسكت يافضيحة

قال عدنان : خير ياعبسي وشو السر ؟ وبعدين مالقيت تقوله الا بيوم زواجي أنت وخشتك .

قال عبسي : عدنان احب أقولك وبكل آسف إن لينا نصراوية

انهبل عدنان وقال : صدق هالحتسي يالينا

قالت لينا : والله انا ياعدنان مهوب نصراوية متعصبة وتراي أحب الهلال علشانك ياعمري .

طير عدنان عيونه على لينا همن فجأة تغيرت ملامحة وابتسم
وقال : لالا يابعدهم كلهم أنتي شجعي اللي تبين حتى لو أنتي مع الرابطة

أنا أحبك وماراح أخلي هالشيء يفرق بيني وبينك .

قالت لينا : الله يخليك لي يا حياتي وانا من الحين هلالية علشان عيونك .

عدنان : ويخليك لي ياروحي

وقرب عدنان خشته لينا و........تشششششششششششششششششششششششش إنقطع الارسال

وبعد شوي جت سيارة من بعيد

يوم قربت السيارة عند مكان العرس

طلعت السيارة ددسن ..

عبسي نقز من الفرحة وقال : هلا والله براعي الددسن الحمدلله على السلامة

نزل راعي الددسن وبارك لعدنان وبارك لينا

وبدن الطقاقات يطقن والمباخر تروح وتجي والعالم ترقص

ومن ضمن اللي يرقصون علام المهبول عقب مافقد الذاكرة من ضربة عبسي بعمود الخيمة .

وهو يرقص علام وينابط طبعا رقص مهابيل اللهم لك الحمد والشكر

شاف ثلاثة متوزين ورا شجرة يتابعون العرس

يوم راح لهم بدأ يصارخ على الناس لقيت حراميه شوفوهم ورا الشجرررة

يوم طلعوا من ورا الشجرة صاروا الشباب المنسقين من الهلال
{ ابو مسعري وابو نزهان وتركي القحطاني }

طمر عبسي يوم شاف تركي القحطاني وراح له يبي ينتقم من البوقس

إنحاش تركي وعبسي وراه يقوله : وقف وقف وقف ....وقف يارخمة .

جاء المسعري والنزهان وباركوا لعدنان ولينا

قالوا : حنا جايين نرجع الريال اللي تسلفناه من اميرة .

قالهم عدنان : كفو والله يالهلالين ماتاكلون حق أحد هذي عاداتكم .

وكان عبسي قاعدن يدور تركي...
وينادي : تركي ارجع خلاص امزح معك

لأنه اظلم الليل وخاف عليه عبسي لايجيه شيء بسببه

والى الان مايدرون وين تركي ...اختفى

الظاهر انه طب بالبحر وانتحر ... ممكن كل شيء جايز


وبكذا خلصت أخبار عدنان ولينا بعد ماوافقت لينا على الزواج من عدنان

وراحو وعاشو بالجزيرة المفقودة جزيرة جد عدنان .

أما عبسي تزوج أميرة وأشتغل عند نمرو شريطي غنم وضفادع ..
ووعد اميرة انه يكمل المتوسطة .


وأبو طلال {نامق} فتح له ورشة لتصليح المكيفات وتعبئة فريون

للسيارات وجاب المهبول علام عنده صبي .. يجيب له الشاهي ويزبط له المعسل

وسميرة { أم طلال} صارت مدرسة علوم بابتدائية جزيرة الأمل .








وأخيرا ..

أرجو أنكم استمتتعتوا بحلقات هذا المسلسل ...

وأعتذر للاعبين الهلال { حسين المسعري , والنزهان , وتركي القحطاني }



والدعوى كلها سعة الصدر ....

تحياتي للجميـــــــــــــــــــع


أخوكم جمجمة الهلال



ـــــــــــــــــــــــــــــــــــــــــــــــــــــــ


الحقوق مدفونة للجمجمة



على فكرة طلبت من عدنان نصور زواجه بس رفض للأسف

مير يعطيني شريط كاسيت مسجل عليه العرس .
اسمعوه ..

وترى اللي يرقص بوقت تسجيل الشريط عبسي ونامق وأميرة .

مبرررروك لعدنان ولينا وعقبالنا

[sound]http://www.kubbar.com/Music/nawal_anwarat.ram[/sound]