|
@@ من داخل مصنع (adidas) ... طريقة تصنيع الكورة (صور) @@ :smilie47:السلام عليكم ورحمة الله وبركاته :smilie47: وش اخباركم عساكم بخير وكويسين ومبسوطين :d اليوم بنشبلكم بموضوع جديد ... هو كيف شركة اديداس المعروفة عالميا ... تصنع الكور حقتها :bigeek: القصة وما فيها ... اني كنت بروح اجيب خبز ... وبالغلط دخلت مصنع اديداس ... الفرع اللي بجنب بقالة راعي المغسلة .. وصدفة كان فيه سحب جوائز ... وطلع لي جائزة كاميرا :bigeek: يوم دخلت وشفت الوضع ولقيت انه فعلا طريقة التصنيع غريبة ... قلت يا ولد صور لك كم صورة ونزلها للاعضاء ... خلهم يتعرفون على معالم الدنيا :d <<<<< ما يعرف يكذب ابد :naughty: المهم للي ما فهم من الكلام الللي فوق اني كذاب ... ترى الدعوى وما فيها اني لقيت الصور على النت ... وحبيت اسدحها هنا ... للفائدة لانه فعلا انا انصدمت يوم شفت خطوات التصنيع :bigeek: :razz::dبس والله اني شريت خبز :d:razz: تفضلو ... اترك الصورة تتحدث ... وان شاء الله تنبسطون بشوفتها :stoned: ايتها الصور ... اليك المايك :clapping: تحت بتلقون كروكي حق مكان مصنع اديداس :d سوري ... قصدي المصدر اللي جبت منه الصور :naughty: طبعا فيه عدة مواقع لكن انا جبتها من هنا ... اخيرا ما يستفاد من الموضوع :d 1/ كل شيء يبدأ صغيرا ... الى ان يصبح ليس صغيرا :d 2/ في حال انفقعت الكورة حقتك ... شف الرقم اللي جوا ... ورح لهم عطهم الرقم يطلعونلك بدل فاقد :d<<<< ذكي مرة :naughty: 3/ الكورة الاصلية هي التي تصنع مثل اللي فوق :d 4/ لا تحاولو عمل هذا في منازلكم :d :smilie47:تحياتي لكم ... اخوكم الهلالي 11 :smilie47: |
اول شي تسلم على الموضوع و الصور الززينه بس يا خي مشوووره يا زين كور بلاستك أم ريالين أنفخ و بع هههههههههههه بس ما أكنه الكورة قديمه 2004 و حنى آلحين 2008 سلك كآنك ما شفتها هههههههه |
سلامات اسويها في المنزل رح اقرب بقاله أم 10 تؤدي الغرض الي تخلي الرجل حمره |
فن والله هذا وأنت ما جبت الأجهزة اللي يقلك تخلي الكرة متناسقة مع قدم اللاعب وخرابيط فاضية :d يعطيك العافية :) |
إقتباس:
والله معك حق ............................. |
والله شغل معقد ! هذي النآس اللي تخترع أشيآء جديده ! موب مثلنآ الله يخلف :d كل الشكر .. ورده |
والله اديداس ابدااع و احلى كوره هاذي و بعدها حقت دوري الابطال مشكور اخوي على الخبز قصدي على الصور هه |
مشـكـور عـ [ الصـور " الشـرح ] ..!! يـآخـي سهـلـة مـرره .. :d .. شكـلي بسـوي لـي وحـده .. :naughty: ../ |
مثل هذه المواضيع المفروض تكون مثبته ويعطيك الف عافية وكثر من هذي المواضيع الرائعة |
بس تدري طريقة معقدة نوعا ما وواضح من الصور أن هالكور صنعت بــ2004 بس حنا الحين بــ2008 يعني الكورة يدخلون هالقماشة اللي فوق وتطلع كورة على طوووول :d ملاحظة : متأكد أن اشتريت خبز :d <<< معليش ظلل :razz: بصراحة مشكور أخوي على أسلوب سدحك الجميل وواصل إبداعك |
مـوضـوع حلـو .. والكور ـآحلـى .. :d تشكـرآت خيـو .. :) |
موضوع مسدوح بخبره عاليه :clapping: يخوك باتسر وانت رايح تشتري خبز:naughty: أسالهم اذا يقدرون يفتحون فرع جنب استراحتنا عندنا نخلة تاكل الكور اكل يوميا اربع كور:upset: |
السلام عليكم عوافي يا بطل على الصور الغريبة ! اول مرة اشوف هالصور !! شوفو وشلون الناس تتفنن لين تجيب لنا كور زي الناس مهوب كور امهات 5 ريال واول ما تمزعها في الجدار تورّم ويطلع فيها صعرور ( صعرور = نتوء يظهر بشكل مفاجئ وغير طبيعي :d ) بس شركات الرياضة العالمية هذي انواع المخمخه والروقان بالتصنيع ! يجيبون لاعبين ويسألونهم ويشاورونهم اذكر ان اديداس غثتنا بكورة كأس العالم 2002 وما فيه لاعب الا وجابوه يشوتها عندهم ويمزع فيها لين طلعوها لنا بعد ما طلعت روحنا ! وبرضة كأس العالم 2002 كان نقلة نوعية في الملابس والاحذية وانتم كرامة : صارو يحطون فيها فتحات تهوية ومدري ويش وزحمه تحس وانت تقرا تقاريرهم بعد انتاج الملابس انها سيارات من كثر الاوصاف ! بس الاهم والمهم اننا نستمتع بالمنافسة اللي بينهم والمستفيد اولا واخيرا نحن :) لكن بالاخير يظل بوفون افضل من كاسياس <==== توه قاري موضوع عنهم وماسك خط :d عوافي اخوي وشكرا لك ورده |
http://tides.ws//wp-content/uploads/...3_image040.jpg 8 8 8 يالبيييييييييييييييه لو ذا الكرتون في غرفتي جنب مخدتي يوووه بصير اسعد واحد انواع الفله بصراحه كور اصليه انواااع الفللللللللله ياصدييييييييييقييييييييييي |
إقتباس:
s60ss60ss60ss60s بس كن الكورة قديمة؟ 2004 :naughty::naughty::naughty::naughty::naughty: |
مشكور على الموضوع ومشكور على الصور .. بس لاعاد تدور في حارتنا .. وصراحه اديداس وبس .. شف الكور اللي صنعتها بوما في كاس افريقيا واغسل يدك |
وعليــكــم السلام ورحمة الله وبركاتــه الله يخلـف عليــنــا حنــا آم 10 ريال وتــ خــب نصها فوق الســطــح والباقــي منسمه من الشووكــ :d عوافــي ع الموضوع المتعوب عليه وقسم بالله العظيــم ( آني مصدق آنك رحت تشتري خبــز ) :d |
هلا وغلا ... وصباح الخير جميعا :smilie47: اول شي للي يقول الكورة قديمة ... انا عارف انها قديمة وحقت اليورو 2004 بس ابغى اذكركم ان يورو 2008 قرب <<< يقلع ام التصريفة :d لا من جد ... انا عارف ان الكورة قديمة ... بس انا سدحت الصور لان طريقة التصنيع وحدة تقريبا ... يعني ممكن يغيرون بالتصميم الخارجي ... لكن تقريبا نفس طريقة وخطوات التصنيع ... بس مع الوقت الخبرة تزيد وممكن يضيفون اضافات حلوة للكورة :yes: skroo انا كنت اقرأ ردك وماشي تمام ... وفعلا كل شي يصير من مصلحتنا ... وان الحين الكورة والملابس في تطور مستمر :yes: لين وصلت اخر شي وغسلت يدي :d انصحك تراجع طبيب نساء وولادة:naughty: لان عندهم خبرة بمعايير اختيار افضل حارس :razz: ابوســ ع ــود والله فلة يا حساااااااااااااااااام :d من جد لو يمديني ادبر كرتون زي كذا ... انواع الفلة ... اخلي وحدة للعب ... ووحدة اتصور معها اكشخ على اخوياي ... والباقي بفقع كل الكور اللي بالسعودية وابيعهن بالسوق السوداء:d البقية ... يكفي اعطيكم ورده:smilie47:ورده واهم شي عندي بالموضوع انكم مصدقين اني شريت خبز:clap: |
و عليكـم السلام و رحمة الله و بركاته ,, ذا بعد كذبة أبريل ولا نصدقك :d .. شف يابو ,, الخطوات سهلة بس إني بكتب بدال اديداس خالد ,, أحسن ولا لا :d تسلم على الموضوع ,, :smilie47: و كان جبت لنا خبز بعد :d |
8 888 8888 8888888 تسلم على مرورك العطر :) بعدين يا اخوك لا تخلي كذبة ابريل تاثر عليك :d وانا عارف ان الخطوات سهلة ... بس المشكلة اصعب شي فيها انها صعبة<<< لحسة مخ:razz: |
مشكووووووووووووووووووور بارك الله فـــــــــــــــــــــــــيك |
موضوع من افضل المواضيع التي شاهدتها فالمنتدى مشكور اخوي وانت ليش تصور مصنعي انا اقول ذا الكور من وين جت اخوي يوم تدخل المصنع ماقريت الحقوق محفوضه بالصيني<<يبي يحجرر له بس ماعرف عافاك الله خيو |
سلامات اسويها في المنزل رح اقرب بقاله أم 10 تؤدي الغرض الي تخلي الرجل حمره <!-- / message --> |
ماشاءالله عليك وشلون دخلت عندهم وصورتهم << يقال له تعزيز :D الهلالي 11 مشكور على الموضوع وفعلا ً طريقة تصنيع الكورة غريبة .. تبي الجد ما استوعبت الموضوع يبي لي اخشه على رواقه .. باتسر ان شاءالله اتفرغ له ولولا الله ثم تعليماتك كنت بسويها في البيت :D |
إقتباس:
شف انا بعد ما خلصت تصوير ... اخر شي انتبهت للوحة وما عرفت وش مكتوب عليها ... يوم سالت الهندي اللي عندها وش يعني هذا الكلام ... قالي هذا معناته ... انت اقوى واحد :d اجل على كلامك اذا معناها الحقوق محفوظة ... رح للهندي واساله من اللي لعب عليك :razz: إقتباس:
مشكور على مرورك يا غالي ... وانا استانس اذا الحكومة نورت موضوعي:smilie47::razz: شفت شلون انا قوي يمديني اصور اي شي:naughty: والله يا غالي انا الى الحين ما ادري شلون يسوونها بهالطريقة !! فعلا لحسة مخ وماني متصر ان الكورة كذا تتصنع :upset: عشان كذا لو تخش بكره او بعد شهر ... ما فيه امل تستوعب :d بعدين موضوع البيت هذا ... اشوفهم يكتبون ببعض اللقطات Dont try this at home او شي زي كذا ... ومن زمان نفسي استخدم هالكلمة واخيرا لقيت له مكان :d شاكر مروك اخوي ... واشكر البقية اللي شرفو الموضوع :smilie47: تحياتي لكم ... اخوكم / عبدالرحمن :smilie47: |
عسى الخبز زين :D مشكور جداً ..................................... << فضيحة |
الله لو عندي وحدة العب بها مع عيال عمي مشكوووووووووووووووووووووووووووووور |
يهب ياهل يبانين ماخلو شي ................................ |
مشكور مبدع مبدع مشكور أخوي والله طريقة غريبه جداً مشكور مره أخرى |
روعه مابعدها رووووووووووعه شكل مصنع إديداس حقكم قديم ههههههههههههههههههههههه |
صوووور اكثر من رائعه يعطيك الف عافيه اما الكور تخليك ودك تقوم تلعب |
| الوقت المعتمد في المنتدى بتوقيت جرينتش +3.
الوقت الان » 11:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd