بالله اخي القارئ تخيل انك الرئيس....
وبغض النظر عن حنكتك الادارية وموهبتك...
اسألك بالله هل (بيجيلك قلب تذلف تتمشى و تسهر و..... ) وتترك الهلال في زبدة الموسم ...الا خلنا من زبدة الموسم اعتقد ان اي عضو في اي منتدى هلالي ماراح يسويها لو ان الهلال يلعب مباراة خيرية.....


ولكن ان بغيتوا الحق برضه .. ترى والله ما الومه يا اخوان لان حضوره زي قلّته...
لان حضور الرئيس الغرض منه معنوي ليس الا ...
وفي حاله مثل حالة الهلال لن تجدي ... لييييييييييييييييييه؟؟؟


لان ما عنده رجال في الملعب او علشان ما نتجاوز حدود الادب نقول ماعنده بشر يتأثرون ويقدرون هذا الشئ..
بالطبع هو اللي يتحمل المسؤلية لانه اوكل الامور لغير اهلها ..وبالتالي اصبحنا لانملك الا هالكديش اللي شفتوهم امس...
ويتحمل المسؤلية ايضا لان الله انعم عليه بدراهم مايحلم بها لا هو ولا الهلال واللي لو فكنا من مخه واستشار اطرف عضو شرف كان يمدينا جبنا زيدان بكبره .. او على الاقل ما انلعب علينا (عفوا) عليه بهالاجانب المزيفين والا الاجانب المضروبين اللي كلن يجي يقحش له مليون والا مليونين ويقضب باب الطيارة من بكرة...
والا في احسن الاحوال التعاقد مع لاعب مهما لعنت وسبيت وشتمت فيه ما تستاثم لانه مهوب مسلم!!!!


نرجع للعيبة فانا شخصيا او اي واحد من الاعضاء(والمشرفين عشان مايزعلون) لو كنت لاعب في الهلال والله جا الرئيس ماجا الرئيس والله لاحترق واحرق عمر عمري واقدم كل اللي املك واللي مااملك لاجل الفنيلة...
ولكن في نفس الوقت ...
لاحظ انها في نفس الوقت. . لوحسيت اني ماراح اخدم الفريق على الوجه المطلوب او على الاقل بيسلم من شري والله والله والله لابتعد... ويكفي اني خدمت الهلال بابتعادي....


الرواف على قولة احد الاعضاء متكّي في المنصة من اول المباراة الى اخرها...
وهذا شي طبيعي حتى ان عبد الله بن سعد الله يرحمه رحمه واسعة(قولوا امين) كان نادرا ما ينزل في دكة الاحتياط ..
بل ان مكانه معروف في المنصة...
بس فيه فرق بين الحالتين...

اعتقد كلكم عارفينه مافيه داعي اقوله................




تصدقون انه الى الان فيه ناس تؤيد المصيبيح ومعجبها الحال الهلالي الحالي ...
او علشان ما اظلمهم مو معجبهم ولكن مهوب مزعلهم ....





نقد ونقدنا ... دعم ودعمنا(والجود من الموجود)... حضور وحضرنا... حرقة واحترقنا... العبرة وخنقتنا...
نفس اعرف وش بقي اسوي علشان يتعدل الحال ويرجع لنا هلال زمان..........



اعذروني ..

والله ماتعودت اكتب بهالاسلوب لكن من حرّّّ مافيني والله ....