ليلة السبت الساعه ثمان!! - نادي الهلال السعودي - شبكة الزعيم

الجزار · #1 23/03/2002, 01:52 AM

[c]
ليلة السبت الساعة ثمان
بملعب كان المكان

جمهور
موزع بين اثنين
زعيم ولا زعيم

في الزاويه كرسي يسأل رفيقه
مسكين هالزعيم وين جمهوره!!!

بوسط الملعب 11 لاعب
او الصحيح
بوسط الملعب (يفترض) 11 لاعب

بآخر المدرج طفل
شايل بيدينه علم
كان اشتراه يوم الهلال هلال

من عينه اليمنى طاحت دمعتين
وبحسرة يضغط بيدينه على العلم

يلتفت لوالده ووبنظرته يسأل
يبه وش اللي صار!!

لا تبكي يا جدي
هزيمة وتعدي

لكن يبه انت علمتني
دامي هلالي كل الناس تحسدني!!
لكن اشوف الناس صارت علي تشفق

ما عليه يا ولدي
بكره سعود جاي ويتغير الحال

دايم تأملني بباكر يبه
متى يجي باكر يبه!!!

بساعة الملعب نتيجة
ازرق وابيض مهزوم

وش الجديد!!
يمكن هزيمة جديدة

اول هزيمة بعد 20 مباراة
الصحيح كنا دايم ننهزم بس ناخذ 3 نقاط!!!

كنا نلعب نفوز
وباسوأ الاحتمالات نقطه!!
لكننا بدون روح

ضاعت هويتنا بوسط المشاكل
كل واحد صار يحب الهلال بطريقة!!

الف طريقة وطريقة والضحية واحد؟؟
الف جماعه وجماعه والضحية واحد!!

هلالنا صابه كسوف!!
هلالنا ما عاد الزعيم

اعضاء الشرف!!
اسامي!!
لكن وينهم
محد يدري

صحافه
تسوي من الحبه سخافه
والمصيبه يوصلون
واعظم وادهى من كذا
تسمى صحافة هلالنا

هلالنا ضاع
انا وانت وهذاك
كلنا جهّال
حسين وتركي ونزهان
هم بس عقّال

وش صار يا ربي
حنا تغيرنا والا هلالنا غايب
وين الهلال يا ناس

ليلة سبت الساعة عشر
طفوا الانارة
راحوا الجميع
ويقى دمعتين لطفل!!

[/c]

هدف بالمقص · #2 23/03/2002, 01:57 AM

الله واكبر عليك ......
والله قصيده ولا اروع من كذا .....
اسلوب فريد من نوعه ...
===
هلالنا صابه كسوف!!
هلالنا ما عاد الزعيم
===

صح لسااااااااااانك

الجزار · #3 23/03/2002, 02:10 AM

[c]
هدف بالمقص

اشكر لك زيارة موضوعي والسماح لي بتززين موضوعي بردك
ثق ثقة عمياء بان ما كتبت انما هو صدى لحسرة قطعت قلبي وانا ارى زعيم نصف الكرة الارضيه وهو يخرج خاسرا امام النصر!!

شكرا على ردك
[/c]

الموهوب · #4 23/03/2002, 02:15 AM

الله عليك ... كفيت ووفيت ...

يعطيك العافيه ...

بس متى بيجي بكره ؟؟..

لين حرموا لاعبينا من المشاركة مع المنتخب ؟؟

الجزار · #5 23/03/2002, 02:24 AM

[c]
الموهوب

الله يعافيك
بكره قادم باذن الله
عندها فقط سنقول لكل من تطاول على هلالنا قفوا عند حدكم!!
لكن لن يتحقق الامل ونحن نسمع باضعاء شرف ولا نراهم؟؟؟

شكرا على ردك
[/c]

BLUE HOUSE · #6 23/03/2002, 07:46 AM

إقتباس


	المشاركة الأصلية كتبت بواسطة هدف بالمقص الله واكبر عليك ...... والله قصيده ولا اروع من كذا ..... اسلوب فريد من نوعه ... === هلالنا صابه كسوف!! هلالنا ما عاد الزعيم === صح لسااااااااااانك

vigo · #7 23/03/2002, 08:21 AM

صح لسانك يا الجزار

اه اه اه

عليك فيهم

11سبتمبر · #8 23/03/2002, 10:36 AM

كلام ويطير في الهواء ..................... تعودنا ...مافيه جديد

قول هلالي · #9 23/03/2002, 12:58 PM

[c][gl]ما اقول الا آآآآه يالقهر [/gl] [/c]

هلالي حتى النهايه · #10 23/03/2002, 02:14 PM

مسكين يحزن الطفل مرررررررره مرررررررررررره مااقول الا كلامك صحيح

الجزار · #11 23/03/2002, 07:03 PM

[c]
BLUE HOUSE

Vigo

11سبتمبر

قول هلالي

هلالي حتى النهايه

اخوتي
هلالنا لم يعد كما كان وهذه نقطة يجب الاعتراف بها شئنا ام ابينا
لم يعد هناك من يستطيع التمييز بين الصالح والطالح!!
من المخطىء ومن الجاني!!
نسأل الله ان يبعد عنا هذه السحابة التي اعمت عيوننا عن هلالنا

[/c]

أبلا عطيات · #12 23/03/2002, 07:32 PM

ايه القمال ده دررررررررر ايه الحلاوه دي يسلم بؤك يابو القزارين اللي بدنيا كلها وفيت وكفيت أصيده ولا اروع

ســــحايب · #13 23/03/2002, 07:54 PM

الجزار

حسراااات ياخوي . . من قلبك . .

متي يجي بكرة؟؟؟

الامل يسدل جدائله . . والفوز قريب بإذنه تعالى . .

تحيااااااتي

الجزار · #14 23/03/2002, 08:02 PM

[c]
أبلا عطيات

ســــحايب

لم يعد امامنا سوى انتظار شروق شمس الغد الذي قد يطول انتظاره!!
لكنه بالتأكيد سيأتي
شكرا لكما

[/c]

هدف بالمقص · #15 25/03/2002, 11:13 AM