22/03/2008, 02:46 AM
|
| الكاتب الساخر | | تاريخ التسجيل: 19/06/2006 المكان: Najd
مشاركات: 1,022
| |
عندي لغز ؟؟ ماهو الشيء الذي (يطلع لك في كل محل) !! لو تخش غرفة تغيير ملابس .. طلع لك من (الدرج) !! لو ينفقع كفر (باص) كان تلقاه متعلق في الاستبنه !! لو تصف في (سرا) اكتتاب كان تلقاه قدامك !! لو تبي تخش مطعم بخاري تتغدى .. لقيته جالس في الزاوية ياكل !! لو تبي تنقل لبيت جديد .. و جيت تشيل الدواليب .. طلع لك من ورا الدولاب ماسك ابجوره !! لو تروح تحلق .. لقيته يوازن دقنه على الكرسي !! لو تروح للجنادرية .. لقيت معه كاس سوبيا في قسم المدينة !! لو تناظر فيلم وثائقي عن حرب .. كان تشوفه حاط يدينه بخصره وطاق الابتسامة ومطلع راسه مع الدبابة !! لو تجي مسابقة قران كريم لقيته بالصف اللي وراء ويأشر للي يصورون !! لو تخرب أيقونة كان ما يطلع بداله X كان يطلع هو !! لو تروح للحراج لقيته فوق ددسن .. ويساوم !! لو تروح لم مسابقة مزاين .. كان تلقاه صاف بين البعارين ويصور !! لو تروح لم رالي حايل لقيته في (الحزوم) و (النوازي) وفوق (النقر) وماسك ذاك العلم اللي فيه مربعات ابيض واسود!! لو تدخل ملاهي .. لقيته نازل مع الزحليقة !! لو تقضي عنكم الموية وتطلب مويه .. لقيته جاي كاسر اليد مع راعي الوايت !! لو تلقى حادث .. كان تلقاه جاي مع سيارة الهلال الاحمر فـ النص بين المسعف والسواق وطاق الكمامة وهو ماله دخل !! لو تدق غلطان على اي رقم .. كان يرد !! لو تشب حريقة .. كان تلقونه ماسكن الخرطوم بـ يد واليد الثانية في خصره ويصّور !! لو تذب حصاة في منى يوم 11 ذي الحجة وتفلق واحد.. لقيته مصور جنبه !! لو عندكم سقف مستعار .. وتوخره كان طلع لك معه حمضيات !! - اللي قال (الغبار) الجواب (غلط ) .. الجواب هو : 
-------------------------------------- أهنيكم (أخواني على هالمتابعة ) .. اللي ما هي مستغربة .. والـ(ـتوغل) في قلب الحدث .. ولا هي بغريبة على (أبو محمد) ردم كل العقبات .. وتسهيل كل المصاعب .. عشان نكون في الصورة ومع (أبطالنا) لحظة بـلحظة .. ألف شكر : هلالي ثنياني !! ألف شكر : وطن الهلال !! ألف شكر : حبايب أنا والهلال !! جهد جبّار وتميز غير مستغرب .. لكم كامل الشكر والتقدير .. وكل الدعوات ( لنجومنا الصغار " سنا " الكبار " فنا " ) بانتزاع الفوز الصعب .. بحيل الله وقوته !! |
الوضع العادي
