انا فيني حره ودي ابردها في هؤلاء اللي كانوا السبب فيما حصل
وسيحصل للهلال
اولا.... الرئيس
اللي مادرى عن النادي من شهر وهو يتمشى في امريكا
والمكسيك والمنافسات الدوليه والمحليه في عزها
وعاشت الاجازات اللي تجي في نص الموسم وفي ذروة المنافسات
وعاشوا رؤساء اخر زمن
الرئيس اللي جا من الدرعيه عشان يهدم الهلال
الم يقل عبد الرحمن بن سعود ان لنا عملاء داخل نادي الهلال؟؟؟؟؟؟؟؟؟
الحين عرفتوا من يقصد!!!!!!!!!!
$$$$$$$$$$$$$$$$$$$$$$$$$$$
ثانيا.....ماتورانا
بالله عليكم فيه مدرب عاقل يخرج افضل لاعب في الشوط الاول
حتى لو كان قد ارهق فأن مجرد وجود فانلته ترعب النصراويين
وتعطي لزملائه دفعه وروح
طبعا ما اقصد المسعري(اه يامسعري ليتني اتولاك يوم)اقصد النمر
طبعا
بعدين كان لازم يعرف وش يبي من المباراه بالضبط..
ماهو يروح يهاجم والتعادل نتيجه ممتازه ليترك مساحات فارغه في الخلف
استغلوها جيدا
$$$$$$$$$$$$$$$$$$$$$$$$$$$
ثالثا......العتيبي
لوكان مكان العتيبي تمثال الدعيع ماكان جات هذي الاهداف
ليتهم تركوك تروح النصر وليتك حارسهم اليوم
$$$$$$$$$$$$$$$$$$$$$$$$$$$
رابعا.....القحطاني والمسعري
والله اني تمنيت ان الهلال يلعب ناقص اثنين ولاتلعبون انتم يالسلاتيح
عاهات والله عاهات ونكبات
الاول يدور الكروت ويلعب على الواقف واذا انقطعت منه الكوره يقعد يتفرج
ولاندري هو دفاع ولا هجوم ولاوسط ولا حارس ولاحكم ولا مشجع ولاناقد ولامعلق
مدري
الثاني هو اللي رافع حالات المصابين بالضغط والسكري في مستشفيات
السعوديه والخليج والعرب والعالم اللي فيه مشجعين للهلال
اكبر بلوه ابتلي بها الهلال هي وجود هذا اللاعب لاو الله ماهوبلاعب
الا يمكن لاعب بالاعصاب
انا ما اشوف المسعري الا في ثلاث حالات
اما كوره مقطوعه منه او فاول للخصم عليه او كوره مطلعها اوت
وحاله رابعه هي في حالة هجمه خطيره للهلال يجي هو ويخربها
ياربي تصبرنا يالله ارحمنا منهم ماعاد نتحمل اكثر
خلاص بننفجر
$$$$$$$$$$$$$$$$$$$$$$$
خامسا...... (الشر)يده
الي متى يا شريده صابرين على طاعاتك وهداياك للخصوم..ياخي انت مكلف بمراقبة كيتا
وينك منه وهو يسرح ويمرح ويسجل وانت اخر من بعلم صح النوم يا كابتن
مأساه ان امثالك انت والمسعري صاروا كباتن ماعاد في الهلال خير
والبلوه ان احسن مدافع سعودي (خليل)احتياطي لامثالك والبلوه الاكبر ان مدرب
داهيه مثل ارثر ينطرد عشان واحد مثلك جلسه احتياط عجبي
$$$$$$$$$$$$$$$$$$$$$$$$$$$
سادسا.......الجوهر
ذبحنا الجوهر بمعسكراته اللي زي وجهه...بالله هذي معسكرات يسويها واحد
عنده ذره من علم التدريب لاوالله هذي معتقلات وليست معسكرات
الي متى والهلال يعاني منكم ومن معتقلاتكم
فيه مدرب في العالم يعسكر قبل ثلاثه اشهر من اي بطوله
فيه دوري في العالم بدون نجوم؟؟؟؟
ام انك تنفذ وصيه عبد الرحمن بن سعود لابعاد نجوم الهلال من طريقه
على باله بياخذ بطوله هي ابعد من الشمس بالنسبه لامثالهم؟؟؟؟؟؟
$$$$$$$$$$$$$$$$$$$$$$$$$$$$
سابعا.......المنشطات
لازم لازم لازم ضروري وحتمي الكشف عن لاعبيهم بعد مباراة الليله
اللي شافهم اليوم يدرك مغزى تصريح رئيسهم بالكشف عن المنشطات
تشوف الواحد منهم كنه عن عشره ولو لعبوا للصباح ماتعبوا
كل واحد كان يطامر كنه حصان وتشوفه في كل مكان بالملعب
حتى وهم ناقصين ماكنت تحس بأي نقص بالعكس كن الهلال هو الناقص
وهذا مفعول اما المنشطات او الدنبوشي
$$$$$$$$$$$$$$$$$$$$$$$$$$$$
وأخيرا الجميع كان سيئ باستثناء الثنيان العلي والنزهان
هذا بعض ما يختلج بصدري من براكين واتمنى منكم تفشون غلكم معي
في اللي تشوفونهم السبب