18/03/2008, 09:05 PM
|
| زعيــم فعــال | | تاريخ التسجيل: 30/09/2007
مشاركات: 240
| |
أمنيتي فقط : القضاء على آخر مدخن في السعودية ومعالجة الزحمة في شوارع الرياض + ((صور)) .!
السلام عليكم حبايبي أنا عندي أمنيتين أتمنى أنها تتحقق اليوم قبل بكره، ولو قدّر الله علي وصرت مسؤول كبير أول أمنيتين راح أحققها لي وللشعب الكريم هي عدم السماح بدخول الدخان إلى السعودية والقضاء على آخر المُدخنين بالعلاج طبعاً، الأمر الثاني القضاء على زحمة الرياض وفسح المجال لنقل الموظفين في الرياض إلى المُدن الأخرى حتى يخف عننا الزحام الشديد .!  والله العظيم رائحة الدخان لا تُطاق وإذا بلاني الله وجلست في مقهى انترنت  وجنبي مدخنين أول ما أرجع للبيت اتروش واغير ملابسي من الريحة وشلون هم يتحملون مو زجاره ولا ثنتين المسألة وصلت إلى "بكتات" لكني اكتشفت أن المدخنين ماعندهم كرامة ووقحين فعلاً ، وقحين من ناحية عدم احترام الآخرين والتدخين أمامهم يعني وش ذنبنا حنا وش ذنب أطفالنا وش ذنب المجتمع يتحمل سفاهة هالناس التعبانة ؟ ووقحين من ناحية عدم الاهتمام برائحتهم ، ما نقول إلا الله يعافيهم ولا يبلانا .! بالنسبة للزحمة والله تعذبنا ما ندري وش نسوي أنا بس أنتظر الخميس يجي عشان أطلع برى الرياض وأفتك من هالزحمة وهالعالم اللي ما ترحم شوي وتاكلك ، بالذات راعين "الفورد كراون فيكتوريا والميركوري" اللي مستحيل يتعلمون آداب القيادة ولاّ يخلونك في حالك أنواع المساقط والتخطيم حالتهم حاله .!  ياناس تعبنا والله الصباح زحمة والظهر زحمة والعصر والمغرب زحمة وين نروح ؟ أترككم مع هذا الكاركاتير الذي يُجسد الحالة التي نعيشها يومياً في شوراع الرياض  تحيتي للجميع ،، |
الوضع الشجري
