الذهبي .. نواف

رغم الأنقطاع الطويل عآد وكأنه يقول سأرضي جماهير الهلال
سأعود للتشكيله الأساسية

نواف رغم الظروف والأصابات التي لو تعرض لها غيره لترك الملاعب

الله يوفق نواف ويرجع كما عهدنآه

شكراً حبيبي مغاط على الموضوع الرائع بروعة حظورك الجميل ..

يا حٌبي لك يا نوا ف كل شي منه حلو بس الإصابات تقتل المبدعين إن شاء الله ما يشوف شر وباقي اللاعبين

فرحتني شوفته في مباراة الشباب والهدف إثبات للكل انه موجود

يا ناس يا عالم يا هووووووووووووووووه



اللي تطالبون ان نواف 2000 يرجع



قالها نواف يوم يجدد العقد : ( جددت لموسمين ولا اعتقد اني اقدم لموسم واحد ) ..

ارفقو على الولد يا ناااس ..

الله يوفق أبو بندر والله يستاهل والله إني أحبه

فيه من كاكا مو؟؟

شكراً مغاط...

حبيبي والله مغاط جعلك تتمغط بالعافيه دوووم
ومشاركه لك بموضوعك عن حبيب القلب نواف أقول :



http://www.s7r.net/up/download-d78ffaa586.jpg.html

باذن الله يرجع لنا نواف زي قبل ويحصد معنا بطولة كاس فيصل باذن الله

إقتباس الرسالة الأصلية كتبت بواسطة طيار هلالي آآآآآهـ حتى وهو بالملعب اشتآق لـه نـواف فقدنآك قبل لآ تتـركنـآ مغـآط صدقت لآتهمكم أنآقـه الذهبـي كبيـر يابو بنـدر أنا مغترب وماقدرت أتآبع مباراه الهلال والشبآب لكن يوم قالولي نواف لعب وهو الي جاب هدف الهلال مدري ليه فرحت فرحه كأن الهلال فايز مو متعادل ابو بنـدر كلنا معـاك لين ترجع لمستـواك

يستاهل أبو بندر .. وأنا متفااائل برجعتي هذي خير ..

وراح يستعيد الاسد عافيته ..

حضوره كان أرقى مما توقعت باعتبار الاصابة والانقطاع ..


اللي قدمه أبو بندر للزعيم موب شوي ..


ما فيه لاعب تأذي من الاصابات مثل هالجبل !!


أبسط حقوقه نسانده ونوقف جنبه !!


حيااااااك الله أبو بندر .. من قلب كل عاشق لهالبيت الازرق ..



[صورة يدك وأنت تحيي الجماهير .. وحنا نرد عليك ]

إقتباس الرسالة الأصلية كتبت بواسطة الهلالي 11 مغاط يا مغاط جيت على الحرج يا مغاط اول شي ربي يعطيك الف عافية ... ومشكور على كتاباتك اللي بدأت تزين المنتدى بها بالفترة الاخيرة اه يا نواف ... والله هالاعب له معزة خاصة بقلبي... حتى يوزري بالشبكة اخترته من ورى نواف فعلا الكل يطالب بنواف 2000 بكل مواضيعهم .... وما ادري هم يستهبلون ولا يستهبلون ... اكيد يستهبلون اول شي نواف عمره الحين اكبر من عمر نواف 2000 ب 8 سنوات ... يعني شي طبيعي الواحد مع مرور السنين يكبر ما بيبقى نفس العمر الشي الثاني والله الاصابات اللي جات نواف كويس انه الى الحين يلعب يعني نواف الله يعينه والله تحمل اصابات واجد وما زال مستمر بالمسيرة ... ما سموه الفتى الذهبي عبث !! من احلى الاهداف الذهبية اللي اذكرها حاليا ... هدفه بالكويت في كأس اسيا 2000 هدفه اللي جاب لنا بطولة ولي العهد امام الاهلي وصدقوني كل ما اشوف اسم نواف ... حتى لو ما كان بمستواه اكون انتظر منه هدف ذهبي او حاسم بالله فيه احد راجع من اصابة وينط هالنطة ويجيب قول هذا اخر اهداف الفتى الذهبي ... اللي اهلت الفريق لمربع بطولة فيصل الذهبي ... واللي باذن الله من المربع للمباراة النهائية والذهب للذهب تحياتي لك ... وواصل ابداعك

أج .. أص .. أبببب .. أححح <<--- انلخم عقب هالمدح عجز يقول شيء ..!!

تحياتي لك ولمرورك ولاشادتك بـ نواف ..

الجميل في نواف .. بأي لحظة ممكن (يصنع كارثة) وباي لحظة ممكن أن (يقتل فرحتهم) ويمزق (اجتماعاتهم) !! لاعب لايمكن (التنبؤ بما يخطط له ) !!

وهذا هو نواف !!


أوافق أن (جل) الجمهور عندما "يتناقل ُ الأعضاء فيما بينهم أن اللاعب مستواه في انحدار " فستجد 100 صوت ٍ يأيد ّ صوته !! ويشد ّ على يده !! وحتى لو لم يشاهدوا "مباراة ً أو يسمعوا تحليلا ً" !! لأن هناك (متعة ) لا تسألوني عنها ( فقط هم من يشعر بها ) !!

والله يا الهلالي إن بعضهم .. جايّك قالط "يدوّر أي موضوع فيه تنتيف في لاعب " !! فينبسط ويفلها !! ويحس عند نفسه إن "خالد الشنيف" ولا شي عنده !! وخذ يا تحليل ورؤية فنية !! أي الشتالي وأي خرابيط !! وبالاخير تشوفه ما شاف إلا ربع ساعة !! لا وصادفت إنه في حلاق !! وإلا ما جاب خبر !!

كرة القدم ( سوق يبتاع فيه كل اللاعبون ) فيوم ويوم !! لن يكون الربح "سرمديا" ومطلقا !!
ولكن نواف من (كبارية السوق) وسيعود !!


[صورة نواف طايح على الارض .. ويتألم من الاصابة ]

اتمنى من كل قلبي ان يساهم هذا الأنيق في احدا البطولات المتبقية وان يعود كما عهدناه حاسم وعلامة فارقة في الوسط الهلالي


تحيااتي لك يا بطل


،صوره للمغاط وهو يرقص عرضه مع نواف

إقتباس الرسالة الأصلية كتبت بواسطة منسم مغاط... انتم كم شخص..؟ أحس إن لك شخصيتين في الكتابة فأيهما مغاط الحقيقي الرائع..؟ أما نواف بعد أن أجرى عملية الرباط الصليبي "التي لم يعود لمستواه بعدها الا عدد قليل من اللاعبين" فكثر خيره لو لعب شوط كويس كما ان تاريخ نواف يشفع له عند كل مشجع حقيقي للزعيم تقبل تحياتي ومروري

والله مدري أن تمدح وإلا تمارس "نوع من أنواع الفراسة " اللي بدت تخف في الأوانة الأخير !! بس حلو يكون في المنتدى " مريّ " و " قصاص جره " .. وتسانك تبي تنضم لشخصيتي فحياك الله .. لأني افتقد جانب (الذهانة) .. وأنت تبي تكملني !!

مغاط الحقيقي : هو كل من استل سيفه من غمده ( مبقيا المجاملات ِ لسواه) !!
فعيارة : إذا مصخها الواحد !! وقام يبربرس ويرق ويعجن وهو ما يدري وش الطبخه !!
فقلمي (الأصلع) .. على " أهبة الاستعداد" !!

و قلم " ألمعي" .. إن كان للكلمة حضور !! و مضامير السبـْق مشرعة ٌ لـمن (يسبك حرفه) !! ويمشط شعر (معانيه) !! لتلثم حسناوات (ألفاظي) .. وتين القلب !! عشقا !! و حبا !! وتأملا !!
هذا هو مغاط !! ( تبي زود وإلا ييزي )

وتعليقك على نواف عين العقل .. ( نواف مرّ بمراحل عصيبة ) .. أضف إلى ذلك " أن الموسم المنصرم كان أغلبية اللاعبين " بعد التشبع من البطولات" لم يكونوا بذاك المستوى !!


[ صور لأهداف نواف الخمسة على الطائي عام 1418 هـ !! وبداية "حبنا" له]

إقتباس الرسالة الأصلية كتبت بواسطة دحومي2006 مشكووووووووووووووووووووووووووووووووووور يا اخوي اللله يعطيك العافيه نوااااااااااف يستاهل اكثر من كذا ربي يوافقه

لا شكر على واجب ..
نواف محتاج كل عاشق له (أكثر من أي وقت ثاني) ..
كرد دين لما قدمه خلال مشواره ..

[صورة نواف يصلي في لاعبين الهلال جماعة ]