المخلوق اللي اسمه رونالدو بشر مثلنا
.. بديت أشك صراحة
.. مبروك الفوز لنا وتأكيد الصدارة نقطياً هالمرّة
.. وضعنا مريح و بيكون اريح لو فزنا على الريدز الاحد وتعادلوا البلوز و القنرز وحتى لو فاز واحد منهم بنكون أكبر المستفيدين بإذن الله شرط فوزنا على الريدز .. وقتها بنفتك من واحد من اللي يلاحقونا
المباراة ما فيها شي كثير يُقال .. لعبنا بأسلوبنا اللي نبيه .. نبدأ المباراة بقوة ونسجل هدفين أول ثلث ساعة بعدين نمشي المباراة على كيفنا وهذا اللي صار .. رونالدو حكاية .. يارب ينصفونك هالموسم يارب
اندرسون فيه شي غريب .. الولد احس ان باله مشغول بشي
تهقون انه طايحن بالحب
.. لا من جد احسة يسرح كثيير والكور تنقطع منه بسهولة عكس ما كان بداية السيزون .. إنطلاقاته مختفيّة مع انه اليوم باين ان السير موكل المهام الدفاعية لـ فليتشر و الهجوميّة لـ آندي .. فيه شي غريب اتمنى يكون هدوء يسبق العاصفة
زي ما تـالق فوستر قدام دربي .. اليوم كوزتشاك تألق بشكل كبير .. صدّ حوالي 4 كور كانت خطرة .. كان ممتاز اليوم ومصحصح .. الحبسي ماشاء الله عليه اليوم بالشوط الثاني بس خلّص خمس أهداف محققة لنا كانت ثلاثة منها لـ ناني اللي كان أناني اليوم
.. تيفيز صارلة شهر واكثر ماسجل .. وصاير يستعجل كثير قدام الباب .. لازم نشوف لنا حلّ مع الفرص اللي تضيع .. وأحياناً الإستهتار بتضييعها
فيديتش طلع ينزف من خشمة .. سلامات ان شاء الله .. غياب فيرديناند مباراتين ورى بعض شي غريب .. الله يستر لا تكون إصابة بس .. موب فوقتها ابد .. المشكلة دورت خبر عنه مالقيت لحد الآن .
يالله مبروك الفوز لنا
وان شاء الله يوم الأحـد نفرق اكثر
اما هالمباراة .. تُسجل للتاريخ
.. متعة ما بعدها متعة .. احيان اقول تشلسي احق .. واحيان اقول لا السبيرز يستاهلونها .. بس بالنهاية التعادل ممكن يكون عاادل .. اما فرصة بيربا بالدقيقة الأخيرة مش معقولة الصدّة من كودتشيني
.. بس سحبة بيربا لـ اليكس كلام ثاني
.. دفاع تشلسي غريب جداً .. فيه ضعف واااضح هالسيزون .. تيري صاير خشن
واي مهاجم يقدر يتفوق عليه بالكرات العالية اللي المفروض تكون ميزتة
.. غير حركات النص كم اللي يسويها من ورى الحكام
.. يالله تعادل من مصلحتنا .. شدوا حيلكم الأحــد وتعادلوا مع ارسنال اهم شي .. انتبهوا لا يكسرون رقمكم التعادل بيرفكت
عبدالله بالنسبة للفانتزي .. الجولة اللي فيها مباريات سبت واربعاء تحسب مباراتين .. يعني مانشستر - السبيرز - بولتون - تشلسي حسبوا للاعبينهم مباراتين .. ماشيكت على فريقي بس متفائل ان شاء الله خير