طبعا اكيد كلنا مر بمواقف طريفة أيام المراحل الدراسيه وياليت انكم تروون المواقف الطريفة الي
حصلت أيام الدراسة الي يعني عليها الكلام وانا راح ابدأ .....وياليت الكل يشارك
يوم من الايام لمن كنت في الصف الثالث ثانوي طبعا كنا أكبر من في الثانوي وتعرفون وش الشعور
لمن تكونون أكبر الموجودين
المهم طلعنا نتفسح وكنا نتفسح مع شلة الفصل وكانت الشله هذي أشهر من علم على رأسها نار_لغة فصحى مايمديكم-
ا
لمهم انتهت الفسحة ودخلوا العيال من الفسحة انا تأخرت ورحت أغسل في دورة المياه الله يكرمكم
رجعت للفصل ولقيت الطلاب هاجدين على غير العادة وفيه واحد قدام السبورة ومعطي الباب ظهره
ويتكلم مع الطالب الي في الخير عند الجدار
انا في ظني انه واحد من العيال حقين الفسحة نفس البدي ونفس الشخصية ونفس الطول
يعني ظمنت ميه بالمية انه خوينا فلان
المهم جيته من ورا وهو مايدري وامسكه مع ظهره ورافعه فوق وانزله على الارض وأرفعه فوق
وأنزله على الارض وارفعه فوق وانزله على الارض ..........
ا
لعيال الي في الفصل كلهم ساكتين وكاتمين الضحكة.........
ا
نا دخلني الماء شكيت بالوضع وتركت ايديني والتفت خوينا علي ويناظرني بعين............
الي قدامي ومن اليوم وانا ارفعه وامحط فيه على الارض ماطلع خوينا فلان...........
طلع
طلع
طلع
مدرس جديد توه متعين عندنا أول حصة له في المدرسة..........
طبعا تخيلوا وش صار بعد السالفة هذي
1-توقيف عند غرفة الوكيل لمدة اسبوعين بالتمام والكمال
2-خصم درجتين من السلوك
3-تعهد بعدم تكرار هذي الحركة مرة أخرى والا بنمسكك الباب -وياكثر التعهدات
4-طبعا محبة خالصة لي من مدرس الماده ةيستقبلني في الفصل استقبال بكل ترحاااااااب
5-حقد مني على طلاب الفصل
بس تدرون احسن شي صار لي
صارت سمعتي بالثانوية فوووووق بالعلالي
والحمدلله ربي ستر ونجحنا وطلعنا من الثانوي بتقدير .....................اهم شي النجاح والا؟