المساواة بين السحالي والتماسيح هنا ... - نادي الهلال السعودي - شبكة الزعيم

بـنـ**الزعيم**ــت · #1 16/03/2008, 05:48 PM

سلامن من الله عليكم دار قومن مسلمين
تسيف الحااال وش الاخبار ان شاء الله كويسين

وردتن حلوتن لكم << بسم الله علي كريمه

منذ صحيت من النوم وهناك هااجس يلح علي بكتابة موضوع فقلت سوف اتهور وانزل موضوع واللي فيها فيها << يانااس على لهجه حركتات

المهم ترى كل اللي فووق مقدمه

والله عندي موضوعن مشغلن ومنكد على حيااتي ومانعني من النووم << والله من النصب بس لزوم البرستيج

اقوول ماتلاحظون اني كثرت فواصل بس ماعندي سالفه والله افكر بموضوع بس مالقيت

صحيح البنات الحين او القورارير او السحالي يشتكون من فرق المعامله
بس قريت هالدراسه وشوفو معاي

توصلت دراسه أجراها مركز ستارش البريطاني للأبحاث العالميه إلى أن السعوديات أكثر البنات دلالاً على مستوى العالم وقالت صحيفة المدينه "السعوديه" (أن الدراسه أعتمدت على عدة امور منها أن الفتاة السعوديه تلبى طلباتها بدون عناء وأن السعوديه دائماً يقوم أحد بخدمتها بالإضافه إلى أنها ليست بحاجه للعمل فمصروفها متوفر لها من ولي امرها ).

ووصف الباحث الفتيات السعوديات بأنهن "ملكات العالم" ويقول : ان الملكه لاتقود السياره بل الخدم من يقوم بذلك فالفتاة السعوديه مثل الملكات تماماً

هااا يابنوتات وش رايكم للحين تبغوون تصيرون زي الاولاد يمكن يجيني أحياناً شعور ودي اسوق واصير زيهم اطلع على كيفي بس الحين لأ والف لأ

ياسحاالي ياصقيقاتي انا احبكم والله العظيم احبكم يعني لاتحسبون هالموضوع ضدكم لاو الله معاكم

والله احس الموضوع للحين فيه شيئ نااقص ايه ذكرت ترى الدراسه انا كاتبتها الحين ينقلونه لصيد الانترنت

السمسار الهلالــي · #2 16/03/2008, 05:54 PM

بسم الله الرحمن الرحيم
\
/
\

والله انا اشووف ان فية قمه اللكاعه والسماجه من البنات

.
.
لكن ان شاء الله يكونون مثلك تفكيرهم وااعي وراقي

]. توحيياتي .[
ورده

بـنـ**الزعيم**ــت · #3 16/03/2008, 06:01 PM

^^^^^^^^^^^^^^^^^
هلا فيك ...........
شرفني مرورك ...........

S K Y · #4 16/03/2008, 06:03 PM

مع ذلك الوضـع مو عاجبكم وكل شـوي ناقزه لنا وحده تقول ليه الولد اهـم من البنت

قسم بالله محد فالها غير بنات السعوديه .. لعيونهم نتمرمط في زحام الرياض على شان مشوار
ولعيونهم الأسواق والمنتزهات عوائل واذا فيك خير ياتمساح ادخـل
ولعيونهم كل شي متوفر لهم بدون تعب

الله يرحم حالنا بس

بنت الزعيم أنصفينا والله محد غيرك حااس بالمجهود والتعب اللي نقوم فيه

بلد الوليد · #5 16/03/2008, 06:10 PM

وش الكلام هذا ؟!!
المرأه عنده مكبوته الا تفهمون يا متنطعون ؟!
تباّ لكم
انها محرومه من كل شي
لماذا لا تقود السياره هاه ؟!
لقد انكم سلنتح

--> قلبها مزح علشان ما يقولون فيصل انجلد في المجلس العام

والله يا بنت الزعيم انك صادقه !!
وليت كل التكرونيات مثلك وتفكيرك !
--> تراني خليتك مع التكرونيات مو لأنك تكرونيه لا

علشان التكرونيه الاصليه تفهم

المساواة مدري كيف فاهمينها انتم
افهمو المساواة زين بعدين تكلمو !! اجل وحده مره سمعتها تقول ابي بسعر سياره طقم ذهب

الله فله

حتى ظلالي هلالي · #6 16/03/2008, 06:47 PM

إقتباس

الرسالة الأصلية كتبت بواسطة بـنـ**الزعيم**ــت


	سلامن من الله عليكم دار قومن مسلمين تسيف الحااال وش الاخبار ان شاء الله كويسين

وعليكم السلام والرحمهـ ..
بخير الله (مير) يسلمتس ويسمنتس

إقتباس

الرسالة الأصلية كتبت بواسطة بـنـ**الزعيم**ــت


	وردتن حلوتن لكم << بسم الله علي كريمه

وصلت ياخلفهم

إقتباس

الرسالة الأصلية كتبت بواسطة بـنـ**الزعيم**ــت


	توصلت دراسه أجراها مركز ستارش البريطاني للأبحاث العالميه إلى أن السعوديات أكثر البنات دلالاً على مستوى العالم وقالت صحيفة المدينه "السعوديه" (أن الدراسه أعتمدت على عدة امور منها أن الفتاة السعوديه تلبى طلباتها بدون عناء وأن السعوديه دائماً يقوم أحد بخدمتها بالإضافه إلى أنها ليست بحاجه للعمل فمصروفها متوفر لها من ولي امرها ). ووصف الباحث الفتيات السعوديات بأنهن "ملكات العالم" ويقول : ان الملكه لاتقود السياره بل الخدم من يقوم بذلك فالفتاة السعوديه مثل الملكات تماماً

إقتباس

الرسالة الأصلية كتبت بواسطة بـنـ**الزعيم**ــت


	ووصف الباحث الفتيات السعوديات بأنهن "ملكات العالم" ويقول : ان الملكه لاتقود السياره بل الخدم من يقوم بذلك

خخخخخخخخخخخخخخخخخخخخخخخخخخخخخخخخخخخخ

أجل خدم

لا بعد وحنا ملكات العالم

وين الباحث ذا أروح أمطخهـ

يعجبني والله

هاهـ يا خدم من يوديني لأقرب مطعم لاني جوعانهـ

<< فاطسهـ ضحكـ

إقتباس

الرسالة الأصلية كتبت بواسطة بـنـ**الزعيم**ــت


	هااا يابنوتات وش رايكم للحين تبغوون تصيرون زي الاولاد يمكن يجيني أحياناً شعور ودي اسوق واصير زيهم اطلع على كيفي بس الحين لأ والف لأ

أنا عن نفسي ماقلت بصير ولد

بسم الله علي

الحمدلله اني بنت

عشان ما اصير خدم

ابي استمر ملكهـ

<< ماتقهر أحد

يعطيكـ ربي ألف شطليون ترليون عافيهـ يا بنت الزعيم

أنا كني شفت ذبات وأنا جايهـ بالطريق

صدق وإلا يورالي

لالا طلع صدق

إقتباس

الرسالة الأصلية كتبت بواسطة بلد الوليد


	وليت كل التكرونيات مثلك وتفكيرك ! --> تراني خليتك مع التكرونيات مو لأنك تكرونيه لا علشان التكرونيه الاصليه تفهم المساواة مدري كيف فاهمينها انتم افهمو المساواة زين بعدين تكلمو !! اجل وحده مره سمعتها تقول ابي بسعر سياره طقم ذهب الله فله

أصلا من يوم قلت كل التكرونيات وأنا فاهمتكـ زين

قبل ماتشرح وتقول الاصليهـ

ياسعد التكرن كلهم اذا أنا منهم

يااااااااااااااااااااااااااااااااااااعالم يا نااااااااااااااااااااااس
افهموني عدل

أنا قلت مثلا مثلا مثلا
يعني ما ابي ذهب

اصلا لو تجيبونه لي ما لبسته

لاني ما احبه

جيبوا لي ألماس ممكن ألبسهـ

<< شوفي أعضاء شبكة الزعيم عند الباب جايبين لتس الألماس

طيري مناكـ انتي والثقهـ

لا بعد يالنصاب

قال ايش..!!
قال: ( اجل وحده مره سمعتها )

وشلون سمعت

قال وش عرفكـ بالكذبهـ .. قالت : من كبرهـ

اذا صرتوا هذي ما انتم مفوتينها لي

أجل الرسمه الفنانهـ حقتي وش بتقولون عنهـ

بني حارث · #7 16/03/2008, 10:08 PM

أنا ما أنكر إنهم ما يقصرون
بس لازم فيه حساسية والله مهما كان
على العموم مشكوووورة حبيبتي
تقبلي مروري
أختك
بني حارث

القيصر رهيب · #8 16/03/2008, 10:39 PM

كذا الحيااة
نكد ...
نكد ...
نكد ...
نكد ...

وبعدين نلبس شماغ

هع هع هع

بـنـ**الزعيم**ــت · #9 16/03/2008, 10:50 PM

إقتباس

الرسالة الأصلية كتبت بواسطة S K Y


	مع ذلك الوضـع مو عاجبكم وكل شـوي ناقزه لنا وحده تقول ليه الولد اهـم من البنت قسم بالله محد فالها غير بنات السعوديه .. لعيونهم نتمرمط في زحام الرياض على شان مشوار ولعيونهم الأسواق والمنتزهات عوائل واذا فيك خير ياتمساح ادخـل ولعيونهم كل شي متوفر لهم بدون تعب الله يرحم حالنا بس بنت الزعيم أنصفينا والله محد غيرك حااس بالمجهود والتعب اللي نقوم فيه

هلا فيك
والله كل الصبايا حاسين بس تعرف دلع البنات << وش دخلها

افااا ليش ماحد حاس الا والله حاسين ونصف بس
انت اصبر شوي
على كثر قرقرة هالسحالي يعجبنك

شرفني مرورك ورده

إقتباس

الرسالة الأصلية كتبت بواسطة بلد الوليد


	وش الكلام هذا ؟!! المرأه عنده مكبوته الا تفهمون يا متنطعون ؟! تباّ لكم انها محرومه من كل شي لماذا لا تقود السياره هاه ؟! لقد انكم سلنتح --> قلبها مزح علشان ما يقولون فيصل انجلد في المجلس العام وش ذا الحتسي مابالك يافتى هل انت لم تخمد جيداًا والله يا بنت الزعيم انك صادقه !! وليت كل التكرونيات مثلك وتفكيرك ! --> تراني خليتك مع التكرونيات مو لأنك تكرونيه لا علشان التكرونيه الاصليه تفهم المساواة مدري كيف فاهمينها انتم هوووووووووووووووووو وش تكرونياته الله يصلحك ليش تفضحني افهمو المساواة زين بعدين تكلمو !! اجل وحده مره سمعتها تقول ابي بسعر سياره طقم ذهب الله فله

لا تقول وحده قولها حتى ظلالي هلالي

شرفني مرورك

إقتباس

الرسالة الأصلية كتبت بواسطة حتى ظلالي هلالي


	وعليكم السلام والرحمهـ .. بخير الله (مير) يسلمتس ويسمنتس وصلت ياخلفهم اشوى خخخخخخخخخخخخخخخخخخخخخخخخخخخخخخخخخخخخ أجل خدم لا بعد وحنا ملكات العالم وين الباحث ذا أروح أمطخهـ يعجبني والله اووووووووووووف اعصابتس مطخ مرتن وحده عيييب يابنت الحلال او اجنبي ميخالف هاهـ يا خدم من يوديني لأقرب مطعم لاني جوعانهـ << فاطسهـ ضحكـ اجل عجبتس أنا عن نفسي ماقلت بصير ولد بسم الله علي الحمدلله اني بنت عشان ما اصير خدم ابي استمر ملكهـ << ماتقهر أحد يعطيكـ ربي ألف شطليون ترليون عافيهـ يا بنت الزعيم يعافيك ربي أنا كني شفت ذبات وأنا جايهـ بالطريق صدق وإلا يورالي لالا طلع صدق أصلا من يوم قلت كل التكرونيات وأنا فاهمتكـ زين قبل ماتشرح وتقول الاصليهـ ياسعد التكرن كلهم اذا أنا منهم ابوووووووووووك يالثقه يااااااااااااااااااااااااااااااااااااعالم يا نااااااااااااااااااااااس افهموني عدل أنا قلت مثلا مثلا مثلا يعني ما ابي ذهب اصلا لو تجيبونه لي ما لبسته لاني ما احبه جيبوا لي ألماس ممكن ألبسهـ << شوفي أعضاء شبكة الزعيم عند الباب جايبين لتس الألماس طيري مناكـ انتي والثقهـ لا بعد يالنصاب قال ايش..!! قال: ( اجل وحده مره سمعتها ) وشلون سمعت قال وش عرفكـ بالكذبهـ .. قالت : من كبرهـ اذا صرتوا هذي ما انتم مفوتينها لي أجل الرسمه الفنانهـ حقتي وش بتقولون عنهـ

خخخخخخخخخخخخخخخخ
ياسلام عليك وعلى ردك الحلو
شرفني مرورك

إقتباس

الرسالة الأصلية كتبت بواسطة بني حارث


	أنا ما أنكر إنهم ما يقصرون بس لازم فيه حساسية والله مهما كان على العموم مشكوووورة حبيبتي تقبلي مروري أختك بني حارث

العفو
شرفني مرورك

لــوريــن · #10 17/03/2008, 05:30 AM

اهليييييييييييييين خيتوووووووو...

كيفك خيتوو..... ورده

إقتباس


	هااا يابنوتات وش رايكم للحين تبغوون تصيرون زي الاولاد يمكن يجيني أحياناً شعور ودي اسوق واصير زيهم اطلع على كيفي بس الحين لأ والف لأ

البحث هذاا يبلونو ويشربوون مويتوو.....

وبعديين حقووقنا مو منه ولافضل من احد......
الاسلام ادانا هيا من 1400 سنه.....

ومويعني قولت ابغى اسووق ابغى اسير زي الاولاااد...

لاتخربطين الهررج خيتوو... ورده

يلااا سي يوووو ......

العاصفة البحرية · #11 17/03/2008, 08:35 AM

أخيرا تم تعييني سواق لإحدى هالملكات الله يعييني عليها

أقصد الله يطوللي عمرها

ويعطيكوا العافية

راكان _20_ · #12 17/03/2008, 08:43 AM

و عليكم السلام و رحمة الله و بركاته

و صباح الخير لكي أختي

أول نقطة أحب أقولها يا كثر حكيك على الفاضي و مقدمات بلا معنى و مسويه زحمه و الطريق فاضي <<< كل هذا

مزح

ألف شكر أختي بنت الزعيم على الحضور الرائع ما شاء الله كل فترة موضوع ، حفظنا الأسم من كثرة المواضيع

يكفي أني ولد فهذا بحد ذاته إن البنات كلهم يتمنون إنهم أولاد ......

و جهة نظر أتمنى من الجميع أن يحترمها .

ألف شكر على الموضوع الروعة ...

لك تحياتي يا مبدعة و المزيد من الإبداع .

abo_nasser · #13 17/03/2008, 09:54 AM

إقتباس

الرسالة الأصلية كتبت بواسطة لــوريــن


	اهليييييييييييييين خيتوووووووو... كيفك خيتوو..... ورده البحث هذاا يبلونو ويشربوون مويتوو..... وبعديين حقووقنا مو منه ولافضل من احد...... الاسلام ادانا هيا من 1400 سنه..... ومويعني قولت ابغى اسووق ابغى اسير زي الاولاااد... لاتخربطين الهررج خيتوو... ورده يلااا سي يوووو ......

تبين تسوقين..؟؟؟

الساعه المباركه لكل خروف سعودي..

ادوووووها سياره..

بنت الزعيم...ورده

موضوعك انصف كلامنا اللي ذكرناه في موضوع احدى التكرونيات..

والحمدلله الانصاف اتى من اناس يسمعون بالديمقراطيه...

يعطيك العافيه اختاه..ورده

سلاااااااااااااااااااااااااام

احبك لما تكون هلالي · #14 17/03/2008, 11:18 AM

توصلت دراسه أجراها مركز ستارش البريطاني للأبحاث العالميه إلى أن السعوديات أكثر البنات دلالاً على مستوى العالم وقالت صحيفة المدينه "السعوديه" (أن الدراسه أعتمدت على عدة امور منها أن الفتاة السعوديه تلبى طلباتها بدون عناء وأن السعوديه دائماً يقوم أحد بخدمتها بالإضافه إلى أنها ليست بحاجه للعمل فمصروفها متوفر لها من ولي امرها ).

ووصف الباحث الفتيات السعوديات بأنهن "ملكات العالم" ويقول : ان الملكه لاتقود السياره بل الخدم من يقوم بذلك فالفتاة السعوديه مثل الملكات تماماً

كلام جداً جميل ومفرح وهذا هو الواقع

هذا اكبر رد على القرد آل زلفه ماكذب من سماه زلفه

بـنـ**الزعيم**ــت · #15 17/03/2008, 02:08 PM

ياناس انتم فهمتو كلامي غلط انا ماقلت ابغى اسوق معناتها ابغى اصير ولد