صدر مؤخراً قائمة من وكالة الصرقعه بالأرهابين الذين قد يكونون موجودين ويعيشون بيننا وهي كالتالي :

(( اصحاب العبـــــــــايات المخصـــــــــره ))
لان كل البنات اللى يلبسون عبايات ( مخصره ).. ويتلثمون ..(( متخفيين )) و يسببون انواع المشاكل بين الشباب ... فتكثر المواكب ... وتشتعل حمى ( الترقيم ) .. ويصير الشاب ماشي ( مسطل ) من هول ماشاف .. لدرجة انه لولاء الحيا كان نط عالبنت وشالها على كتفه وصرخ على طريقة طرزان ( آآآآآآه ) ..وانحاش فيها عن الانظار

(( البعــــــــــــــــــارين ))
لان البعارين يقومون ( بعمليات انتحاريه ) ... فى الطرق البرية بين المدن ... تكون ماشي فحالك .. وتتفاجئ بـ( بعيـــــــــر ) منسدح فى الشارع .. قال يعنى يبي ياخذ ( تان ) وبعدها حادث مروع ... وهذا عمل((( انتحارى ))) ارهابي وقد استثني من تلك القائمة بعير بدوي مدلع

(( شركـــــــــة الاتصـــــــــالات ))
لانهم اكثر مصدر ( يزرف ) رواتب الموظفين المساكين .. بطريقة ( غير مباشره ).. وهذا نوع من ( الابتزازالارهابي المقنع ) ... واللى يرهب اى شخص اول ماتوصلة فاتورته .. خصوصا ان كان من النوع ( الحبيب ) واللى ينام على الموبايل ...

((عيـــــــــال القـــــــــراوى ))
وهذولا من اخطر الارهابيين عموما ... لانهم لابد ان( يؤذوك ) فى كل زمان ومكان ... ان رحت المسجد سرقوا نعالك .. ان رحت فعزيمة قراوى وجاء طفل يسلم عليك وقلت له وش اسمك ياشاطر قام( تفل عليك ) ..ان رحت الملعب بعد المبارة بتلاقى ( قفاك ) كله فصفص ... ان كنت ماشي بسيارتك ومريت من جنبهم ( رجموك ) بكل براعه .. ان كنت فبيتك كل شوي كورتهم طايرة عندك وازعجوك بالجرس .. ان وقفت سيارتك برا بيتك طلعت ولقيتها ( محككه ) ومكتوب عليها جمل غريبه ( ابو ناصر .... موادع ... ولد فلانه ... رايق حبيبي يانظر عينى ) .. وهذا ارهاب مستتر .

(( الطقـــــــــاقـــــــــات ))
لانهم يرهقون ميزانية الزواج ... وهذا ارهاب على العريس واهل العروسه ... والاحصائيات تقول ان ( زبيده ) تاخذ 100 الف .. وطاهره 30 الف .. اما مارى مو من ضمن الارهابيين لانها راحت عليها ...وللمعلومية فالطقاقات صارو ينافسون جينفر لوبيز وميسي وبرتنى سبيرس فى الدخل من حفلاتهم

((الكامـــــــــري والجمـــــــــوس ))
لان اصحاب الكامريات صاروا يسببون رعب سكانى .. يفحطون وهم بسرعة 160 ههههههه ماهوب كلهم ... ويمشون فى مواكب تصل الى عشرين كامرى مع بعض ... واصحاب الجموس يركبون لها اصوات رعد وبرق... وتظليل .. ويكتبون ورى عبارت ارهابيه مثل ( شادوا اوف ذا ديث ) او ( ذا كيلر ).. او ( سائودى دراكولا ) .. ويمشون فى التحليه بطرق انتحارية ..وهذا ارهاب خطر

(( مطـــــــــاعم البخـــــــــاري ))
وهذولا من ضمن الارهابيين القدامى ... لانك ان رحت اكلت فمطعم بخاري فلا تستغرب ان لقيت ( قطو ) قاعد جنبك ويناظر بتمعن فى دجاجتك ..ولاتستغرب ان جاك فى صحن الرز بقايا شعر باكستانى مزيت ..ولا تستغرب ان جابو لك طبق رز نصفه ماكل منه زبون قبلك .. ولا تتعجب ان جلست فى سفره وحده مع كل زباين المطعم ..ولا تستغرب ان اعطوك بعد الاكل رقم اى اسعاف لانهم عارفين عواقب اكلهم ..وهذا ارهاب صحى يهدف لزعزعت البطون ....

الله يكفينا شر البعارين.وشر العبايات المخصرة وفواتير الاتصالات.

والله ينصر الزعيم اليوم انشاء الله.

اضف لهم مراصيع الهلال

سمعنا انه ارهابي=====> يعيي يفتح يدة للمدير يقول ابوي ما ضربني تضربني انت......... اخس يالقوي

مشكور الله يعطيك العافيه.

مشكوووووور والله يعطيك العافيه اخوي ابو روان .
والله يكفينا شر العبايات المخصره .
اخوك المنسجم