|
موقفـــــــــ.............................. السلام عليكم ورحمة الله وبركاته كيفكم يا حلويييييييييين !! بادخل في الموضوع على طول للاسف حسيت بتانيب الضمير امس لاني دعيت على واحد وربي استجاب دعوتي امس واحنا رايحين للبديعه من عند الجسر المعلق واحنا نازلين من الدوار سقط علينا واحد شاب كان حلو شكله يعني مرتب لابس شماغ وعقال مسوي الشخصيه اللي تعجبني:razz: وهو يسقط التفت لي وقعد يطالع فيني وانا دعيت وحده من هالدعوتين ياجعله الموت هالجريئ ولا الله ياخذ عمره واحنا نمشي صار في حادث وزحمه ابوي هدا انا التفت لقيته الولد كان مسرع وراح للسيد الثاني انا طالعت جوا سيارته لقيته هالمسكين حاط يده على صدره ويعبط في هالخشه وطاح شماغه يا سفاب ذيك الشخصيه:razz: ابوي قال شكل الولد مات وانا قعدت اصييييح قلت حرام نبي نساعده نوديه للمتسشفى قال ابوي وين معي عائله وانا اقوله خلاص تعال نركبه وانا ادخل ان شاء الله تحت المرتبه بس نركبه ابوي طبعا رفض والله حرام دعيت عليه ما توقعت ان ربي بيستجيب دعوتي لو اني داعيه ان الله يزوجني او يدخلني الجنه او يرزق كلي هلالي وظيفه احسن لي بعد هالموقف دقيت على بنت عبودي وهي بمكه قلت لها السالفه وقلت ادعيله واقول لامي ودي ادق على المستشفيات اللي بالرياض ادور عليه ابيه يحللني استغربت امي قالت دقي بس انا خفت قلت ماله داعي بعد هالموقف انتبهو تدعون على احد يمكن يكون هالدعاء في وقت ساعة استجابه سلام معليش على الاسلوب لاني مره مستعجله انتظر ردودكم يا بعد تسبدي تراني ما شيكت على الاملاء عذرا الله الله بالردود s60s |
والله البنيات اليوم مدهرات مواضيع والله دامتس وانا اخوتس تقولين انه حاط ايده على صدره وطاااالع فأنا أظمنلك انه بأذن واحد أحد أنه حي بعدين وانتي من زينك تدعين عليه واذا ناظرك يمكن ماكان بقصد..*ــ* تحياتي لك !!هلالي الرس!! |
الحمدلله مادعي على أحد بالموت أبد مهما يضايقني :) أحسن دعوة (حسبي الله ونعم الوكيل) وربي بيكفيكـ :) |
الله يهديك بس لو الرجال مات بدال ما تقولين الله يهديه إن شاء الله تروحين تدعين عليه قوليلي شي واحد إستفدي منه لما دعيت مجرد تأنيب ضمير أتمنى تدعيله بالشفاء العاجل |
الله واكبر عليييييك :bigeek: .. .. مسكييين هالولد الله يشفييييييية .. طيب انا مريض شوي ماتدعي لي ربي يشافيني :) |
من موقع سماحة الشيخ عبدالعزيز بن باز : حكم دعاء الأخ على أخيه بأن يصيبه مكروه لمعصية فعلها؟ لا يجوز الدعاء من الأخ على أخيه من أجل تعاطيه المعاصي, ولكن يدعو له بالهداية، يدعو له بالهداية وينصحه ويوجهه إلى الخير, لقول النبي-صلى الله عليه وسلم-: (المسلم أخو المسلم)، (لا يؤمن أحدكم حتى يحب لأخيه ما يحب لنفسه)، وليس من شأن الأخ ولا من شأن المحبة في الله الدعاء عليه، كأن يقول: أهلكه الله، أو: قاتله الله، أو ما أشبه ذلك، بل يدعو له بالهداية والتوفيق والصلاح، هذا هو الذي ينبغي للمؤمن مع أخيه ,,, 00000 لذا يجب على كل إنسان أن يطوع نفسه على الصبر والحلم , وأن يعود لسانه على الدعاء لكل من أخطأ عليه بالصلاح والهداية وماشابه ذلك , لأن اللسان على ماتعوّد , في بداية مشواري التعليمي والتدريس إذا غضبت على طالب أو أزعلني بدأت بلعنه :upset: كأن أقول الله يلعـ ..... !!!! وبدون قصد وأندم بعدها ولكن من شدة الغضب ومن تعود لساني عليها آنذاك ,, ولكن أخذت على نفسي أن أبتعد عنها وأن أبدلها بـ الله يصلحك , الله يهديك , الله يرحم والديك ,, والحمد لله تمّ لي ذلك 00 بنت فهد أسأل الله أن يكون مصاباً وأن يقوم بالسلامة وأن يرزقه الهداية , كما أسأله لك التوفيق والسداد , 000000 |
الله يشفيييييييييييه اذا كان حي والله يرحمه اذا كان ميت ولو تفتح عمل الشيطا والله يرزقنا والله يعطيكم الجنة والله يزوجنا ووو .. الخ آميييييييييييييييييييييييييييييييييييييييييييييين |
الله يستر .. أنا مثلكـ إذا تضايقت من شخص في الشارع أدعي عليهـ .. لكن الحمد لله ما أدعي عليه بالمووت ..,, إن شاء الله يكون موضوعكـ عظه للشباب اللّي يضايقون الناس في الشارع ويعرف إن في ناس تدعي عليهمـ .... إن شاء الله يكون الشاب بخير ,,, |
هههههههههههه يالمجرمه ادعيله يقوم بالسلامه وادعيلي اعدي السمستر |
الله يهديك جبتي لي الشبهه :bigeek: المهم لايطري عليك تدعين لي :( لان دعوتك تجي بالمقلوب :d استغفر الله :surprised: ما أقول الا الله يقومه بالسلامه |
الله يكفينا شرتس اقول ومن دعواتتس :d وعسااي مااطالع بنت مثلتس تقعد تدعي علي رغم اني مطوع بس ممكن بعض الاوقات الشيطان يغلب علي :naughty: وبعدين ليش تدعين عليه علشانه طالعتس .. فيها شئ ؟ يعني انتي تطالعينه عادي :d بس غيرك ماتبيه يطالع فيتس :d .. والله مالت عليكن اقول :d البنت طاقه اللثمه وماتبي احد يشوفه .. والله لو هو انا لاقطعه من النظر :clap: عالعموم الله يقومه بالعافيه ومايشوف شر .. ولو انك داعيه له بالهدايه افضل !! :yes:برب |
يالله شي يأنب الضمــير صرآحه ,,, بس الله يهديك اذا انقهرتي من أحد قولي حسبي الله عليكـ ,, تراها احس دعوه |
خخخخخخخخخخخخاجل ادعي اني اجيب ممتاز في الشهادة .............................................................................. |
بصراحه امرك غريب..!!! بدال ماتدعين له دعيت عليه :upset: ويقولون ليش حنا يالسعوديين محنا متوفقين من دعاوي الجنس الناعم :razz: بس عندي سوال شاطف نوعا ما : وش سبب مناظرة الشاب لك؟ وشكرا |
الله يقــومـهـ يالســلامـهـ.. وهــذا درس لـكـ عشــان مرهـ ثانــيه مــاتدعيــن على اخــوكـ المــسلــم .. بالمــوت او ماشابـهـ |
| الوقت المعتمد في المنتدى بتوقيت جرينتش +3.
الوقت الان » 10:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd