السلام على الحلوين..!!

مبروكـ الفوز اللي جاء من عنق الابرهـ << اقالي بوضح انهـ صعب واصعب من عنق الزجاجهـ

كيفكو ؟! << اخسي يالسوريهـ

أنا بصراحهـ مافكرت انزل موضوع

وبظهري دين..وهو:
الجزء الثاني من التجميع الصيني حق جهازي بس للحين مافضيت افتش فيهـ مرهـ ثانيهـ

لكن قلت بنزل هالموضوع .. لان محورهـ مر علي اليوم

قلت مالي إلا انتم اجي افضفض ، اكب عشى ، اشكي ، ابكي ، اضحكـ ، اعصب عليكم << بالله جمعتوا شيء

<< واضح انهـ مقدمهـ وحدهـ مالهـ نفس وتقل مغصوبهـ على الموضوع


!@#$%^&!@#$%^&!@#$%^&


<< اقالة بتسوي حركة فواصل شكل جديد
<< ماتقلد احد

ادري كثرت القرق اللي لهـ سنع << كيفي الموضوع موضوعي << يامصلتس

نبدأ بالجد << جد وإلا عم
<< تنثبرين وإلا اطلعي برا
<< لا خلاص بعقل

!@#$%^&!@#$%^&!@#$%^&

أنتي بنت.. وهو ولد ..!!
جمله غالبا تتكرر علينا

وخاصهـ من (بعض) المجتمع (القصيمي)
<< لاحظوا اني قلت (بعض) .. والقصيمي بالنسبهـ لي أنا ماعاشرت إلا هالمجتمع

المهم

اذا قلتي :
ليهـ هو يطلع متى مايبي ويرجع متى مايبي ويروح وين مايبي ..؟! وأنا لا ..؟!
قالوا لكـ :
هو ولد وأنتي بنت

اذا قلتي:
ليهـ هو تعطونهـ هالمبلغ ..؟! ويشري اللي يبي؟! وأنا لا..؟!
قالوا لكـ:
هو ولد وأنتي بنت

...............................الخ


ليهـ البنت وش فرقها عن الولد ..!!
ليش الابو اذا جاهـ ولد يفرح أكثر من اذا جاتهـ بنت

ليش و ليش و ليش ؟؟!!

أنا من أول ماكنت أتكلم أو اسأل عن اشياء زي كذا

بس مرهـ سمعت باذني ما أقول يقال لي <<

شيخ بقناة غصب واحد يقول:
اذا انت بتعدل بين بنتكـ و ولدكـ صح ..!!
اذا شريت للولد سيارة بالقيمهـ الفلانيهـ ..مثلا بــ (000 25) ريال ..
تشتري لبنتك طقم ذهب أو اي حاجهـ تخصها بنفس القيمهـ ..

<< هالنقطه سمعتها وأنا جالسهـ مع الوالدهـ
ولا تكلمت

بعدها بشوي دخل ابوي وكان معاهـ اخوي اللي اكبر مني ..
وأنا جالسه اسولف قلت هالسالفه لهم << ما كانت تخطط لشيء بعيد أبد

أنا قلت السالفه من هنا .. وجتني المخدهـ تمشي مليون من هناكـ
<< من مين من اخوي طبعا

يقول : والله يا انتي ماتشتهين تبين ابوي يجب لكـ حاجهـ بقيمة سيارة
قلت:ليهـ وش ينقصني عنكـ
قال: تقارنين نفسكـ بي
<< شوفوا الغرور تكفون والله لو ما ابوي فيهـ كان المخدهـ اللي جدعها علي رديتها لهـ دبل
قلت: ايهـ وش الفرق ..!! يعني عشان انت ولد وأنا بنت..؟!
قال : ايه <<
<< بالله مايبي له طراق يعدل خشتهـ


!@#$%^&!@#$%^&!@#$%^&


ترااااا فيني غيض مو طبيعي من هالموضوع
وخاصة قولة انتي ولد وهو بنت << من الحماس عكست بس عجزهـ أعدل

يعني لو استرسل بالموضوع كان يجيني كرت احمر بدون سابق انذار يمشي شطليون


!@#$%^&!@#$%^&!@#$%^&



حالتي النفسي وأنا اكتب: << أحد طلب منتس

1- النوم يغلب على أمري بس ماودي أنام
2- الحالة النفسية متدهورهـ لابعد الحدود << متعوب على الجملهـ
3- معصبهـ << ادري فيهـ احد بيقول انتي مانشوفتس إلا معصبهـ بس وش اسوي ما أدخل النت إلا اذا كنت معصبهـ وهذا قدركم ان عندكم عضوهـ ملحوس مخهـ
4- امس واليوم إلى المغرب كانت النفسية تمام التمام لدرجة أهلي شكو بعقليتي من زود هبالي لو أحد يقول لــو (أ) ضحكت ضحكـ هستيري لكن من بعد المغرب مابقى أحد بالبيت ماتهاوشت معهـ حتى نفسي تهاوشت مع روحي
والسبب : اننا جالسين حنا وخالتي وكلامهم كان عن عملية امي اللي كانت بتسويه بعيونه
وبرضوا عن الخطأ الطبي اللي صار ببريدهـ بين المريضة اللي به كيس دهني واللي فيها زايدهـ

<< وأنا اللي قلب النفسية هالسوالف .. لان أنا اذا شفت جرح أو حتى أحد تكلم بعملية أو جروح وحروق ... حالتي تصير صعبهـ ساعات تاصل اني أدوخ أو وجهي يصفر وما أقدر آقف على رجولي وجسمي يرجف رجف مب صاحي

وهذا الشيء اللي قلب حالي ونكد علي وناستي وهبالي

وهو نفسه اللي خلاني اكتب الموضوع
عشان كذا كتبتهـ من غير نفس
<< وشو لهـ تكتبين ما أحد ضربتس على ايدتس وقال اكتبي


!@#$%^&!@#$%^&!@#$%^&


يالله تمسون على خير ورده
قصدي تصبحون على خير ورده

والله اختي الموضوع مو مختص بمجتمع دون غيره ..

تكاد تكون النظريه شامله لغالبيه المناطق دون استثناء ..
وانا معك بأن في ذلك إجحاف بحق الفتاه ، لا نطالب بأمور خارجه عن المعقول .. لكن ( العدل في التربيه ) وإعطاء الحقوق للاولاد والبنات - بشكل مرضي ولا يجعل احدهم افضل من الآخر ، أمر مطلوب وبشدة ..

إقتباس تشتري لبنتك طقم ذهب أو اي حاجهـ تخصها بنفس القيمهـ ..

يعني الفائدة [ الأساسية ] منها جماعية للعائلة كاملة .. حتى لو كان الولد مايودّي أهله في الغالب



إذا تبي أي شي مهما كان .. لكن في حدود المنطق طبعا

وعليكم السلام

إقتباس ليش و ليش و ليش ؟؟!!

لان هو ولد وأنتي بنت

إقتباس اذا انت بتعدل بين بنتكـ و ولدكـ صح ..!! اذا شريت للولد سيارة بالقيمهـ الفلانيهـ ..مثلا بــ (000 25) ريال .. تشتري لبنتك طقم ذهب أو اي حاجهـ تخصها بنفس القيمهـ ..

هذا اذا كنت راضع مع الراجحي اسوي كذا


ورده

البنت في الشرع نصيبها في الميراث نصف نصيب الولد
و ديّه الرجل 100 ألف والمرأه نصف الديّه 50 ألف
مع ذلك محد طفر بنا غيركم

فيكم عاده غريبه و فاقعه تسبدي .. الحين ليه اذا اشتريتوا فستان سهره بـ 4 آلاف تلبسونه مره وحده وترمونه والعذر شافوه الناس
والولد يفصل ثوب بـ 150 بس ويلبسه ستين ألف مره لين القلاب يلين
قسم بالله لو اقول لـ ابوي فصلت ثوب بألف ريال ليرميني بالرشاش اللي فوق الدولاب < ترا الرشاش بتصريح لحد يدقق

البنت يصرف عليها ابوها قبل الزواج ويصرف عليها زوجهاا بعد الزواج
والولد ماكلها في الحالتين وهو عزابي عايش على مكافئه الجامعه واذا تزوج توهق زياده

من جد كل هذا وحاسدينا على السياره اللي انتم المستفيدين منها لأننا بنصير سواقين عندكم
والله لو اني من اخوك ليجيك كوع خطافي يمشي مليون

إقتباس الرسالة الأصلية كتبت بواسطة S K Y البنت في الشرع نصيبها في الميراث نصف نصيب الولد و ديّه الرجل 100 ألف والمرأه نصف الديّه 50 ألف

أنا اتلكم عن فرق التعامل
الرسول ماكان يفرق بين العيال والبنات
بالعكس كان يفضل البنات على العيال
قال رسول الله صلى الله عليه وآله وسلم : « من دخل السوق فاشترى تحفة فحملها إلى عياله كان كحامل صدقة إلى قوم محاويج ، وليبدأ بالاناث قبل الذكور .. »

إقتباس الرسالة الأصلية كتبت بواسطة S K Y مع ذلك محد طفر بنا غيركم

أنا ادري ان مايحرق رزكم انتم
إلا قولة: ممنوع دخول الشباب ..المكان مخصص للعوائل
<< هذا همكم انتم

إقتباس الرسالة الأصلية كتبت بواسطة S K Y فيكم عاده غريبه و فاقعه تسبدي .. الحين ليه اذا اشتريتوا فستان سهره بـ 4 آلاف تلبسونه مره وحده وترمونه والعذر شافوه الناس والولد يفصل ثوب بـ 150 بس ويلبسه ستين ألف مره لين القلاب يلين

أنا اقول لكـ ليش ..

لان انتم اساسا موديل الثوب ثابت
وخاصة أهل نجد
مافيه بثيابهم موديلات ..

لكن البنت
فستانها يكون فيه موديل
وملفت للنظر
وناس بتتكلم فيهـ ..
عشان كذا بيكونون يذكرونهـ ولا ينسوهـ ..
وبتقول : شافوهـ الناس


أنت جرب مرهـ فصل ثوب زي ثياب أهل الحجاز
والبسهـ كذا مرهـ .. أو بعيدين ورا بعض .. أو زواجين ..
وش بيقولون لكـ العيال ..
للحين مافصلت غيرهـ ..!!

إقتباس الرسالة الأصلية كتبت بواسطة S K Y البنت يصرف عليها ابوها قبل الزواج ويصرف عليها زوجهاا بعد الزواج والولد ماكلها في الحالتين وهو عزابي عايش على مكافئه الجامعه واذا تزوج توهق زياده

يعني بتفهمني ان الولد مايصرف عليه ابوهـ قبل الزواج
من يقول
أجل السيارة اللي يشريها بتقنعني انها من مكافئة الجامعه << قاعدهـ لكم على السيارة

وزوجها اذا مايبي يصرف عليها ليه ياخذها اساسا
مايبي يصرف يخليها عند ابوها

والولد اذا تزوج بيكون موظف أو عندهـ عمل حر..
يعني عندهـ دخل ..
وعلى كذا بيصرف

إقتباس الرسالة الأصلية كتبت بواسطة S K Y من جد كل هذا وحاسدينا على السياره اللي انتم المستفيدين منها لأننا بنصير سواقين عندكم والله لو اني من اخوك ليجيك كوع خطافي يمشي مليون

الله يخلي لنا ولد الفلوس
هو اللي استفدنا من السيارة معاهـ
وإلا الولد قليل يخدمنا فيها .. اذا قلت شيء قال: وشو له السواق موجود
أجل انتم وشو له موجود بعد
بس تهمل مع اخوياكـ دوران بالشوارع والكفيات
وانتم انطقوا مع السواق



وصل الكوع الخطافي بس سرعته ضعيفهـ شكل البانزين خلص
رح لابوكـ يعطيكـ تعبي السيارة بنازين < قايله لكم بتذلكم بهالسيارة

على العموم مشكور على المرور ورده

إقتباس إقتباس: شيخ بقناة غصب واحد يقول:

إقتباس إقتباس: اذا انت بتعدل بين بنتكـ و ولدكـ صح ..!! اذا شريت للولد سيارة بالقيمهـ الفلانيهـ ..مثلا بــ (000 25) ريال .. إقتباس إقتباس: تشتري لبنتك طقم ذهب أو اي حاجهـ تخصها بنفس القيمهـ .. إقتباس كلام الشيخ على العين والراس .. بس أبسألك سؤال إجابته ماتحتاج لتفكير السيارة للولد يركبها كل أفراد العائلة صح ؟ يعني الفائدة [ الأساسية ] منها جماعية للعائلة كاملة .. حتى لو كان الولد مايودّي أهله في الغالب لكن طقم الذهب أو الألماس بيكون للبنت لحالها ولا أحد يستفيد منه غيرها .. الشي الثاني .. السيارات في الغالب متوسط سعرها [ الحالي ] تقريبا 100 ألف .. هل يعقل إن الأبو كل ماشرى لأحد عياله سيارة يشتري للبنت طقم بـ 100 ألف تلبسه في السنة مرتين والا ثلاث المساواة ممكن تكون في المصروف .. بحيث إنه يلبي حاجات البنت كاملة مثلها مثل الولد إذا تبي أي شي مهما كان .. لكن في حدود المنطق طبعا

يشرفني اختلافكـ معي ..

أنا ما انكرت ان السيارة تستفيد منها العائلة كلهـ ..
صحيح قليل نروح ونجي فيها ..
لان على قولتهم : الله يخلي ولد الفلوس ( السواق)

لكن أنت تخيل معي ان الولد يشرى لهـ سيارهـ بقيمة 10 آلاف
وبعد كم سنه يبي يغيرها ..
والسبب ..!!
مليت منها ..
كل اخوياي غيروا سيارتهم إلا انا ..!!
وبالاخير يشترون له سيارة جديدهـ ..

بهالنقطهـ يكون الهدف مو الفايدهـ من السيارة
بل مجرد كشخه وترزز عند العيال ..

ويالله جهز لكـ كل تقريبا 3 سنوات بالكثير ميزانيه خاصه لسيارة ولدكـ
هذا غير اذا كان عندكـ اكثر من ولد يحتاجون سيارات ..


نجي للبنت ..
انتم لا تركزون على طقم الذهب
أنا قلتهـ مثل ماقالهـ الشيخ مجرد ضرب مثال ..

صحيح انه مايعقل يشتري للبنت طقم بقيمة سياره
لكن .. ممكن انه يوزع المبلغ على اشياء ثانيهـ مو يجمعها في شيء واحد

اللي يقهر
ان الولد شوف وش يصرف عليه من ناحية السياره بس :

* سيارة كل تقريبا 3 سنوات وبقيمه ماتقل غالبا عن 10 آلاف ..
* غير البانزين اللي لازم تقريبا يوميا يعبي كلهـ من الدوران بالشوارع ..
* كفر خربان وإلا منفقع يبي تغيير .. أو غير الطقم كلهـ ( أكشخ) ..
* الفحمات خلصت .. ابي لان ماعندي فرامل << أحس بهالنقطه كأني فاهمه بالسيارات .. لان جت فترة واحد ابلشنا فيها بالطالعه والداخله ابي فحمات
* بغير زيت السيارة ..
* هذا غير لو صار عليه حادث بسيط لاقدر الله .. تصليح كامل لكل عفطهـ وخراب بالسيارة ..

إقتباس آسف على الإطالة بس الموضوع حلو ويستاهل رد مفصّل

شكراً على الاطراء اخي النمر ..
ومروركـ فعلا اسعدني وأضاف للموضوع الكثير

//
\\
//

القيصر رهيب

إقتباس إن شاء الله تنجح العملية وتقوم أمكم باالسلامه

الله يسلمكـ ورده
بس أنا قلت (كانت) يعني هونت

إقتباس ملاحظه وش فيكم يا القصمان حاقرين ألف التأنيث ذاك اليوم يسولف واحد من العيال يقول : أمي صديقته عندهـ كيت وكيت مدري ليه هالحرقان مع إن الحرف حلو

يا أخي اختصار
هذانا كل بين فترة وفتره نحذف حرف ..

أنا بالنسبه لي بعض الاحيان
احذ حرف الواو اذا بغيت مثلا اقول :
فلانه و فلانه
أقول:
فلانه فلانه

يعني اختصر
وشو له اطول بالشرح
المهم الكلام يفهم



تشكر على المرور ورده

//
\\
//

كلي هلالي

إقتباس لان هو ولد وأنتي بنت

جاني الثاني ..

إقتباس هذا اذا كنت راضع مع الراجحي اسوي كذا

خلاص دام انكـ مارضعت معهـ
اساسا وشو لهـ تشري لهـ سيارة
مايحتاج اذا انت يا الابو معكـ يكفي
<< تلكمت كذا بناءا على كلامكـ تتلكم كأنكـ ابو

تسلم على المرور ورده

//
\\
\\

مدحدر

إقتباس والله على مصالتك معهم حق اهلك

أهلي وإلا اهلكـ ..!!
جو شكو لكـ مني

إقتباس ياكبر وجهك تبين ذهب بقيمة سيارة وكالة

مو شرط ذهب
بس اهم شيء حاجهـ بقيمة سيارة وكاله بعد

ليهـ انا جايهـ من كوكب ثاني ..
ماني بشر ومن الارض
وش فرقي عنكم

إقتباس وبعدين لو نحسبها صح تلقون الاهل يصرفون على البنت أكثر من العيال

طيب أنا بحسبها معكـ

إقتباس يعني الولد مايفصل الا ثوب بالسنة من العيد للعيد

أنا اللي عندي كل شوي ثوب ..
وفيهـ أحد يآخذ قيمة الثوب ويحطها بمخباتهـ ولا يفصل فيها ..

إقتباس ويشري عطر يقعد معه نفس مدة الثوب

اصلا من قال ان عندهـ نوع واحد بس
انواع وكل واحد بالقيمة الفلانيه

إقتباس وبضع فنايل وسراويل واشياء عادية زي نظارات شمسية ابو عشرة ريال وشماغ ومن هالحاجات

نظارة ابو عشرة

مايشتري إلا ناظره ماركهـ
وبقيمة وقدرها
ومو وحدهـ عندهـ ..
عندهـ وحدات


البنت :

إقتباس لازم تفصل ملابس في كل حفلة , واللي تلبسه خلاص ماينفع تلبسه مرة ثانيه وش يقولون عنها ماعندها الا هاللبس

طيب قيس كم حفله تصير عندها
أنا بالنسبة لي تمر سنتين أو ثلاث ويكون عندنا زواج واحد بس

إقتباس طبعا فيه فرق شاسع في السعر بالمقارنة بثوب الولد , يعني البنت ماتفصل الا من التلاف وانت طالع ( التلاف : كناية عن خانة الألوف )

مثل ماقلت لكـ شوف المناسبات اللي عندها أول
بعدين قيس السعر ..

إقتباس هذا غير مساحيق التجميل والعطورات والخنبقات اللي مدري وش يبون فيها

أنا يالله كحل و مسكرهـ و قلوس
هذا اللي اعترف فيهـ من أدوات التجميل

وبالنسبة للعطورات ما استخدم إلا نوع واحد
لان خلاص يصير معروف هذي ريحتي ولا احب اغير العطر
اذا خلص شريت نفس النوع

إقتباس واذا جينا لمستلزمات المدرسه , الولد عادي قلم حبر ابو ريالين وخلاص يمشي حاله لكن البنت لازم تعبي مقلمة كامله , حتى تشتري الوان غريبه من الاقلام , زي الزهري والبنفسجي

أصلا متى نكتب عشان نشتري ألوان كثيرهـ
مانكتب إلا آخر السنهـ اذا جو يحطون درجات على الدفاتر
وتحمد ربها اذا كتبنا لها بلونين وان تكلفنا زدنا ثالث

إقتباس ولاتنسون المريول بعد ولازم له مواصفات خاصة , وكل مرحلة دراسيه يتغير اللون .

هذا الخلل بوزارة التربيه والتعليم
أنا وش خصني فيهم اذا هم كل مرحله يغيرون اللون

إقتباس هذا غير الحلي والمجوهرات والاكسسوارات من شباصات ونحوها

اصلا ابشركـ تاركين موضة المجوهرات
مايلبسها إلا المتزوجات غالبا

والاكسسورات مرهـ رخيصة
أغلى شيء ممكن ياصل له قيمة عقد 100 ريال تقريبا

إقتباس وآخرتها تسخسرون عليه ان ابوه يشري له سيارة !! حتى السياره ترى يخدمكم فيها يعني , اذا طلبتم منه اي غرض يلبيه لكم , طبعا على حسب المزاج

ما استخسرناها فيهـ ..
لكن حنا قلنا يعطوننا حقنا مثل مايعطون العيال بالسيارات
وشوف ردي على النمر بتبعات السيارة وش يجي من وراها
يعني مو بس اشتري سيارة وخلص الموضوع

يخدمنا ايه بس متى هالمزاج يجي
يالله بالمناسبات

إقتباس مشكورة على موضوعك التحفة يالدبه << يحس انه فاز عليها 3/ صفر

العفو
والشكر لكـ انت المرور يالنحيف

<< تحس انها فازت عليه 4/ صفر
<< ماتقهر ابد

ورده

هلا وغلا حتى ظلي هلالي...

وش سالفة هالسحالي هاليومين.. يبون يقارنون انفسهم بالتماسيح..
قبلك هلاليه نزلت موضوع يتبكبك وتتشكى ..وفي الاخير قلبناه شات وتقفل..
فمصير موضوعك اتوقع معروف من هاللحظه..

إقتباس قلت مالي إلا انتم اجي افضفض ، اكب عشى ، اشكي ، ابكي ، اضحكـ ، اعصب عليكم << بالله جمعتوا شيء

كاتبه باللون الاسود...
في لبس روما لون اسود..؟؟

إقتباس شيخ بقناة غصب واحد يقول: اذا انت بتعدل بين بنتكـ و ولدكـ صح ..!! اذا شريت للولد سيارة بالقيمهـ الفلانيهـ ..مثلا بــ (000 25) ريال .. تشتري لبنتك طقم ذهب أو اي حاجهـ تخصها بنفس القيمهـ

هذا الشيخ فاهم العدل بالغلط ...
وانتي اوزنيها مع نفسك وبتعرفي ..
اعطيك مثال بسيط ...
اذا ابوك اشترى لك طقم ذهب ويكلف الشيء الفلاني ...على كلام الشيخ الله يعين ابوك يشتري لاخوك
اي شيء بنفس القيمه
على كذا ..هونت ما ابي اصير اب.. بطفر مع اول ورعين يجون

إقتباس أنا قلت السالفه من هنا .. وجتني المخدهـ تمشي مليون من هناكـ << من مين من اخوي طبعا

كفووووووووووووو...
بس اشوف المخده شيء خفيف ...ما فيه دلة قهوه او براد شاهي يجلدها بجبهتك



اختى البرتقاله..ورده
الله يشفي الوالده ..ويسهل امورها



حتى ظلي..<<<وش تبي

يعطيك العافيه على الموضوع التحيف والغثيث..










سلااااااااااااااااااااااااااااام

إقتباس الرسالة الأصلية كتبت بواسطة abo_nasser هلا وغلا حتى ظلي هلالي...

هلا بكـ ابو ناصر

إقتباس الرسالة الأصلية كتبت بواسطة abo_nasser وش سالفة هالسحالي هاليومين.. يبون يقارنون انفسهم بالتماسيح..

يا أخي حقنا تقدر تقول شيء

لا بعد قل لي لان انا ولد وانتي بنت

إقتباس الرسالة الأصلية كتبت بواسطة abo_nasser قبلك هلاليه نزلت موضوع يتبكبك وتتشكى ..وفي الاخير قلبناه شات وتقفل.. فمصير موضوعك اتوقع معروف من هاللحظه..

هو اذا الله فكـ موضوعي منكـ ومن اللي خبري خبركـ
فهو بيخر ..

إقتباس الرسالة الأصلية كتبت بواسطة abo_nasser كاتبه باللون الاسود... في لبس روما لون اسود..؟؟

والله اني كنت حاسهـ ان انت بالذات بتقول شيء عن الاسود


ايه فيه
واللبس اللي لعبوا فيهـ قدامكم ماتذكرهـ ..؟!
وإلا من صدمت الهزيمهـ المرهـ ماركزت فيهـ

<< كني اشوف دلة قهوة جايه طايرهـ على جبهتي

إقتباس الرسالة الأصلية كتبت بواسطة abo_nasser هذا الشيخ فاهم العدل بالغلط ... وانتي اوزنيها مع نفسك وبتعرفي .. اعطيك مثال بسيط ... اذا ابوك اشترى لك طقم ذهب ويكلف الشيء الفلاني ...على كلام الشيخ الله يعين ابوك يشتري لاخوك اي شيء بنفس القيمه على كذا ..هونت ما ابي اصير اب.. بطفر مع اول ورعين يجون

مب لازم تصير ابو
عيش عزابي احسن لكـ

بعدين انتم ليه ركزتوا على طقم الذهب
أنا قلتهـ كــ مثال لا اقل ولا اكثر

إقتباس الرسالة الأصلية كتبت بواسطة abo_nasser كفووووووووووووو... بس اشوف المخده شيء خفيف ...ما فيه دلة قهوه او براد شاهي يجلدها بجبهتك

انتقلت لكـ عدو الشر

لا لاتخاف ذاكـ الولد من زد نعومتهـ المخدهـ تسوي ارتداد لراسي قدام و وراى
خطر مرهـ يرتج مخي

إقتباس الرسالة الأصلية كتبت بواسطة abo_nasser اختى البرتقاله..ورده الله يشفي الوالده ..ويسهل امورها

الله يجزاكـ خير ورده

إقتباس الرسالة الأصلية كتبت بواسطة abo_nasser حتى ظلي..<<<وش تبي

وش فيكم عليهـ انت و ليلو
ترا ظلي مرررررررررررررررررررهـ حساس
حرام عليكم لاتجرحونهـ

إقتباس الرسالة الأصلية كتبت بواسطة abo_nasser يعطيك العافيه على الموضوع التحيف والغثيث..

الله يعافيكـ على المرور الاتحف

ولاتعيدهـ مرت(ن) أخرى
<< تخاف انكـ تقلبهـ شات

شكريات كثيرات ورده

هو ولد ،، وأنتي بنت
\
/
عن نفسي وشخصيا وعن واقع مجتمعي لا ارى اي وجود لهذه الكلمة
فكثيرة هي التجارب التى مريت بها في حياتي وخصوصا مع والدي ووالدتي
فيما يتعلق بالبنت وماذا تشكل في كيان المنزل الذي تنتمي إليه ،،

فعن مجتمعي ،، أرى أن ما يتم صرفه على الفتيات لشراء المستلزمات الخاصة
المتعلقة بالفتاة أكثر بمراحل مما يتم صرفه على اربع من الأولاد مقابل فتاة واحدة
وليس هذا فحسب بل أن الوضع النفسي والتعامل الأخلاقي مع الفتاة أسمى بكثير
من ذاك التعامل الأخلاقي مع الولد ،، لأن الفتاة في أخلاقها ومدى إنصياعها لجمال
الأخلاق يكون أسهل بكثير من تقبل الولد لتلك النصائح من الفتاة ،،

هذا من ناحية ومن ناحية أخرى ،، فمتي ما تحدثنا وأطلقنا العنان عن واقع مجتمع
يحمل بين حنياها " ولد " و " بنت " فيجب أن يكون هناك خصوصيات لكل واحد منهم
يحكمها الدين الإسلامي والعادات والتقاليد المتفق عليها فمن المستحيل أن يسمح للفتاة
بالخروج كثيرا من المنزل دون رقيب أو حسيب ،،
ومن المحال أن يُقدم للولد ما يُقدم للفتاة من تدليل وعبارات أنثوية تجعل منها
فتاة تحمل كل معنى سامي وشامخ في جمال الروح وأنصياع الذات ،،

والحديث يطول عن وسيكون لنا معه صولات وجولات ،،
ولكن متى ما أيقنا جميعا بأن أختلاف المجتمعات ربما هو العامل المؤثر
في تطبع العلاقات فيما يتعلق بـ أنتي بنت وهو ولد ،،

ولكن من الصعب وأنا هنا أختلف جملة وتفصيلا مع من يتضايق من هاجس ذاته
عندما يرزق بمولوده على عكس ما كان يتمناه ،،
فالله هو الرزاق ،، والفتاة في نظري في تربيتها وصياغة أخلاقها أسهل بكثير من تربية
فتى قد يخذلنا في المستقبل القريب متى ما نهج نهجا مغايرا عن العادة ،،

حتي ظلالي هلالي
\
/
سلامة روحك من الضيق والزعل
ويا عسى ربي يجعل فألك فأل حب وسعادة بعيدا عن الهم والألم
وألف ألف ألف مبروك انتصار الزعيم في مباراة الحزم
رغم أنه انتصاارا أتى من عنق الزجاجة بعدما كتم أنفاسنا كثيرا ،،

كُلي مُنى ألا تحرميني روعة بوحك
وتقبلي فائق إحترامي وتقديري
دمتي بعبير الجوري
\
/
ورده

أهلا بكـ اخي ساحر العقول ورده

إقتباس الرسالة الأصلية كتبت بواسطة ساحر عقول هو ولد ،، وأنتي بنت \ / عن نفسي وشخصيا وعن واقع مجتمعي لا ارى اي وجود لهذه الكلمة فكثيرة هي التجارب التى مريت بها في حياتي وخصوصا مع والدي ووالدتي فيما يتعلق بالبنت وماذا تشكل في كيان المنزل الذي تنتمي إليه ،، فعن مجتمعي ،، أرى أن ما يتم صرفه على الفتيات لشراء المستلزمات الخاصة المتعلقة بالفتاة أكثر بمراحل مما يتم صرفه على اربع من الأولاد مقابل فتاة واحدة

ماشاء الله تباركـ الله ..
هنيئاً لكـ بهذا المجتمع

إقتباس الرسالة الأصلية كتبت بواسطة ساحر عقول أن الوضع النفسي والتعامل الأخلاقي مع الفتاة أسمى بكثير من ذاك التعامل الأخلاقي مع الولد ،، لأن الفتاة في أخلاقها ومدى إنصياعها لجمال الأخلاق يكون أسهل بكثير من تقبل الولد لتلك النصائح من الفتاة ،،

بهذهـ النقطهـ أنا معكـ وبشدهـ وبعنف

إقتباس الرسالة الأصلية كتبت بواسطة ساحر عقول هذا من ناحية ومن ناحية أخرى ،، فمتي ما تحدثنا وأطلقنا العنان عن واقع مجتمع يحمل بين حنياها " ولد " و " بنت " فيجب أن يكون هناك خصوصيات لكل واحد منهم يحكمها الدين الإسلامي والعادات والتقاليد المتفق عليها فمن المستحيل أن يسمح للفتاة بالخروج كثيرا من المنزل دون رقيب أو حسيب ،،

أنا هنا لا أتحدث عن الخروج بالضبط ..

وشخصياً أنا لا افضل الخروج من المنزل
إلا لحاجات ضرورية
إلا اذا الدعوهـ فيها روحه للرياض فأنا أول وحدهـ أركب السيارة

إقتباس الرسالة الأصلية كتبت بواسطة ساحر عقول والحديث يطول عن وسيكون لنا معه صولات وجولات ،، ولكن متى ما أيقنا جميعا بأن أختلاف المجتمعات ربما هو العامل المؤثر في تطبع العلاقات فيما يتعلق بـ أنتي بنت وهو ولد ،،

لذلكـ أنا تحدثت بالنسبة للمجتمع من حولي
لان اعرف بأنا المجتمعات تختلف
والعادات والاعراف كذلكـ تختلف

إقتباس الرسالة الأصلية كتبت بواسطة ساحر عقول ولكن من الصعب وأنا هنا أختلف جملة وتفصيلا مع من يتضايق من هاجس ذاته عندما يرزق بمولوده على عكس ما كان يتمناه ،، فالله هو الرزاق ،، والفتاة في نظري في تربيتها وصياغة أخلاقها أسهل بكثير من تربية فتى قد يخذلنا في المستقبل القريب متى ما نهج نهجا مغايرا عن العادة ،،

ولا ننسى بأنا البنت أحن على والديها من الولد

فهي قليل ماتجرح أحدهما بالكلام أو الفعل ..
تحاول قدر المستطاع أن تضغط على نفسها من اجلهم ..

لكن الولد .. لا يبالي بذلكـ كثيراً

إقتباس الرسالة الأصلية كتبت بواسطة ساحر عقول حتي ظلالي هلالي \ / سلامة روحك من الضيق والزعل ويا عسى ربي يجعل فألك فأل حب وسعادة بعيدا عن الهم والألم

ربي يسلمكـ ويعافيكـ ورده
اللهم آمين ..
وياكـ يارب ويسعدكـ ورده

إقتباس الرسالة الأصلية كتبت بواسطة ساحر عقول وألف ألف ألف مبروك انتصار الزعيم في مباراة الحزم رغم أنه انتصاارا أتى من عنق الزجاجة بعدما كتم أنفاسنا كثيرا ،،

الله يباركـ فيكـ
ايهـ والله..
بس الحمدلله اهم شيء الــ 3 نقاطـ

إقتباس الرسالة الأصلية كتبت بواسطة ساحر عقول كُلي مُنى ألا تحرميني روعة بوحك وتقبلي فائق إحترامي وتقديري دمتي بعبير الجوري \ / ورده

شكرا على الاطراء الذي لا استحق ولا حتى نصفهـ ..

وأشكركـ على مروركـ الذي أضاف للموضوع الشيء الكثير ورده

دمت بود ورده

والله يافيني نوم مو طبيعي

بس حظكـ اني ماطلعت للحين
كنت تو بسجل خروج بس قلت خل اشيكـ ع الموضوع قبل

إقتباس الرسالة الأصلية كتبت بواسطة الـمـشـاغـب هلا وغلا حتى ظلالك برتقالي ورده

هلا بكـ مشاغبوهـ ورده

إقتباس الرسالة الأصلية كتبت بواسطة الـمـشـاغـب موضوعك حلو مثل حلاوة البرتقال يعني يبي له مخمخة

الحمدلله يااااااااااااااااااااارب ان موضوعي عجبكـ تدري ليهـ << عشان ما يصيبكـ الغرور
لان كل خوفي ان انت و ابو ناصر تقلبونه شات
بس الحمدلله ربي ستر

إقتباس الرسالة الأصلية كتبت بواسطة الـمـشـاغـب ادعي ربك أني أرجع وما أسحب

والله انت ينخاف منكـ
أنت أكبر ساحب بالعالم << أحس كلمة ساحب مدري وش تبي

إقتباس الرسالة الأصلية كتبت بواسطة الـمـشـاغـب ياااااااااااااااااي يعني تبين تقنعيننا أنك بنت ناعمة مررررة؟؟ .. والله ما ظنيت

وش شايفني لي عضلات وراقيهـ على حلبة مصارعهـ
وإلا شكلي يخرع وإلا جني أطلع لكـ بالليل


بعدين مايهمني اقنع احد اني ناعمهـ أو لا
لان اهم شيء أنا واللي يعرفوني و يحبوني مقتنعين
وهذا اهم شيء

إقتباس الرسالة الأصلية كتبت بواسطة الـمـشـاغـب يالله بيننا بعدين إن شاء الله ورده

ننتظر ............................
والله يستر على السحبهـ كم بتدوم
<< غاسلهـ ايدهـ بكلوركس وفيري

تحياتي لحد ماترجع ورده