شباب الرس هل تم البدء في بيع التذاكر وكم عدد التذاكر وكم عدد التذاكر الي باقية وهل فيه امكانية اجد تذاكر فاضية العصر - نادي الهلال السعودي - شبكة الزعيم

ذيبان2 · #1 13/03/2008, 05:50 AM

السلام عليكم

ياهل الرس انا ناوري اجي اليوم العصر

للرس لمساندة الزعيم لكن حبيت اسأل عشان ماتوهق:
هل تم البدء في بيع التذاكر ؟
وكم عدد المقاعد في الملعب؟
وكم عدد التذاكر الي باقية؟
وهل فيه امكانية اجد تذاكر فاضية بكرا العصر؟

وشكرا

البدائع بلاد الروائع · #2 13/03/2008, 06:19 AM

-
-
-

هلا اخوي عدد التذاكر 3000 فقط والمدرج اصغر من الصغير 00 يمكن تلقى بالسوق السوداء واذا بتجي العصر ريح نفسك ولا تجي لان اللي خارج الملعب العصر عددهم حوالي 10,000 زي المباراة الماضية بنفس الملعب شيء يقهر 00

9 لابس الازرق 9 · #3 13/03/2008, 06:31 AM

انا من الرس جيتهم يوم الاربعاء
قالو مافيه الا يوم الخميس الصباح والعصر
الخبر اكيد

ذيبان2 · #4 13/03/2008, 06:48 AM

إقتباس

الرسالة الأصلية كتبت بواسطة اسيرالاسطورة بصير


	- - - هلا اخوي عدد التذاكر 3000 فقط والمدرج اصغر من الصغير 00 يمكن تلقى بالسوق السوداء واذا بتجي العصر ريح نفسك ولا تجي لان اللي خارج الملعب العصر عددهم حوالي 10,000 زي المباراة الماضية بنفس الملعب شيء يقهر 00

طيب الظهر مالقى

والف شكر على ردك يالغالي

وياليت باقي الاخوان يععلموننا باخبار التذاكر اول باول

غريب القصيم · #5 13/03/2008, 07:03 AM

لو سمحتوا يا إخوان..

وين موقع بيع التذاكر في الرس..؟

النجـم الهـاوي · #6 13/03/2008, 07:04 AM

من كبر الملعب تجــي ...

ترا جماهير الفريقين تقعد جميع من الضيق ...

ريح عمرك وناظره بالتلفزيون..

غريب القصيم · #7 13/03/2008, 07:18 AM

أنا في بريدة..
والرس قريبه..
و ودي أحضر المباراة وأسلم على الشباب أبو قحط و التايب والفريدي <--< مطيّح الميانة خخخخخ

أبروح الساعة 10 آخذ لي تذكرة.. بس ما أدري من وين أشتريها..

ذيبان2 · #8 13/03/2008, 07:42 AM

إقتباس

الرسالة الأصلية كتبت بواسطة غريب القصيم


	أنا في بريدة.. والرس قريبه.. و ودي أحضر المباراة وأسلم على الشباب أبو قحط و التايب والفريدي <--< مطيّح الميانة خخخخخ أبروح الساعة 10 آخذ لي تذكرة.. بس ما أدري من وين أشتريها..