انا وصديقي .. والهلال والنصر
هو / يوه ... ياوالله قهر
انا / خير وش فيك
هو /ا ه ه ه ه .......
انا / هه .. منهبل شفيك .. شجاك .. فجاءة تتائوه وانت تتكلم عن روحك الهلال!!
هو /ياخي قلت لك ... ان فيه نسبة 10% يفوز النصر !!
انا / ايه وبعدين
هو / وش فيك . ماااااااااااااااااتفهم .. اوقول يمكن يفوز النصر ولو نسبته ضعيفة
انا / خير ياطير والا فاز
هو /نا اشهد انك ........ (ماتنقال) .... النصر يفوز على الهلال ... لا .. لا ان شاء الله
انا / طيب افرض انه فاز
هو / فزت عيونك من خشتك
لا عاد تطري هالكلام ... ياويلي ... ان فازوا هالكراتين علينا ... لا ان شاء الله ... اعوذ بالله
انا / ؟؟!!
هو / والله مدري وش بيصير فيني ان فازوا هالدلوخ علينا ... واكيد انها بيتصير هديه السنة الجديدة من ابو بشر او الاساز قلال بية لزكية ......... بس .. حتى .. ولو.. صاروا معهم بنفوز ولو
انا / ياخي الهلال طلع من كاس ولي العهد في اول مباره وقدام الطائي ... ولا ضاق صدرك مثل هالوقت عشان فيه نسبة 10% يفوز النصر ؟؟!!!!!!!!!!!!!! وطلعنا من البطوله العربية ومعنا سامي ونواف والدعيع ... وانت من جنبها .. قمت تسولف عن المصيبيح والتيماوي وانه السبب ... ولازعلت على البطوله !!#*&#$%*
هو / مهبول انت تبي هالاثرم .............. ( ماينقال) ........ اقطع واخس ولا عاد تعود لهالموضوع
انا / .......... ( طبعاً سديت ثمي )
@@ ّ. .ّ @@
هذا حال قليل من جماهير الهلال .. والحمد لله انهم قليل
بس ابشركم ان الهلال بمشيئة الله فايز
تدرون ليه
لانه ولله الحمد كثير من اعضاء شرف الهلال مثل صديقي اللي فوق ؟؟؟
يعني كلهم بتلقاهم في النادي وبيساندون الادارة !!! وبيحاولون يصلحون الي قعدوا يخربون فيه .. وبيحاولون يزينون نفسية اللاعبين ويشيلون من روسهم الافكار المسمومة اللي كانوا يقولونها لهم !!!
ادعو معي
يالله ان الهلال يقابل النصر على النهائي