20/03/2002, 10:34 PM
|
| زعيــم مميــز | | تاريخ التسجيل: 15/01/2002 المكان: al-khobar
مشاركات: 3,013
| |
|
شباب استراحات
في يوم من الأيام الربيعية الجميلة كنت طالع انا وخويي دحيم ندور بالعليا وفجأة الا وابو الشباب ماسك خط الثمامة قلت : دحيم (( رد بكل غباء هااااااااااه )) قلت : سلامات وين رايح .
قال :رايح للاستراحة .
قلت : هماك الأربعاء اللي طاف متهاوش انت وتركي وحلفت ما عاد تطب الأستراحة .
قال : يا رجال انت مصدق .قلت :يعني انت نصاب ومنت قد كلمتك
(( أيضا رد بكل غباء وقال ايه وقعد يضحك ))
وقال : أصلا ماقدر اصبر عن مهاوش تركي وثقالة طينته .
قلت : سبحان من خلق ووفق (( طبعا في نفسي )) .المهم سكتنا شوي قام دحيم بكل براءة وشغل عزازي (( فنان دحيم التوب)) وأغنية زد صدودك ، انا بيني وبينكم قرفت حياتي لكن متحمل وصابر وفي نفس الوقت مستحي من دحيم ((نصااااااااااااب )) أخاف اسببله عقدة نفسية (( أصلا كله عقد نفسية الله يكفانا الشر )) .
المهم ماشين في امان الله واذ فجأة والا دحيم كاع أم الفرامل . انا خشمي حب علامة السيارة من قوة الفرامل .
المهم قلت : وش فيك لعن ابو ابليسك .
قال : أصبر أصبر يا شيخ (( وحاط أذنه عند الطبلون كأنه يتسمع لصوت) ) .قلت : انت صاحي انت احد يدعس فرامل وهو يمشي 140 تبي تموتنا انت . قال : يا رجال انت ما تسمع اللي اسمعه .
قلت : وش تسمع .
قال :صوت غريب .
قلت :وشو طيب .
قال : صوت بالمكينة
قلت:ماهيب غريبة على مكينتك كلها أصوات.
قال : لالا هذاصوت جديدعلي
قلت :وشو صوته .
قال : صوت قطو .
قلت : من صدقك انت .قال : قسم بالله يا شيخ (( عاد اذا حلف دحيم وخر عنه الا يا مصدق )
قلت : طيب أنزل أنزل وافتح الكبوت خلني ألقي نظرة .
المهم والله ونزلنا
وفتح دحيم كبوت الددسن (( بعد قوة مماطلة من الكبوت )). وصاح دحيم صيحه غريبة قال : يووووووووه وش ذا ، وأناظر الا والله قطو سلطان((أخو دحيم الصغير على فكرة بينهم شبه كبير)) منسدح على المكينة وتاكي بيده على المروحة .قال دحيم : لاحووووووول هذا وش جابه الحين .وشاله بيده ،
قال القطو : ياعالم ماحد يعرف ينام عندكم (اما عاد قطو يتكلم كثر منها ).المهم ويشوته دحيم بوز الا وهو مسطح بصندوق الددسن
قلت : يالله مشينا يا مارادونا ، وركبنا وكملنا طريقنا ……………………الخ الخ الخ ((لا يهمكم هذا كلامنا وحنا بالطريق )) .
والله وأبشركم وصلت للأستراحة بكامل أعضائي الجسمية ، دخلنا الاستراحة وقابلنا تركي عند الباب وقعد يهلي ويرحب ((يحتك بدحيم عشانهم متزاعلين) ) قلت :هلا وغلا تركي شخبارك حبيبي .رد : هلا دحيم عيوني يالله انك تحييه( ( الاحظ انه ما عطاني وجه كلش )) .
المهم بلعتها انا ومشيت دخلت لبيت الشعر وسلمت على العيال( ( عبد العزيز ومحمد وياسر وخلف وعادل وأحمد الدب وحمد و عبد الرحمن و وليد و……………………وبغيت أغلط واسلم على دحيم بعد) )
ودخل طبعا دحيم وقال : سلام شباب( ورفع يده ) وقعد بأقرب مكان لقاه ((صراحة أكثر ما يعجبني في دحيم سلامه السياحيعلى كيف كيفك)) .
طبعا يوم دخلت الخيمه وناظرت فوق الا فيه سحابة من كثر دخنة ذا المعسلات.... والله واقعد واسحب لي واحد من هالليات وخذ ياشفط لين طلعت عيوني ... ويم انتبهت على الشباب وناظرتهم زين...
أول ما لاحظت خلف وأحمد الدب يتطاقون على البلاي ستيشن من يلعب أول عاد أبو حميد من زود الميانه على الجهاز قام أنسدح فوقه
وقال : والله ما تلعب يا شيخ .
رد عليه خلف بكل براءة : أحمد قم ترى ماهوب أزين لك ( قزه ابو حميد بنظرة من طرف عينه )
وحنا حسينا أن الوضع تكهرب شوي .
قال أحمد الدب : وش تبي تزين يعني.
قال خلف: أبقولك كلمه ما تحبها أنت ابد .
قال أحمد : قول عني ما تقول (ملاحظ أن ابو حميد يسمع كثير لأحلام ) وش تبي تقول يعني .
قال خلف : قم يااااااااااااااادب .
وساد الصمت على الجميع ومرة لحظة عصيبة علينا جميعا
وكلنا قعدنا نحتري وش يبي يصير ،وبيني وبينكم رأفت بحال خلف
المسيكين لأن كلنا نعرف أحمد الدب اذا زعل وش يزين ، وبيني وبينكم
أبو حميد مزحه شين شوي مره قال يبي يمزح مع حارس الأستراحة ما درينا الا مصارين أبو هنود المسيكين بيده عاد قال أحمد :أووووه آسف حصل خطأ بسيط بس . ورجع مصارين الرجال ....
المهم قعدنا نترقب ما سيؤول اليه هذا الموقف وكلنا رأفة وأسف لحال خلف المسكين.....
وأخيرا تكلم أحمد الدب بعد لحظة صمت ما طاعة تقضي وكلنا ننتظر وش يبي يقول المهم
قال : خلف .(إلاخلف وينه اها متوزي ورا عبدالعزيز)
رد خلف :نعم .
قال أحمد الدب :شفت العيال هذولي كلهم والله مايقدرون يسوون لك شي اذا ماجيت عندي هنا عشان اجلدك
خلف في حيرة اللحين إن راح يبي ينجلد وان ماراح بينجلدون كل اللي في الجلسة وإحتمال يجي شوي طشاش على اي واحد يمر حول الاستراحة
أخيرا وبعد مفاوضات أقتنع خلف أنه يروح لأحمد ويضحي بنفسه مقابل سلامة الجميع.........
راح خلف طبعا أخر الأخبار اللي وصلتنا تقول أنه في الانعاش وأحتمال نجاته ضعيف جدا ......
وحنا مشغولين جدا على خلف هو مات ولا توه ولا بيموت ولا على حروه وكنا على أتصال مباشر مع اللي بالمستشفى عشان نتطمن عليه
وفجأة وبدون مقدمات .....
ططبطبطبططباطفاخطيخقطبقطاخثف ====> صوت شي طاح بالحوش..
ونطلع كلنا من الخيمة نبي نشوف وش ذا اللي طاح خلف طايح بالحوش بعد ماجته لكمة خطافيه من أحمد...
وبعد أن هدأت الأعصاب ...
قال عبدالعزيز : هاه شباااب طائرة؟
قالوا كلهم: قدااااااااااااااام..
يوم فرقنا وبدينا اللعب بدأ أحمد بممارسة دور الزعامة اللي هو يفضلة بقوة...وقال: انا اول كل شي ...((الظاهر بدوري حواري حنا ))..
والله ويوم بدينا اللعب طبعا مابقا أحد بالملعب إلا واحمد زالق عليه وكاسره (( الاخ فاهم غلط يحسبها كورة قدم))...
وبعد مارجعنا للخيمة وكلنا أصابات وشغلنا التلفزيون ويمسك عادل الريموت ويتوسط المجلس وحاط لي على قناة الجزيرة (( على باله جون كنيدي ولا مصطفي أدريس وانه فاهم بالأخبار))..
وحنا نقول له : غير القناة نبي شي حلو نبي رقص شرقي..ولا رقص غربي ..أن شاء الله رقص سوداني بس غير ..
وهو معيي (( يعني رافض ))
عاد أحمد الدب ذيك الساعة كان قاعد يزين لمبة بالحوش هي أصلا زينه وكويسه بس هو تخيل أنها خربانه وأنه لازم يزينها (( ميزته انه يعيش مع خيالاته))
والله وأنادي أحمد
عاد أحمد دوره عند الشر .....
وقبل لا أكمل كلمه : أحمـ......
إلا وهو جنبي ويقول هاااااااه
قلت : شف عادل شف لك حل معه
عادل تذكر مصير خلف وقام بكل أناقة ومد الريموت لأحمد بكل أحترام ===> الا بكل خوووف.........
وعاد أحمد ميزته الثانيه من مميزاته الكثيرة أنه اذا صار شي بيده أنسى أنه يرجع..
وحنا بحكم خبرتنا فيه خلينا وقمنا عنه.
قال عبدالرحمن : هااااه شباااااب أربعة(( يعني بلوت))
وننقز له أربعه وهو خامسنا
كان معنا واحد بثر (( يعني عله)) أسمه أحمد =====> هو مايعرف يلعب بس لعانه وملاحظ عليه أنه غثيث جدا ....
وفي الحوش وعند نخلة البرحي كان ياسر وتركي يتهاوشون
ياسر يقول : هذي نخله خلاص
وتركي يقول: لاهذي نبوت سيف....
وكلهم ماعندهم ماعند جدتي ......
وفي المطبخ كان عبدالعزيز ووليد قاعدين المفروض انهم يطبخون كبسة بس الحقيقة هم متوهقين واتفقوا أنهم يمشونها بيض مقلي..
وفي طرف الاخر من الاستراحه كان حمد ينسق الزهور اللي بالحديقة هي اصلا لازهور ولا شي هي كراااث وخس وجرجير.
بس هو من زود الرقة متخيل انها أزهار وكل شوي جاي وجايب معه خسايه ولا جرجيرة (( وشلون الواحد يدلع الخس ولا الجرجير))
المهم ياخذه له وحده من الخس ولا الجرجير ويمدها لواحد ويقول اقبلها مني عربون صداقه ووفااء وماادري وشو ...
وشوي وجاء العشاء قصدي النواشف لأنهم حتى بيض مقلي ماعرفوا يسوون والله ونتعشى وكل واحدن سرا لبيتهم
وانتهى يوم من أيام استراحتنا الرايقة والرهيبة..
--------------
مع تحيات
اسير |
الوضع العادي
