هلالي الظهران يقص شريط افتتاح مشروع تقديم "خدمة " الزواج لاخواتنا السعوديات!! (اهداء خاص لأمي) - صفحة رقم 3 - نادي الهلال السعودي - شبكة الزعيم

عـز الهلال · #31 10/03/2008, 10:11 PM

و عليـكم السلامـ ورحمـه الله وبركته .. ,,

شـلونك يـ هلالي الظهران .. ان شاء الله بخير

مدري ليه كلمـا شفت يوزرك أتذكر [ غوار الطوشي ]

يمكن على شان كلمه " سواح "

.!.!.

والله تبي الصراحه [ مـا عندي كلام كثير أقول .. ] ..!!
بس أبي ارد على شوي

إقتباس


	فعلاً دخلت البنت.. وخفق قلبي وحسيت بانشكاحه عظيمه.. حسيت ان ودي اقوم اخمها هي وأمها ..وقلت: ايه هذي اللي ابي (<< افا وين راحت الملاحظات والهياط اللي من الصبح )..صرت أقزّها شوي وهي تصد عني.. وبعدين هي تقزّني وانا أصد عنها.. استمرينا على هالحال قزّه تتبعها صده.. الين في مره كان دورها تقزّني وبالغلط قزّيتها وجات عيني بعينها.. وعلى طول صديت وهي صدت وبتلنا على كذا.. الى ان تداركت أمي الموقف وقالت: وش تشربون؟ قلت انا: أي شي.. والبنيه قالت: وانا بعد أي شي.. أما أمها قالت: ياحليلهم اللي يستحون.. أنا أبي قهوه..

هذا الي على قولتهم

" هذا مساء الحب .. للـ شوق و المواعيد
هذا المسى في القلب .. شمع واغاني وعيد "

!

!

!

يا زين هــ الحال والله

.. ودي يصير لي كل يوم

بس ننتظر والله يسهل ..

سلاميشو ...

мя.ħάίţħάм · #32 10/03/2008, 10:28 PM

مشكوووووووووووور الله يعطيييييييييك العافية اخوي

ما قريت الا الخلاصة

وراااااااي أشغاااااااااااااااااااااااااااااال

هههههههههههههههه

وش عنده البزنس ؟؟؟؟؟؟؟؟؟؟؟؟؟

القيصر رهيب · #33 10/03/2008, 11:06 PM

إقتباس


	ياحبيبي ياحبيبي لاجراك ولا معسل ×× الشفايف لك جراك والبراطم لي معسل

تقوله صادز ؟

تصدق عاد أول ما قريت موضوعك رحت شريت بريال كبتشينو وأخذت لي كأس فصفص أبذوق اللي تقوله

بس الصراحه جاوبني

أنت وش تشرب قبل لاتنزل موضوع ؟

فجر الرياض · #34 11/03/2008, 03:14 AM

هلا هلالي الظهران

يعطيك العافيه على هالموضوع الممتع

والله يرزقك بالزوجه الصالحه اللي ترضيك

ولاتحرمنا من تواجدك الـ

عوافي ..

بـنـ**الزعيم**ــت · #35 11/03/2008, 04:10 PM

هلا والله بهلالي
تصدق انك قهرتني متحمسه واقرا اقوول اخير واحد من العزوبيه بيتزوج ويفكنا من شره

طلع اخر شيئ حلم بس تصدق رحمتك خلاص ماعليك انا بزوجك الموصفات وموجوده جاااري البحث << وش عندي قلبت خطابه

بس والله ودي اكشخ واخطب
هذاي ناشبه بحلق اخوي ابغاه يتزوج وهو توه باأول جامعه
قالي وليش تبغيني اتزوج قلت له عشان ارفع خشمي على زوجتك واقول انا عمتكم

ويصير عندي عيااال اخو يقولون لي ياعمه

<< بسم الله على حنونه

لان مافيه امل احد يقول لي يااخاله خلهم يعوضوني

بس الله يرزقنا

الله يوسع صدرك على هالموضوع التحيف << على قولت ابو نااصر

يااااماااال الثنكيوات على هالموضوع السنع

برايفت لهلالي
بس قلي وش تبي يصير اسمها مو انتم تتشرطون بكل شيئ مابقى الا اسمها خلاااص قررت اخطب لك

مطيع · #36 11/03/2008, 05:59 PM

فقط تسجيل حضور

الغالي هلالي الظهران

اعتقد بأن لديك أفضل من هذا

تحية لأسلوبك الرائع

وعتبي على الفكرة الرئيسية للموضوع وعلى النهاية المستهلكة

الـمـشـاغـب · #37 11/03/2008, 07:05 PM

عذراً عمر على المداخلة :

إقتباس

الرسالة الأصلية كتبت بواسطة هلالي من ارض اليمن


	قرأت الموضوع وانا أسأل نفسي يبدو ان الأخ " المشاغب " لديه يوزرين !!! ومن مقطع الى آخر ومن حادثة الى أخرى الا والأخ " المشاغب " يشرفنا ضمن سياق القصة وتتضح بالنسبة لي العلاقة بين اليوزرين ،،، اجبت نفسي من شابه صديقه ما ظلم !!! واعذرني اخي الكريم فالتشبيه في اسلوبك مع الأخ المشاغب لا ينقص من قدر احد منكما فكلاكما تتمتعان بالقدرة على النقد ضمن أطار فكاهي رائع ومميز ،،،

الأخ الغالي .. هلالي من أرض اليمن ورده

بصراحة ظلمتني بمقارنتي بالكاتب المبدع هلالي الظهران ..
الأخ عمر شهادتي فيه مجروحة ولكن الحق يقال أن أسلوبه لا يجارى لا في نقده ولا سخريته ولا بذاءته

لا أكاد أرى أي تشابه بين أسلوبينا رغم اعتزازي بتشبيهك ورده

بالنسبة لي لا أحب التقليد أبداً .. بل أنني كثيراً ما تنازلت عن أفكار لمواضيع عديدة حتى لا أقع في دائرة الاتهام بالتقليد ..!!
وبالتأكيد أن أباسباستيان لا يقلد المشاغب .. لأنه بكل بساطة أستاذ المشاغب ..!

شكراً أخي الغالي هلالي من أرض اليمن أن جعلتني بمرتبة هلالي الظهران ورده

في الختام :

قد يقول قائل أني بكلامي هذا أتصنع المثالية وأدعي التواضع .. وفي الحقيقة فإن قائل هذا الكلام صادق

أمزح .. لأني لا أدعي .. بل أنا فعلاً متواضع ومثالي وطيبتي لا حدود لها

بنت عبد الله & · #38 11/03/2008, 11:00 PM

ههههههههههههههههههههههههههههههههههههههههههههههههه

هههههههههههههههههههههههههههههههههههههههههههه

الله يقطع بليسك والله احرااااااااااج بس وناسه

ماأقول الا الله يرزقك بالزوجه اللي تبغاها ويسعدك<<يقالي ام انا ووجهي

كعادتك مبدع في مواضيعك مبدع في طرحك

مشكور اخوي

تقبل مرور بنت عبودي

بنت عبد الله & · #39 11/03/2008, 11:09 PM

إقتباس

الرسالة الأصلية كتبت بواسطة باسكن روبنز


	ويرزق جميع اعضاء وعضوات المجلس بالازواج والزوجات الصالحات ..!!

آآآآآآآآآآآآآآآآآآآميــــــــــــــيـــــــــــــــــيــــــــــــــــــــن الله يسمع منك

8
8
8
8
لا تشكون في اخلاقي

Msh3al_37 · #40 12/03/2008, 12:24 AM

قسم بالله موضوعك مهب صاحي

loooooooooooooooooool

يعني وش اقول حالتنا يالشباب صعبه جداً كل مكان عوائل

>>تصدقون اني اخذ امي ولا اختي محرم لي عشان ادخل لسوق عشان اشتريلي كم غرض

<<

ابو سباستيان لاتحرمنا جديدك والله يرزقكك ببنت الحلال الي تدخلك للأسواق

كاريزمـا · #41 13/03/2008, 12:41 AM

هلا فيك ابوظهران

ماشاء الله كل مااقرأ مواضيعك الاقيك تجيب طاري العرس فيها

الله يرزجك بالزوجه الصالحه وتعرس عشان تتحفنا بالمواضيع الاسريه

(كيف تتطعمين طفلك في الشهور الاولى

طريقة عمل صينية المكرونه بالباشميل

ماهي الحلول لتفادي مخاطر مرحلة المراهقه

تحسب العرس سهل وهين لا

العرس (بزران وطبخ ومراهقه ورجال يرفعون

الضغط

>> توها قايمه من جلسة حريم

إقتباس


	بعدين مابيها لابدويه خالصه.. ياحلاتي انا أجر بالربابه وهي تقصد.. ولا ابيها حضريه زود وتفضحني بكل مكان.. يعني ابي فيها أصالة البدو وأتيكيت الحضر,, وسجلي عندك ابيها تكون محترمه

الله يكفينا العجرا والدجرا

اجل هذي مواصفات بالله ...انا مااشرهه عليك

اشرهه على امك اللي جالسه تسمع لك

مدامك تقول ابي مواصفات معينه وانتم يالشباب الدوله الكريمه

من صوت تخقون

وشوله اجل تحددون مواصفات

السيد الظهران يقول في وصف صوت ريما

إقتباس


	مادريت الا والخط يطنطن.. خلها تستاهل ليه تعيّ علي.. اصلا راحت عليها من عقب ريما يالبى صوتها..ما أتأخر كل يوم عن الدوام الابسببها .. خصوصا اذا قالت "برضو" يوووووووووووه والله اني اذا سمعتها اغوص بالمقعد..و شوي واحول جنب الفرامل..

وهنا السيد الغدير الازرق يصيب كبد الحقيقه انها تكرونيه

وصوتها حلو

وش فرقها عن اميره الفضل

إقتباس


	ايييه ماتنلام مو انت لحالك الشيبان على هالصبحيه ساحبين على ابو مندوب إذاعة الرياض وتلقاهم مغيرين الموجة على الأف ام كله لعيون هالريما لكن اتوقع والعهده عالراوي إنها تكرونيه دائماً الأصوات الحلووة لايملكها إلا التكارنة

وهنا السيد العميد

صدى الدجه

إقتباس


	صادز ؟؟ قسم بالله احس صوتها عادي جداً ..! شوية نعومه لا اكثر ولا اقل .. بس مهوب الصوت الخاقوقي اللي يخليك تضيع معه ؟؟!!

بالله يامعشر النساء الا ترون شبابنا يخق على صوت وهم مايدرون عن اشكالهن

لو تشوفونهن تصير عيونكم تسذا

من الصدمه

هذا بس وانا قريت الصفحه الاولى ماادري عادد ان كان فيه احد بالصفحات الثانيه

ختاما

اووووه نسيت اهم نقطه اصبروا بنسخها واجيبها

إقتباس


	يايخلون فيه مكان للشباب والا ترى نبي نبلش بمريام ونانسي.. ونمتنع عن تقديم خدمة الزواج لاخواتنا السعوديات (<<الله ياخذك كانك خليتها خدمه)..

اجل خدمه خخخخخخخ

على تصدق اذا جاء احد يخطب

تقول امي وافقي يابنيتي على اجر ان شاء الله

يعني مانوافق الا نكسب بكم اجر

واحمدو ربكم ضفيناكم حتى هالنوريات مايبنكم

ياعمي طير انت وخدماتكم

اقول انا انسانه جائعه جداً ياحبي لي مهمله بالغذاء

>> تحسبها في منتدى الفراشه

والصدق مااقدر ارد واقطع في موضوعك وانا جائعه

عشان تسذا تحمل مصالتي اللي فوق

وهـ يازيني >> طسي بس

عوافي ابو ظهران على الموضوع بس خذ لك دوره تنسيق عند المشاغب

المشرفين الله يعافيكم حطوا هالفيس حبيبي>>>

من ضمن الابتسامات الاساسيه

تعبت وانا افتح (اكثر)

مـدحـدر · #42 13/03/2008, 03:28 AM

هلا بك أخوي هلالي الظهران وفي رواية عمـر

بصراحة موضوعك جميل ورائع ويحكي عن تفكير شريحة كبيرة من العزابية

اللذين يمنون النفس بالتأهل واقتحام قفص الزوجية بعنف

بالنسبة لتدوير بنت الحلال حدث ولاحرج

كل يوم تجيب لي امي أنواع العيِّنات << مو كنها قوية بحق السحالي كلمة عيِّنات

ولكن الدجة ماتخليك تاخذ اللي على كيفك ... خلك بالمسيار أرحم !!

شاكر لك مرتن أخرى ولاتحرمنا من مواضيعك النيِّرة

!!هلالي الرس!! · #43 14/03/2008, 02:31 PM

ايها المرجوج

أيها العاشق للمعل..

اي ابداع تنثره بأرضه مجلسنا العام الذي حقنا

انا الذي اشكرك على موضوعك

لكن عاد انا استأذنك بأروح أخطب حقت الي بالحلم لأنها راحت عليك

برررررررررررررب

تحياتي لك

!!هلالي الرس!!

almo7nk · #44 14/03/2008, 03:50 PM

هلالي الظهران

لافض فووك

اقصم بالله يا ضحكت اللين مخي عورني ههههههههههههههههههههههه

منتب صاحي يا العاشق اجل تعرف اشواريه راي هههههههههههههههههههههه والله منت هين تعرف تختار

نفسي ارجع اقراها ثاني مره خخخخخخخخخخخ

امي ولدتني هلالي · #45 15/03/2008, 07:21 PM

هههههههههههههههههههههه
موضوعك مجنون على الاخير
والله يا انك قطعتني من الضحك
الله يرجك
احلى وحده حقت الجراك والمعسل
ولا تحرمنا من جديدك
واذا فكرت تخطب ثانيه قلنا وش صار