شكراً عبدالرحمن .

اللهم ارزقنا برهما أحياءً و أمواتاً ، و اجعلنا لهم صدقة جارية .

تسلم يمينك الهاوي على هالكلام الي قلته

جد كثير اسر تعاني من وجود مثل هالشاب بينها صار عبء عليهم

يتحملون مشاكله من صغره على اساس إذا كبر بيعقل والمشكله انه يزيد

مايرحم دموع الحنونه الي تنزل علشانه ولى الشيب الي لاح في لحية ابوه

قمة الطيش والإستهتار فيه بس 100% إذا فقدهم راح يندم بعدين وش راح ينفعه

الندم ليه مايستغل وقته ويسعدهم مدامهم الى الحين عايشين ويفرحون بدخلته عليهم

على العموم الله يهدي شبابنا لما فيه الخير والصلاح

اخوي الهاوي تستاهل القب وبقوه على هالمواضيع الي تنفع وتذكر المجتمع

عوافي ..

في أحيان كثيرة تكون طريقة التربية هي السبب
لم تعد التوسلات من الأم ولا الصرامة من الأب تُجدي
وفي جانب آخر ترى الحوار مفتوح والنقاش مشرّع
من الوالدين والنتيجة يفهمها الإبن حرية تامة ويتمادى

والبعض يريد في إبنه نموذج مثالي بدون تعب ولا توجيه

عموماً حتى لو التربية ناجحة تجدها تؤثر في إبن ولا تنفع مع الآخر
فلا ذنب للأبوان ابداً
لابد أن يتحمل هو مسؤولية استهتاره ولكن متى ..


أسأل الله له الهداية وللجميع,
ليس بالضرورة ان يكون الأبناء صور عن آبائهم
المهم أن يكونوا صالحين وعلى قدر من المسؤولية..



الهاوي..
لاحدود للوجع في نفس الوالدين من هكذا نتيجة
التفاتة موفقة..

دمت على طاعة الله

توني أدخل المنتدى
وتوني أشوف الستايل الجديد للمنتدى
ومكان الرد كأنه شاشه ( بلازما ) :d
حتى الخط الكوفي ألغووووووووه :d
_______________

أخوي عبدالرحمن أنا عرفت من تتكلم عنه ( قد سولفت عنه إنت ) :d
الكثير من الأعضاء حملوا المسؤليه للوالدين

صحيح أن للآباء والأمهات دور كبير بشخصيه الإبن
لكن بالشخصيه الي ذكرتها كانت العكس
كانت تربيه الإبن المستهتر كتربية أخيه العاقل
ولكن الإستهتار وأصدقاء السوء وحب المغامرة
تحت شعار ( عش يومك وفلها لحد ما ربك يحلها )
هو ما جعل هذا الشاب مستهتر

عايشت شخصيه كالتي ذكرت
لا يختلف عن الشخصيه التي ذكرتها أبدا
النتيجة :

لم يصح هذا الإنسان من سباته إلا بعد أن وصل به العمر إلى 25 سنه
أقول الحمد لله على كل حال

لكن حصول هذا الشخص على شهاده الثانويه بعمر الـ 25 مصيبه

مشكله هذه الشخصيات أخوي عبدالرحمن :

إنهم يحبون يجربون أيه شئ ( حتى لو مخدرات )


أرجوا من الله أن يصحى هذا الإنسان من سباته قبل فوات الأوان

هلا بك اخوي الهاوي


بصراحة موضوعك في الصميم


وياكثر هالأشكال



أعتقد من اهم الأسباب عدم الاعتماد على أنفسهم

والاتكالية بشكل كبير على الأب والام والعائلة بشكل عام حتى تتكون شخصية اتكالية بشكل كبير على من هم حوله


وما إن يأتي اليوم الذي نريد من الاعتماد فيه على نفسه وتحمل المسؤولية نجده لايستطيع


فالمشكلة من الأساس هي مشكلة اجتماعية بدايتها الخوف على الولد والتدخل في جميع شؤونه


وعندما يصل الى مرحلة مابعد المراهقة يصطدم يالمجتمع الذي يريد منه الاعتماد على نفسه والتفكير في مستقبله


وهذه الاشياء التي لم يفكر فيها بتاتا سابقا

:smilie47: alhawey :smilie47:

هلا بك يا بعدي .. قريت الموضوع اول ما نزل ..
لكن عجزت ارد عليه .. كل ما جيت اكتب شي ضاق صدرري ..
المشكلة هذي حاصلة من فترة طويلة لاحد الاشخاص :( ..!
وعايشتها بتفاصيلها وهالسبب هو اللي مضيق صدري ..!
ومخليني ما اعرف ارد :( ..!
لان كل شوي تطري على بالي الاحداث اللي صارت :( ..!



ما اقول الا الله يصلح الحال .. والله يرزقنا برنا بوالدينا ..
والله يفتح على قلوبنا .. ويهدينا ..



:smilie47:

هلالي الشماسية

في حالةٍ كهذه، لا ملامة على ذلك الشيخ حين قال لا تبشرنا بالولد !!

نعم ، وإعادة صياغة بعض المقترحات التي تطرقت إليها بما يتواءم مع متطلبات الشباب ورغباتهم ، وتفعيلها ودعمها من قبل الدولة، سيسهم بلا شك في احتواء الشباب والنهوض بعقولهم..


الله يرضى عليك يا غالي:) وأشكرك بالحيل على تواصلك المميز


________________


صقر فيصل


هلا وسهلا فيك يا غالي..


لم أفهم ما تقصده بالتحديد من أن علاج الظاهر يتبعه انتكاسه؟ ، ولدي رغبة في فهم ذلك إن أردت العودة:)

حقيقةً ، لا أؤمن بوجود حافز فعال ومؤثر غير الحافز الديني، ولا يجب أن نيأس من عدم الاستجابة المأمولة من قبل كثير من الشباب لتوجيهات وتعاليم دينهم ، فالفطرة ولله الحمد موجودة ، وتكرار التذكير والتوجيه سيفي بالغرض ولو بعد حين، بمعنى أن الأولياء مطالبون بالصبر والسعي الحثيث لإثارة ذلك الحافز..

تقبل الله دعائك أخي:) وشكراً على تواجدك

________________


بلد الوليد


على كذا الحين يبي لك ما تماشي نص اللي تعرفهم، وإذا فتحت عينك اليسرى يبي لك تغير الطقم كله:d

عسى الله يهدينا وإياهم، وسلامة عينك ياغالي:)

الله ييسر أمرك ويوفقك، وأخيراً ستكون أنت من يربح ويسعد في حال اجتهادك..

أجل إن كان جهازك كمل سنتين معك أو إنه مضروب وعندك مصاري تسد، فاشتر هذا ورايتك بيضاءs13s


الله يسلمك ويحفظك:) وشكراً لمشاركتك

________________

لؤي الزلفاوي


أظن أنها قصة مؤثرة، لكن بلا " جداً " :stoned:

شكراً لك:)

________________


راجع بإذن الرحمن

حيالله الناقد الاجتماعي

والله ضيقت صدورنا بالموضوع اللي طرحته وأنا أشوفه من باب أني تلميذ لناقد اجتماعي كبير مثلك :d أن المشكلة هذي موجودة بكل خمس بيوت فيه حالة مشابهة لحالة الشاب المستهتر والأسباب كثيرة أهمها تدليل الشاب من والديه
حالات كثيرة وما خفي اكبر يا ابو حمود
في مراهقين دخلوا بيوتهم وما يقدرون يسندون طولهم والعياذ بالله
الآن لو تسأل أغلب الآباء في الوقت الحالي ماذا تريد من إبنك لكان جوابهم واحد :
أبيه يفكني من شرهـ ولا أبي خيرهـ
............................................
الله يصلح ضال المسلمين

وعليكم السلام ورحمة الله وبركاته

أهلاً بـ بالبيتنا :d

ذكرت قصتك وهذه مجارهـ لها لكن من جانب أخر ( متأثر بشاعر المليون ):d

قبل ان ابداء ، هذه قصة حقيقية حصلت لـ قريب لي في مثل عمري

ولد ... بعد عامين افترقاء والديه .. الاب تزوج .. والام كذلك ، عاش خالد ( الاسم لـ سرد القصة فقط ) بين اعمامه وخواله .. تخرج من الثانوي قبل عامين .. وكان ساكن مع عمه .. احس بـ انه اثقل على عمه فقرر الخروج مع بعض اقاربه للعيش في احد الشقق في الرياض بـ حجة البحث عن عمل ..!! ( أظنه كذلك ) ..

تعبت فصيح :d

كان بين فتره وفتره يزورنا ، وبعض الاحيان ينام عندنا ... ، انقطع فتره ما زارنا .. ادق على جواله مقفل ..!! ، بعد ان سألنا عنه عرفنا انه ( التم على شلةٍ فاسدة ) وقبل 4 شهور تقريباً سمعنا بـ مقتله ..!!

من اللي قتله ..؟؟ خوية في نفس الشقة ( وما نعرف وش السبب ) الله يرحمه ويغفر له ..

توفى وابوه وامه يتحملون ذنب هـ الشاب اللي راح بسببهم ، حسبنا الله ونعم الوكيل ،

دارت مشاكل بين اهل ابو المقتول وبين خواله .. على الديه .. الحين همهم الفلوووووووس ، الله لا يبلانا ( مع العلم ان امه مغلوب على امرها )

صدر حكم القصاص .. وأهل الخير يسعون في الموضوع ، الى ان جات ام المقتول دون علم اهلها واهل زوجها السابق لـ المحكمه وتنازلت عن حكم القصاص ...

وانتهى الموضوع وما في يدين اعمام المقتول شي سوا الصلح .. واجتمع مشايخ القبيلة واعيانها لـ الصلح ... وتم الصلح بـ 3 مليون ريال .. هنا وقف رجال كبير في السن وقال ( ان ابو القاتل متوفي من 10 سنوات ، وان لـ القاتل اخوين ، واحد مسجون في سجن خلف الشمس ، والثاني مقتول قبل سنتين ، هنا والله العظيم الموقف الصعب التفت على ابوي الا والدمعه في عينه ( الحمد لله على ان الله ما جعلني انا واخواني عاقين لك يا بوي ، الله يرزقنا بر ابائنا وامهاتنا ) ،

في هـ القصة ذكرت شابين ، الاول راح ضحية ابوه وامه والثاني راح ضحية اعمامه ..

خلاصة القول ، في ما معنى قول الرسول عليه الصلاة والسلام ( بروا ابائكم تبركم ابنائكم )

اللهم ارزقنا بر ابائنا ، ولين قلوبنا لهم ، وامد في اعمارهم لـ نزداد براً لهم يا كريم

نشر خبر الصلح في 26| 2

__________________

عبدالرحمن بارك الله فيك

واذا لم ينقل هذا الموضوع لـ المميزهـ فـ وش ينقل لها :d

في امان الله

عذراً من الجميع على التأخير

والله ياجماعه أني دخلت وضغطت على خانة الرد و كتبت رد مطول وعلقت فيه على المشاركات وأرسلته لكن طلع لي أدخل كلمة المرور !! فتلقفت وحاولت الرجوع للوراء فطار الرد وحاولت أسترجعه بشتى الطرق بدون فايده، المشكله إني دايماً أحفظ المشاركه قبل لا أرسلها لكن هالمره ما أراد الله، وتعلمون ما يصيب الواحد في مثل هذه الحالات من إحباط شديد بالحيل!

القيصر رهيب

الزير ابوعزيز

abo nasser

أبوشلاخ الهلالي

المشاغب

سكب الهلال


تغريد

abu_riman

فجر الرياض

عالم الهلال

][the best][

ماجد مقبل

أسيرة الزعيم

مواصل من عام 1413هـ

مـدحـدر

صدى الأمس

الكلاسيكي

فرانكو باريسـي >> أبرجع لك في مره من المرامير، ألا حظ أن الحظ معك مضروب:stoned:

جرح يشكي


شكراً لكم جميعاً على المشاركة :)، وشكراً مرة أخرى لمن أضاف على هذا الموضوع :)