|
مواقفي مع نهائيات الهلال .. ( عطسة في وجه التاريخ) تلبية لطلبات بعض الاعضاء العزيزين على قلبي .. ومن باب تغيير جو التوتر العام .. وبإذن الله تصير ضكتنا ضحكتين بانتصار الزعيم بكرة .. وتحقيق البطولة الغالية .. نهائي السوبر الاسيوي ( نص رمضان 1421) .. قدام شيميزو الياباني : ما كنت في الرياض بذاك الوقت .. وكان فيه واحد من العيال توه طاق هايلوكس غمارة ..وفيه فرحة في هالموتر .. لدرجة انه يدور بلحاله الظهر في رمضان .. وفاتح خشته .. أول ما شفته حسبته ماسك الدركسون بأثمه من كبر الابتسامة !! وقفّ جنبي وانا توني طالعن من المسجد .. ومتلطم ولا لي خلق .. حتى أول ما فتح الدريشة .. عطس .. و أنا ما تسحرت ومتخدر .. وأشرّت له بيدي على وزن (رحمك الله) .. حتى هو فهمها وقال (يهدينا ويهديكم الله ) .. قال المهم ترا سعود يحترينا .. بنروح نحضر المباراة .. هاه وش قلت .. والله يا جماعة أول مرة احس بفايدة لغة الاشارة .. وأنا اشّر له بأصابعي قلت لا يخوك .. وأمشي وهو يلحقني في الهايلوكس .. اللي يشوفنا يقول شكله يبيعه شروخه .. وهو ما يبي !! المهم ألحّ علي وأنا مالي خلق .. المهم مرينا سعود وركبناه في النص .. خلينا يفحج على القير .. وكان خوينا مشغل (نشيد) ينقاله يبي يخششنا جو في رمضان .. قلت أقول !! طف مسجلك والا حولنا .. رايحين نحضر مباراة حنا؟ والا رايحين نعتمر؟ المهم كل الخط يسولفون وأنا مغطي وجهي في الشماغ .. وقايلن لهم اقصروا حسكم أبنام .. !! ومع ذلك يسولفون كن واحد راكب في الصندوق والثاني في الغمارة !! ازعاج اللي يشوفني يقول رايحن مع صقهان للملعب !! وصلنا الرياض وووجهي داخلن بدرج الاستمارة من الدوخة .. وتافل العافية .. ولا لي خلق ..ولا نطقت ولا كلمة .. لدرجة يوم وصلنا صلبوخ بغيت اقول للعيال رجعوني !! المهم قالوا العيال ان فيه واحدن اسمه ابو سلطان عازمهم على الفطور .. اتجهنا لبيت الرجال .. واثره مجهزن كلش ما شاء الله عليه .. قلت له يا أبو سلطان كان عندك (طشت) لا هنت يا ليت تجيبه .. قال ليه ؟؟ قلت امله توت تكفى إذا أذنّ .. أبذب وجهي في الطشت من العطش .. المهم ضحك وعطيتهم ذيك الابتسامة اللي العن من ابتسامة خويي الظهر !! وجلسنا نسولف عن المباراة .. واكتشفت ان ابو سلطان (هو الاداري حق المباراة) وانه يبي يدخلنا الدرجة الممتازة .. وفيه احتمالية نخش الملعب عقب المباراة !! المشكلة أنا ما دريت اننا نبي نفطر عن الرجال .. واننا بنحضر المباراة في الممتازة .. فشماغي اللي يشوفه يقول شكله معطيه بزارين يلعبون فيه (مسابقة شد الحبل) متعرفط !! قسم بالله العظيم اللي يشوف شماغي يقول لابس ستارة ملحق .. !! تعرفون خط ونوم !! ولا توقعت اننا بنفطر والا بنمر أحد !! ولا كان فيه وقت نمرّ نكوي شماغي !! المهم ركبنا مع ابو سلطان واتجهنا للملعب .. نزلنا وخشينا واخذنا أماكنّا .. وكان سعود بجنبي .. فكنت اقول له .. تدري يا سعود عاد لولا الله ثم معارفي كان الحين أنت ووجهك معك كيكة بالجبن وحب مصري وجالسن هناك <<-- وقمت اشّر على الجهه الاولى .. قال لي تكفى أنت ووجهك اللي يشوفك يقول اربع وعشرين ساعة مع سلمان النمشان .. قلت طيب : أنا ما جرحتك ليه تجرحني ..!! قال : أنا ادري عنك .. !! المهم سكتنا .. وبدت المباراة .. بس ماش كني قاعدن أناظر المبااراة بنظارات طبية !! ماش ما تعودت على الدرجة الممتازة .. يا حليلهم جماهير الدرجة الممتازة .. لا تلعين ولا مزاعق .. لدرجة الفصفص كل واحدن يجمع قشامه .. !! بصراحة ذيك المبااراة كانت (أعصابي متوترة) ورمضان .. وتوت يالله اتحرك .. وزد على ذلك ان شيميزو جاب (الهدف الاول) .. يوم حسيت ان (التوت) وصل لرقبتي من الروعة !! و متوتر أنا وشماغي .. لدرجة أحس لو يجيب شيميزو الهدف الثاني .. يمكن يجيني (شلل نصفي بالمدرجات) .. واللي يا رجليني ما اقدر احركهن !! و( شفتـي) اللي تحت قامت (تنتفض) من الضغط النفسي !! .. التفت على سعود وقلت له .. أنا من شفتك حاضر بالممتازة وأنا داري أن الهلال موب فايز !! قال لي : أنا من شفت شماغك هاللي كنه مغسول مع زوالي وأنا داري اننا محنا بفايزين !! قلت له : ليه تجرحني يا اخي !! قال : أنا ادري عنك !! المهم جت كورة توه راكبه على رجل عمر الغامدي يا لبى قلبه !! ويشبكها .. توني ما بعد شفت الهدف .. ويلقطني سعود مع شماغي ويخمني .. ونقعد نصفق سوا .. يع ما توقعت وجه سعود يبي يصير بريء عقب الهدف .. المهم حققوا الزعماء ذيك البطولة !! وندوّر خوينا راعي الهايلوكس .. ونلقاه لازق في الشبك .. ويزاعق لابو سلطان !! يخاف ينسى ولا يدخلنا :d شوي يوم بدوا يفحون البيبان ورقوا اللاعبين يستلمون الكاس .. وكان بندر بن محمد هو وعبدالله سليمان في الممتازة معنا .. يوم خشوا خشينا .. ولو تشوفون كتوف سعود من بعيد اللي يشوفه يقول من أخويا بندر بن محمد .. وهو لازق وراه المهم يوم خش وأنا أخش .. وأدور خويي راعي الهايلوكس واثره منطلق يحيي الجمهور مع الجهه الثانية !! اللي يشوفه يقول هو اللي جايب التعادل .. خلصوا اللاعبين دايرين على الملعب .. وبدوا يخشون غرفة تغيير الملابس .. وأنا اتجه للغرفة .. قال لي السيكيورتي .. وين يالحبيب !! قلت : عضو شرف الله يحييك .. كنه صدقّ وكنه ماش !! لأن شماغي شبهه !! والله العظيم ما يخلوني عضو شرف ولا لنادي حطيّن .. :d المهم الضعيّف خاف .. ولا قال لي شي .. خشيت الغرفة .. واثرك ما تشوفها من المذيعين والمصورين .. وكل ما جاء احد يصور لاعب و إلا شي قربت لمه وصورّت معه !! المشكلة ما معي كمرا !! ولا معي شي أبد !! لا تسألوني ليه أصور !! والله من الفرحة ما عاد أميزّ !! -------------------------------------------- الموقف بعد تأهل الهلال للمباارة النهائية بالبطولة العربية بعد فوزه على النصر "مستضيف البطولة" : هالكلام عام 1416 .. من مواسم العز الهلالي : كنت حاضر المباراة واخذن معي عيال اخوي الصغار .. المهم يوم خلصت المباراة .. قلت لهم : إذا مرينّا عند أحد معه شال وإلا علم نصرواي .. (اضحكوا بقوة) وقولوا (هاردلك) .. مر بجنبنا نصراوي .. مخنفر !! و تقدر تشوف خلايا الدماغ مع فتحة خشمه !! ومعصب !! يوم مر جنبنا .. وأنا ماسك يدينهم !! قالوا له (( خردة خردة )) !! صاروا سامعيني غلط يومني اقول لهم : (هاردلك) !! وكنا مارين عن نخلة !! قلت الحين لو يتفلت علينا ذا هو وخشمه .. ويقطع له عسيب ويموسرنا !! يبي ينفعوني هالمبزرة !! بس اشوى عدت --------------------------- نهائي ولي العهد بين الهلال والرياض 1415 هـ : يالله كنها أمس :( صاف سرا عشان اقص تذكرة .. ومدافع ومزاحم اللي يشوفني يقول يبي يحب الحجز الاسود .. المهم كنا اربعة .. وأنا مرّسم بذيك المباراة اللي يشوفني يقول يبي يحضر حفلة لأبو نورة .. ومن قو البرستيج .. العيال شارين كولا وموية وكيك .. وأنا اقول لا ما أبي .. اخاف تخرب الترسيمة .. المهم خشينا الملعب !! توني واطي العتبة الثانية في الدرج !! إلا يوم جت ذيك الكندرة السوداء اللي تمشي سبع الاف !! والله يا جماعة أني اشوفها وهي تطير في الهواء !! وكل مالها تكبر !! وأنا اللي انزّل راسي باخر سرعتي وتنطبع الكندرة بوجه واحد من العيال ويزعل علي طول المباراة .. قلت يخوك وأنا اللي ذابها ؟! وبعدين أنا ثوبي توني مفصلة .. انت ثوبك شايفه عليك أولة العام .. المهم توني ما بعد ركدت من روعة الكندرة !! وأدورّ شماغي وطاقيتي !! والقاهن تحت الكراسي .. وكل ما جيت ابجيب شي .. قالوا لي (محجوز .. محجوز) !! قلت له يخوك داري أنت واياه عقالي تحتكم وخروا !! وبدت المباراة وانا القّط عفشي !! قدرت احافظ على هيبتي الى الدقيقة 70 الشوط الثاني .. والله يا جماعة تحسون انها (حوبة) خويي !! اللي صمخته الكندرة .. وكان الجمهور يسوي حركة الموج إلا أنا منيب اسويها معهم أخاف يخرب الثوب .. شوي إلا والله وكوب (كوكا كولا) يمشي 700 .. وأشوف اللي بجنبي كل واحد ماسك راسه واللي يحاول ينحاش .. أنا ما بعد استوعبت الموضوع !! توني قايم ابشوف وش فيهم العالم !! إلا يوم (نشب) الكوب في جبهتي !! و الله يا جماعة من قوة الوجع.. باغي اصيح !! بس شينه دقن .. وشماغ وقاعد يصيح !! والتفت على العيال .. مسوي بضيع السالفة !! قلت لهم : كم النتيجة ؟! ------------------------------------ والله القصص في النهائيات واجد .. واسمحوا لي على هالمصالة وهالاطالة .. لكن تلبية لطلبات البعض .. |
الله يعطيك العافيه :d . . . والله اني متوتر من الحين عشان مباراة بكره بس موضوعك كأنه دكتور نفسي :d احس اني مبسوط الان وابشرّك ما في توتر من الضحك :d . . . احس اني صرت متفائل مشكوور على الموضوع الرائع . , . , الله يوفق الهلال بكره ويجيب البطوله . ،’،’ |
ههههههههههههههههههههههههههههههههههههههههههههههههههههههه والله في قصص تصلح مسرحيه |
هههههه الله يوسع صدرك مثل ما وسعت صدري... اجل كم النتيجة :):):):) الله يوفقنا باتسر ... ونفرح سوا ....يارب |
إقتباس:
وحلو اننا نطلع شوي عن جو الشد العام .. وبإذن الله (مثل ما فتحت خشتك اليوم في هالموضوع) تفتحها انتصارا بكرة !! قل امين .. |
إقتباس:
................................ |
هههههههههههههههههههههههههههههههههههههه الله يوسع صدرك بالعافية .. |
إقتباس:
تحياتي لك يا بطل .. وبإذن الله نبارك لبعضنا بكرة .. |
موضووووووووووووووع رائع جدا الله يعطيك العافية والله قاعد اضحك بس انت شكلك فال خير ع الهلال يا ليت تحضر بكرة اللهم انصر الهلال واجعل الفوز من نصيبه |
يالله حي مغاط . . . كيف الحال . . . ادعوا يا جماعة الخير أن الكأس هلالي . . . |
هههههههههههههههههههههههههههههههههههههههههههههههه ياحبي لك وسعت صدري الله يوسع صدرك بالعافيه وراحة البال اما الكوكاكولا هذي حوبة صديقك يامال الثانكيووووووووووووووووووووو والله |
موهبه يامغاط ماشاء الله تبارك الله كل مواضيعك مميزه وواضح انك تتعب فيها حتى تظهر بأجمل وأبهى صوره لعيون محبيك تقبل تحياتي وان شاء الله غداً بعد المباراة نبارك لبعض ومعنا بقية الأحباب قل آمين 0 |
ههههههههههههههههه والله حلووووه (خرده..خرده) الله يوسع صدرك وإن شاء الله نفرح بكره كلنا بالكأس |
:surprised: إقتباس:
زي واحد الله يستر عليه لامسكنا خط جدهـ شغـّل ( ناصر القطــامي ) ومع أول مركز في بداية جدهـ ,, يقلب ( أبو نورهـ ) ,,!!! :d إقتباس:
:surprised: يازين التوت في رمضان ,, الله يعيدهـ علينا أعوام وأعوام ,, :stoned: ههههههههههههههههههههههههههههههههههههه ماشاء الله على خفة دمك ,, :razz: إقتباس:
إقتباس:
الله يوسـّع صدرك مثل ما وسعـّت صدري ,, :surprised: إقتباس:
إبعــدي يا واصــــل ,, :d إقتباس:
ما صكـّوهـ مخالفة ..؟؟؟ :surprised: ‘’ ‘’ ‘’ مغـاط لا عدمنا هـ الطلة ياغالي ,, ولا تحرمنا من ( اتحافك الكوميدي ) ,, :surprised: وبإذن الله نحتفل جميعاً مساء الغد بـ كأس ولي العهـد ,, s13s ‘’ ‘’ ‘’ دمتَ في رعاية الله |
مغاط ... حقيقة اضحكتني بمواقفك الطريفة فهي جميلة كجمال كتاباتك المميزة دائماً شكرا وتحياتي لك |
ههههههههههههههههههههههههههههههههههههه اجل تبي سطل ؟؟ هههههههههه :d يعطيك العافيه على هيك موضوع ،، وان شاء الله نفرح بالكاس بوكره . :d |
مغااط نبي نشوف نمونة هالمواضيع بالحاره يا مغاط :naughty: ... صباح يوم الجمعة الماضي حلمت إن الهلال بيفوز على الشباب واحد صفر وماذكرت اسم اللاعب اللي بيسجل هدف لأني نسيته ، وبالفعل فاز الهلال واحد صفر بهدف لاعب شبابي :smilie47: وراهنت على هالنتيجة ولكن للأسف إن المشرف هلالي توب مزع الموضوع للقراشيع :d بحكم إني ما سيّرت على دستور القسم :d ومن امس وانا راقد وكل ما اصحى ارقد مرتن ثانيه كود احلم بنتيجة المباراة :d عموماً لا نمت بوافيكم بأحلامي أول بأول :razz: عساك ع القوة يا بطل :naughty: |
إقتباس:
والوقت ما يسمح .. والذاكرة ما تساعد .. وإلا المواقف واجد .. مرة مزكمّ ولا لي خلق وحاضر مباراة الهلال والوحدة عام 1411 هـ وبرد موت و الحضور كان قليل .. وأنا اقترح عليهم نقرب لبعض عشان ندفى .. وفعلا قربوا :d .. وتشوفنا متجمعين مع بعض كننا صافين حيطة :d |
إقتباس:
اذكر مرة من المرات كنت في عنيزة .. وكانت مباراة الهلال والنجمة .. ويوم جيت اطلع عجزت القى عقالي .. وأثر الوالد توه مفصل له عقال يحبه قلبك .. وأنا اخذه واطلع .. وفي ذيك المباراة فيني حماس !! ما قد جاني في حياتي .. لدرجة لو ما فيه شبك كان أطب العب ظهير !! المهم اذكر ضاعت هجمة للهلال .. وأنا ( ارجم ) العقال .. والله انه تعدى خط الاوت .. فـ أثناء طيران العقال في الهواء .. تذكرت انه عقال الوالد .. :d و طلع لي وجه (أبوي) بشماغ بدون عقال !! بغيت أقول لحكم الراية (ارجمه علي تكفى) :d |
المهم سكتنا .. وبدت المباراة .. بس ماش كني قاعدن أناظر المبااراة بنظارات طبية !! ماش ما تعودت على الدرجة الممتازة .. يا حليلهم جماهير الدرجة الممتازة .. لا تلعين ولا مزاعق .. لدرجة الفصفص كل واحدن يجمع قشامه .. !! ههههههههههههههههههههههههههههههههههههههههههههههههههههههههههههههههههههههه يا شيخ شوي شوي علينا .. والله يا اني ظحكت ظحك على الفصفص .. و فعلا فررررق بين الممتازة و الدرجة العادية .. على فكرة في مباراة الاتفاق بتكون كلها موحدة .. يعني لا ممتازة ولا هم يحزنون .. كله درجة عادية .. |
إقتباس:
على طاري عزيّز ذكرتني سالفة واحدن من العيال .. كانت مباراة الهلال والقادسية نهائي كأس الاتحاد 1413 هـ .. و عجزت أنام ليلة ذيك المباراة لدرجة أني بصلاة الفجر وأنا ساجد اخذت غفوة من الدوخة .. بس طقني اللي جنبي وقمت .. وكان في المدرجات بجنبي واحدن اسمه عزيز والرجال نضول شوي .. المهم قلت له .. تدري اني ما عمري حضرت نهائي للهلال وخسر .. قال لي أحلف ؟!! توه ما بعد كملت حرف الفاء حق احلـ ف !! إلا يوم جابوا القادسية هدف !! ويضيق صدري .. قلت عزيز كل تراب الين تقضي المباراة !! وانتهت المباراة 1- 1 الاشواط الاصلية .. ولعبوا اشواط اضافية ثمين بلنتيات واخيرا فاز الزعيم .. وعقبها الى ساعتكم ما بعد حاتسيت عزّيز .. :d |
هههههههههههههههههههههههههههههههههههههههههههه الله يسعدك يامغاط ..وسعت صدري :d وخويك اجل رايح يحيي الجماهير يقاله ياسر الياس خخخخخخ اما ياسر الياس تشوفه بعد كل هدف منطلق للجماهير يقاله هو اللي سجل او مصلح الهدف :d ان شاء الله تستمر ضحكتي إلى مابعد المباراة النهائية :d ورده |
ههههههههههههههههههههههههههههة حلووووووووووووووووووووووووووة موقف الكندرة السوداء اقول الله يسعدك ياشيخ ويفرحنا بالكاس |
الف شكر لكـ والله المواقف تضحك وتزعل اماا سالفة الثوب الجديد ,, هاردلك بالنسبة للثوب |
أنا من يوم قريت اسمك ... غسلت إيدي .. أضحكتني أضحك الله ضروسك .. :D |
ههههههههههههههههههههههههههههههههااااااي يعطيك الف عافية صدق اول مره اقرا بانجذاب وضحك تام ههههههههههههههه ماقصرت اسلوبك ولا اروع مع وجود اخطاء املائيه <<<< هين يالجنة تحكيم شاعر المليون خخخخخخخخخ تحياتي لك وشكري لروم الهلال في البالتوك على راسهم (الهلال) سبب تواجدي بموضوعك الرائع |
إقتباس:
ذكرت موقف بمباراة الهلال والأهلي نهائي 16 هـ كأس الدوري .. كان من قبل ذيك المباراة بليلتين .. كل ما توقعت شي صار صح !! يعني لو يعينوني بداخل حسن كراني .. كان أبدّع .. المهم كنا في مطار الملك خالد بالرياض قلت (شكل الطيارة تبي تروح عنا ) وفعلا راحت :d واشوى سجلنا انتظار ورحنا جدة .. جت هجمة الله لا يعيدها للأهلي قلت انا شكلها هدف وفعلا جت !!<<-- ما نيب ضاحك عاد سامي منقطع عن التسجيل له فترة ..والصحافة شابين عليه فذبها له فيصل ابو اثنين .. قلت يا جماعة هدف .. وفعلا جت هدف :d وأنا اسولف مع العيال قلت والله حداد ما يبي له شي .. وهو اللي اللي يشبكها أبو عبدالله !! فمن عقبها والعيال اخذين فيني مقلب !! الين ما طلعت نتيجة واحد من العيال .. قلت بإذن الله معدلك 94 .. يوم طلعت النتيجة واثره ساقط بواحد :d ومن عقبها دروا العيال ان ما في راسي :d |
شووووكراً دكتور مغاط :) على اخراجنا من التوتر الي حنا فيه يا أن بطنناَ يمغصمن :) الله يوفق الزعيم |
حسبي الله على ابليسك انت و شماغك اللي تقل مغسول مع زوالي... ههههههه يعطيك العافيه ضحكتنا كثير.. |
هههههههههههههههههه مابعد قصة سعود والشماااغ الفلة وسلملي على خويك سعووود يستاااهل هههههههههههههه اجل احضر بكرة وعلمنا اش يصير معك ههههههههه يعطيك العافية ,, |
إقتباس:
ابشر بإذن الله بحاول قد ما أقدر احضر المباراة .. وحضوري أقل شي أقدمّه للزعيم .. وهذي دعوة للكل !! بكرة نبي نصير (صوت ما يهدا داخل الملعب ) !! إلى اخر دقيقة باذن اللي ما تنام عينه .. ونبي نلامس الذهب .. ونبي نجيبه لـ(بيته) !! اللهم امين .. |
0 0 0 0 تسلم اخوي ويسلم راسك والله قصص حلوووووووة 00 وياما بالملاعب بلاوي وحكاوي 0 بس التوت لحاله سالفة والله انك يامغاط باشا نكهة المنتدى وحلالالالالالاها الله لايحرمنا منك ومن خفت دمك ويسلموووو بانتظار الجديد 00والله يوفق زعيمنا 00 |
إقتباس:
ابهدي لك هالموقف .. اذكر في نهائي 1418 هـ .. وكنت خاش المباراة وأنا جوعان بمعنى كلمة جوعان .. وشينه أقول للي معي :وش رايكم نشتري جبن؟! .. والمباراة كانت حامية بقوة .. كنت حاضر بالجهة اليمنى من الدرجة الاولى بالنسبة للمنصة .. وكل ما جيت اطلع اشتري .. جت هجمه ورجعت !! وكل ما طلعت مع باب سمعت الجمهور يزاعق ورجعت .. المهم تعديت ثلاث بوابات .. اخر الشوط اكتشفت لو ما فيه شبك كان خشيت على حقين الدرجة الثانية اللي ورا الحارس والله يا جماعة ما حسيت بنفسي ابد .. ومثل هالموقف صار لي بنهائي بطولة الخليج بين السعودية وقطر .. بس السعودية وقطر دخلت على حقين الدرجة الثانية صدق ولا ردني الا شبك المنصة الشمالية والا باغي اقلط عليهم .. :d |
مغاط ياليتك حاضر مباراة شيميزو معنا في الدرجه الاولى قسم بالله يا ذيك المباراه صارت حرب تخيل نتفرج على المباراة بعلابينااا ههههههههه يحلفون انا شفنا المباراة من الحرب الي صارت مغير قنبله عن يمينك وعن يسارك ويكملها كاس مويه بجبهك |
ههههههههههههههههههههههههههههههههههههههههههههههههه الله يوســــــــع صدرك مثل ماوسعــت صدورنا << والله من قــلب مواضيعك وردودك تحـــفه :D مسكـــين اللي ماعنــده مغــاط :D بأذن الله بكره البطوله هلاليه يارب |
من جد طرح راقي وجميل موضوعك الترفيهي الي بحاجه له لكي يبعثر الابتسامات على جمهورنا العزيز ويبعد عنهم التوتر وبصراحه تصلح اخصائي نفسي للاعبين هههههههههههههههههه ماشاءالله عليك ونيس الف عوافي لك اخي الكريم تقبل مروري |
ههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههه احلى شيء الجزمة اللي كل مالها تكبر ربي يسعدك |
إقتباس:
اذكر مرة كان جنبي في المدرجات شايب كبير بالعمر .. يعني اعطيه في الـ60 .. قلت له ما شاء الله عليك جاي وعاني للمعلب .. باذن الله تطلع مرفوع الراس .. قال لي .. شرهتك على اللي يدري من بينه المباراة ؟! قلت أفا :d اكتشفت اخر شي إن فيه (سحب على سيارة) .. وصار جاي عشانها !! قلت له تبي شوري ؟! قال اكيد .. قلت دوّر لك (زول) واجلس جنبه .. لأن أخوانا السودانيين .. حظهم موب طبيعي !! فالشايب صدقّ .. وقام ينادي له (زول) عمامته واصلة الدور الثاني .. وقام هالشايب يتحكحك به .. ويشتري له مويه ويسولف معه .. والله يا جماعة ان الرقم اللي طلع للشايب .. صار (أزود من رقم اللي فاز) برقم !! :d قلت له لو انك منضبط وجالسن بجنبه ساكت .. (جاك الرقم بالملّي) :d .. لكن خل كرمك ينفعك .. |
هلا بمغاط الوناسة :smilie47::smilie47::smilie47: وهذي عشان الموضوع الرزه :smilie47: إقتباس:
إقتباس:
إقتباس:
بعد ماوقعت على دفتر الحضور لأن الكوايين مايفتحوا إلا سبعه وعلى بال مايجهز البخار خذلك نص ساعه . :d إقتباس:
إقتباس:
إقتباس:
إقتباس:
إقتباس:
إقتباس:
بس تبي الصدق شكلك فله لو يموسرك انت وعيال اخوك . إقتباس:
إقتباس:
إقتباس:
إقتباس:
بالنسبة لهذا إقتباس:
اخوك : أبو عبدالله |
يعطيكم . . الف عااافية اخوي مغااط . . * سواالفك ر ااائعه . . بالمرة ( الموضوع - الردود ) * الموضوع شيئ . .ما شاء الله وهالرد بالذاات شيئ ثااني (اذكر مرة كان جنبي في المدرجات شايب كبير بالعمر .. يعني اعطيه في الـ60 .. قلت له ما شاء الله عليك جاي وعاني للمعلب .. باذن الله تطلع مرفوع الراس .. قال لي .. شرهتك على اللي يدري من بينه المباراة ؟! قلت أفا :d اكتشفت اخر شي إن فيه (سحب على سيارة) .. وصار جاي عشانها !! قلت له تبي شوري ؟! قال اكيد .. قلت دوّر لك (زول) واجلس جنبه .. لأن أخوانا السودانيين .. حظهم موب طبيعي !! فالشايب صدقّ .. وقام ينادي له (زول) عمامته واصلة الدور الثاني .. وقام هالشايب يتحكحك به .. ويشتري له مويه ويسولف معه .. والله يا جماعة ان الرقم اللي طلع للشايب .. صار (أزود من رقم اللي فاز) برقم !! :d قلت له لو انك منضبط وجالسن بجنبه ساكت .. (جاك الرقم بالملّي) :d .. ) |
الله يوسع صدرك بالعااافية اخوي مغاااط.. هذي لااازم نسميهاا مذكراات مغاااط.. يعطيك العاااافية .. ودمت بحفظ الرحمن |
قصص حلوة وطريفة وصاحبها احلى واطرف تحياتي لك يالغالي وانشاء الله بكرا قصة جديدة ومن هالنوعية |
هههههههههههههههههههههههههههههههههه الله يوسع صدرك بالعافيه ويفرج همك وتوترك مثل مافرجتها بموضوعك الخفيييييييف والمهضوم كتير تسلم اخوي مغااااااااط ياحبيلكم ياجمهور الزعيم والله يوفق الهلااااااااااااااااااااااااال غدا |
ههههههههههههههههههههههههههههههههههههههههههههههههههههههه والله في قصص تصلح مسرحيه |
الله يـوسـع صـدرك مـثـل مـاوسـعـت صـدورنــا .. s60s |
إقتباس:
وأمين الله يسمع منك .. هذا موقف صار لي سلمّك الله بعد مباراة الهلال و الأهلي بجدة .. يوم خلصت المباراة .. وطلعنا نتعشى .. وخشتي واصلة اذاني من الوناسة .. المهم كنت في المطعم واسولف مع راعي الشاورما .. وأقول له شفت وش سوا سامي فيهم !! وفي ملعبهم .. وأنا في كامل اخلاقي وقاصر لصوتي .. إلا ذاك الأهلاوي اللي خالد مسعد أفتح منه .. قال لي : بلاش تريقة !! أنا اول مرة اسمع كلمة تريقة بحياتي .. وحسبت معناها ( مايونيز ) !! قلت شكله يقصد راعي الشاورما .. قلت لراعي الشاورما .. (أنا بالنسبة لي بالله كثر تريقة ) ..!! يوم قرب لمّي .. والله يا جماعة ما عاد صرت اشوف شي .. عاد هو لونه من قو السواد (أخضر) وعكس نور النجفة .. قال لي : تتريق !! قلت عسى ماشر يالحبيب .. تكلمني أنت !! قال : أيه اكلمك .. قلت أول طف النور .. ثمين سولف ! قال : أيش !! قلت : لا أبد سلامتك .. وبعدين تعش وبردها !! ما راح تشمون كاس إلا السنة الجاية !! إذا ما قدرتوا تسوون شي في الملعب !! ما راح تقدر تسوي شي في مطعم !! سكت ّ وقال استغفر الله العظيم !! قلت له : يهدينا ويهديكم الله ويصلح بالكم .. واخذنا عشانا .. وركبنا السيارة يوم ركبت السيارة وأنا اقفل البيبان .. قلت ذا شكله ما ينتحارش !! يمكن يقلط معنا بالموتر .. |
هههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههه هههههههههههههههههههههههههه ههههههههههههه هههههه ههه هه ه الله يرجك شكلك فله تكفى خلني احضر معك نهائي تكفى |
إقتباس:
والله يسمع منك .. والحين عاد هالمبزرة حقين (خردة) معهم مواتر .. ومن مباراة الشباب وهم يتوعدون ويتهددون العالم :d ---------- النوم لعب في حسبتي بإذن الله لي عودة للردود .. |
إقتباس:
هههههههههه إلا صح كم النتيجه خربتها شاكره لك |
هههههههههههههههه الله يعطيك العافيه على الصرقعه وربي شي :d انا شوي واموت من الضحك :d تحياتي |
،، هههههههه ،، ،، و الله قصص رائعة ،، ،، و باذن الله باذن الله الكاس هلالي ،، ،، |
والله يا أخوي مغاط يعجز لساني عن الرد ع موضوعك التحفه الي موتني من الضحك الله يوسع صدرك بالعافيه وماهي غريبه عليك هالمواضيع المتميزه والهادفة وبصراحه أنك سبب كبير ف دخولي هالمنتدى ورجعتي له بعد غياب ورغم ضروفي العملية ألا أني أتحمس أدخل عشان أقرا مواضيعك وأعتبرك إضافه مميزه لهالمنتدى . وما أقول ألا الله يوفقك دنيا وآخره وإلى الأمام . |
هذا المستخدم فاطس من الضحك|@!@| ياخي أنت رهيب ...!ّ!ّ! حتى النك نيم مميز الله لا يضرك بأنتظار الجديد ّ$ |
الله يخليك يامرجوووووووووووووووووووووووج قسم بالله العظيم إني بتسيت من الضحك . تكفى تكفى تكفى اذكر باقي السوالف ولا تحرمنا من ابداعاتك |
هاهاهاهاهاهاها صراحه براعه في الاسلوب الفكاهي البسيط الغير مصطنع والله اهنيك اخوي فعلا وسعت صدورنا الله يوسع صدرك بالعافيه |
إقتباس:
ان شاء الله هالمباراه تصك فيك علبه سفن اب .. يقولون انه غير مضر !! وان شاء الله بعد تحصل مكان كويس في الملعب ويجلس جنبك واحد مفطر بيض وميرندا !! |
مغــــــــاط أنت عنوان الإبداع والله مواضيعك كلهاااااااا جميلة ومميزهـ لا تحرمنا من ابداعاتك يالغــــــلا موفقين بإذن الله تحياتي لك وننتظر جديدك s13s |
<<<<<< راح يقرا بقيه مواضيعك هههههههه بصراحة سالفه رمضان توووووووحفه الله يمغطك بالعفو والعافية قل امين :d:d:d:d:d:d |
إقتباس:
والله ماشاء الله خفة متوفرة كثير بالمنتدى الله يخليكم للموقع |
إقتباس:
صادق على السودانيين تقول لي الوالده عشانها تراجع في مستشفى الملك خالد عندها مشكله بفقرات الظهر تقول مليان سودانيين وهم اللي ماشيه امورهم عليهم حظ ههههههههههههههههههههههه وه بس ياناس ياحبي لك تقطر عسل ياشيخ كلك على بعضك عسسسسسسسسسسسسسسل الله يحفظك من كل مكروه ويوفقك ويسعدك دنيا واخره ويديم عليك الضحكه ويجعلها ماتفارق خشتك:d |
| الوقت المعتمد في المنتدى بتوقيت جرينتش +3.
الوقت الان » 04:07 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd