ماشاء الله مواقف حلوة الله يوفقك ...


وإن شاء الله تحضر نهائي اليوم ويصير موقف ...

إقتباس الرسالة الأصلية كتبت بواسطة روح 10الشلهوب تعيش وتأكل غيرها ان شاء الله هالمباراه تصك فيك علبه سفن اب .. يقولون انه غير مضر !! وان شاء الله بعد تحصل مكان كويس في الملعب ويجلس جنبك واحد مفطر بيض وميرندا !!

حلو وأنا أجلس على يمينه وأنت تجلس على يساره !!
ويصير الهواء لم جهتك !! و يطرقك الهواء الين تجيك جيوب انفية

بسم الله عليك

هههههههههههههههههههههـ
والله انك نكته يامغاط
حياتك كلها ضحك × ضحك
روحت على قلوبنا الله يروح قلبك

هههههههههههههههههههههههههه من جد اهنـــــــــــــــــــيك على هالاسلوب مشالله عليك والله اقرا الموضوع واضحك بحماس قمت اشاهق....يعطيك الف عاافيه والله يوسع صدرك مثل ماوسعت صدورنا بهالطرح الكوميدي والله خفة دم مشالله...يعطيك الف عافيه

ههههههههههههههههههههههههههههههههههههههههههههههههههههههههههههههههه


أخوي مغااااااط وربي عليك اسلوب كوميدي مو طبيعي,,



الله يوسع صدرك مثل ما وسعت صدورنا ,,

الله الله على تميز كتاباتك
إن شاء الله الفوز هلالي
و نشوفك موضوع بعد النهائي مثل هذا

يسلم لي تفكير الشيبان
يا مغاط متخيلك مجلسنا قدامك زي حلقات تحفيظ القرآن (الله يعيد أيامها) وقاعد تسولف لنا

بس تراك ما وصلتنا لبر
أنت وين ساكن؟؟
في سالفة مباراة الهلال وشيميزو حسيت انك من سكان القصيم والا عالأقل العيينة
ولو اني زعلان عليك انك ماجبت سيرة النيجيري مانقوت اللي خاطر بجبهته قدام رجل الياباني وعدل الكورة لعمر في الست ياردات آآآآآآآآه يازمن
زعيم آسيا يحقق أعظم كؤوس آسيا.. بدون يوسف ولا سامي ويتأهل لكآس العالم للأندية

أما مباراة النصر حسيت أنك من سكان الرياض خصوصا ان معاك عيال أخوك وان الشردة من الملعب للبيت ماطولت

وخبصتها عاد في مباراة الرياض والهلال يوم صرت حجازي جداوي مو ناقصك الا تقول ان ثوبك الجديد مطرز ولابس عمة العمدة

من الآخر لأن ودي ألحق على صلاة الجمعة.. ودي أقول أهنيك عالموضوع
لكن لقيت ان الصحيح هو اني اقول (اهني المنتدى فيك)


يسلم مغاطك ياشيخ

ههههههههههههههه

حلوه

بس تدري ابو سلطان الي تقول عنه يصير الوالد ها ها ها

إقتباس الرسالة الأصلية كتبت بواسطة هلالي ثنياني يسلم لي تفكير الشيبان يا مغاط متخيلك مجلسنا قدامك زي حلقات تحفيظ القرآن (الله يعيد أيامها) وقاعد تسولف لنا بس تراك ما وصلتنا لبر أنت وين ساكن؟؟ في سالفة مباراة الهلال وشيميزو حسيت انك من سكان القصيم والا عالأقل العيينة ولو اني زعلان عليك انك ماجبت سيرة النيجيري مانقوت اللي خاطر بجبهته قدام رجل الياباني وعدل الكورة لعمر في الست ياردات آآآآآآآآه يازمن زعيم آسيا يحقق أعظم كؤوس آسيا.. بدون يوسف ولا سامي ويتأهل لكآس العالم للأندية أما مباراة النصر حسيت أنك من سكان الرياض خصوصا ان معاك عيال أخوك وان الشردة من الملعب للبيت ماطولت وخبصتها عاد في مباراة الرياض والهلال يوم صرت حجازي جداوي مو ناقصك الا تقول ان ثوبك الجديد مطرز ولابس عمة العمدة من الآخر لأن ودي ألحق على صلاة الجمعة.. ودي أقول أهنيك عالموضوع لكن لقيت ان الصحيح هو اني اقول (اهني المنتدى فيك) يسلم مغاطك ياشيخ

ههههههههههههه غربلك الله وش هالرد
اعيد واكرر ياليت ردودك تصير مثال يحتذى ..
قصيرة لكنها بليغة وشاملة .. منتب تخلي شي ما شاء الله عليك ..
كلشن تقنصه .. عقبال ما نقنص الكاس اليوم ..
والله إني ازمل اذا شفت لك رد .. يخوك عطني فرصة اتميلح
وصدقني كلامك واطراءك وسام على صدري .. أتمنى اني استحق ربع اللي قلت ..

الموضوع لغاية .. والحمد لله انها تحققت .. وكوني اشوف هالخشش تبوسم .. هذا بحد ذاته شعور لا يمكن وصفه <<--- باقي شوي ويصير أمكم من الرضاع ..
تحياتي لك .. ولطلاتك المشرفـّة ..

الله يعطيك العافيه اخوي

دايم مميز بطرحك الرائع

والله يعطيك العافيه وان شاء الله الزعيم الهلالي اليوم يفرح كل جمهوره

إقتباس الرسالة الأصلية كتبت بواسطة الهلال فوق الجميع المهم سكتنا .. وبدت المباراة .. بس ماش كني قاعدن أناظر المبااراة بنظارات طبية !! ماش ما تعودت على الدرجة الممتازة .. يا حليلهم جماهير الدرجة الممتازة .. لا تلعين ولا مزاعق .. لدرجة الفصفص كل واحدن يجمع قشامه .. !! ههههههههههههههههههههههههههههههههههههههههههههههههههههههههههههههههههههههه يا شيخ شوي شوي علينا .. والله يا اني ظحكت ظحك على الفصفص .. و فعلا فررررق بين الممتازة و الدرجة العادية .. على فكرة في مباراة الاتفاق بتكون كلها موحدة .. يعني لا ممتازة ولا هم يحزنون .. كله درجة عادية ..

هلا ومرحبا
الفرق بين الدرجة الاولى والممتازه ..
إن الحب اللي يشترونه حقين الممتازة من (باجه)
لكن حب حقين الدرجة الأولى من (ذولاك الاوزبكستانيين اللي عند بوبابات الاستاد)
بس صدقني ترا لها طعم خاص إذا حضرت أولى .. وبين المزاعق !!والتفلت !!
وأنا اقدر اشبهّ المكانين .. كنك تطعسّ بجيب لكزس !! بس الاولى كنكم راكبين 5 في هايلوكس وصاقعينها لطمة وتحاولون ترقون طعس التحدي ..
اللي يبغى يسوي دعاية صابون جل للجسم ..
يجيب واحد من حقين الممتازة ..وواحد من حقين الدرجة الاولى ويكتب عليهم (قبل - بعد )
منور يا بعدي .. ويا هلا بهالطلة ..

ههههههههههههههههههههههههههههههههههههههههههههههههههههههههه
الله يرجك
مشكوور على الموضوع الرائع . , . ,

الله يوفق الهلال بكره ويجيب البطوله

إقتباس الرسالة الأصلية كتبت بواسطة يورو مغاط يامنتهي .. كويس اني قريت موضوعك .. والله ان اعصابي بدت تدهر حتى والله مانمت زين .. المهم ذكرتني في اول مباراة حضرتها للزعيم ,, تصدق انها قديمة مره بس طبعا وقتها كنت بزر او( جذع ) على قولتهم !! المهم كانت مبارة الهلال مع العربي الكويتي عام 1406 وكانت اول بطولة خارجية للهلال طبعا انا بالقوه ملزق نفسي بواحد من خوالي بروح معه للملعب واخيرا خذني معه بعد حب الخشوم والطلبات و كان موت برد و اول مره احضر للملعب والملعب مليان ومطر .. جاب القول سعد مبارك وبعدها مدري وين خالي ومدري وين انا فيه لاني منبهر كنت اول مره اشوف النعيمة على الطبيعة ولا ادري عن المباراة طبعا ضاعت نعالي الله يعزكم من الخرشه ( برد ونعال ) ماتجي مره بس عادي كانت ذيك الايام مافيها شي محد ينقد !!! وخالي مدري وينه وانا ادور في المدرجات ادوره وما لقيته وادور بعد المباراة حافي حول الملعب اشوف وين الرجال !!! وانا بقى دقيقه واعيط بس انت خابر عيب عند الناس تصيح !! على الاقل صد منا ولا منا واظهر الي في خاطرك !! مالقيت الرجال الا بعد ماراحوا العالم وفي المواقف بلحاله يحتريني !؟ وهاتك ياسب وهاتك يالعن وينكد علي متعة شوفة النعيمة على الطبيعه !!<---- رايح يشوف النعيمة واكملها في البيت وامرض تعرف حافي ومطر وبرد وادور لي ساعتين !! والله مدري هو زكام ولا مغص ولا انفلونزا المهم بغيت اموت لمدة سبوع كامل وانا مصخن ! بس عادي لعيون الهلال والنعيمة كله يهون !! طبعا بعدها وانا جالس بأي مكان وفيه خالي صرت اكره احد يجيب طاري لمباراة .. صار الادمي يفشلني في كل مكان اول مايجي طاري يلتفت علي ويسب وبعد كذا يأشر علي ويبدأ يسرد القصه لخوياه بقولته الشهيرة : شفتوا ذا البزر ان راح مره ثانيه معي للملعب انا منيب رجال !!! ضاع علي في الملعب بزر بليس وضيع نعاله وصجتني امه وراك تضيع ولدي و و و و و الخ .. بيني وبينك بعدها صرت اروح بلحالي مع عيال الحارة ومنة الله ولامنة ذا الخال ..! واذا شافني الى الان يلتفت علي ويقول تذكر يوم تضيع في الملعب يابزر !!! اقوله ترى شياب حنا احترمني الحين وش بزر يقول لااقصد انك فشلتنا وقتها <--- يعني رقعها المهم الله يوسع صدرك بالعافيه وذكرتني بس بها السالفه وحبيت امحط بها بموضوعك وافضفض شوي لاني بكل صراحه ( اكره خالي من ذاك اليوم ولاتحرجني تقول وش سوالك بالسيارة بعد ماجيته بالمواقف وهو يحتريني ) <------ واضح انه متلفخ بمان الله مغاط و الله يوسع صدرك بالعافيه والله انك خليتني اضحك وانا ودي اسوي رسمي عشان المباراة الليله اتمنى نبارك لك الليلة

ههههههههههههههههههه
ههههههههههههههههههه
رد ولا أروع !!
يا حبي لك أنت وخالك
جعله للكسر .. <<-- تحس انه أمك !!
اكتشفت ان صخنتك ميب انفلونزا ولا هيب مغص ..
أنا قد لخني الوالد بـ "مخمس" .. يوم شيعوا راسي .. لقوا فيه طبعة فص !! <<-- دايرني بطراق والخاتم لزق بالجمجمة ..
فالظاهر انك منتب بعيد

سالفتك ذكرتني بنهائي كأس الملك 1409 اللي فاز الهلال 3 صفر قدام النصر ..
و كنت محلق صفر .. ولابس طاقية
والطاقية ناشبه .. أنس تفكها يا شيخ .. إلا الين تدور بها .. مثل (القلاويز)
وكنت طاق نعال زبيريات (اللي بهن ودتس) .. طبعا هذي الموضة ذاك الوقت
ورايح للملعب .. كنت أموت في شي اسمه حسين الحبشي ..
المهم انه شبكها !!
فبدوا العالم يرجمّون عقلهم !! ونعالهم من الفرحة !!
وأناظر نعالي !! عندي انهن يسون (فورد بقراطيسها) فشينه اضحي بهن
وأدور شي رخيص اذبه مع العالم !!
قلت يا ولد (ذب الطاقية ) !!
وأحاول فيها !! ابفكها !! ويمين ويسار !!
سنتروا النصر وانا ما بعد طلعت نصها
المهم شوي يوم جاب التخيفي الثاني !!
ما عاد قدرت امسك نفسي !!
وأنا أرجمّ الزبيريات !!
واقعد اصارخ .. يوم حسيت ان كن (لوزي) انطلقن من مكانهن !!
يوم ارتعت !!
أبشجع مع العالم !! ابصارخ !! ماش صوتي انعدم !!
والحمد لله ويفوز الهلال 3 صفر ..
وارجع للبيت حافي !!
وصوتي .. تحس ان الحنجره ضاربه شوط !!
وصلعتي طالعن نصها !!
يوم دخلت عليهم في الصالة !!
قالوا وينك انت وطاقيتك ؟!
قلت لهم : آآآححححأأأ؛؛؛؛؛؛ححح ـب <<-- يعني كنت في الملعب بس صوتي رايح

لكن زي ما قلت كل شي يهون لعيون الزعيم .. تحياتي لك .. يا بعدي ورد أثرى الموضوع ..