إقتباس الرسالة الأصلية كتبت بواسطة الملك راؤول يالله حي مغاط . . . كيف الحال . . . ادعوا يا جماعة الخير أن الكأس هلالي . . .

هلا راؤول منوّر يا بعدي ..
ابهدي لك هالموقف ..

اذكر في نهائي 1418 هـ .. وكنت خاش المباراة وأنا جوعان بمعنى كلمة جوعان .. وشينه أقول للي معي :وش رايكم نشتري جبن؟! .. والمباراة كانت حامية بقوة ..

كنت حاضر بالجهة اليمنى من الدرجة الاولى بالنسبة للمنصة .. وكل ما جيت اطلع اشتري .. جت هجمه ورجعت !! وكل ما طلعت مع باب سمعت الجمهور يزاعق ورجعت .. المهم تعديت ثلاث بوابات .. اخر الشوط اكتشفت لو ما فيه شبك كان خشيت على حقين الدرجة الثانية اللي ورا الحارس
والله يا جماعة ما حسيت بنفسي ابد ..
ومثل هالموقف صار لي بنهائي بطولة الخليج بين السعودية وقطر .. بس السعودية وقطر دخلت على حقين الدرجة الثانية صدق ولا ردني الا شبك المنصة الشمالية والا باغي اقلط عليهم ..

هههههههههههههههههههههههههههههههههههههههههههههههه ياحبي لك وسعت صدري الله يوسع صدرك بالعافيه وراحة البال

اما الكوكاكولا هذي حوبة صديقك

يامال الثانكيووووووووووووووووووووو والله

إقتباس الرسالة الأصلية كتبت بواسطة مجنون الزعامه هههههههههههههههههههههههههههههههههههههههههههههههه ياحبي لك وسعت صدري الله يوسع صدرك بالعافيه وراحة البال اما الكوكاكولا هذي حوبة صديقك يامال الثانكيووووووووووووووووووووو والله

ويا حبي لك .. ويا حبي لكل من قلط في هالموضوع ..

اذكر مرة كان جنبي في المدرجات شايب كبير بالعمر .. يعني اعطيه في الـ60 .. قلت له ما شاء الله عليك جاي وعاني للمعلب .. باذن الله تطلع مرفوع الراس ..

قال لي .. شرهتك على اللي يدري من بينه المباراة ؟! قلت أفا

اكتشفت اخر شي إن فيه (سحب على سيارة) .. وصار جاي عشانها !!

قلت له تبي شوري ؟! قال اكيد .. قلت دوّر لك (زول) واجلس جنبه .. لأن أخوانا السودانيين .. حظهم موب طبيعي !!

فالشايب صدقّ .. وقام ينادي له (زول) عمامته واصلة الدور الثاني .. وقام هالشايب يتحكحك به .. ويشتري له مويه ويسولف معه ..

والله يا جماعة ان الرقم اللي طلع للشايب .. صار (أزود من رقم اللي فاز) برقم !!

قلت له لو انك منضبط وجالسن بجنبه ساكت .. (جاك الرقم بالملّي) ..

لكن خل كرمك ينفعك ..

إقتباس الرسالة الأصلية كتبت بواسطة مغـاط ويا حبي لك .. ويا حبي لكل من قلط في هالموضوع .. اذكر مرة كان جنبي في المدرجات شايب كبير بالعمر .. يعني اعطيه في الـ60 .. قلت له ما شاء الله عليك جاي وعاني للمعلب .. باذن الله تطلع مرفوع الراس .. قال لي .. شرهتك على اللي يدري من بينه المباراة ؟! قلت أفا اكتشفت اخر شي إن فيه (سحب على سيارة) .. وصار جاي عشانها !! قلت له تبي شوري ؟! قال اكيد .. قلت دوّر لك (زول) واجلس جنبه .. لأن أخوانا السودانيين .. حظهم موب طبيعي !! فالشايب صدقّ .. وقام ينادي له (زول) عمامته واصلة الدور الثاني .. وقام هالشايب يتحكحك به .. ويشتري له مويه ويسولف معه .. والله يا جماعة ان الرقم اللي طلع للشايب .. صار (أزود من رقم اللي فاز) برقم !! قلت له لو انك منضبط وجالسن بجنبه ساكت .. (جاك الرقم بالملّي) .. لكن خل كرمك ينفعك ..

ههههههههههههههههههههههههههههههههههههههههههههههه

صادق على السودانيين تقول لي الوالده عشانها تراجع في مستشفى الملك خالد عندها مشكله بفقرات الظهر تقول مليان سودانيين وهم اللي ماشيه امورهم عليهم حظ

ههههههههههههههههههههههه

وه بس ياناس ياحبي لك تقطر عسل ياشيخ كلك على بعضك عسسسسسسسسسسسسسسل

الله يحفظك من كل مكروه ويوفقك ويسعدك دنيا واخره ويديم عليك الضحكه ويجعلها ماتفارق خشتك

موهبه يامغاط
ماشاء الله تبارك الله
كل مواضيعك مميزه وواضح انك تتعب فيها
حتى تظهر بأجمل وأبهى صوره لعيون محبيك
تقبل تحياتي وان شاء الله غداً بعد المباراة نبارك لبعض ومعنا بقية الأحباب
قل آمين 0

ههههههههههههههههه والله حلووووه (خرده..خرده) الله يوسع صدرك وإن شاء الله نفرح بكره كلنا بالكأس

إقتباس الرسالة الأصلية كتبت بواسطة هلالي فن وذوق ههههههههههههههههه والله حلووووه (خرده..خرده) الله يوسع صدرك وإن شاء الله نفرح بكره كلنا بالكأس

هلابك حبيبي منور ..

والله يسمع منك .. والحين عاد هالمبزرة حقين (خردة) معهم مواتر ..

ومن مباراة الشباب وهم يتوعدون ويتهددون العالم

----------

النوم لعب في حسبتي بإذن الله لي عودة للردود ..

إقتباس قلت أقول !! طف مسجلك والا حولنا .. رايحين نحضر مباراة حنا؟ والا رايحين نعتمر؟

إقتباس الرسالة الأصلية كتبت بواسطة سكون الجرح زي واحد الله يستر عليه لامسكنا خط جدهـ شغـّل ( ناصر القطــامي ) ومع أول مركز في بداية جدهـ ,, يقلب ( أبو نورهـ ) ,,!!! يازين التوت في رمضان ,, الله يعيدهـ علينا أعوام وأعوام ,, ههههههههههههههههههههههههههههههههههههه ماشاء الله على خفة دمك ,, الله يوسـّع صدرك مثل ما وسعـّت صدري ,, إبعــدي يا واصــــل ,, ما صكـّوهـ مخالفة ..؟؟؟ ‘’ ‘’ ‘’ مغـاط لا عدمنا هـ الطلة ياغالي ,, ولا تحرمنا من ( اتحافك الكوميدي ) ,, وبإذن الله نحتفل جميعاً مساء الغد بـ كأس ولي العهـد ,, ‘’ ‘’ ‘’ دمتَ في رعاية الله

هلا بسكون .. رد ولا أحلى ..

تسلم والله على هالمتابعة .. وهالحضور القوي ..

المواقف يا رجال ما تقضي .. مرة من المرات ..

جلست بجنب واحد جايب عياله .. وكل المباراة وهو يعدّل في شماغه ومرازيمه !!

وشوي يصك الغالوقة .. واذا احتـّر فكّها ..
وعياله كاشخين ولابسين نفس الطقم ..

من باب الفضول قلت ما شاء الله .. الله يخليهم لك ..

قال امين .. بس هالمخرج موب مطلعنا الظاهر !!

قلت وشلون موب مطلعكم !!

طلع ابو الشباب (مخطط على تطليعة بالتلفزيون) وموااعد عائلتهم كلهم .. إنه بيطلع بالتلفزيون ..

ومنسق مع اهله اذا شافوه بالتلفزيون بيدقون عليه ويعلمونه ..

قلت ادع ربك لا تقنط من رحمة الله وباذن الله بتطلع !!


والله إني حاس من تعابير وجهه إن المباراة في وادي وهو في وادي ..

أجل هجمه مزعت العارضة مزع فكنا الله .. وهو يقرّب عياله لمّه ..

ويضبط شعورهم .. واخذ له طله في الجوال ! يشوف كان فيه احد داق ..

لدرجة يوم خلص الشوط الاول قام يدور هو وعياله .. ويتلفت قلت امش اجلس بس ما فيه تصوير بين الشوطين !!

مغاط ... حقيقة اضحكتني بمواقفك الطريفة فهي جميلة كجمال كتاباتك المميزة دائماً

شكرا وتحياتي لك

إقتباس الرسالة الأصلية كتبت بواسطة ابو ديم الهلالي مغاط ... حقيقة اضحكتني بمواقفك الطريفة فهي جميلة كجمال كتاباتك المميزة دائماً شكرا وتحياتي لك

وهذا أهم شيء وأنا أخوك ..وش حنا بدون ضحكة طالعة من القلب !!
الضحك علاج .. ومثله مثل أي علاج .. إن زادت الجرعة جاب الواحد العيد ..
والموازنة زينه ..

على طاري الموازنة :

اذكر مرة مباراة الهلال والترجي نهائي البطولة العربية .. 1416 ..
وديت أهلي لزواج .. وانطلقت للملعب !! بحياتي ما قد شفت مثل ذاك الحضور ..
عجزت ألقى أخوياي ولا معي لا جوال ولا شي !!
المهم ورطت .. والقى اثنين انحف واحد منهم كنه تيرسل كوبيه !!
قلت لو سمحتوا ممكن أجلس !! قالوا محجوز .. قلت قديمة تراي اسويها مبطي !!
ابتسموا .. وقال الدب الثاني خلاص تعال اجلس بس اذا جاء خوينا تقوم .. قلت زين ..
وكان الجو كتمه وأضف على ذلك اني بين هالشقردية !! يعني اصلا الاكسجين خلقة ما فيه .. وشلون وانا حولهم !!
ولا هونا الا هدف ابو يعقوب وترقيصات الكونكورد ..
المهم يوم طلعت وأنا انسى وين انا ملبق فيه !!
وأدوّر الموتر !!
وأحوس .. اخذت لي لفة على الاستاد !! مشيت مشي لو اني في الحج ..
كان ماشي ما يعادل النفرة الى مزدلفة ومنى ورجعه لعرفة مرة ثانية !!

تدري وش اللي يصيّح في الموضوع !! كنت قاعدن ادور موتري !!
ناسي اني جاي على جيب الوالد يومني أودي اهلي للعرس !!

ههههههههههههههههههههههههههههههههههههه

اجل تبي سطل ؟؟ هههههههههه


يعطيك العافيه على هيك موضوع ،، وان شاء الله نفرح بالكاس بوكره .