الولد محظوظ بالحياة والبنيه ياعمري عليها + مقطع صوت - نادي الهلال السعودي - شبكة الزعيم

&& هلااااااليه && · #1 05/03/2008, 05:52 PM

السلام عليكم
مقطع سمعته وخلاني اكتب الموضوع
بدخل بالموضوع على طول

"الولادهـ"
مبروك قالك بنت

مبروك قالك ولد

<<شكرا ولك حلوان مني
مع ان البنت احن على ابوها وامها الين كبرووو

بس وش نقول

" الخطأ"
البنت خطأها ماينغفر وعار عليها طول حياتها أما الولد لوأخطأ مرحلة مراهقة ومر فيها كأن البنت من الطفولة الى النضج ماتمر بمرحله مراهقه مثله

"الخطبة "
البنت ياعمري عليها مو من حقها تحلم بشريك حياتها لانها مو هي اللي بتختار ولاتدلعت عنست
أما الولد هب عليه يدور على اللي راسمها في باله الين مايلقاها
مالنا الا الدعاء يطلع بالصدفه مثل اللي نبي <<مالت على حظوظنا

"الزواج "
تلقى البنت تتزين وتتشيك لرجلها وكل شي تسويه عشان ترضيه وتحلو بعينه وتبدا تحبه من تنخطب رسمي له وكماتدري الا هو صاكها بوحده مع انها ماقصرت معه
ويقولها الشرع محلل اربع <<بسم الله عليك ماتعرف الشرع الا بالزواج

" الطلاق"
ياعمري يالبنيه لاتطلقت خلاص انتهت حياتها الا ماندر أما الرجال يتزوج ويكمل حياته ولاكن شي صار

" الطلعات "
البنيه مسيكينه بين اربع جدران وحايمة كبدها والولد من مكان لمكان والقهر لاقال مافي اماكن لنا ياخي احمد ربك تطلع وتشوف اصدقاك
والله ساعات من حومت الكبد والطفش بالذات بالعطله ودي لو احد يفر بي بالحارة ونوقف عند اشارة ونرجع على الاقل اشم هواء وياحلات الشارع بالليل
تهي بس

"الجمال"
صجونا ركبكم سود اللبنانيات ومدري ايش ومايخلون شي ماقالوه في السعوديات
<<ابصم بالعشرة شاف وحده وحكم على الكل هذا ان كان شايف اصلا
عاد بالله هاللي يتشرط ويتطنز ماشاف شكله بالمرايه اتحداه عقبها يتكلم
الكل تغير وصار يهتم بعمره

"المغازل"
طايحين هالايام يحطون اللوم كله على البنت انا معكم فيه بنات تخلي الواحد غصب يغازله وهذي تستاهل لكن فيه بعض العيال لو تمر خيشة سوداء غازلها
بقولكم قصة صارت مع وحده
"القصهـ "
تقول خالتي ان معهم مدرسه سمينه سمينه مررررررررررهـ "الله يعينها"
المهم تقول اني مرة غايبة وبسوي جريش الغداء ومالقيت لبن وادق على البقالة الصبح وماردت لبست عباتي وطلعت تقول شريت لبن وانا راجعه الا يلحقني واحد ويقولي اركبي تقول وانا سافهته تقول احسبه يمزح قلت وش يبي فيني تقول يوم جاء نص الطريق ويوقف وينزل يسحبني تقول يوم شفته نازل وااجلس ويسحب ويسحب ولاقواني مير ياخذ اللبن ويصبه فوق راسي ويركب سيارته ويروح << وش رايكم فيه اول مرة احس السمنه لها فايده

"السوق"
اللي يقول ليه كل مرة البنت تروح السوق ماتمل طيب انت ليه كل مرة تروح للاستراحات ماتمل

على الاقل البنت كل اسبوع مرة او كل اسبوعين الا ايام المناسبات العيد وزواج وو
لكن انتو بشكل يومي استراحات ومقاهي
ومالنا الا السوق نشم هواء مع اني ساعات اطفش وتحوم كبدي منه

"النـــــــــــــــــــت"
النت محلل للعيال ومحرم على البنات
يقولي اخوي مرهـ :
اني اتكلم مع واحد وقالي كل بنت تدخل النت عندها بايميلها عيال وتدخل تشاتات يقول قلت له مو الكل قال الا الكل يقول يوم اشتد النقاش قالي طيب خلاص عطني ايميل اختك نشوف نقدر نخليها تضيفني ولالا<<< قصده العب عليها مالت عليه
يقول اني سكت ..
قلت ليه كان عطيته واتحداه يلعب علي ويخليني اضيفه ووالله العظيم اني ماادخل تشاتات ولا عندي بايميلي ولد الا اخوي بس على كيفه يحكم على الكل

لاكنت مهنته انه يلعب على بنات خلق الله ويقول كل البنات تنننننتنتنت<<اتحلطم

" الكورهـ"
وااااااه من الكوره عشق صراحه يكفي المعلق يقول (سيداتي انساتي

سادتي ) <<انا اول قبلكم

من قال انها للعيال بس واللي يقول انها تخدش الانوثه فاهم الانوثه غلط الاخ وش دخل اني اشوف كورة واشجع فريق بالانوثه
ولا عاد اللي يقول تشوفون عوراته اقوله هالمثل تراني احبه ((كلن يناظر الناس بعين طبعه ))

<<اذا انت تشوف المسلسلات وتفكيرك في هالشي تحسب كل الناس مثلك
قسم بالله ماجبنا خبرهالاشياء كل اللي همنا الفوز والاستمتاع مثلنا مثلك

(الا يبون يحرمون البنت من كل شي ومالقو اسباب طلعو هالاسباب البنت حرام توسع صدرها) .
ياحبيلك ياخوي بس

تشجيع وتحليل بعد

<<لاتفكرونه صغير تراه كبير ومتوظف بعد بس الحمدلله تفكيره شي <<الله يرزقنا

"جامعة الملك سعود"
مرهـ قالت لي وحده انها انخطبت ولما درى خطيبها انها تدرس في جامعه الملك سعود فك الخطبه وهي ضايق صدرها انا قلت لها بالطقاق دام هذا تفكيره الحمدلله مااخذتيه وش ابي بواحد تفكيره مع احترامي الشديد متخلف من ناحية (كورة – نت – جامعه و و و و)
اصابع يدينك مو سوى وياكثرهم بنات الخير وانت الخسران
(بجي انا وبقول المقهى الفلاني صار فيه شي خلاص كل اللي يجونه خربانيين وانتبهو لاتقدم لكم واحد يابنات يحضر في هالمقهى ارفضوووه ) <<العقل نعمة بس

"الجسوووم"
ياربي على الجسم الحمدلله الكل الحين صار يعرف مصلحة نفسه ولاياكل <مع انه ضرر بعض الاحيان بس اهون من السمنه
ولو الكل اكل زي العالم والناس كان صارت علوووم
والله انا ماالوم البنيات لو خربت جسومهم متربزات في هالبيوت ولاقالت ودوني امشي زايده كيلو قالو أها بس قالت ودوني نادي قالو انتي صاحيه والله لو انك ماتدخلين مع ذا الباب
أما الولد يقدر يروح يمشي ويقدر يروح نادي هذا ان سمن لانه يتحرك ويطلع ويروح مو مثل البنت
يعني سمنت البنات سببها العيال ودوهم وهم عندهم استعداد يخففون

ترى فيه اشياء واجد في جعبتي ماتكلمت عنها بس لايطول الموضوع ويمصخ <<ينقال موب طويل الحين

** ولااحد ينط لي ويقول مو الكل أنا ادري بس الاغلبيه
** ولااحد ينط ويقول هذا نصيبكم بالحياة أدري بس بكيفي بفضفض

وبالاخير مااقول الا ياعمري عليكم يالبنات

(دائما مظلومات ) وهذا مقطع هديه لكم
في المرفقات