ِApple or Dell - نادي الهلال السعودي - شبكة الزعيم

~ابو فهد~ · #1 04/03/2008, 07:03 PM

السلام عليكم ورحمة الله.
أخواني ودي اشتري جهاز جديد ومحتار بين هالجهازين أبل ودل.

لهم نفس المواصفات والمميزات ولكن سعر ابل أرخص من دل ب400 دولار.

مازلت متردد أيهم أشتري. ياليت اللي عنده أي معلومات عن أي نوع منهم أو خبره كافيه في الاجهزه يزودني فيها.

شاكر لكم

Nilmar · #2 04/03/2008, 07:51 PM

بالنسبه لـ Apple بصراحه ما عندي اي خبره

لكن من ناحية DELL اسألني عنها من افضل الشركات اللي جربتها
وعن تجربتي معها واكثر من 4 اشخاص اعرفهم نفس الشي ما عليها كلام ولا شفتهم يشتكون من مشاكل في الجهاز . .

طبعا موديلاته كثيره بس من الموديلات الجديده شفته مع واحد من الشباب اللي هو
Dell INSP 1520

مواصفاته حلوه وسعره بالرياض تقريبا 3000

وهاذي صوره للجهاز

طبعا ولا يهون التوشيبا ترى حلو

وابعدددددددددددد عن الايسر

اتمنى افدتك باللي اعرف

Bling&Bling · #3 04/03/2008, 07:55 PM

Apple ..

ابـــل ماكنتوش وارفع يدك...

هو صح صعب استخدامه بس والله رائع جدا بعد كم يوم راح تتعود عليه..

من ابسط مميزاته هو بدون برنامج حمايه ولا يدخله اي فيروس يعني اقوى انظمة التشغيل في العالم..

ثــاني شيء من كذب عليك وقلك ديل زي ماكنتوش ...

انا قلتلك نصيحتي وانت بكيفك..

سلام

~ابو فهد~ · #4 04/03/2008, 07:58 PM

عبودي9 . عوافي ياغالي ماقصرت.
بالنسبه لدل الان لديهم عروض ممتازه ومواصفات خياليه وكان خياري الاو , ولكن عندما شاهدت ابل تغير رأيي واحترت.

أما توشيبا , انا الان عندي جهاز توشيبا ولكن مشكلته الحراره , وهذا العيب غالبا في كل اجهزة توشيبا.

أما ايسر على اسمه ماافكر فيه حتى.

~ابو فهد~ · #5 04/03/2008, 08:00 PM

إقتباس

الرسالة الأصلية كتبت بواسطة Bling&Bling


	Apple .. ابـــل ماكنتوش وارفع يدك... هو صح صعب استخدامه بس والله رائع جدا بعد كم يوم راح تتعود عليه.. من ابسط مميزاته هو بدون برنامج حمايه ولا يدخله اي فيروس يعني اقوى انظمة التشغيل في العالم.. ثــاني شيء من كذب عليك وقلك ديل زي ماكنتوش ... انا قلتلك نصيحتي وانت بكيفك.. سلام

الله يعطيك العافيه. طبعا اذا قررت وشريته لابد اني انزل ويندز عليه لان بعض البرامج ماتشتغل الا عن طريق ويندز .

saar · #6 04/03/2008, 08:11 PM

DELL اسألني عنها من افضل الشركات اللي جربتها
وعن تجربتي معها واكثر من 4 اشخاص اعرفهم نفس الشي ما عليها كلام ولا شفتهم يشتكون من مشاكل في الجهاز . .

طبعا موديلاته كثيره بس من الموديلات الجديده شفته مع واحد من الشباب اللي هو
Dell INSP 1520

مواصفاته حلوه وسعره بالرياض تقريبا 3000

skroo · #7 04/03/2008, 09:03 PM

السلام عليكم ورحمة الله وبركاته

ابوفهد DELL ما يعلى عليه وانا استخدمه من كم سنة , واخوي شرا له واحد
ولا لقيت احد معه DELL ويشتكي منه اللهم لك الحمد

من ناحية APPLE زي ما تكرمت ان قوي بس انا اشبهه مثل جوال سامسونج وموتورلا , يعني ما احد يستخدمها الا قليل والعالم كلها NOKIA فراح تشذ عن العالم وتكون APPLE

DELL ممتاز وجامعات بريطانيا تستخدمه وبرضة APPLE ممتاز لكن شريحة قليله في السعودية تستخدمه ولا تنسى ان اغلب البرامج المتداولة بيننا يالسعوديين تنطبق على الوندوز !!

وانت ابوها وسمها ولو تبيني اروح لمحل APPLE هنا واخذ منهم علوم اكثر ومواصفتهم واسعارهم ابشر بسعدك وقلي بس

Fo0oRzA JuVe · #8 04/03/2008, 09:27 PM

نواف أنا أستخدم ديل حاليا ً .. وله معي حوالي 3 سنوات .. ولا فيه أفضل منه ..!!

خصوصا ً إنت خابر استعمال عربجي .. يعني كارف اوومه .. بس ماقد خرب ولا شي ..!!

ديل ممتاز .. وأسعاره مغرية ..

بالنسبة لآبل .. عندي كمبيوتر آبل اللي شاشته كبيره وبدون cbu` ..!!

يشتغل على نظامين .. آبل ماكنتوش.. وويندوز .. وأعتبره ممتاز .. وهو أفضل أنواع آبل ..!!

لكن كـ لاب توب .. أعتقد ديل أفضلك !!

عموما ً صل إستخاره ..!!

عبدالـرحمن · #9 04/03/2008, 09:44 PM

جهازي ديل له عندي الآن اكثر من اربع سنوات ماشي معي تمام من شدت الكرف انعدمت بويته ^_^

يكفي انك اذا اشتريت .. ديل .. تتذكر كل ماجلست على الجهاز .. ديل بييرو هههههههه

=============

ابل نظامه يختلف ماكنتوش والصراحة ماقد جربته لكن هو رايق ويفتح النفس وشكله حلو وابل شركة قوية

=============

بما انك في امريكا انصحك تشتري الجهاز من هناك افضل لك بكثير لانه حسب ماقال لي احد الخبراء في الاجهزة

ان المعالج وهو اهم قطعة في الجهاز يخضع لتجربة بعد صناعته ويكون هناك نسبة اذا زاد اخذوا المعالج واذا نقص صدروه للخارج يعني ممكن تحصل جهاز اقل موصفات في امريكا يتفوق على جهاز في السعودية بموصفات اكثر

بالتوفيق.

~ابو فهد~ · #10 04/03/2008, 09:45 PM

الله يعطيكم العافيه شباب .

ناصر: بالنسبه لأبل صراحه انا تكلمت مع المسؤول هنا في الشركه وأخذت منه كل المعلومات عن الجهاز وعم أدائه.

اما دل , كل الشباب عندي هنا اشتروه وخاصه عندنا هنا صاير عليه عروض حلوه ومواصفاته عاليه جدا جدا.
ولكن 2 من الشباب صار لهم مشاكل في أجهزتهم ومع ذلك صلحوا قسم الصيانه في دل أجهزتهم عن طريق الأون لاين. يعني خدمتهم رهيييييبه. مايحتاج تودي جهازك ولاشي وانت جالس يدخل على جهازك ويضبطه لك.
وتبي الصراحه , أنا ودي بشي مميز عن باقي الشباب خاصه انهم كلهم دل.

سعد يامال العافيه , ماقصرت وبشوف أراء الشباب الباقين والله يكتب اللي فيه الخير

~ابو فهد~ · #11 04/03/2008, 09:50 PM

إقتباس


	يكفي انك اذا اشتريت .. دل .. تتذكر كل ماجلست على الجهاز .. دل بييرو هههههههه

هههههههههههههههههههههههههههههههههههههههههههههه. صراحه ياعبدالرحمن هالميزه تكفي وتفرق,

الله يعطيك العافيه ماقصرت ياغالي

ابو الدبش · #12 04/03/2008, 09:58 PM

DEEL
لايعلى عليه
ومواصفاته على قد سعره
............................................

skroo · #13 04/03/2008, 10:12 PM

نواف فكنا من سالفة التمييز وودي اصير غير الشباب

اخوي الكبير يقولي الناس كلها عندها GXR وراح واشترا نيسان وتورط فيه انواع الخرابات وبالذات الكهرب

وواحد ثاني اشترا جوال موترولا يقول العالم كلها نوكيا , وتورط ما يلقى شواحن في بيوت الخلق !!!

فخلك على الديلل ابرك لك , شف انا شاريه قبل 4 سنين وتحت فيه MADE IN IRELAND يعني تأكد لا يصير حواق

وترا وزراة الدفاع الامريكيه

تستخدم DELL

ويالله وبما انك اخذت معلومات عن APPLE فالموضوع صار بيدك ومالك الا الاستخارة وتذكر النوكيا والجي اكس ار

Fo0oRzA JuVe · #14 04/03/2008, 10:15 PM

إقتباس


	ولكن 2 من الشباب صار لهم مشاكل في أجهزتهم ومع ذلك صلحوا قسم الصيانه في دل أجهزتهم عن طريق الأون لاين. يعني خدمتهم رهيييييبه. مايحتاج تودي جهازك ولاشي وانت جالس يدخل على جهازك ويضبطه لك.

يؤ يؤ يؤ !!

الغرب يصنع طايرات وصواريخ .. والشرق الاوسط راح نفطه بلاشي

!! <<<< مالها دخل بس ودي ادخلها

..

وين هالخدمات عنا ؟؟

ابو فهد هالميزه بس .. تخليك تشتري ديل << وجهة نظر

!!

الهلال حبي الدائم · #15 04/03/2008, 10:19 PM

خذها مني وماراح تندم

..

افضل شركه Dell .. ورده

تحياتي