|
لا تلومو جمهور الرياض بصراحه قرأت بعض النقد والعتب على جمهور الرياض لا يحضر من بعض الاخوان , لن اجد المبررات لجمهور الرياض ولكن سوف أناقش الموضوع من زاية اخرى وسالخلصها في نقاط قصيره : اولا | ادارات الملاعب والتعامل الاحمق مع الجمهور وكأنهم يتعاملون مع ناس متخلفين وليس لهم اي قيمه اجتماعيه وينضرون للمشجع بنظره فوقيه تجعل المشجع يشتري كرامته ويتوجه للمقهى او يبقى في بيته ثانيا | سوء الخدمات في الملاعب فلا وجبات نضيفه ولا رقابه صحيه حتى على الوجبات الموجوده اذا صح التعبير واسميناها وجبات واذا سمح لك بادخالها معك للمدرج , بالتأكيد أن يبقى الشخص في بيته او يتوجه لمقهى سيجد أنواع من الوجبات والاطباق مع مقعد مريح وفنجان شاهي . ثالثا | تعامل رجال الامن اللذي اضع عليه الكثير من علامات الاستفهام , فأنت المخطئ ولا يجوز مناقشة رجل الامن نهائيا فاذا خرجت للصلاة -لانك في بعض المباريات يجب ان تكون موجود قبلها بوقت طويل -فلن تعود مهما كان الامر واذا خرجت لاستخدام دورة المياه يعني راح عليك المقعد واذا ناقشت سوف يتم اعتقالك وتوضع في غرفه صغيره تحت المدرج حتى انتهاء المبارة . رابعا | هناك اساليب تسليه قبل وبعد وبين شوطي المباراة لم اشاهد منها في ملاعبنا أي شيئ .أنضرو للحضور في حفل اعتزال الاسطوره سامي هل تعتقدون انهم كلهم هلاليين بالتكايد لا فالجمهور حضر لانه عرف ان هناك فقرات مسليه واستعراضات واذا لاحضتو ان الاطفال كانو حاضرين بقوه مع ابائهم لان تلك المباراة تعتبر نزهه لهم وفي الاخير بصراحه الحضور للملعب يعتبر مخاطره واذا حضرنا نكون على اعصابنا حتى نهاية المباراة . انا لا أجد العذر لجمهور الرياض ولكن اذا لم يحضر الجمهور وهو راغب فلن اقوم بتحفيزه في كل مباراة , ارجو من الاخوه الزعماء التركيز في هذا الموقع على النقاط الاربع حتى نجد تجواب من المسئوليين . وتقبلو تحياتي ,,,,,,,,,,,,,,,,! |
اوكي خلهم جآآلسين في المقاهي والبيوت ,, بس لاحد يجي ويشتم لاعب ويسب ويطالب في البطولات ,, طيب الاعبين مافي تسليه لهم عشان يلعبون ويآدون ,, ضغط في المبآريآآت وايقآفآت وسب ونقد وكلام جارح يجيهم من الجمآهير ,, ومع كل هذا يلعبون ويآآدون ,, يعني ماقصروآآ حرموآآ نفسهم وذلوآ نفسهم عشان الشعار ,, ليه مانسوي زيهم ؟؟ |
هل تعلم اخي الكريم اننا في ملعب جدة نجلس على دكة وفيه تعامل برى الملعب وداخله خس من الي ذكرته انت اثبتت بكلامك انكم جمهور مقاهي وكافيهات بالنسبة لاداء الصلاة ما الومك بس برضو ماهو عذر انك ماتحضر للملعب |
إقتباس:
لا تنسى ان اللاعبين ياخذون دراهم ما يلعبون بلاش وهذا حقهم ويستاهلون اكثر بس الجمهور المسكين هو اللي يدفع من جيبه ووقته وصحته وفي الاخير يتعرض للي ذكرته سابقا في الموضوع , ومره اخرى أنا لست مدافع عن الجمهور ولكني أحاول ان الفت انتباه المسئولين وشكرا على مرورك اخوي |
إقتباس:
كلام صحيح 100% يا عيني عليك سويت الس ابسوية |
مشاء الله عليك اشكرك على موضوعك الرائع والمتميز واتمنى ان يعي جمهور الهلال ان هناك من يدس السم بالعسل لتفريق الهلاليين وهذا من مخطط الاسقاط مخطط اسقاط الزعيم تجدهم يحاربون بكل اتجاااه وعلى كل جبهه من اجل اسقاط الزعيم وهم عاجزوون اتمنى عدم التجريح بجماهير الهلال واللي يبي يحضر الملعب حياه لله واللي مو حاضر حافظه الله فلا يجب ان نتفرغ في مواضيعنا لمزيد من التفرقه ولاحظت بعض الاعضاء يطلقون بعض العبارات التي لا تليق بنا كمسلمين فمهما كتبت يجب ان لا تتعدى حدودالادب والاخلاق مع الاخر بغض النظر عن من يكون لانك تنتقد صفة او عمله ولا تنتقد الشخص نفسه لذا اتمنى ان نطوي صفحة الماضي وان نغير من اسلوب حوارنا مع الطرف الاخر (( المحاور)) واهم شي انتقاد الطرح او العمل او الصفة التي تراها بنظرك خاطئة ولكن بحدود الادب فانت في شبكة عالمية وكل يقيس ثقافة الشبكة من ثقافة اعضائها نعم الاغلبية لا تحتاج لشهادة مني على قمة الاخلاق والادب في الحوار مع الأخرين لكن هناك البعض ونتمنى ان لا نرى الا اختلاف في وجهات النظر لا خلاف بينا ودمتم بزعامة |
إقتباس:
يقول المثل من جد وجد ومن زرع حصد ,, الي يبون بطولات مآيآآزرون فريقهم في نصف نهآآئي الكآس ؟؟ واللي يبون بطولات مآيدفعون 20 ريآل للمبآرآه ؟؟ واللي يبون بطولات مآيحرم نفسه من شي عشان يآخذ الي احسن منه ؟؟ :nono::nono::nono: |
اخواني الاعزاء وربي اخر مرهـ حضرة مبارات اعتزال سامي انهم مفصخين حتى كنادري اكرمكم الله !!! ياخي مو معقوله كل مابغيت احضر مبارات يجي واحد جندي ! ويدفني ويخليني ارفع ثوبي يخاف اني مخبي شي في الفنيله ؟؟؟؟ وربي قهر والي يزيد الطين بلهـ كل ماحضرت مبارهـ ما اصلي المغرب والعشاء الا بالبيت الساعه 12 صباحاً !!!!!!! مره وحه طلعت وصليت وماشفت الشوط الثاني بسبت اني طلعت اصلي ؟ واخواني الصغار ماقدر اخذهم لانه ممنوع تدخل عصير وكيكه معك للمدرج الي يبي ياكل يطلع براء المدرجات ! ولاتعليق غيرهـ |
ما هو عذر وربي لكن تسلم يمينك يا البوعينين صدقت وربي |
مع احترامي كل الي ذكرت يهوووووون لعيوووووووووووووون الزعيـــــــــم طبعا غير الصلاة .................................. |
هذي أمور تؤثر على المدى البعيد ولكن الحضور القليل في الفترة الأخيرة لجمهور الهلال هو بسبب المستوى ومن يريد أن يتأكد من كلامي فليتذكر مباراة الهلال والإتحاد العام الماضي والتي فزنا فيها بنقص لاعبين ,, مباراة ( أسطورية ) وبعدها لعب الهلال بدور الثمانية أمام الوحدة وتخطى الحضور الـ30 ألف للأسف الفريق الهلالي في الفترة الأخيرة لم يقنع الكثر من محبيه نظرا لتغيير التشكيلة طبعا طبعا رغم تغير التشكيلة المستوى يعتبر مقنع ولكن كان بالإمكان أفضل مما كان .. لا أتحدث عن الإصابات أو معسكرات المنتخب , بل أتحدث ن المدرب الذي ترك العديد من اللاعبين البارزين بالفريق الأولمبي طمعا في البطولات جميعها وأتمنى أن نكسب معضمها بإذن الله :) |
^ ^ ^ ^ ^ ^ الهلال ما اقنع محبيه بسبب التشكيله ورغم التشكيله مستوا مقنع وبالأخير اتمنى نكسب معضمها !!!!!!!! وش إلي مو مقنع أجل؟ إنك تنافس على جميع البطولات ووحده ما بينك وبينها إلا ان شاء الله 90دقيقه ؟ تبي أو تبون تشكيله ولا بطوله !!! |
الأخ نواف الحمد لله لقيت واحد ييأيد كلامي أنا خارج الوطن منذ سنه تقريبا لذلك ما حضرت مباريات الهلال في الفتره الاخيره قلت يمكن الوضع تغير بس الاخ نواف يؤكد ان الوضع مثل ما كان واسوأ والله انك صادق يا اخوي نواف وشلون تاخذ خوانك الصغار معك للملعب بصراحه مجازفه اللي ياخذ اخوانه اما هنا خارج المملكه تلقى اكثر الجمهور اطفال وبأكلهم ومقاعد مريحه ويطلعون ويرجعون على كيفهم آآآآآآآآآآآآآآ ه قهر والله , اتمنى يجي يوم يتعدل ونقدر انا وانت اخ نواف ناخذ خوانا الصغار معنا للملعب |
ليتكم تتعلمون من جماهير الجار بصراحه اذهلوني الموسم الماضي كفريق مركزه قبل الاخير والحضور فل الله يعين بس |
بما إني أحضر جميع مباريات الهلال بالرياض ... ومتحمل كل الضغوطات والتعامل السيئ من رجال الأمن ؟ مع العلم إني ((عاطل)) ولكن كل شي يهوووون للزعيم إلا إنه فيه غيري كثييييييييير يرفضون الحضور بسبب النقاط الأربع اللي ذكرتها يالغالي وأنا أتفق معك بكل النقاط وهي سبب من ضمن الاسباب في عدم حضور الجمهور .. بس شنسوي فيهم؟ ...... اللي يحب الهلال من قلبه راح يحضر عشانه مهما كلف الأمر تقبل مروري |
| الوقت المعتمد في المنتدى بتوقيت جرينتش +3.
الوقت الان » 11:44 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd