#1  
قديم 24/02/2008, 05:19 AM
الصورة الرمزية الخاصة بـ هـلالـي أصـيـل
زعيــم متألــق
تاريخ التسجيل: 01/05/2002
المكان: (( الـريـاض ))
مشاركات: 1,406
Thumbs up تـخـبـط واضـح وتـداخـل فـاضح ؟؟

اولا /
تداخل المسابقات بشكل عشوايئ وبدايئ من الاتحاد السعودي لكرة القدم
بصراحه مادري هل الامير سلطان يرى مايحدث الان !!
هل الامير نواف يتابع مايحدث الان !!
أمور فاضحه في الاتحاد السعودي ( ولا حس ولا خبر )
مبارايات تقام في غير وقتها ,,,
ست مبارايات تقام في يوم واحد ,,, (( تكفون يالدوري الاسباني )) ؟؟
تداخل المسابقات الثلاث في وقت واحد ,,,
مبارايات مؤجله لصالح فريق واحد فقط ,,,
لجنة ( استعباط مذهله ) !!
اخطاء بالجمله من حكام ( درجة عاشره في احد دوريات النيبال ) ؟؟
اين سبل التطوير ؟؟
اين التحدث بالدراسات والاستنتاجات ؟؟
اين الخبراء في هذه اللعبه ؟؟
ام اصبح الوضع الاعلامي المسيطر فقط
واصبح وضعنا قولي اكثر من الفعلي !!
دون تطوير بالشكل السليم ؟ ! ؟ !
ثانيا /
كوزمين والهلال ؟؟
كوزمين مدرب محظوظ وغير محظوظ في نفس الوقت
كيف ؟؟
محظوظ لانه درب الهلال وعلا اسمه ولو على الاقل خليجيا ً
وغير محظوظ لان لاعبين الهلال (( مره فوق ومره تحت ))
ولان ادارة الهلال تغير تقريبا بالكامل الا شخص واحد فقط ,,,
وغير محظوظ لان مشكلة الظهير الايمن (( لم تحل حتى الان ))
لا اظلم مسفر مجتهد ولكنه لم يملأ الخانه كما يجب ,,,
فنامي اكفأ منه دفاعيا ً على اقل تقدير ,,,
وغير محظوظ لان الصويلح والتمياط والزوري أصيبو ,,,
والعنبر والغامدي والخثران (( ليسوا لاعبين ذات النفس الطويل ))

ثالثا ً /
مباراة الهلال امام القادسيه وما تخللها
(( من ضحك وسوالف اثناء المباراة وبعدها
من لاعبين الهلال وعدم وعيهم وادراكهم ان الاتحاد
لعب امام الاتفاق بمباراة اشبه بالنهائي ))
وتخبط المدرب بالذات في هذه المباراة يجب ان
لا يمر مرور الكرام ياكرام
فالهلال لا زال ينافس في كلا البطولات
فلماذا يحث هذا التخبط من المدرب ؟؟
اليس هناك رئيس او مدير فريق يناقش المدرب ؟؟
عمر الغامدي مستواه في انحدار تام ومعه الشلهوب
ومع هذا اساسيان في
المباراة الاخيره ؟؟؟
اين الكلثم اين الفريدي اين الموري منذ بداية المباراة ؟؟
مبارايات الهلال القادمه اذا كانت بدون روح فلن نحقق بطوله واحد
لا بوجود ياسر ولا حتى التايب فالهلال مرت سنتان
وهو بطل المسابقات في الدوري ويخسرها في النهائي بسبب المربع
(( الغبي )) !!
وعندما حانت فرصة الهلال ليسكب النقاط اضاعها واضاعنا معها ؟؟
مرتين خسر الهلال من الشباب ومن بعدها الاتحاد لان الروح كانت غائبه
حتى لو غاب الرئيس حتى لو تخبط المدرب حتى لو نقص لاعب مهم ونجم
وحضرت روح اللاعبين وروح الهلال فلن يهزم بسهوله ابدا
تأكدوا من هذا الامر ولكن اللاعبين ليس لديهم روح التحدي
وانما عندهم (( روح الدراهم )) هذا شعار اللاعبين للاسف الان ؟؟؟!!!!!
تلعب اكثر تكسب اكثر !!!!!!!!!!!!!!
بينما البطوله تحتاج تلعب بروح
تكسب نقاطك ولو بطلعة الروح

الله يعين على الجاي نقول ان شاء الله يتوفق الزعيم
ونحقق على الاقل بطوله واحد هذا الموسم وهي كأس ولي العهد
ونحفظ ماء الوجهه منذ سنتين لم نحقق شيء



اضافة رد مع اقتباس
  #2  
قديم 24/02/2008, 05:22 AM
زعيــم مميــز
تاريخ التسجيل: 21/03/2007
المكان: الجبيل دآر الزين ^_^
مشاركات: 3,250
لاحيآآآآآآآآآآه لمن تنآآآآآآآآدي ,, اتمنى الاستقآآآله الجمآآعيه للاتحآآد السعودي ,,

بالتوفيق للزعيم ,,
اضافة رد مع اقتباس
  #3  
قديم 24/02/2008, 05:28 AM
الصورة الرمزية الخاصة بـ BLUE-STAR
زعيــم متألــق
تاريخ التسجيل: 29/08/2007
المكان: كوكبـ ماعآد تبيــن فيه الملآمح .!!
مشاركات: 1,030
يعطيك العافيه كلامك رااائع..

ويااااليت آحـــــــــــــــــد يسمع..
اضافة رد مع اقتباس
  #4  
قديم 24/02/2008, 05:53 AM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
تدرون وش قمة الاستغفال ؟؟

- حكم صار عنده (سوء تقدير) ولا حسب هدف (تعادل) في نص الدوري!! ولا فيه أي (عواقب راح تنعكس) لا من قريب ولا من بعيد !! ومع ذلك (( حلت الللجنة وطرد الاستاذ مثيب الجعيد طردة .......)) وجابوا (الناصر) !!
وتلخبطت اوراق !! وشالوا !! وحطوا !! وترجيم عقل !! وقذارة ّّ وبذاءة !! وأمور دخيلة على مجتمعنا السعودي !! و(تشيش) للجمهور عينك عينك !! وتكليبهم ضد الاتحاد السعودي !!


كل هذا يهون !!!!! عن أفعال (فصولي) :
اللي من جاء للوسط الرياضي وهو (أخذها فرد عضلات) وترزز على الفاضي :

- تضارب في اللوائح !!
- تأجيج الأندية بعموض لوائح الانضباط ..وكل يوم رأي !!
- عجز عن فرض عقوبات رادعة .. البزر يقدر يجد لها حل !!
- تأخر في كل شيء !!
- جبن وخوف .. ولا يقدر يواجهك بكل صراحة .. وما شفنا (أسوأ من برنامج اليوم ..) لا مداخلات !! لا اسئلة منطقية !! لو تسأله وش اسمك ؟! قال طيب وش تبي تستفيد لو عرفت !! كل تبن وعلمني اسمك وعن اللفوالدوران !!


وتجي ( قاصمة الظهر ) ويحرم (حق المملكة العربية السعودية ) من رفع ( لا إله الا الله محمد رسول الله ) خفاق وسط العرس العالمي !! وسلب حق مشروع لأي نادي !!

صار الموضوع (هوى) !!
صار الموضوع (أراء شخصية) !!

يا فيصل الشمس ما تغطى بغربال !! الحين كل شيء واضح ومكشوف !! يا اخي اذا صرت منتب قد (كرسيك) يا اخي (وخر) !! يعني الاوراق واصلة لك من اكثر من ثلاث شهور ونص !! و مغيبها بدرج مكتبك !!
ولا من شاف ولا من دري !!

هههههههههه إلا الدلاخة أعيت من يداويها !! طيب يا المخ !! مصير الناس دارين !! ليه تحط نفسك بمواقف بايخة !! وإلا من (أمن العقوبة ) أساء الأدب !!

أسألك بالله .. اتحاد سعودي من عرفنا نفسنا وهو (على حطة يدك ) !! وش تبون يصير ؟! لا استغفر الله " جابوا الشتالي مستشار" !! خخخخخخخخ


تدرون وش القبيح بالموضوع ؟!

- تحداكم تجيبون لي واحد يتكلم باسم الاتحاد السعودي ؟! تسأل سؤال .. كل واحد يقول أنا مالي دخل !! هذا موب شغلي !! أنا مالي دخل !! وضايعة الطاسة !! ورواتب اخر الشهر !! وخارج دوامات وسعة صدر !! وتبي تسأل عن نتيجة تسأل عن (انجازات) ما فيه !!

يا جماعة .. أقدر أصور واقعنا الرياضي بأنه خياش وتحتها عقارب بدت تطلع !! وكل واحد خايف يحركها لا تقرصه حية وإلا يجيه شيء من خشاش الارض !!

بالله هل الموضوع بهالتعقيد ؟؟

يعني من عرفنا اتحاد الاحتراف ؟! ورئيسه الدكتور صالح بن ناصر ؟!
وش سووا غير انهم حطوا سقف لرواتب المحترفين !! ويفتحون لك فترة تسجيل ويقفلونها خخخخخ والمشكلة موب من عندهم من الفيفا !!

بالله وين دورات تأهيل المحترفين !!
بالله وين الاكاديميات الرياضية !!
بالله وش فرق المحترف عن الهاوي !!

و كلن يجامل وكلن يصفق وحنا اللي اكلينها !! يا جماعة لا تقاروننا بدول الخليج !! ذولا موب ما بعد وصلوا مرحلة النضوج !! وإلا عشاننا احسن منهم .. صدقنا عمرنا !! شوفوا كاس العالم هو اللي علمنا من حنا صح !! ولو اننا في افريقيا والله ما نشم التأهل لو نفحط !!

إذن فيه خلل ؟!! بالله وش هالانسان الكفوء اللي جالس في مكانه .. وخاس وهو فيه !! يا جماعة عطوا (حافظ المدلج فرصة ) يا جماعة عطوا (العقول الشابة ) اللي تجمع بين الخبرة وبين الدراسة والاطلاع فرصة !! موب تجيبون لي .. من خمة بدر الفرهود وتقولون يالله دوكم !!


اتمنى من كل قلبي .. نشوف تغيير عاجل !! موب بلجان هالحكام هالضعوف اللي ما يفك ولا يربط !! نبي نشوف شي يلامس حياتنا الرياضية اليومية !!


جيبوا فيصل عبد الهادي واسألوه كم لك من سنة تشتغل ؟! يعني كم يوم راح ؟!

نقول 5 سنين مثلا ؟!
5 * 365 = 1825 يوم !! لعنبوك وش تسوي بهالايام !! عطنا علمنا !! وش أنجزت غير (اللوائح المتضاربة ) والعجز المقزز !!


وروحوا للدكتور (صالح بن ناصر) واسألوه كم له :
نقول اقل شي
15 سنة * 365 = 5475 يوم !!

يخوك دبي شف وين وصلت كل هذا تراه بأقل من 10 سنين !! ما نبي نصير مثل دبي !!

لكن وش يفرق اتحادنا الرياضي عن اتحاد البنغاليين ؟!
عندنا سقف وعندهم سقف !!
عندنا فترة تسجيل وعندهم !!
عندهم ايقاف اذا مارست عمل اخر وعندنا !!
اعارة عندنا وعندهم !!

وإلا تحترون اللاعبين بقدرة قادر يرتقون من نفسهم !!

يا رجال وش تقول وش تخلي ؟! ولو الود ودي أسوي شيء واحد بس !!

وهو كل مسؤول يرصد لي بتقارير وش منجزاته ؟! ووش قدم ؟! بنهاية كل سنة !! تضبيط الاوراق وزبرقة التقارير ما ابيها !! ابي شيء اصداه توصل القريب والبعيد !! والا وش استفدنا نلعب على انفسنا !!

يا جماعة العالم يركض وحنا واقفين !!

---------

برايفت فيصل عبد الهادي :


قسم بالله انك من جنبها !!
اضافة رد مع اقتباس
  #5  
قديم 24/02/2008, 02:56 PM
زعيــم نشيــط
تاريخ التسجيل: 12/11/2005
مشاركات: 514
الاوضاع متهدوره من جد في الهلال

كل خوفي لا يصير مثل العام وقبل العام

والاتحاد السعودي في نوم عميق من اكبرهم الى اصغرهم


مادري متى بيتغيرون
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:40 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube