#1  
قديم 23/02/2008, 07:39 PM
زعيــم مميــز
تاريخ التسجيل: 02/10/2005
مشاركات: 2,711
Lightbulb كفاكم تمجيدا ً بلاعبين الإستعراض فالإستعراض لا يجلب البطولات ..!!

السلام عليكم ورحمة الله وبركاته


أنا أطرب لأداء ياسر وطارق التايب , ومايختلف اثنين على مهارتهم وفكرهم وحجمهم .

لكن وبكل صراحه اللي يحز بنفسي ويكرهني بالمنتدى وأحيانا يكرهني باللاعبين إنه يربط اسمهم بالهلال وان الهلال من دونهم ولا شي !!!

تستغربون من كلامي ولكن هذي هي الحقيقه .

الكثير من الأعضاء عندهم ان الهلال بدون ياسر وطارق ولا شي

لكن أحب أذكركم بشي واحد ولو إني بأقسى بكلامي ولكن قسوتي تنبع من قلب صادق وتقدير للكيان الهلالي فالزعيم لا يعتمد على اي لاعب مهما كان حجمه


لقد أثار إشمئزازي وأيقظ غيرتي على الكيان ما كتب من أحد الأعضاء وها أنا أقتبس كلامه حرفيا ً والمصيبة انه عضو من عام 2002

إقتباس
الرسالة الأصلية كتبت بواسطة احتفظ بأسمه لنفسي
إذا رحل طارق سأترك تشجيع الزعـــــــــيم آسفاً ( ولن أشجع أي نادي آخر ) فأرجوك أرجوك ياطارق لا تجعلني أفعلها و أرجوك يا محمد بن فيصل لا تشوه صورتك أمام جماهير الزعيم فمنذ أن إستلمت إدارة النادي و الزعيم في تطور مستمر و إذا رحل طارق دون أن تتحرك فصدقني ستقضي على صورتك الحسنه أمام الجماهير الهلاليه لقد تسرعتم في التعاقد مع هوساوي لمدة عام مقابل ( 12000000 ) فلو أنكم دفعتم هذا المبلغ للتائب مقابل عامين فصدقني لن يرفض لأنه من عشاق الزعيم .
أخيراُ سمو الأمير أرجوك أرجوك أرجوك لا تسمح برحيل البرنس الليبي . فهو مع ياسر و الشلهوب ثلاثي خطر جداً على الفرق المنافسه .

وهذا ثاني وموضوعه بالصفحه الأولى

إقتباس
الرسالة الأصلية كتبت بواسطة همي الهلال
السلام عليكم

شفت مقطع لعصام الشوالي يعلق على زيدان في كاس العالم : فرنسا لا تساوي شي لاتساوي لاتساوي
شي بدون زيدان

انا اقول : الهلال لايساوي شي لايساوي شي لايساوي شي بدون التايب

وهذا رد مني له ومن هم على شاكلته

يعني واذا راح طارق !!!!

وش يبي يصير ؟؟؟

لعلمك ما حققنا شي بوجود ابو نادين وياسر , وقبل لايوصلون كانت معنا السداسية ((فرنسا ما سوت شي قبل زيدان بكأس العالم)) أما الزعيم حقق ما عجز إستعراض البعض عن تحقيقه

صح ننبسط على استعراضهم لكن الاستعراض ما يجيب بطولات

وطارق يستلم راتب يغري الكثير من النجوم في شتى أنحاء العالم واذا أراد الإنتقال فهو حر

والزعيم يصبو أغلب النجوم في التواجد بين صفوفه وقد حضر ريفالينو الأسطورة البرازيلي وصلاح الدين بصير الأسطورة المغربي الذي ذهب بعد الهلال لأعتى الأندية الإيطالية والأسبانية وغيرهم كثير والقادم بإذن الله مذهل كالعادة بحول الله ثم بوجود رجال أكفاء خلف الكيان الأزرق

وقضية أن هوساوي ب12 مليون ماتفرق مع رجال الزعيم القيمة إذا كانت المصلحة موجودة كما في قيمة عقد ياسر القحطاني فرجال خلف هذا الكيان لا تهمهم المادة ولا تقف عائق في طريقهم في سبيل خدمة الكيان


من بعد مباراة الأهلي وأنتم محتفلين بالفوز على الأهلي المتهالك صاحب الترتيب المتواضع واللي ما تقدم لهالمركز إلا بالفوز على الهلال والقادسية والطائي

يدوا شريط المباراة وفتحوا عيونكم

فوزنا كان ضرب من الخيال ومن توفيق الله ثم بفضل الجمهور الغفير في جده رغم ان الخصم فاشل دفاعيا ً ومنقوص من كايو والمهاجم البرازيلي وهزازي ووليد عبدربه وتيسير الجاسم وغيرهم


واللي شاف مباراة الاتحاد في مباراة الاتفاق يحس انه فريق يقاتل من اجل البطوله , ولا شفت نور وتشيكو وماقنو الفيس وكيتا يستعرضون مع انهم يملكون المهارة وحس (( الإستعباط )) على الخصم

كانوا يضيعون وقت وهم متقدمين بهدفين على الإتفاق , ولاعبينا يستعرضون في مباراة الاهلي والنتيجة متعادله لين احرقوا اعصابنا

واخرتها نتعادل مع متذيل الترتيب على ارضنا ونخسر من نجران على ارضنا ونخسر مع الاهلي اللي كان التاسع على ارضنا

ابي يوم تتابعون مباراة للاتحاد وتشوفون القتاليه والاصرار على الفوز من الدقيقه الاولى وحتى النهاية



لاعبينا بشر يا ناس , وينجرفون ورى كلامكم المعسول والتمجيد وينسون أنفسهم ومهمتهم الرئيسية في تحقيق الفوز

يعني كفاية انكم تنسون تسعة أو عشرة لاعبين وكأنهم غير موجودين أو وجودهم تكملة عدد وأن الفريق هو ياسر أو طارق

لذلك أرجوا منكم التوقف عن التمجيد والتطبيل وكذلك التقليل من شأن البقيه والسخرية منهم

وأتركوا هذا التوجه إلى نهاية الموسم لأنه راح يصير معكم وقت يزيد عن الشهرين تمجدون فيها وتحتفلون وتنتقدون فيها بقوووه



في النهاية أحب أوضح ان الأمر في يديكم بإشعال حماس نجومنا والوقوف معهم بقوه وحضور المباريات والدوري ما إنتهى والكورة في ملعبنا

لازم نوقف مع الفريق ككل ونترك تسمية الأهداف والكلام الفارغ من تمجيد لهذا وتثبيط لذاك

بعد نهاية الموسم في وقت راح تكونون فاضين لعدم وجود مباريات للفريق , شدوا حيلكم فيها سواءا ً بالإعجاب أو بالنقد اللاذع


:: ::

شــاهــيــن

:: :: :: :: :: ::
:: :: ::
اضافة رد مع اقتباس
  #2  
قديم 23/02/2008, 07:47 PM
الصورة الرمزية الخاصة بـ ALAMEER 14
زعيــم مميــز
تاريخ التسجيل: 08/06/2007
المكان: ....
مشاركات: 1,949
أقول ترى مو ذنب ياسر وطارق اذا هم الوحيدين اللي يلعبون برووح من اول الموسم . . . باقي اللاعبين

والله يلعبون أسماء فقط . . . وبعدين مسألة البطوله هي توفيق من الله . . . وان شاء الله نتوّفق هالموسم . , . ,
اضافة رد مع اقتباس
  #3  
قديم 23/02/2008, 07:57 PM
زعيــم مميــز
تاريخ التسجيل: 02/10/2005
مشاركات: 2,711
إقتباس
الرسالة الأصلية كتبت بواسطة ALAMEER 14
أقول ترى مو ذنب ياسر وطارق اذا هم الوحيدين اللي يلعبون برووح من اول الموسم . . . باقي اللاعبين

والله يلعبون أسماء فقط . . . وبعدين مسألة البطوله هي توفيق من الله . . . وان شاء الله نتوّفق هالموسم . , . ,

من من اللاعبين اللي يلعب بدون روح قل لي ؟؟؟


عزيز يلعب بروح والخثران والغامدي وتفاريس والدعيع والمفرج والزوري والشلهوب اللي حطمتوه وهو توه يتعافى من اصابته

قل لي من اللي ما يلعب بروح ؟؟؟

روح شوف مباراة الأهلي

كانت مثل المباريات الوديه

ومبسوطين بهدف بآخر ثانيه والمفروض اننا حاسمين المباراة من بدري مثلنا مثل النصر والإتحاد والشباب والوطني بعد !!!

الأسماء هم أبناء الزعيم وهم من حقق الرباعيات والثلاثيات والسداسيات

وتقولي أسماء ؟؟


لا تحصرون الزعيم بأسم أو أسمين وإن شاء الله بنحقق بطولات الموسم وهي الى الان بين ايدينا
اضافة رد مع اقتباس
  #4  
قديم 23/02/2008, 07:59 PM
زعيــم نشيــط
تاريخ التسجيل: 28/03/2006
المكان: حـــائل
مشاركات: 792
يازينك ساكت

قبل مده تطبل لياسر غريب امركم

+++++++++++++++++++
اضافة رد مع اقتباس
  #5  
قديم 23/02/2008, 08:01 PM
زعيــم نشيــط
تاريخ التسجيل: 28/03/2006
المكان: حـــائل
مشاركات: 792
اسف اخووي والله مضيع معليششش

يعطيك العافيـه ماقصررررررررت اخووي

وصددددقت والله
اضافة رد مع اقتباس
  #6  
قديم 23/02/2008, 08:06 PM
زعيــم متألــق
تاريخ التسجيل: 27/11/2007
مشاركات: 1,299
اذا حبيت تعرف دور وتاثير ياسر والتائب تفرج على مباراه الهلال والقادسيه ..
وشوف الشوط الاول بدونهم كيف كان
هذا لا يعني انهم هم الذين يمثلون الهلال فقط ولكن هذا يعني انهم الركيزه الاساسيه للزعيم
رضيت ولا ما رضيت هذه الحقيقه يالغالي ,...
ولا تنسى مباراه الهلال والاهلي من صاحب الهدف الاول ؟ طارق التائب
والهدف الثاني مين ياشاطر ؟ ياسر القحطاني
يااخي جابولك اهداف الوان واشكال وحسموا مبارايات وش تبون بعد ؟؟
يعني فهمني وش تبي يسرقون الكاس ويعطونك اياه ..؟
الا بنمجد فيهم من اليوم الى بكره وحتى اذا ما حققوا بطولات للهلال مااغير رايئ فيهم .
وانا اقول الكبير كبير ياطارق . حتى في ادنى مستوياتك كبير
وياسر ملك الاهداف الخياليه .

تحياتي لك ..
اضافة رد مع اقتباس
  #7  
قديم 23/02/2008, 08:11 PM
زعيــم مميــز
تاريخ التسجيل: 02/10/2005
مشاركات: 2,711
إقتباس
الرسالة الأصلية كتبت بواسطة كلنا لك يالهلال
اسف اخووي والله مضيع معليششش

يعطيك العافيـه ماقصررررررررت اخووي

وصددددقت والله

حياك اخوي

أنا ما ودي نطبل للإستعراض من شان ما نلقى الدعيع بكره منطلق لوسط الملعب يستعرض

نبي اللاعبين سواسية والهلال فوق روسهم
اضافة رد مع اقتباس
  #8  
قديم 23/02/2008, 08:12 PM
الصورة الرمزية الخاصة بـ موبايلي عالم الهلالي
موقوف
تاريخ التسجيل: 03/10/2007
مشاركات: 1,590

يارجال الهلال ذا السنة ماشي ببركة ياسر والتايب والزوري
ولولا الله ثم ذا اللاعبين كان تشوفنا نصارع على الهبوط

اضافة رد مع اقتباس
  #9  
قديم 23/02/2008, 08:17 PM
زعيــم فعــال
تاريخ التسجيل: 20/10/2006
مشاركات: 256
الفريق 12 لاعب انتم تطالعون على الهجوم والاهداف والاستعرضات الكل مبدع
اضافة رد مع اقتباس
  #10  
قديم 23/02/2008, 08:18 PM
زعيــم مميــز
تاريخ التسجيل: 02/10/2005
مشاركات: 2,711
إقتباس
الرسالة الأصلية كتبت بواسطة هلالي غير !!
اذا حبيت تعرف دور وتاثير ياسر والتائب تفرج على مباراه الهلال والقادسيه ..
وشوف الشوط الاول بدونهم كيف كان
هذا لا يعني انهم هم الذين يمثلون الهلال فقط ولكن هذا يعني انهم الركيزه الاساسيه للزعيم
رضيت ولا ما رضيت هذه الحقيقه يالغالي ,...
ولا تنسى مباراه الهلال والاهلي من صاحب الهدف الاول ؟ طارق التائب
والهدف الثاني مين ياشاطر ؟ ياسر القحطاني
يااخي جابولك اهداف الوان واشكال وحسموا مبارايات وش تبون بعد ؟؟
يعني فهمني وش تبي يسرقون الكاس ويعطونك اياه ..؟
الا بنمجد فيهم من اليوم الى بكره وحتى اذا ما حققوا بطولات للهلال مااغير رايئ فيهم .
وانا اقول الكبير كبير ياطارق . حتى في ادنى مستوياتك كبير
وياسر ملك الاهداف الخياليه .

تحياتي لك ..

انا ما اقول انهم فاشلين ولا اقول من جنبها

إذا انا اقول كذا , أصير كذاب يا عزيزي

أنا أقول نترك التمجيد الزايد , بالله شف الإقتباسات في موضوعي

بالله هذا كلام ؟؟؟

يعني الهلال ولا شي ؟؟

يعني باقي اللاعبين مالهم دور ؟؟

ياخي شف حتى الدعيع صار يستعرض !!!

وش السالفه ؟؟

مباراة الأهلي قهر يا أخي قهر , ما بغينا نفوز , وحنا فريق بطل وزعيم

لا نقعد نقول الهلال ما هو شي بدون فلان ولا علان

أنا عندي الهلال أكبر منهم كلهم من الدعيع لأصغر لاعب
اضافة رد مع اقتباس
  #11  
قديم 23/02/2008, 08:20 PM
زعيــم نشيــط
تاريخ التسجيل: 21/11/2006
المكان: الرياض
مشاركات: 896
مشكور اخوي ماقصرت وانا اتفق معك على هذا الكلام
لا ان البعض تعجبه مهارات التايب
ولاكن من يحل محل التايب
اضافة رد مع اقتباس
  #12  
قديم 23/02/2008, 08:25 PM
زعيــم مميــز
تاريخ التسجيل: 02/10/2005
مشاركات: 2,711
إقتباس
الرسالة الأصلية كتبت بواسطة موبايلي عالم الهلالي
يارجال الهلال ذا السنة ماشي ببركة ياسر والتايب والزوري
ولولا الله ثم ذا اللاعبين كان تشوفنا نصارع على الهبوط


لو يسمعك الأمير بندر بن محمد لعب الموسم الجاي بالفريق الأولمبي

أتحداك إذا كلامك صحيح

احنا من الأوائل في شتى البطولات ونقارع عليها

الهلال زعيم يا حبيبي ولو يغيب نجم يطلع عشره , وراح سامي ويوسف اللي لم ولن يصل البعض لهم

ومع ذلك لم ولن أربط الهلال بأحد , لسبب بسيط وهو إنه هو صانع النجوم
اضافة رد مع اقتباس
  #13  
قديم 23/02/2008, 08:34 PM
الصورة الرمزية الخاصة بـ موبايلي عالم الهلالي
موقوف
تاريخ التسجيل: 03/10/2007
مشاركات: 1,590
إقتباس
الرسالة الأصلية كتبت بواسطة شــاهــيــن

لو يسمعك الأمير بندر بن محمد لعب الموسم الجاي بالفريق الأولمبي

أتحداك إذا كلامك صحيح

احنا من الأوائل في شتى البطولات ونقارع عليها

الهلال زعيم يا حبيبي ولو يغيب نجم يطلع عشره , وراح سامي ويوسف اللي لم ولن يصل البعض لهم


ومع ذلك لم ولن أربط الهلال بأحد , لسبب بسيط وهو إنه هو صانع النجوم


(كان) صانع النجوم
هذا الكلام قبل عهد الظاهرة
الحين يرقون لاعبين من الشباب
ثم يحطونهم على الدكة الين يصيرون كديش وعاهات
ثم بعدين يلعبونهم أساسيين

الحين عندك أفضل المواهب في آسيا
الفريدي والدوسري والكلثم
هذولي إصبرلهم كم سنة لين يصيرون مايسوون قرش ثم بتشوفهم يلعبون أساسيين
أتمنى يروحون فريق ثاني قبل ماتتدمر مواهبهم
وإن شاء الله نشوفهم أفضل اللاعبين في القارة <<< وهذا شي متوقع خاصة بالنسبة للفريدي

اضافة رد مع اقتباس
  #14  
قديم 23/02/2008, 08:40 PM
زعيــم فعــال
تاريخ التسجيل: 15/11/2006
مشاركات: 422
اخي اتفق معك في جانب واختلف بجانب اخر
اذا اردت التحدث عن الهلال ككيان فمعروف انه لا يتوقف على لاعب
ومسيرته خير دليل
وان اردت التحدث عن تشكيله الهلال حاليا
فوالله انها ياسر وطارق والله يعينهم
لولا الله ثم هم كان تلاقون الهلال في ذيل الترتيب
بدون ياسر الهجوم صفر وبدون طارق الوسط تحت الصفر
لنكن واقعيين حتى لا نخدع فريقنا ونرقعه ليتمكن من السير بياسر وطارق او بدونهم
اضافة رد مع اقتباس
  #15  
قديم 23/02/2008, 08:46 PM
زعيــم مميــز
تاريخ التسجيل: 02/10/2005
مشاركات: 2,711
إقتباس
الرسالة الأصلية كتبت بواسطة zamaoi
مشكور اخوي ماقصرت وانا اتفق معك على هذا الكلام
لا ان البعض تعجبه مهارات التايب
ولاكن من يحل محل التايب

انا تعجبني مهارات التايب

بس لازم نعطي الخصم والهلال حقه

انا قهرني اللي يقول اترك تشجيع الهلال اذا غادر التايب وهو عضو م 2002 يعني ما تقدر تقول مندس
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:33 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube