هنــا تجـــد كل مافــي قلبــي ياهـــلال ... هــنا ادخل وصارحــني عن اسباب الخســاره وانا بصارحك ..اثنين هم السبب بالنكساات+ اتمنى عدم الحذف يامشرفين - نادي الهلال السعودي - شبكة الزعيم

هلالي ارسنالي وافتخر · #1 23/02/2008, 06:20 PM

السلام عليكم ورحمه الله وبركاته

اخواني فل ندع التطبيل

فل ندع المدح

فل نترك كل ماهو سلبي عن الفريق

سأتكلم عن مافي قلبي لحبي الكبير لهذا النادي وخوفي عليه

واتمنى من المشرفين عدم حذف هذا الموضوع

لاني لاعلم لماذا يحذفون المواضيع الصريحه التي تفيد النادي

ويتركون التطبيل ويثبتون المديح الزائد ؟

اخواني بالبدايه وباختصار سبب ضياع الهلال هم 2

1_ كوزمين

2_ محمد بن فيصل

وسأئتي بالاسباب

محمد بن فيصل بهذا الموسم لايريد ان يفعل اي شيء للفريق

فاشل بالصفقات التي يوقعها للهلال

يريد فقط تسكيت الجمهور بصفقات فاشله

ياحضره الريس بطوله اسيويه وقاريه تاهلت لبطوله عالميه

تجيب لي برونو

تجيب لي قوارو

تجيب لي جيوفاني

ياناس بلاه يرضيكم هالشيء

انا اسمي هالصفقات صفقات تسكيتيه

وياأيها الرئيس ماهذا الاعداد ؟

اعداد لموسم جديد في تونس وعلى نفقه اي ار تي

وبدون الرئيس وبدون الاعبين ..!

محمد بن فيصل مثل ماقدرت تقنع باكيتا انه مايدخل سامي بالنهائي

امام الاتحاد

تقدر تقنع كوزمين يلعب ياسر والتايب اساسيين

انت رئيس على عيني وراسي سويت كل شيء تقدر عليه

خلاص وش تبي

عط غيرك فرصه ياخي

بندر بن محمد هل تذكرون فتره رئاسته

كنا نهاجم ب3 الى 4 مهاجمين

كنا نرعب الخصوم في ارضهم فما بالك بالرياض

هل تذكرون صفقاته

جاسم الهويدي

بشار عبدالله

سيريجو

والان ؟؟؟؟

محمد بن فيصل انا احبك واقدر الي سويته لكن

الان نريد استقالتك لملصلحه النادي

(( ياعضاء خلونا نكون واضحين وصريحين هل تريدون ان يستمر

محمد بن فيصل لموسم اخر ))

وبخصوص كوزمين

انا مادري وش هالغباء

نلعب ونتعب موسم كامل والدوري نقاط

تجيني باخر 5 مباريات تطلع ياسر والتايب

وتدخل الخراشي الاعب المحظوظ

اسئلكم بالله

الدوريات الاوروبيه بالاسبوع كم مباره يلعبون 4 او 5

ياخي اذا عندك بطوله عباره عن جهد موسم

البطوله الثانويه كاس فيصل ياخي مو لازم تستعد لها بشكل ممتاز

الهدف منها استخراج مواهب

ليش مالعب الفريدي

ليش مالعب الكلثم

ليش مالعب المؤشر

والله حرام الي يصير بالهلال

وعلى فكره

الي يقول الدوري ماراح

نلعب على انفسنا

الاتحاد مايفرط وبلا نقطه

وحنا مافزنا على القادسيه بالرياض

تبونا نفوز على الاتحاد والشباب

ياناس لانلعب على انفسنا

نختلف بالرأي ونتفق على حب الهلال

دمتم بود

عادل888 · #2 23/02/2008, 06:31 PM

رئيس الهلال ما قصر بالسنواااااااات الماضيه وجاب كل شي للهلال يكفي انه جاب ياسر القحطاني
بس خلااااااااااص من السنه الماضيه انواع السفريات موب لم الهلال
الولد تخاذل انا اشوف اذا كان خلاص ما في راسه الهلال يطلع من النادي
كفى ووفى الله يوفقه نبي بندر بن محمد والدوري باذن واحد احد باقي فيه
الاتحاد انا متفائل انه بينهزم من الشباب وان شاء الله انه يفوز الشباب
بس خايف على الهلال من الحزم في ارض الحزم لا ن الحزم فالرس غيييييير
وله مواقف مع كل الانديه تعادل مع الشباب
في بداية الدوري احررررررج الاتحاد والاتحاد فاز بالحض بعد ما ضيع بلنتين اهم شي
نركز على المباريات الصغيره لان المباريات الكبيره بيكونون الاعبين مركزين ومدركينها اصلا
ولنقول بصووووت واحد يارب ياكريم يا مجيب السائلين ان الهلال ياخذ الدوري رغم انف الحاسدين

هلالي ارسنالي وافتخر · #3 23/02/2008, 06:35 PM

شكرا اخوي على مرورك

وين باقي الهلايين
MBC2, ‏@خااالد@, ‏زعيم حريملاء, ‏][هلالي..غيور][

اتمنى اشوف ردكم

زعيم حريملاء · #4 23/02/2008, 06:42 PM

حقيقتن انت صادق بكل ماتعنيه الكلمه لانك جبتها بالصميم عفارم عليك يابطل

زعيم حريملاء · #5 23/02/2008, 06:43 PM

إقتباس


	اتمنى اشوف ردكم

تحققت امنيتك يابطل ..

برب

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

هلالي ارسنالي وافتخر · #6 23/02/2008, 06:45 PM

ززززعيم حريملا

تشكر على ردرررك

واتمنى اشوف رد بقيه الزعماء

زعيم حريملاء · #7 23/02/2008, 06:50 PM

^

العفو وشكرا لك ايضا على هذا الموضوع الجميل ياكاتب الزعيم القادم

هلالى طرابلسى · #8 23/02/2008, 06:50 PM

المدرب اخطاء ........ وهذه حقيقة فنية بحثة لايمكننا تغييرها او ايجاد لها عذر

من المنطقى ان تدخل بكل مالديك من قوة حتى تؤكد النتيجة ثم بعدها تبداء تغييراتك الفنية.....يعنى بسيطة ولاداعى للمخاطرة او التجربة

كوزمين مدرب جيد ولكن غلطته الاخيرة ربما لاتسعفه فى ايجاد الاستقرار

اتمنى ان لايكون لها اثر سلبى عند اللاعبين

وللجماهير التى حضرت المبارة اقولها وبصوت عالى........كثر الله من امثالكم

ومشكوووووور على الموضوع المميز

هلالي ارسنالي وافتخر · #9 23/02/2008, 06:52 PM

هلا فيك

هلالي طرابلسى

من المفترض لكوزمين الزج بياسر والتايب كأساسيين واذا ضمن النتيجه طلعهم ياخي

وش هالاستهتاااار

وبالاخير

حنا الجماهير الضحيه ..!

عبدالمجيد السعوي · #10 23/02/2008, 07:00 PM

يارجال خليها على ربك والله الهلال ماشي بالبركه ولا الفريق يبغاله فرمته

هلالي ارسنالي وافتخر · #11 23/02/2008, 07:02 PM

عبدالمجيد

صدقت اخوي

تشكر على المرووووووور

الدوري صعب جدا جدا

خلونا نركز على ولي العهد لايضيع بعد

والله اني خايف يوم الثلاثاء يخلي ياسر والتايب احتياط

PRINCE OF NIGHT · #12 23/02/2008, 07:10 PM

للأمانة حنا مانستاهل فريق متهالك ....
محمد بن فيصل في الاول كنا نشووفه يحمس الاعبين الحين صرنا نادراً ما نشووووفه .......
فريق يلعب بدووون روووح مايستاهل الدوري حتى ولو كان حبي الهلال....
اصحوا نبي عبد الله بن مساعد ....................
خلاص يا ابو سلطان كفيت ووفيت .......
وتقبل مروري

هلالي للدفنة · #13 23/02/2008, 07:12 PM

اذا الخراشي محظوظ فياسر ابو الحظوظ نبي مهاجم مايتفلسف قول على طول مثل الفيس مهاجم الاتحاد

هلالي ارسنالي وافتخر · #14 23/02/2008, 07:13 PM

اخوي ^^^

نبي بندر نبي عبدالله نبي اي احد

اهم شيء نبي الامير محمد يستقيل

هلالي ارسنالي وافتخر · #15 23/02/2008, 07:14 PM

هلالي الدفنه

والله انك صادق حتى ياسر

لاعب يتدلع ويمثل ويستعرض

ياخي نبيك تفيد الفريق لو تجيب هدف مثل الي على النصر يوم بظهرك

اهم شيء نبي هدف ياخي