نادي الهلال السعودي - شبكة الزعيم - الموقع الرسمي - شي ماشفتوه من مبااراة الهلال والقادسيه

اسعد الله اوقاتكم ياجماهير الزعيم

وهارلكم على التعادل

وكل شي ربي كاتبه بيصير

يوم امس كانت الاجواء بارده

وصلت للملعب في الساعه السادسه والنصف والملعب كان فاضي ومن الفضااوه جلست اعداد الجمهور :d

كنا نسمع صوت الطيران واحنا في مدرج الرابطه ( يحمون الطيران برا)

ناوي شر ابو خليل :d

الفريق اتى للملعب في ا لساعه السابعه

ابو سلطان نزل للملعب وكان يجرب الكاميرا الي خلف الباب

والله من التنسيم :d

نزل عبد اللطيف الحسيني يوزع الكور استعدادا لدخول لاعبين الهلال

اول من نزل حسن العتيبي وجا عند جماهير الهلال ولقى عاصفه من التصفيق

واحد من الجمهور قال ماني مصفق لين تخلينا نفوز :d

افرادالقادسيه نزلو للملعب والجمهور يصفق لهم ( اخلاق جمهور الزعيم )

لاعب القادسيه الاجنبي مادري وش اسمه بس الظاهر انه مغربي جا وسلم على المعوقين الهلالين s60s

ابو دعيع نزل للملعب وسط عاصفه من التصفيق ( مايميدكم على عاصفه )

اللاعبين ينزلون والمفاجاه :bigeek:

ياسر والتايب والخثران غير موجودين

انا قلت في نفسي الفوز مو لنا الليله والله يستر

في هذه الاثناء الرابطه جات وكان فيه لافته الا رسول الله

الجمهور بدا بالازدياد

وبدت المباراه وبصرااحه انا مااجلس في الرابطه واجد بس امس جلست وبصراحه الله يعطي العافيه الجمهور وكان التشجيع من اول المباراه الى اخر الدقايق ومن يقول غير كذا يخالف الواقع ويمكن الاخراج كالعاد لم يظهر الاصوااات

ليلو ضيع هجمه انقذها العتيبي ببراعه والخرااشي لازلت اقوول انه لاعب مايصلح في الفريق الاول مع احترامي له اتوقع انه في الاولمبي افضل

انتهى الشوط الاول وكان ياسر والتايب يسخنون بين الشوطين وانواع التشجيع

بد الشوط الثاني والتشجيع متواصل

اخر ربع ساعه بد الخوف من الجماهير وكان حقوي ياشباب الطائي والاهلي فزنا في اخر الدقاايق
وبعدها شجع الجمهور شوي وبعدها بدا الخوف يزداد

قال الحقوي ان الاتفاق متقدم على الاتحاد باثنين وبعدها صرخه كبيره من الجماهير

مامدانا نستانس الا ونتيجه الاتحاد في الملعب تشير لتقدم الاتحاد باثنين والحقوي طاح وجهه :d

وقال ترا واحد من الجمهور وهقني

عاش مصرف :d

بعد نهايه المباراه غضب كبير من الجماهير وانا اولكم

كوزمين كان يسبونه الجمهور وهو يطالعهم

احد افراد المنصه شفته يرمي عقاله بعد اضاعه احد الهجمات

والله الجمهور كان زعلان بعد نهايه المباراه وكنت اسمعهم يقولون هذولا مايستاهلون احد يحظر عشانهم

وانا بصراحه كنت مضايق امس وكنت اقوول هذي اخر مباراه احظرها

بس يوم وصلت البيت وهديت قلت قلبي مايطاوعني اني مااحظر

ختاما بطوله الدوري اصبحت صعبه ولحد يقولي يمدينا لانه فريقنا بيغيب عنه لاعبين للاصابه وبيلعب تحت ضغط وبنقابل فرق اصعب من الي قاابلناهم امس وعلى هالمستوى ماراح نفوز ويكفي انه اخر مباريات الهلال حسمناها باخر الدقااايق ومو كل مره تسلم الجره

كتبت موضوع اطالب فيه الفريدي والدوسري والكلثم انهم يلعبون وانتقدوني الجمهور وانا اقول ان هاللاعبين ازين من المبارك والشلهوب والغنااااام

اشوف انه نركز في بطوله ولي العهد وخادم الحرمين الشرفيين

معك ياهلال على كل حال وان شاء الله الثلاثاء في الملعب

ارجو ان اكون نقلت لكم ماحصل في المدرجات اثناء المباراه