#1  
قديم 23/02/2008, 06:04 PM
زعيــم متألــق
تاريخ التسجيل: 27/11/2007
المكان: الـــريـــــاض
مشاركات: 1,281
شي ماشفتوه من مبااراة الهلال والقادسيه

اسعد الله اوقاتكم ياجماهير الزعيم

وهارلكم على التعادل

وكل شي ربي كاتبه بيصير


يوم امس كانت الاجواء بارده

وصلت للملعب في الساعه السادسه والنصف والملعب كان فاضي ومن الفضااوه جلست اعداد الجمهور


كنا نسمع صوت الطيران واحنا في مدرج الرابطه ( يحمون الطيران برا)

ناوي شر ابو خليل


الفريق اتى للملعب في ا لساعه السابعه



ابو سلطان نزل للملعب وكان يجرب الكاميرا الي خلف الباب

والله من التنسيم


نزل عبد اللطيف الحسيني يوزع الكور استعدادا لدخول لاعبين الهلال


اول من نزل حسن العتيبي وجا عند جماهير الهلال ولقى عاصفه من التصفيق


واحد من الجمهور قال ماني مصفق لين تخلينا نفوز


افرادالقادسيه نزلو للملعب والجمهور يصفق لهم ( اخلاق جمهور الزعيم )

لاعب القادسيه الاجنبي مادري وش اسمه بس الظاهر انه مغربي جا وسلم على المعوقين الهلالين


ابو دعيع نزل للملعب وسط عاصفه من التصفيق ( مايميدكم على عاصفه )

اللاعبين ينزلون والمفاجاه

ياسر والتايب والخثران غير موجودين


انا قلت في نفسي الفوز مو لنا الليله والله يستر


في هذه الاثناء الرابطه جات وكان فيه لافته الا رسول الله


الجمهور بدا بالازدياد


وبدت المباراه وبصرااحه انا مااجلس في الرابطه واجد بس امس جلست وبصراحه الله يعطي العافيه الجمهور وكان التشجيع من اول المباراه الى اخر الدقايق ومن يقول غير كذا يخالف الواقع ويمكن الاخراج كالعاد لم يظهر الاصوااات



ليلو ضيع هجمه انقذها العتيبي ببراعه والخرااشي لازلت اقوول انه لاعب مايصلح في الفريق الاول مع احترامي له اتوقع انه في الاولمبي افضل


انتهى الشوط الاول وكان ياسر والتايب يسخنون بين الشوطين وانواع التشجيع


بد الشوط الثاني والتشجيع متواصل

اخر ربع ساعه بد الخوف من الجماهير وكان حقوي ياشباب الطائي والاهلي فزنا في اخر الدقاايق
وبعدها شجع الجمهور شوي وبعدها بدا الخوف يزداد

قال الحقوي ان الاتفاق متقدم على الاتحاد باثنين وبعدها صرخه كبيره من الجماهير

مامدانا نستانس الا ونتيجه الاتحاد في الملعب تشير لتقدم الاتحاد باثنين والحقوي طاح وجهه


وقال ترا واحد من الجمهور وهقني

عاش مصرف


بعد نهايه المباراه غضب كبير من الجماهير وانا اولكم


كوزمين كان يسبونه الجمهور وهو يطالعهم

احد افراد المنصه شفته يرمي عقاله بعد اضاعه احد الهجمات



والله الجمهور كان زعلان بعد نهايه المباراه وكنت اسمعهم يقولون هذولا مايستاهلون احد يحظر عشانهم



وانا بصراحه كنت مضايق امس وكنت اقوول هذي اخر مباراه احظرها

بس يوم وصلت البيت وهديت قلت قلبي مايطاوعني اني مااحظر


ختاما بطوله الدوري اصبحت صعبه ولحد يقولي يمدينا لانه فريقنا بيغيب عنه لاعبين للاصابه وبيلعب تحت ضغط وبنقابل فرق اصعب من الي قاابلناهم امس وعلى هالمستوى ماراح نفوز ويكفي انه اخر مباريات الهلال حسمناها باخر الدقااايق ومو كل مره تسلم الجره

كتبت موضوع اطالب فيه الفريدي والدوسري والكلثم انهم يلعبون وانتقدوني الجمهور وانا اقول ان هاللاعبين ازين من المبارك والشلهوب والغنااااام

اشوف انه نركز في بطوله ولي العهد وخادم الحرمين الشرفيين




معك ياهلال على كل حال وان شاء الله الثلاثاء في الملعب



ارجو ان اكون نقلت لكم ماحصل في المدرجات اثناء المباراه
اضافة رد مع اقتباس
  #2  
قديم 23/02/2008, 06:21 PM
الصورة الرمزية الخاصة بـ نزيه المشاعر
عضو اللجنه الإعلامية
بالموقع الرسمي لنادي الهلال
تاريخ التسجيل: 24/02/2005
المكان: قصيمي الرياض
مشاركات: 18,327
الله يعطيك العافيه

بس المباراة راحت ونبي ننساها

تقبل مروري
اضافة رد مع اقتباس
  #3  
قديم 23/02/2008, 06:22 PM
زعيــم متألــق
تاريخ التسجيل: 27/11/2007
المكان: الـــريـــــاض
مشاركات: 1,281
انساها يانزيه المشااعر بس انا مراح انساها لانها السبب في فقدان الدوري

وبتشوف كلامي
اضافة رد مع اقتباس
  #4  
قديم 23/02/2008, 06:35 PM
زعيــم متألــق
تاريخ التسجيل: 27/11/2007
المكان: الـــريـــــاض
مشاركات: 1,281
والله الظاهر الجمهور ماله خلق للمواضيع هذي

انا حبيت اغير الجو
اضافة رد مع اقتباس
  #5  
قديم 24/02/2008, 12:55 AM
زعيــم متألــق
تاريخ التسجيل: 27/11/2007
المكان: الـــريـــــاض
مشاركات: 1,281
قبل شوي شفت المباراه اعاده وتفاجات بان صوت الجمهور واطي مع العم انه كان الصوت مرتفع في الملعب

والله شي غريب
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:29 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube