السلام عليكم ورحمة الله وبركاته

محمد ابن خر الذيب هذا الانسان ماطيقه

انسان طرار بكل ماتعنيه الكلمه اجل ماعندك عماره

والله مالوم حمد يوم يطرده

المهم ماعلينا الاخت الي تقول ياسر طرار ليه طرار !!

عشانه قال اني بعرس وماقدر اكمل في البرنامج الله وش فيها لين قال بعرس

بالعكس ماشوفه قال ابي عانيه ولا ابي شقه او فله والله يا فيه ناس ترفع الضغط

قول نسيتي خلف انتي او ولد عمك عادي ؟ معه ابتدائي وبيوم وليله صقع عقيد الله يوفقه والله

ياسر اتحداك يمدح شخصيه مامدحها شعار قبله وكل اللي يمدحهم يستاهلون الثناء والمدح

وياسر زايد هو اللي طلبه وخلاه عنده لانه اعجب فيه وشجاعته وقوته الشعريه الرهيبه وايضاً ابنه

محمد بن زايد يااخيتي ياسر قاله على الهواء ابوي متوفي يومني صغير ولا ورانا ورث ولاشئ

يعني بالعربي فقير وهو قاله بشاعر المليون اهم شئئ اللي ابوضحه ان ياسر مايمدح ولا يغلو بالمدح

اعذريني ياخيتي في الله فاانا فيني خلايا تعركني في اخر الليل فسامحيني سامحك الله .

ويوسف العتيبي احسن شاعر بالعالم اهم شئ ترضين بس بس هاه وش رأيك بياسر اللحين ؟

ياسر كويس ويوسف كويس

وخلف بن هذال شاعر الوطن أكوس واحد

بس وحدوووووه


ورده

ما توقعتها منك يا ابن الذيب
ياشباب ترى الشعار 90% شغلتهم مصلحه مع الامراء
وانتم طلعتوا عن الموضوع الاصلي

انا عتيبي واراح اكون محايد

اول شي وش جاب طاري يوسف ويش دخل يوسف ما لقيت الا يوسف عاد... بنمشيها
بس للمعلومية ترى يوسف ماعلية نقص مال بس اهله من زمان هاجروا للعراق وطلب الملك انه يرجع لدولته والملك مارفض له طلب

ثانيا خلف شاعر الوطن وما يمدح الا الملوك ولا تبي محد يمدحهم
وازيدك بعد لا تنسى انه قال قصيده حرك فيها جيوش واسئل اخوانا الكويتين عنها....مابي اسرد قصة خلف عاد لانه مب موضوعنا ولو تكلمت من هنا الى بكره ماراح اوفي ابو فيصل حقه.

اما بالنسبة لياسر التوجري ما يختلف عليه اثنين بس تتذكر قصيده القاهره...يمكن ما تكون له صح؟. بس لاتقولي انه ما يتمصلح مع حكام الامارات
بعدين ترى زي ما قال في الروبرتاج ان امه الي قالت له شارك مب محمد بن زايد.



ثالثا اتمنى انكم ترجعون للموضوع الاصلي وتخلون العنصريه وكل واحد يعجبه شاعر ه على كيفه؟

ولا احد يزعل

إقتباس الرسالة الأصلية كتبت بواسطة محمد2242 ياشباب ترى الشعار 90% شغلتهم مصلحه مع الامراء

هي وقفت على الشعار بس

إقتباس الرسالة الأصلية كتبت بواسطة محمد2242 اما بالنسبة لياسر التوجري ما يختلف عليه اثنين بس تتذكر قصيده القاهره...يمكن ما تكون له صح؟.

لا بالله له .. اللي يقول فيها القاهره بلد حضاري وبطران .. فيه البنات الشكال وانواع الوان الخ
لا له وقاله بحفل الطلاب ..

إقتباس الرسالة الأصلية كتبت بواسطة محمد2242 بعدين ترى زي ما قال في الروبرتاج ان امه الي قالت له شارك مب محمد بن زايد.

والله لاعلم لي في هذا الموضوع بس اللي وصلني انه الشيخ هو اللي لزم عليه بالمشاركه

إقتباس الرسالة الأصلية كتبت بواسطة محمد2242 بس لاتقولي انه ما يتمصلح مع حكام الامارات

ياعزيزي هي وقفت على ياسر .. خلنا واقعين ياخي ياسر يمدح ليش ؟ ياخي معزز ومكرم بالامارات

ولاتبيه يمدح فيهم ؟ عجبي والله ياخي خلف ولد عمك بالله لو ماعطوه وجه الحكام بيقعد يقصد حب

للبلاد ودفاع عنه هو قعد يقصد ويمدح لانه لقى مقابل يعني كذا نقول خلف يتمصلح مع حكامنا ؟

ان قلت انه ماهو يتمصلح فانت غير محايد اسمحلي عزيزي وان قلت انه يتمصلح فهذي شهاده منك

لاحول ولاقوة الابالله العلي العظيم والله شي محزن انه يوصل الشعر لهذي الدرجه

إقتباس ثانيا خلف شاعر الوطن وما يمدح الا الملوك ولا تبي محد يمدحهم وازيدك بعد لا تنسى انه قال قصيده حرك فيها جيوش واسئل اخوانا الكويتين عنها

ههههههههههههههههههه أضحك الله ضرسك

أيام الخنساء وأنا مدري ,, لاقينا على لفة يالحبيب

هع والموضوع طلع عن حدوده

و لم العجب يا أحبة !!؟

أنا أرى أن أغلب الشعراء الذي يخرجون إلى السطح مدّاحون لكل ذي سلطة. الكل يمدح إما بشعرٍ أو بنثر .

أنا أستثني من ذلك الشعراء الذين لا يبحثون عن أضواء و إنما تفيض منهم الكلمات كلما مروا بموقفٍ يبعث شجاهم.

الصراحة أكثر الردود تضحك

الواحد يدافع عن شخص حتى لو إنه ما يستاهل بس علشانه ولد قبيلته
وبعضهم يقول حمية وبعدين يغلط على الآخرين


الله يهديكم

ابن الذيب اشعاره كلها من هذا واكثر وامر (ملحوس)
الله يرحمنا برحمته

يطلب عادي .. ما فيه مشكلة ,,

لكن كذا لا ..

إقتباس وكل دقيقه لك يصلون استخاره .,.,.,. الأرامل والفقارى الزهايد

!!!!!!!!!!!!

ماكذوووبوو طاش ما طاش لما حطو حلقة الطراره

وهم يتمشون به في شركة الطراره دخلووه على كذا قسم

قسم يطرون عند الاشاراة وقسم عند المساجد وقسم بالاسوااق

ودخل غرفه لقى فيها ناس لابسين بشوت قالو وش هذوول !

قال هذول الله يحيك طرارة شعر وعنوان الحلقه انت الذي

يعني لا تستغرب الوضع !!

الموضوع كان انتقاد لـ القصيده فقط، وما كان من المفروض المساس بـ شخصية قائلها .



لا ننكر بـ ان القصيده فيها من الالفاظ والمعاني التي لا يجوز تجييرها لـ غير اهلها ،.



الشعراء منذ العصور الماضيه " قبل الاسلام وحتى صدر الاسلام الى يومنا هذا " اتخذوا الشعر

لـ كسب المال .



قال رسول الله صلى الله عليه وسلم

( لئن يمتلى صدر احدكم قيحاً خير من ان يمتلئ شعراً )



القيح أو الصديد هو مادة صفراء أو تميل للصفرة تكون ناتج لعملية الإلتهاب في جسم الإنسان.




ثامر بعد قلبي

تعال ماسنجر ، ما ابي يجيني انذار

<========@ عين للموضوع وعين لـ موضوع مولع بالهلال .