الله يعينك يا عايش الهلالي كلوك المتفائلين بزيادة
أنا بصراحة بسأل هل الهلال حالياً يقدم كرة تستحق أن تصعد به لتحقيق بطولة الدوري أو الكاس؟؟
هل في الهلال حالياً لاعب بقدرة ومهارة وحسم والأهم إخلاص الجابر والثنيان؟؟

ما شاهدته من الهلال حالياً إجتهادات خجولة من التائب والقحطاني والشلهوب في أخر مباراة قبل البارح غير كذا شاهدت دفاع ومن خلفهم حارس فاتحين مرمى الهلال لمن هب ودب ولعيبة ما تدري وش تبي بالضبط ولا هي حاسة بالمسئولية.
ومن خلفهم إدارة ظائعة تدير زعيم أسيا بدكتاتورية وتفرد وتنفر منه المخلصين الذي كانو إبان إنجازات الإدارة في بداياتها هم بعد الله السبب الرئيس في نجاحها.
والله أنني بدأت اجزم بأن محمد بن فيصل يحارب كل من له فضل بعد الله في تحقيق البطولات حتى يتفرد هو بالانجازات في أعين الجماهير وكأنه يقول بأنني من صنع انجازات الزعيم , ولكن الواقع يقول غير ذلك ويؤكد بأن ابن فيصل يتجه بالفريق الى الهاوية.
والمتفائلين اللي ردوا عليك يساعدون ابن فيصل لتحقيق مسعى تدمير الفريق بتافائلهم الغير مبني على منطق له معطيات على أرض الواقع والله يهنيهم بتفائلهم.

المشكلة والله لاهي في ليلو ولا في المدرب المشكلة في الفريق ككل,,, الفريق أمس كلن يلعب من دون رووح أرجع وشف مباراة الهلال أمس ومباراة الأتحاد وشف الفرق ,,,, والله المدرب كويس بس يبغالنا شوية صبر علية وبعدين نحكم ,,, وليلو أمس أفضل لاعب في المباراة هو والهليل وبالنسبة للدوري لسة باقي لنا 5 مباريات وراح تشوف .

إقتباس الرسالة الأصلية كتبت بواسطة الــقـ الأزرق ـلم رح بارك له انت لاننا اذا انتهى الدوري راح نبارك للفائز لكن الدوري توه ما انتهى .. حلو الكلام يعني الدعوه مو مستحيله !! ليش تقول نبارك للاتحاد ؟؟؟ اذا جالس تستهبل بكيفك !!! لكن اذا كنت صادق وجاد فالله يرحم عقليتك !! (حاول تفهم ايش اقصد ) .

هلا بالقلم الأزرق ..

لا . أبشرك تراني عاقل ولله الحمد والمنّه .. لكن لو قرأت موضوعي كاملاً ولو حاولت المقارنة

بين موضوعي والمنطق لوجدتهما متطابقان تماماً .. !!

بحسبه بسيط جداً فوز بأربع مباريات وتعادل مع الاتحاد = 13 نقطه

13+ 39 = 52 نقطه .

الاتحاد 46 + 6 نقاط من فوزين متوقعين على الوحده والشباب + 1 نقطه من تعادل مع هلالنا
يســـــاوي = 53 .. والباقي عليك .. !!

** أنا قلت جملة واضحة جداً .. طالما لم نستطع الفوز على القادسية متذيّل الترتيب على أرضنا

فمن باب أولى أن لانستطيع الفوز على الاتحاد بعقر داره .. !!

وصلت رسالتي .. أم أنّ في الاعادة إفادة .. !!

إقتباس الرسالة الأصلية كتبت بواسطة راكان _20_ لما ينتهي الددوري نشوف من اللي راح يبارك للثاني و الهلال دائماً يحب الطريق الصعب ، و صدقني راح أذكرك بموضوعك هذا يا راعي الأخلاق الرياضيه

شكراً راكان 20 .. والأخلاق الرياضية فضيله وليست عيباً .. !!

إقتباس الرسالة الأصلية كتبت بواسطة ][هلالي..غيور][ للأسف عزيزي واخي كاتب الموضوع .. لا أتفق معك بـ جُلّ ماكتبت .. تحيآتي ..

شكراً لك أخي الكريم .. وأعرف كما تعرف أن اختلاف الرأي لا يفسد للود قضيّة .. !!

الله يعين بس
بالتوفيييق لك يا زعيم

الاهم يا ( عايش الهلالي )
ان فيه عقلية ناقدة زي عقليتك .. والله انه اروع كلام منطقي داخل هالمنتدى..ودع عنك المطبلين للفشل..
ضحايا القادسية.. القادسيييييية..
مشكور والى الامام.. يا غيور..

بسم الله الرحمن الرحيم

تقول عزيزي الهلال قدامه 5 مباريات قويه صعبه يفوز فيها

لاحظ اخر خمس مباريات للهلال في الدوري

الوحدة 0 ×1 الهلال
الهلال 3 ×1 الوحدة
الهلال 2 ×0 الطائي
نجران 0 ×2 الهلال
الاهلي 1 ×2 الهلال

وفاز فيها غير النصر والحزم في كأس ولي العهد هذي 7 مباريات قويه وحاسمة

وجميع الفرق تستأسد أمام الزعيم او تلعب دفاع بحت

الزعيم كبير وسيظل كبير ولان تأثر عليه انت او انا او غيرنا او الاتحاد السعودي لكره القدم

تعريف الاتحاد السعودي لكرة القدم: هو نادي الاتحاد السعودي وجهان لعمله واحدة

بأذن الله تعالى سنحقق الدوري وكأس ولي العهد وكأس الامير فيصل

إقتباس الرسالة الأصلية كتبت بواسطة الهلالي ابوراشد مقدر وضع الهلاليين بصراحه وعارف انو الضغط على فريقكم بكامل منسوبيه لكن من وجهة نظري الشخصية ان البطوله مازال للهلال امل جيد جدا فيها اتوقع والله اعلم ان الهلال بينتفض انتفاضه قويه في باقي المباريات الخمس وكلنا نعرف الهلال يضيق على نفسه ثم يصفع الجميع صدقوني الهلال يستطيع ان يفعلها اذا توفر احساس الادارة والمدرب واللاعبين ودخلوا بانتحاريه للمباريات وباذن الله البطوله لكم

هلا بالهلالي أبو راشد ..

إن شاء الله البطولة لنا .. لهلالنا لأزرقنا .. !!

اجل عقب مباراتنا مع نجران وفاز علينا من باب اولى حنا ترتيبنا الاخير
ومعروف الهلال ما يصك الا الفرق الكبيره
وحتى اذا ما اخذنا الدوري ترا مب يدل انه في مشكله
عاد ربك ما كتب
والى يقول الاداره تودي الفريق للهاويه
يازينها من هاويه ترتيبنا الثاني
هذي هاويتنا
كفووووووووووووو والله الهلاااااااااااااااااال

إقتباس الرسالة الأصلية كتبت بواسطة alz3eeem1 بصراحة شئ محزن اذا كنا نتوقع ان الدوري راح يتحقق بعد مهزلة المهازل اللي صارت امس . عزيزي انت تحلم حلم ابليس بالجنة ، الدوري راح وما فيه أمل يتحقق ، خلك عاقل بس . تتوقع تفوز بخمس مباريات كاملة كلها صعبة ، وانت ما قدرت تفوز على القادسية اللي كل الدوري ما عنده الا خمس نقط . التفاؤل اللي في غير محله ما له داعي . تحياتي .

لا لا لا لا لا لا لا لا لا لا لا لا لا لا لا لا لا لا لا لا لا لا لا لا
مازال في أمل لازم ننسى الماضي ونفكر بالمستقبل مازال في أمل الزعيم فريق المصاعب

إقتباس الرسالة الأصلية كتبت بواسطة الــقـ الأزرق ـلم رح بارك له انت لاننا اذا انتهى الدوري راح نبارك للفائز لكن الدوري توه ما انتهى .. حلو الكلام يعني الدعوه مو مستحيله !! ليش تقول نبارك للاتحاد ؟؟؟ اذا جالس تستهبل بكيفك !!! لكن اذا كنت صادق وجاد فالله يرحم عقليتك !! (حاول تفهم ايش اقصد ) .

ردك كافي و وافي لكل شطحاته و كأنه لا يعرف الزعيم من يكون

إقتباس الرسالة الأصلية كتبت بواسطة عايش الهلالي .. .. ** أنا قلت جملة واضحة جداً .. طالما لم نستطع الفوز على القادسية متذيّل الترتيب على أرضنا فمن باب أولى أن لانستطيع الفوز على الاتحاد بعقر داره .. !! وصلت رسالتي .. أم أنّ في الاعادة إفادة .. !!

أخوي الأهلي فاز علينا في أرضنا وفزنا عليه في أرضه
لا تفقدوا الأمل

إقتباس الرسالة الأصلية كتبت بواسطة همي الهلال اذا فزنا بــ 3 مباريات نضــــــــــــــــمن الـــــــــــــــــــــــــــــــــــدوري

هلا أخوي اسمح لي أقول لك ماهو صحيح فوز 3 مباريات يضمن الدوري .. !!

3 مباريات بـ 9 نقاط ورصيدك فيه 39 نقطه = 48 نقطه

الاتحاد عنده الآن 46 نقطه وفوز واحد على الوحده يقفز لـ 49 نقطه .. !!

ممكن تفهمني وين درست الحساب ؟؟؟