| إقتباس | | | | |
الرسالة الأصلية كتبت بواسطة هلالي$$تشلساوي | | | | | | | |
مشكور اخوي
لاكن كلامك متناقض
انت تقول لو جا الدوخي وجته اصابة من بيكون محله وين راحو الشباب الي انت تقوله
احنا نبي بطولات وعلى ماتقول الدوخي ان شاء الله قدامه 3سنوات باقل توقع مممكن | | | | | |
لا تناقض ولا شي وانا اخوك انت شكلك مافهمت قصدي زين
انا قلت لك لو جا الدوخي واصيب ما راح يكون فيه بديل جاهز لان الخانه بتكون للدوخي فقط سواء كان في مستواه او في غير مستواه
محد ماسكها غيره
يعني كل البدلاء راح يكون مستواهم طبيعي نازل لانهم راح يكونون بعيدين كل البعد عن المباريات
فلو اصيب بنقعد نجرب في خانته مره نامي ومره القحطاني ومره مدري مين لين نلقى لنا احد يسد الخانه ولما يسدها ويتعافى الدوخي راح يرجع ويلقى مركزه مضمون
الدوخي عزيزي مو الاعب اللي يشيل الفريق او ممكن يعول عليه الفريق الكثير كالتايب او تفاريس او ياسر
شوفه الان مع الاتحاد وشوفه اخر ايامه مع الهلال وقارن مستواه قبل
الدوخي مستواه كل ماله في هبوط
وجود لاعبين او ثلاثه يتنافسون على خانه واحده تجعلهم يلعبون بكل جديه وما يفرطون في خانتهم باي حال من الاحاول
عندك اقرب مثال المفرج لما اصيب مالقينا عندنا الا المرشدي
قارن بين مستوى المرشدي اول ومستواه الان ولك الحكم
ولما يبدا المرشدي يتاقلم مع الفريق ويستعيد مستواه وثقته بنفسه بيجي المفرج لمركزه المضمون وبالتالي بيرجع المرشدي لدكه البدلاء وينزل مستواه بعد ما استعاده
وهذا اللي راح يحصل لو عاد الدوخي
ولك اطيب تحيه