:: إسأل والمجلس يجيب :: - صفحة رقم 4 - نادي الهلال السعودي - شبكة الزعيم

الماسه الزرقاء · #46 19/11/2007, 09:01 AM

أعجبني التفاعل كثيراً ,

شكراً يا نبض المجلس على الفكرة يا رائعة , وشكراً لمشرفنا الغالي على الإعداد والمتابعة

وشكراً لكم انتم أعضاء المجلس على متابعة استفسارات اخواتكم واخوانكم ,

لولاه غالي · #47 19/11/2007, 11:02 AM

إقتباس

الرسالة الأصلية كتبت بواسطة جرح يشكي


	س1 / لـ موضفي القطاع الخاص اقدر اغير شركة التامين [ التامين الصحي ] ، مع العلم اني متدرب في قطاع مشترك " شركة الكهرباء " ، اذا اجابتكم بـ نعم ابي رايكم في " ميد قلف " او اي شركة تأمين حلوهـ ورده <<< مقدماً

شف وانا اخوك ماودي اتفلسف عليك (متدرب مدري) بس عندنا في الشركه لهم اتفاقيه مع شركة ميدقلف لتامين الصحي ( الطبي ) على حسب مايعطونك فئة في التامين مثلا لواعطوك B بينهضم حقك في المشتفيات الكبيره اما الصغير فالغالب يزلبونك ويخلوونك تحاسب اعطيك مثل عندنا عامل بالشركه معه تامين C راح لمستشفى الفلاني وقالوا له التامين مايشملناطبعا بعد العلاج رفعنا لميدقلف خطاب بفواتير المستشفى ان المستشفى مذكور في المستشفيات الوارده في الخطاب ولم يتم العلاج على التامين لرفض المستشفى الكرت تبع التامين فارسلونا فلوس بكامل قيمة العلاج

فانصحك وانا اخوك تدور تامين طبي غيره لان المصداقيه لدى العملاء المؤمن عليهم بالفئه VIP بس لخوف المستشفيات من المدراء لعلمعهم بان اصحاب VIP اقوياء فلاعزاء دام اللي مستلم هالشغله اجنبي ...؟

الله يعين وييسر امورك حبيبي
انحش عن الميد قلف

وامن بصحتك عند ربك

بالذكر واعذرنا على الاطاله <= زودها بالفلسفه شوي

لولاه غالي

غلاهم وماخذه حلاهم · #48 19/11/2007, 05:41 PM

مشكوره يامحبوبة الزعيم وانا تقريبا كنت ابغى عن جامعة الملك سعود

تسلمين يالغاليه

فرصه ضايعه · #49 20/11/2007, 05:53 AM

ماشاء الله .... ماشاء الله

دايم تبهرونا بأفكار رائعه

...

الله يجزاكم خير عليها

...

ماعاد فيه اسئله اقدر ارد عليها ...
لذلك بحط لكم سؤال عندي

....

تتوقعون اسعار الاب توبات بينخفض سعرها مع الكريسمس

؟؟!!!!
<<< واصلها خبر وماتدري تصدقه أو لا

الحين فيه واحد جايز لي بس كل مرة ينخفض سعره

وكل مرة أقول بشتريه بعد كم يوم الين يقل بعد

طيب وش رايكم بالاتش بي

<<< ناويه عليه

لا تقولون لي ديل معكم أنا بس أنه ثقيل حبتين

...

يالله مشكورين مقدماً

,,,

وكل الشكر لأسيرتنا ومشرفنا سهل

فأنتم من أهم عناصر الإبداع ربي يخليكم لنا

,,

سلاااااااااااااااام ,,

dal3_uae · #50 20/11/2007, 07:28 AM

يعطيكم العافيه ... على فتح هالموضوع

عندي سؤال :

... ما هي التخصصات التي توجد في جامعة الملك فهد ؟؟
وهل بامكان الطلاب من دول مجلس التعاون ... التسجيل في الجامعه ... ؟؟

جرح يشكي · #51 20/11/2007, 06:45 PM

مولع بـ الهلال ، لولاه غالي

الله يعطيك العافيه ، وما قصرتوا

اخوي متعب انا بـ اراجع الادارهـ بكرهـ وبشوف اذا ممكن اختار شركة تامين صحي ، واذا قالوا اقدر اختار

ابي انط لك واخذ اسماء المستشفيات

شكراً
أسيرهـ ـ شكراً سهل

Abo Saud Alhilaly · #52 20/11/2007, 11:11 PM

السلام عليكم

عندي سؤالين واحد صدزي واحد خرطي

السؤال الصدزي : أنا طالب دبلوم , و إن شاء الله ناوي أنتسب في جامعة لدراسة البكالوريوس في جامعة الملك عبدالعزيز , لكن هل من الممكن إني أقدم على دراسات عليا و انا البكاليوريوس عندي إنتساب ؟؟

السؤال الخراطي

: مناحي في مسلسل بيني و بينك وراه سلم نفسه للشرطه أخر حلقة ؟؟

متلثمة بشال الهلال · #53 20/11/2007, 11:49 PM

^^^^
ابجاااوب على سؤالك الخراطي << سلم نفسه للشرطه لان دوره في المسلسل كذا ..

عالم الهلال · #54 21/11/2007, 12:56 PM

اسيرة الزعيم & سهل

فكرة رائعة وماهي غريبة عليكم

فرصة ضايعة اجهزتنا مختلفة ومن ضمنها hp صراحة ممتاز لكن احس ماهو عملي
واكيد فيه منه موديلات جديدة
بس دايم اشوف ينصحون فيه في قسم الكومبيوتر..

موفقة يارب ..
اختك

صقر فيصل · #55 21/11/2007, 05:51 PM

فرصة ضايعة..

أجهزة اللابتوب تختلف بحسب الاستخدام..
إن كان الاستخدام عملي وقوي فتوجد أجهزة لينوفو (آي بي إم سابقا) وكذلك دل..
وإن كان الاستخدام ترفيهي فالأقوى توشيبا.. ولكن توشيبا غالي..
إن كان السعر هو فقط ما يهمك.. فـ أيسر (acer) لابتوباته رخيصة..
hp جيد.. لكني حطي في بالك التجميع سعودي..
ليس تقليلا.. ولكن جودة اتش بي اليوم ليست كجودة اتش بي قبل 8 سنوات..
أن اللابتوب الذي تنوين شراءه أن الرام يكون جيجا أو أكبر..
وذلك من لأن كل البرامجة القادمة.. تحتاج إلى 1 رام كحد أدنى!!
أرجو أن أكون أفدتك..

..،

دلع الامارات

جامعة الملك فهد فيها 6 كليات:
بصفة عامة فيها جميع التخصصات الهندسية:
هندسة البرمجيات، هندسة الحاسب، هندسة النظم، هندسة الكهرباء، الهندسة الميكانيكية، والهندسة المعمارية، وهندسة البترول وغيرها..
بالإضافة للتخصصات الإدارية: الإدارة المالية والإدارة والتسويق والمحاسبة ونظم المعلومات..
والتخصصات العلمية: الفيزياء والجيولوجيا وغيرها..

وتقبل الطلاب الخليجيين..
ولكن الجامعة مخصصة للرجال.. لا يوجد فيها قسم نسائي..

..،

ابو سعود الهلالي..

لا يهم هل الدراسة انتساب او انتظام من أجل الماجستير..
المهم ان تحقق أعلى من المعدل المطلوب..
وهو في جامعة الملك عبد العزيز 3 من 5..

Abo Saud Alhilaly · #56 21/11/2007, 10:07 PM

إقتباس

الرسالة الأصلية كتبت بواسطة abo sager


	ابو سعود الهلالي.. لا يهم هل الدراسة انتساب او انتظام من أجل الماجستير.. المهم ان تحقق أعلى من المعدل المطلوب.. وهو في جامعة الملك عبد العزيز 3 من 5..[/CENTER]

الله يجزاك خير

,,

يعني اهم شي الدراسات العليا يقبلون بكلوريس إنتساب ..

بريماكس · #57 22/11/2007, 12:19 AM

::

فكره رائعه والله .. ! انا عندي اسئله بسيطه وان شاء الله كل ثقه بان اخواني واخواتي
يساعدوني عليها !

س1 / فيه واحد عزيز علي احبه حب ماله حد

، وودي اهديله هديه وابغى هديه تكون
متواضعه و ذكرى وزي كذا .. واما القيمه فعادي اهم شئ لاتتعدى الـ 50000

احذفوا اخر ثلاث اصفار

س2 / ابي شقق عزابيه تكون حلوه ورخيصه وحبذا رقمه حتى احجز قبل لا اجي للرياض!
وياليت لو تكون بشرق الرياض

لاني صراحه بمباراةالهلال والنصر حسنا ومالقيناشقق
عزابيه الا بعد ماملينا من الدوران

> يارب يفهمون زكرت الرياض علشان يعزمونن لمني
جيت للرياض

فكرة - أسيرة الزعيم ورده إعداد - سهل وردهورده

كل يوم تطلعون فكره احلى من اللي قبل

.. الله يعطيكم العافيه على جهودكم ،

تدرون ليش حطيت ورده قدام اسيره ووردهورده قدام سهل لان الذكر له مثل حظ الانثيين

تحياتي .. وردهوردهوردهوردهوردهوردهوردهوردهورده

LBa your heart · #58 22/11/2007, 02:00 AM

إقتباس


	س1 / فيه واحد عزيز علي احبه حب ماله حد ، وودي اهديله هديه وابغى هديه تكون متواضعه و ذكرى وزي كذا .. واما القيمه فعادي اهم شئ لاتتعدى الـ 50000 احذفوا اخر ثلاث اصفار

أشتر له شريط قصايد ياسر التويجري <- ذبه بيني وبينك

تعرف الحين كلن يدور له شي مميز وش رايك تأخذ له رقم مميز بس لازم تكون سوا

أما سؤالك الثاني مااقدر افيدك لاني من شمال الرياض

فرصه ضايعه · #59 22/11/2007, 07:11 AM

عالم الهلال

الله يعطيك العافيه

...
بس ماعطيتيني جواب كافي

إقتباس


	اجهزتنا مختلفة ومن ضمنها hp صراحة ممتاز لكن احس ماهو عملي واكيد فيه منه موديلات جديدة بس دايم اشوف ينصحون فيه في قسم الكومبيوتر..

مرة تقولين مب عملي

ومرة تقولين ينصحون فيه قسم الكمبيوتر

ارسي لك على بر

>>> احمدي ربك ردت عليك

والله مشكورة مرة

يكفي ردك علي والله على الأقل أحد عبرني ورده

ابو صقر

الله يجزاك خير ماقصرت معي

إقتباس


	إن كان الاستخدام عملي وقوي فتوجد أجهزة لينوفو (آي بي إم سابقا) وكذلك دل.. وإن كان الاستخدام ترفيهي فالأقوى توشيبا.. ولكن توشيبا غالي.. إن كان السعر هو فقط ما يهمك.. فـ أيسر (acer) لابتوباته رخيصة.. hp جيد.. لكني حطي في بالك التجميع سعودي..

أنا أبي قوي وترفيهي

<<< ياشين اللي يحب التحجير

توشيبا نصحني واحد من قسم الكمبيوتر بمنتدى ثاني وعطاني رقم الجهاز
ماكان سعره غالي

تقريبا حدود الأربعه
بس قريت أن المخارج حقته على طول تخرب

زي مخرج الصوت واليو اس بي
فصرفت النظر عنه

خالي يمدح لي جهاز اتش بي

يمكن لأن جهازه نفس الشي

سيمنس ماافكر اشتريه

<<< مسوي لهم مأساة

ايسر يقولون يتحمل بس مامدحوه لي مع أن اسعاره حلوة

إقتباس


	أن اللابتوب الذي تنوين شراءه أن الرام يكون جيجا أو أكبر.. وذلك من لأن كل البرامجة القادمة.. تحتاج إلى 1 رام كحد أدنى!!

مافيها كلام الله يجزاك خير

حدودي بالاب توب بالاربعه وشوي

يالله نبي نصايح ثانيه

عالم الهلال · #60 22/11/2007, 07:38 AM

فرصه ضايعه

حسيت اني حوسة انا وردي

hp جيد استخدامه لكن مثل ما قلت احسه ماهو عملي الزين مايكمل..يمكن لانه جهاز الوالد احسه شخصيه..
ايسر عملي وما هو غالي لكن بطاريته بسرعة تفرغ..
توشيبا ممكن يتفوق على الكل تجيه اصابات لكنه صامد ..احسك بتشترينه..

ادري ردي هذا حيرك وعقدك بزيادة لكن حبيت اوضح ورد ابو صقر كافي
ونشوف ردود الباقين
اقول سوي موضوع تصويت وارتاحي..

موفقة ورده