:: إسأل والمجلس يجيب :: - صفحة رقم 26 - نادي الهلال السعودي - شبكة الزعيم

امبراطورة الامارات · #376 01/01/2008, 07:59 PM

10 و نص بتوقيت
UAE
10 بتوقيت
الرياض
و 9 ونص بتوقيت
KSA

Bojan Krkic · #377 01/01/2008, 08:51 PM

إقتباس

الرسالة الأصلية كتبت بواسطة ALMALAKY


	هلا فيكم ..الله يعطيكم العافيه الي عنده خلفيه سالفه أسئلة الثالث ثانوي حقت الأختبارات الفصل الثاني سمعت ان الأسئلة موب من الوزارة .. البطل الي يعطيني خبر صحيح ويوضح هذا الموضوع لاهنتوا ..

اللي سمعته ان اختبارات الفصل الاول من المدرسه نفسها

اما الفصل الثاني من الاشراف كل مدرسه يتبادلون الاسئله وهذا اهون من الوزاره

هلالي غامدي · #378 02/01/2008, 02:34 PM

السلام عليكم ورحمة الله وبركاته

طبعا نتايج القدرات نزلت أمس وشفت نتيجتي ولقيتها 73 %

وطبعاانا ماني راضي عنها فياليت اذا احد عندهـ خبرة أو طريقة يخليني

انمي نفسي شوية في الكمي واللفظي ولا دورات هنا على الانترنت والا اي شي

وحتى اللي عنده نصيحة باقبلها منه

لاني والله ناوي ادخل الاختبار الجاي وانا جاهز وانشاء الله احاول اجيب درجة افضل

بلله والله اني ابغى فزعتكم يا النشاما

وابغى واحد يقوللي اذا 73% نتيجة زينة ولا لا

فرصه ضايعه · #379 02/01/2008, 05:30 PM

السلام عليكم ورحمة الله وبركاته

حابه استفسر عن حاجه قلت مالي إلا أعضاء مجلسنا الغالين ورده

وبما أنكم خدمتوني قبل في نفس هالموضوع

فأكيد أنكم ماراح تقصرون معي

...

أبي كل واحد يعطيني المواصفات اللي يحبها بالكوفي شوب اللي يتكي فيه

من ديكور ... خدمه ... موقع كل أبو شي

وعطوني بعد اشياء خنفشاريه ماقد شفتوها وودكم تتوفر بكوفي

وهل تتوقعون أن فيه ربح جيد لو كان خاص بالنساء بس

الموقع أكيد بالشرقيه ,,,

عندي أفكار واجد بس يبيلها ميزانيه ثقيله نوعا ما

بإنتظاركم ورده

حكر المنحكر · #380 02/01/2008, 06:08 PM

طلب: ابي كتاب قوة عقلك الباطن جوزيف ميرفي كامل للتحميل وشكرا

سؤال: وين احصله على النت

leader-imf · #381 03/01/2008, 04:39 PM

إقتباس

الرسالة الأصلية كتبت بواسطة فرصه ضايعه


	السلام عليكم ورحمة الله وبركاته حابه استفسر عن حاجه قلت مالي إلا أعضاء مجلسنا الغالين ورده وبما أنكم خدمتوني قبل في نفس هالموضوع فأكيد أنكم ماراح تقصرون معي ... أبي كل واحد يعطيني المواصفات اللي يحبها بالكوفي شوب اللي يتكي فيه من ديكور ... خدمه ... موقع كل أبو شي وعطوني بعد اشياء خنفشاريه ماقد شفتوها وودكم تتوفر بكوفي وهل تتوقعون أن فيه ربح جيد لو كان خاص بالنساء بس الموقع أكيد بالشرقيه ,,, عندي أفكار واجد بس يبيلها ميزانيه ثقيله نوعا ما بإنتظاركم ورده

السلام عليكم ..

أول رد لي في الموضوع ..

فرصه ضايعه في اي مشروع اهم شي الميزانيه
ويكون متكامل ..

يعني إذا تبين مشروع مركز ترفيهي كامل شوفي كم يكلفك
كوفي شوب + انترنت + بلايستيشن + صاله العاب

طبعا لازم يكون المحل كبير في المساحه
يعني ممكن الايجار من 50 الف إلى 100 الف في السنه
على حسب الموقع والمساحه

مستلزمات الكوفي شوب من ثلاجات ومكائن وغيرها
من 10 إلى 15 الف
+ شاشه تلفيزيون كبيره بحوالي 10 إلى 15 الف ريال

مستلزمات الانترنت الاجهزه
لو قلنا 10 أجهزه من 2500 ريال = 25 الف

مستلزمات البلاستيشن
10 تلفزيونات من 500 ريال = 5000
10 اجهزه ps3 من 2000 ريال = 20000

مستلزمات صالة الالعاب
5 طاولات بلياردو من 1500 = 7500 ريال
على كم طاوله فرفيره وتنس = 2000 ريال
لاتنسين جيبي لهم كيرم

الديكور من 30 الف إلى 50 الف ريال
+
اشتراكات انترنت وقنوات فضائيه
+
رواتب للعاملات اقل شي خمس عاملات وفواتير كهرباء
+
مبلغ بسيط لتوفير الاشياء المستهلكه باستمرار ..

تطلع التكلف الاجماليه للمشروع
من 150 الف ريال إلى 230 الف ريال
ممكن تقللين من التكلفه بتقليل العدد
يعني مثلا بدل 10 تكون 5 وهكذا .

والربح كبير يعتمد على الخدمه والنظافه والتعامل
ولاجهزه الموجوده
واهم شي التصريح بيكون لحد الساعه كم ..

إذا كان فيه اشياء ما تبين تكون موجوده
اخصمي تكلفتها من الاجمالي ...

اهم شي الاشياء الي تجيبينها في المحل تكون جديده
وذات جوده عاليه لان الي اي كلام كم شهر وتنعدم
والدعايه للمحل والصبر في الفتره الاولى .

إذا كانت التكلفه عاليه جدا والفكره جيده
ابدي بنفس الفكره ولاكن بشكل صغير
وبعد كل فتره تحاولين تزيدي شوي ..

وبتوفيق إن شاء الله ..

تحياتي ..

&& هلااااااليه && · #382 03/01/2008, 06:49 PM

فيه فكرة موضوع براسي يحتاج مساعده من الادارة وشلون اوصله لهم ؟؟؟؟

القيصر رهيب · #383 04/01/2008, 02:35 AM

إقتباس

الرسالة الأصلية كتبت بواسطة && هلااااااليه &&


	فيه فكرة موضوع براسي يحتاج مساعده من الادارة وشلون اوصله لهم ؟؟؟؟

الادارة مرة وحده ؟

بس تقدرين توصلين لهم عن طريق المشرفين

هلالية من زمن آخر · #384 04/01/2008, 03:58 AM

فرصه ضايعه

مشروع عنيف الله يوفقتس يالغالية ورده

عندي سؤال من زمان ابي اساال وتوي اتذكر ان عندنا مجلس للأسئلة

ياحبني له هالمجلس ورده

الحين متعب بن حمد السعيد كم عمره بالضبط ؟

الله يشفيه يارب ويطمن قلب ابوه عليه وجميع مرضى المسلمين

بريماكس · #385 04/01/2008, 04:07 AM

^^^
ليش هالسوال اللي مدري وش لون جاي ؟

عمره 13 ان ماخاب ظني

>> اخراص قايله

دعواتي له بالشفاء ؟ الا مير وش سالفته هو ؟

الهنوووف · #386 04/01/2008, 04:15 AM

فرررصه

الفراغ عامل عمايله فيك

المشرووع حلــووو
ونجاحه بيكون مثل ماذكر اخوي ليدر على الخدمه والتعامل والكفاءه بكل شي والتميز

يعني اذا طلع فخم وكشخه

واسعاره مناسبه والاشياء المتوفره حلوووه بيطلع

بس اتوقع يبي راس مال كبيررر اذا تبين ينجح
خصوصا لو كان كبيررر والخدمات كثيره

اتوقع البنات مايحتاجووون لشي بالكوفي الا نت

يعني بلاستيشن وهالاشياء ماتوقع يبونها البنات يازيني رايحه كوفي علشان العب

اهم شي شاشه عرض كبير تنقل المباريااات الحصريه

دخليني شريك معــاك

ونسوي نادي كبير

بس بالرياااااااااااااااااااااااااااااااااااض (ورده وقلب )

بالتوووفيق

الهنوووف

كانت

هنا

ورحلت

هلالية من زمن آخر · #387 04/01/2008, 04:32 AM

إقتباس

الرسالة الأصلية كتبت بواسطة بريماكس!!


	^^^ ليش هالسوال اللي مدري وش لون جاي ؟ عمره 13 ان ماخاب ظني >> اخراص قايله دعواتي له بالشفاء ؟ الا مير وش سالفته هو ؟

بس كنت ابشوف متقطع قلبي على أبــوه

ياعمري يعني صــغيـر

الله يشفيه يارب ورده

شكرا بريماكص ورده

هلالية من زمن آخر · #388 04/01/2008, 04:35 AM

إقتباس


	بس اتوقع يبي راس مال كبيررر اذا تبين ينجح خصوصا لو كان كبيررر والخدمات كثيره اتوقع البنات مايحتاجووون لشي بالكوفي الا نت يعني بلاستيشن وهالاشياء ماتوقع يبونها البنات يازيني رايحه كوفي علشان العب

الا والله بلاي ستيشن حبي وحياتي ورده --> طفرة جينية بين البنات خخخخخخخخخخ

وشسمه اذا نويتوا تسوون في الرياض دخلوني معكم شريك

الله يوفقتس يافررصه وان شاالله تبدعين وتنجحين ويشتهر الكوفي عشان اقول للناس تراني كنت اعرفها قبل لايشتهر محلها -> يمديكم على محلها

انواع المبزره

هلاليه سنعه · #389 04/01/2008, 05:09 AM

هلا وغلا بفرصه من زمان عنتس مشتاقين لتس ..
والله حركاااات يختي من زمان وانا اقول ليش مايحطون للبنات كوفي
مانلقى مكان صاحي نجتمع فيه ملاهي مبزره والسوق دورة راس
انا اقترح تحطين الديكورات مختلفه يعني مو لون واحد وشكل واحد..
وياليت تشوفين ديكورات توتي كافيه مره خطيره ورايقه وذوق ..

وزي ماقالت الهنوف شاشة عرض كبيره مهمه
وطبعا نت يكون واير لس
والاكل مو بس حلويات يكون فيه ساندوتشات
سلطات لأن يمكن اللي تجي تتعشى وماتغدت..

وحلو زي فكرة مقهى سيراميك الرسم على السيراميك مره روعه
ولو يكون قسم مثلا فيه خرز انواع كثيره يقدرون يصممون
اساوره وسلاسل وشغلات حلوه ..
يعني يسولوفون ويستفيدون ..

مدري هذا اللي عندي وااذا فيه افكار ثانيه ابحطها لك..
بس طلبتس حطي لنا فرع بالرياض ..

والله يوفقك فرفر ويسهل امرك ويكتب لك الخير ..
تستاهلين كل خير ربي يحفظك ..

دمتي بخير ..‘‘

فرصه ضايعه · #390 04/01/2008, 06:05 PM

وعليكم السلام ورحمة الله وبركاته

يالله حي أخوي leader-imf

يشرفني يكون أول رد لك هنا بجوابك على سؤالي ورده

ردك يبيله مخمخه وآله حاسبه وشغل عدل

...

خلنا نبدا نناقشك فيه

إقتباس


	كوفي شوب + انترنت + بلايستيشن + صاله العاب

أنا مافكرت بمركز ترفيهي متكامل
كنت حاطه براسي كوفي شوب + نت وممكن شاشه عرض بروجكتر للمباريات بس
بس ممكن نضيف الأشياء الثانيه ليش لا

إقتباس


	طبعا لازم يكون المحل كبير في المساحه يعني ممكن الايجار من 50 الف إلى 100 الف في السنه على حسب الموقع والمساحه

والله ماظنتي بلقى زي هالسعر

أنا اعتقد أكثر من كذا ... وكل ماكبرت مساحته كل مازاد اجاره

إقتباس


	مستلزمات الكوفي شوب من ثلاجات ومكائن وغيرها من 10 إلى 15 الف + شاشه تلفيزيون كبيره بحوالي 10 إلى 15 الف ريال

ماكنك مقلل الأسعار بقوة هنا

إقتباس


	مستلزمات الانترنت الاجهزه لو قلنا 10 أجهزه من 2500 ريال = 25 الف

هذي ممكن نستغني عنها لأن بنظري تشغيل خدمه وايرلس مجانيه أفضل

إقتباس


	مستلزمات البلاستيشن 10 تلفزيونات من 500 ريال = 5000 10 اجهزه ps3 من 2000 ريال = 20000

هذي مافكرت فيها

ممكن نضيفها

إقتباس


	مستلزمات صالة الالعاب 5 طاولات بلياردو من 1500 = 7500 ريال على كم طاوله فرفيره وتنس = 2000 ريال لاتنسين جيبي لهم كيرم

حتى هذي مافكرت فيها

إقتباس


	الديكور من 30 الف إلى 50 الف ريال

مايجيب شي وأنا أختك

يمكن أكثرهن ميزانيه هو

والاعتماد الرئيسي كله عليه

يبيله أكثر من كذا بواجد

إقتباس


	تطلع التكلف الاجماليه للمشروع من 150 الف ريال إلى 230 الف ريال

لوه كذا بيكون حلو

بس والله ماظنتي

إقتباس


	واهم شي التصريح بيكون لحد الساعه كم ..

طيب وش الأفضل بنظرك إلى كم

إقتباس


	إذا كانت التكلفه عاليه جدا والفكره جيده ابدي بنفس الفكره ولاكن بشكل صغير وبعد كل فتره تحاولين تزيدي شوي ..

الله يجزاك خير ورده

تطرقت للخدمه أكثر شي بس الديكور والموقع ماعطيته وجه

نبي نشوف رايك فيهن

ولو فيه أشياء غير متعارف عليها براسك لا تحرمنا منها

الله يسعدك ويوفقك زي مااسعدتني بردك ورده