اخوي الاولاني ...
انت رهيب ،، وبصراحة ما ادري وش اقولك
بس اسمع
انا قصدي الدوري الايطالي والاسباني ومهيب شينة الانجليزي .
ولا السعودية والقنوات العربية هين عندي دش وتطلع عليها
بس انا قصدي الدوري في اوروبا
عندي حوالي 18 قناة espn باشتراك ديجتل مع AT&T ،، تخيل ولا وحدة تتكرم وتنقل كرة قدم من اي دوري اوروبي
بالنسبة لدوري السلة فنعم لوس انجلوس ليكرز مهوب صاحي ولقمنا تلقيمة يحبها قلبك هنا في ارضنا كولورادو نجيتس ،، بس في كرة القدم الأمريكية NFL فريق ولايتنا هو في القمة على امريكا كلها ( كولورادو برونكوز)
بالنسبة انك ترسلي مباراة ،، يا حبيب قلبي لا خلا ولا عدم نشمي والله يالاولاني ،بس الحين اقدر اشوف المباريات ،، مباراتنا مع النصر على البطولة العربية ما كنت مركب دش ، وما شفتها ،، قلت لخوي يرسلها لي بالدي اتش ال ( ترى دي اتش ال خياس هنا اليو بي اس في القمة يليه الفيديكس ) ، المهم جاني الشريط ويوم احطه بالفيديو ما رضى يشتغل ، وسألت واحد من العيال قالي صباح الخير النظام غير NTC و PAL وما رح يشتغل ،، وش اسوي وش اسوي ؟؟؟ ، واروح محل اجهزة الكترونية وادور على فيديو ملتي سيستم بالاضافة ان فيه كونفيرتل اتوماتيكي بالداخل ، ويوم سألت عن سعره قالو لي 800 دولار ،، طبعا مجنون من يشتريه ، بعد ما سألتهم شوية أسأله قلت هاته بشتريه ، كتبتلهم شيك واخذت الفيديو وطيران على البيت وظبت الشاهي وتكيت وتفرجت على المباراة ، وثاني يوم عدتها وتفرجت عليها وبعد اسبوع اخذت الفيديو ورجعته لهم ،، ولا تكلمو معاي كلمة وحدة ، بس قالتلي فيه سبب معين ما أرضاك بالفيديو ، قلتلها نعم لقيته على الانترنت ارخص قالتلي اوكي وقع هنا وبتوصلك فلوسك للبيت ، وفعلا بعد ست ايام وصلني شيك بالبريد بنفس المبلغ .
المهم في الموضوع ان ما عندي استعداد اغامر بـ 800 دولار ثاني مرة .
تسلم لي تسلم لي يالاولاني على اللنكات ، ما قصرت والله نردها لك بالافراح انشالله .
------------------
كــل عـــام وانـــت الهـــلال ،، عسى الــلــه لا يــفــرقــنا
الوضع العادي
