الشهادات - نادي الهلال السعودي - شبكة الزعيم

بني حارث · #1 17/02/2008, 04:59 PM

السلام عليكم ورحمة الله وبركاته
بدخل بالموضوع على طول
اليوم ولله الحمد وبعد جهد جهيد تم تسليم الشهادات

يعني العالم ماخذينها من ثاني يوم إجازة لكن مدرستنا لحالها

المهم يعني من الحصة الأولى طبعا وحنا نسولف ومنحاشين يعني بالله عليكم
أحد له خلق ثاني يوم أول حصتين رياضيات وبعدها كيمياء وفيزياء وأحياء وجدول زي
الزفت ولا وحدة من المعلمات غايبة

المهم ومن الحصة الأولى وكل ما رحنا لهم وحنا نطالب بالشهادات ويقولون لنا هالحين

يعني تسكيتة
أما البنات والله دخلت الفصل في الفسحة بالعادة ما فيه أحد يقعد فيه
شكلهم يكسر الخاطر اللي سرحانة واللي تبكي واللي وجهها مدري وش لون أسود
والله الود ودي أصورهم بي عاد تدرون
المهم وفي آخر الدوام جت الذبيحة وبما إني أنا ووجهي اسمي آخر الأسماء يعني
لازم أنتظر

بس لا على مين؟؟؟؟؟؟؟؟؟؟
رحت وسويت نفسي ألحق وحدة من صديقاتي وأعطي الأستاذة ذيك البكس على كتفها
والشهادات تتطاير منها

المهم وحوووووووووسة شكلنا وأناظر في شهادتي
لا مو معقول أنا أجيب هالنسبة ما أصدق يعني من جد انصدمت أول مرة
والله ربع ساعة بس أناظر في الإسم أتأكد

وأناظر في النسبة
وبعدين تجي وحدة من البنات كف على وجهي اللي وعّاني
وألتفت وأحظنها وأنا أبكي
ما أدري ليه أحسه انجاز اللي سويته

أبرار:ألف مبروك يا عمري تستاهلين
أنا :الله يبارك فيكي لا مو متوقعة
أبرار:أقول ما كأنك مصختيها بس كسرتيني

أنا:أقول انقلعي بس الشرهة مو عليكي علي أنا اللي أحظنك

بعد شوي ألتفت على البنات أشكالهم تضحك
يعني اللي تبكي من الوناسة وصراخ وهبال
أعتقد اليوم المدرسة تعبت دمووووووووووع
طلعت من الفصل أناظر بنات الأدبي
أقسم بالله ما أحد فالنها إلا هم
يعني ما فرقت معهم الستين زي التسعين

المهم بعد هالموضوع اللي ماله داعي أبغى أسأل سؤال
المعدل التراكمي يحسب من الفصل الأول لثاني ثانوي ولا من الفصل الثاني؟؟؟

دمتم بود

بني حارث

الزيرابوعزيز · #2 17/02/2008, 06:07 PM

مبرووووووووووووووووووووووك النجاح
<<<<<<اليوم ماسكة معه على التبريكات والتهاني

إقتباس


	رحت وسويت نفسي ألحق وحدة من صديقاتي وأعطي الأستاذة ذيك البكس على كتفها والشهادات تتطاير منها

وين عايشين بشيكاغوا

بس حلوة الحركة
لو انا من الاستاذة<<<<يؤ

<<<شكله خش جو مع مدرسة البنات

<<<صحصح يا ابوعزيز
طيب وش بتسوي ابضف الشهادات وماراح اعطيهم اياه الا نهاية العام <<<لعانة

بالنسبة لسؤالك
<<<<< مخلص ثانوي من اكثر من عشر سنين<<<<قديم <<< يعني ما عندي خلفيه عن الموضوع

حبينا نبارك لك على النجاح
تقبل مروري

القيصر رهيب · #3 17/02/2008, 06:28 PM

مبروك النجاح

يا مريم <<<

والمعدل التراكمي يحسب لك من الفصل الاول من الثاني ثانوي

بالتوفيق

Tнe LeaDeя MiLaи · #4 17/02/2008, 07:00 PM

مبروك النجاح

والظاهر انه ينحسب المعدل

مع اني مادري وش السالفه لاني متخرج من المدارس منذ مبطي وحتى من الجامعه

بس ينحسب

عالي الطيب الهلالي · #5 17/02/2008, 07:03 PM

الف مبرووووووووووووووووووووووك

هلالية حرة · #6 17/02/2008, 07:49 PM

مبرووك عقبال التخرج
والله انك صادقه ودي أصور البنات وقت تسليم النتايج اللي تصارخ واللي عادي ماهما واللي تصيح

بني حارث · #7 17/02/2008, 07:56 PM

إقتباس

الرسالة الأصلية كتبت بواسطة الزيرابوعزيز


	مبرووووووووووووووووووووووك النجاح <<<<<<اليوم ماسكة معه على التبريكات والتهاني وين عايشين بشيكاغوا بس حلوة الحركة لو انا من الاستاذة<<<<يؤ <<<شكله خش جو مع مدرسة البنات <<<صحصح يا ابوعزيز طيب وش بتسوي ابضف الشهادات وماراح اعطيهم اياه الا نهاية العام <<<لعانة بالنسبة لسؤالك <<<<< مخلص ثانوي من اكثر من عشر سنين<<<<قديم <<< يعني ما عندي خلفيه عن الموضوع حبينا نبارك لك على النجاح تقبل مروري

الله يبارك في حياتك
تصدق أشوى إنك ما تدرس بنات
مشكور أسعدني مرورك

بني حارث · #8 17/02/2008, 07:57 PM

إقتباس

الرسالة الأصلية كتبت بواسطة القيصر رهيب


	مبروك النجاح يا مريم <<< والمعدل التراكمي يحسب لك من الفصل الاول من الثاني ثانوي بالتوفيق

هلا والله
وأقول ليه الموضوع منور
أثاري البوكيمون موجود
الله يبارك فيك

@الالماسه الهلاليه@ · #9 17/02/2008, 08:20 PM

مبرووووووووووكـ على النجاااح

اما حنا امس استلمنا الشهاداتـ

ياهي فضاايح

بس الحمدلله عدت على خير

اما اشكال البنااتـ تضحكـ الي زعلانه وماتكلمـ احد ليهـ علشانه جايبهـ96%سته وتسعين بالميه

وزعلانهـ

اما انا وصديقتي

خلونيـ ساكتهـ احسنـ

بني حارث · #10 17/02/2008, 08:37 PM

إقتباس

الرسالة الأصلية كتبت بواسطة الزعيم الروسنيري


	مبروك النجاح والظاهر انه ينحسب المعدل مع اني مادري وش السالفه لاني متخرج من المدارس منذ مبطي وحتى من الجامعه بس ينحسب

الله يبارك فيك
دام إنت مصر إنه ينحسب أجل خلاص ولا
تزعل
أسعدني مرورك

بني حارث · #11 17/02/2008, 08:38 PM

إقتباس

الرسالة الأصلية كتبت بواسطة عالي الطيب الهلالي


	الف مبرووووووووووووووووووووووك

الله يبارك فيك
مشكور على المرور

بني حارث · #12 17/02/2008, 08:41 PM

إقتباس

الرسالة الأصلية كتبت بواسطة هلالية حرة


	مبرووك عقبال التخرج والله انك صادقه ودي أصور البنات وقت تسليم النتايج اللي تصارخ واللي عادي ماهما واللي تصيح

الله يبارك فيكي
وإياكي إن شاء الله
ههههههههه لا تذكريني أنا أضحك على نفسي
لا عدمناكي حبيبة قلبي

بني حارث · #13 17/02/2008, 08:46 PM

إقتباس

الرسالة الأصلية كتبت بواسطة @الالماسه الهلاليه@


	مبرووووووووووكـ على النجاااح اما حنا امس استلمنا الشهاداتـ ياهي فضاايح بس الحمدلله عدت على خير اما اشكال البنااتـ تضحكـ الي زعلانه وماتكلمـ احد ليهـ علشانه جايبهـ96%سته وتسعين بالميه وزعلانهـ اما انا وصديقتي خلونيـ ساكتهـ احسنـ

الله يبارك فيكي
الحمدلله أما ذي اللي 96%
احمدي ربك عليها
فيه بنات والله جايبين 99,54% ومعترضين
لا واضح من ردك إنك

نورتي الموضوع

باسكن روبنز · #14 17/02/2008, 09:00 PM

~~ ()**() مبـــــروك ()**() ~~

/
\
/
\

واعتقد ان التيرم الاول والثاني ينحسبون كلاهما في المعدل ..

Tнe LeaDeя MiLaи · #15 17/02/2008, 09:08 PM

إقتباس

الرسالة الأصلية كتبت بواسطة بني حارث


	الله يبارك فيك دام إنت مصر إنه ينحسب أجل خلاص ولا تزعل أسعدني مرورك

لا مصر على رايي

بس الله يعينكم يامجتمع الفتيات

تتخرجون بنسبه 99.9% واخرته جالسه بالبيت

لا وظيفه ولاشي

هذا خلل بالديوان الخدمه المدنيه

المفروض يوفرون وظايف متنوعه للخريجات